تجمع الحوامل اللواتي يلدن بشهر آب ( اغسطس8) 2009

هلا بالكروشات
بجعة ماتشوفي شر
ارتاحي ومددي ريولج ودوم خلي وسادة وراء ظهرج ووحدة تحت ريولج
وخليها مرتاحة لاحقة على فوضتها بعد ما تطلع خخخ

ام نمير انا مثلج بعدني ما حسيت بالحركة ولا عرفت جنس البيبي

بلبولة عسى خير عادي ترا الجنين يجيله فترات ركاد وفترات نشاط لا تحاتي
واكلي حبة شوكلاته بتشوفي الجنين يترافس

انا بعد رقدة العصر حسيت بالحركة .. صج استانست و حسيت اني تطمنت .. و يا ناس انا ليحين ارجع :( تمللت ...

بلبولة حمدلله تطمنتي .. عسى يجي دوري
وعشان اللوعة لا تنسي كل صباح خذيلج بسكويت زنجبيل يخفف اللوعة ان شاء الله

مشكورة اختي سونيا و ان شاء الله تحسين بالحركة قريبا جدا ..
انا توقيت الحركة غالبا ما يكون بعد قومتي من النوم .. فجربي بكرة الصبح اول ما تصحين .. استلقي على ظهرج ورخي روحج و حطي يدج على بطنج ، تحت السرة بأربع اصابع و حاولي تتحسسين وين مكان البيبي .. يابس شوي بيكون .. و انتظري دقايق و تكلمي معاه و ان شاء الله بتحسين برفسة البيبي ..

السلام عليكم بنات أخباركم؟؟

أنا الحمدلله هذي الأيام أحس فيني نشاط بس نومي متلخبط متعبني أحاول أعدله:21_164:
وحركة البيبي مره وحده حسيت فيها بوضوح بس المرات الباقي مب متأكده إذا اللي أحس فيه حركة النونو لأنه خفيفه وايد

الله يثبت حمل الجميع ويعطي كل محروم

والله غبت غيبة طويلة بصراحة انا ما ادري في الشهر كم
وانا مهملة في حملي هذا لابعد حد ومن شدة اهمالي وسوست لاني ادرس في دورة صعوبات التعلم ورحنا ميداني لمركز التاهيل الشمل وشفت شيئ الله به عليم واخاف اروح للدكتورة تقول الجنين مشوه او من الخرابيط الوسواسية و الحين لي شهر مفوته موعدي
مع ان هذا حملي الثالث بس احسه اطول حمل ليه ما ادري وكل حمل لي يختلف عن اللي قبلة

بس الشيء الاكيد ان الدكتورة قالت الولادة 24 اغسطس يوافق 4 رمضان يعني اعيد قبل العيد والله يرزق الجميع الطفل المعافى السوي

صباح الخير

صباح الورد

ام نمير
كيفك حبيبتي ..هاااا بشري ما حسيتي بالحركه؟؟

بجعه

ما تشوفين شر حبيبتي انتبهي لنفسك و تمددي ورفي رجلك على مخدة دايماَ وادهنيها بزيت زيتون

فيض الحب

اذا على الوساوس والخوف لازم يكون موجود بس التوكل على الله و التفاؤل و الدعاء يخلي الامور تمشي ان شاء الله

sounya

تصدقين ما كنت اعرف هذي المعلومة ان الشوكلاته تخلي البيبي يتحرك ..افتكرت إني اتخيل لاني مرتين جربت بس اكل شوكلاته يتحرك

مرحبا كروشات والله تولهت عليكم اطلع من بيتنا واسير بيت امي عشان اتواصل معاكم ..

اليوم الصبح الخدامة نرفزتني مضيعه تكرمون جوتي حمود مع اني من امس مكلمتنها اجهزه لانه مصر يلبسه الصبح .. طحت فيها تنرفزت وعمتي تقولي اهدي لا تنرفزين عمرج انتي بين روحين خليها تولي لخدامة مو هامنها شي ..

وصلت حمود المدرسة من القهر حطيت راسي ونمت الين الساعه 12

وحسيت لاني متضايقه البيبي تتحرك بشكل متواصل .. اتصدقون اني من بداية حملي ما تضايقت وزعلت بهاي الطريقه حسيت ان الشغل كله علي والخدامة تاخذ راتب على الفاضي ..

ولا وعقب تحاول الخدامة تتمصخر معاي تلاعب مريومه وانا طالعه من الحمام عقب ما تسبحت تقولي مدام انتي بتيبين بنت قلتلها بييب بنت ولد انتي مالج شغل سوي شغلج وحلجج مسكر .. مقهورة منها ..

بس سبحان الله الياهل يحس بامه ..

بجعه طولي بالك ممنوع العصبيه في الحمل ..

الحمدلله والشكر لله البي بي بحس بحركته من وقت لآخر ومش ضروري يتواصل بالحركه

طمني الدكتور انه كل شي طبيعي لحد الاآن ادعولي الله لا يحرمني منه

ولا انتو كمان يارب ..

بس اسفل بطني كثير صاير عم يعقد مين صاير فيه هيك

ياريت تفيدوني ..

وامس بالليل ما نمت من حضرته من كثرة ما ضرب فيني

على كلام الدكتور انه بان معه ولد والله اعلم ..يارب يكون بصحه جيده يارب ..

انا هلىء اول اسبوع بالشهر الخامس ..

طمنوني عنكم

معاااك حق بجعة الجنين يحس في امة عن نفسي كل يوم ازعل
واتنرفز من الخادمة وغيرها يمكن عشان كذا ما حسيت بالحركة
فديتة متجمد من الزعل والقهر الي فيني الحمد لله على كل حال

لحد الحين مافي حركة بس ان شاء الله على اول الاسبوع الجاي باخد
موعد مع الدكتورة واشووووف ايش تقولي... الله يهدي علية ويضمني علية
بالخير والثبات ويصرف عنكم الزعل والتوتر ويضمن قلوبكم بالي فية الخير

السلام عليكم
ازيكم جميعا
مبروك اللى حاسوا بحركة البيبى
ام نمير انا تقريبا قريبه منك جدا انتى قبلى ب 4 أيام وانا برضه لسه ماحسيتش بحركة خالص
وانا مستغربه لانه مش اول حمل وبفكر بكره اروح اعمل سونار مش عارفه لسه
ربنا يطمنا

بجعة .. ترا الطفل يحس لاترفزي نفسج مافي شي يستاهل

ذكرى..هيه ترا الشوكلاته تخيلي البيبي نشيط

ام نمير وام جميلة.. ترا انا بعد ما حسيت بالحركة وسويت سونار تخيلوا لقيت البيبي في قمة الحماس والحركة بس غريبة اني ماحسيت مع ان ثاني حمل
بس دكتورة طمنتني وقالت لي عادي بس ماعرفت جنس البيبي :(

sounya

ان شاء الله المره الجايه راح تعرفين ..حاسه باحساسك انا بعد في مره رحت علشان ابغى اعرف جنس البيبي طلع ساجد وعصبت هههههههههههههه

هالووووووووو

اشحالكم ..

انا اليوم احس ان بطني بينشق .. من الحين الله يعين يوم بدخل السابع

احس اني ثقيله غير عن كل الايام ..

تاريخ 22 بسير الموعد

صباح الخير كروشات ..
شلون حركات البيبي عندكم؟؟؟ و قالو لكم البيبي بنت ولا ولد ؟؟ هل أكيد؟؟؟
انا عن نفسي .. احس بحركات خفيفة .. الصبح مبكر او في الليل قبل لا انام.. و سويت التراساوند من اسبوعين و قالو لي بنت .. بس انا مو متأكدة .. الاسبوع الياي عندي بعد التراساوند و ان شاء الله يأكدون علي اذا بنت ولا ولد .. لأني حدي متشوقة اتجهز و اتسوق ..

بجعة انتي في اي اسبوع احين؟؟ و متى موعد ولادتج؟
انا من كم يوم احس بنقزات مؤلمة اسفل البطن .. بس الدكتورة قالت لي عادي .. هاذي الرحم يبتدي يتوسع..

السلام عليكم
الموقع عملها معانا وكان فى تصليح وكل مااجى ادخل على الصفحه ماتتحملش
اخباركم ايه
انا لسه ماحسيتش بحركة ومستغربه وقلقانه بصراحة فى نفس الوقت
انا فى الخامس وتانى حمل ليا ولسه ماحسيتش وعشان كده قلقانه بفكر اروح اعمل سونار تانى
انا اخر مرة عملت من اسبوعين وكان البيبى بييتحرك والحمد لله بس ازاى انا مش حاسه لغاية دلوقتى
ربنا يسهل ونطمن

مراحب يا الغاليات من جد لكم وحشة الموقع كان في صيانة

ام جميلة مافي فرق بيني وبينك غير ايام بسيطة
انا كمان لسا ما حسيت فية وودي اروح اسوي الترساند...

هلا بالحلوات
اليوم كان عندي موعد وحمدلله شفت البيبي وماشاء الله حركي وشقي
بس قلت للدكتورة اني ما احس بحركته مع اني دشيت الخامس وثاني حمل لي
فقالت لي عادي يصير اهم شي ان الطفل بخير
وكالعادة ماعرفت جنس البيبي :(