تجمع الحوامل اللواتي يلدن بشهر آب ( اغسطس8) 2009

بقايا فجر;8840749:
هلا حبيبتي ..مدري قالو لي يمكن ميت و الله المستعان يعني يمكن الامل بالله

ياااي حبيبتي
اقول احسن روحي تطمني اكثر من مكان
وادعي وخلي املج بربج كريم
انه خير الرازقين

أم جميلة 2;8844394:
السلام عليكم
ازيكم ياحلوين
بقايا فجر ان شاء الله خير والله حاسه بإحساسك لانى انا كمان احتمال حملى مايكمل
رحت عملت سونار يوم الخميس والدكتورة قالت المشيمه بها تمزق وطبعا الكل عارف ان المشيمه هى شريان الحياة بالنسبة للبيبى وكتبتلى مثبت وقالتلى بلاش اجهاد ولا عصبية وبعد اسبوع تعالى نشوف التمزق بيزيد والا لا ومن ساعتها نفسيتى تعبانة جدا وخصوصا انى فى الرابع يعنى الجنين متكون فعلا وبقى طفل ربنا يسترها ويكمل الحمل على خير لينا وللجميع يارب

ام جميلة شخبارج
اقول اعتقد هاي الاشياء بامكانج تعالجيها لان الجنين الحمدلله ما فيه شي
وان شاء الله خير.. طمنينا عليج

الحمدلله اختي ..حاسة بفراغ مو طبيعي ..خلاص انا موكلة امري الى الله سبحانه و تعالى و عندي احساس قوي انة الجنين خلاص وقف نموه و توقفت حياته بس ما اتخيل نفسي حاملتة وهو ميت و انا أدفنة ..يقول لي زوجي بعدة دم وش تدفني! اقول له عمره 8 فيه جسم له اطراف و اكيد بدفنة لانة يعتبر روح و خلقة من الله
مدري يقولون احساس الأم ما يخيب ابدأ لانة حاسة انة بطني ما عادت خشنة مثل قبل و كل أموري تقول لي اني مب حامل حتى كنت لما اتنفس قبل احس بتعب و خاصة بعد الوجبات أما الآن فنفسي طبيعي جدا ..بس الة احسة انة جسمي يصير حاااار حتى ساعات أعرق وايد ...بكرة تظهر نتيجة الهرمون و راح ياخدو عينة ثانية و بعدها تظهر نتيجتها بعد يوم او بمثل اليوم و يعملوا مقارنة بين الثنتين ..اذا زاد الهرمون يعني الجنين ما مات و اذا قلت يعني مات ...و انا راح اوضع اسوأاحتمال عشان ما انصدم ..صحيح مب اول مرة اجهض بس مدري ليش هالمرة متاثرة كثير يمكن لي اكثر بالاشهر ويمكن لان درت بالي على نفسي اكثر من اللازم ..بس انا شوية متخوفة من تكرار حملي و عدم تمامه خفت يكون عندي مشكلة بالرحم بحيث ما ممكن البيبي يكمل لين الشهر التاسع ......اقول الى زوجي انت تبي عيال بس انا عجزت اجيب لك ...تزوج غيري بعد لا تضيع وقت و انا ابجي ..قال لي اوكيه بتزوج بس انتي تختاري الي تعجبك ههههههه:tongue: قلت له ما ابي ادور ولا شي طلقني عشان ما اتحسر عليك اشوفك معاها ...اخذني على كبر عقلي و كلامي قال لي ما عليه انتي بس تقومي بالسلامة و يصير كل شي تبينة ولا تهتمي هههه

بقايا فجر

حبيبتي والله قلبي عورني وشوي واصيح ..

طمنيني عليج بليييييييييييييز كل شوي ادخل اتريا ردودوج

لا تخليني على اعصابي ...

الله يخليلج الي في بطنج واتيبين درزن عيال ان شاء الله

بقايا فجر ربنا يقويكى ويصبرك ويرزقك الحمل السليم الثابت الكامل على خير عاجلا غير اجلا ان شاء الله كله بأمره وربنا يزيدك ايمان وصبر وكله ان شاء الله بميزان حسناتك

بقايا فجر..ضاق صدري عليك والله..بس تأكدي ان هاي رحمة من رب العالمين..
ماتدرين لو تم حملج يمكن لاسمح الله مايكون الطفل سليم..
رب العالمين مايسوي شي الا فيه خير وصلاح للفرد..وهذا اختبار من ربك وانتي قده ،،اصبري والله بيعوضك كل خير ياقمر..

انا بحملي الاول اجهضت ولي 9 اسابيع وحسيت حالي وكأن الدنيا بتبلعني من الهم،،بس وكلت امري لربي والحمدلله على كل حال..

عندي وحدة صاحبتي تموت بالاطفال.حملت واجهضت بالشهر الاول،،وقالوا لها مافيها شي،،وعقبها بسنة وشوي رجعت حملت وكان حملها ماشي مية مية،،وبدون سابق انذار بالشهر الثالث اجهضت،،سبحان الله ربي شلون يكتبها..بس قالوا لها مافيك اي شي وتقدرين تحاولين ف الحمل الحين

الله يكتب لك كل خير يااااااااااااارب وانتي اخت عزيزة وغالية علينا وتعلقنا فيك بقوة..

بقايا فجر الله يرزقج بالحمل السليم الثابت وتملين البيت بنات وصبيان انشاء الله ..
وبجعه اسم شهد احلي .. ويناسب اسم بنتج الثانيه الله يخليهم لج يارب ..
وباقي الحوامل شلون اموركم وامور حملكم انشاء الله بخير ... انا موعدي انشاء الله 28 الشهر بروح اتطمن علي البيبي انشاء الله يكون بخير بس انا ليحد الحين ما حسيت بحركته ولا اي شي انتو حسيتوا بحركة الجنين ؟؟ متشوقه اعرف ولد لا بنت لانه ناس تقولي شكلج فيج بنوته وانا احس لا فيني ولد خخخخخ الله يرزقنا الحمل السليم المعافي والاطفال اصحاء يا رب وهذا كفايه :)

بقايا فجر

عيوني الله يهون عليج .. ويصبرج

توني اكلم امي عنج .. قالتلي يمكن خير لها

Rima_q8

انا اليوم حسيت بحركة في بطني بس ما اعرف هل هي حركة البيبي ولا غازات بس ما اعتقد غازات لانه الحركة كانت من النفضات

يقايا..ربي يعوضك ويشملك بخيره ورحمته يارب
خلي ايمانج بربج قوي وان شاء الله ربي يعوضج

بجعة.. اقول حسيتي بحركة الجنين.. انا بعدني ما حسيت
وبسالج اي شهر عرفتي جنس البيبي لان انا قالولي الافضل بالشهر الخامس

حيااااااتي بجعه الفال لنا يارب

بقايا فجر ربنا يقويكى ويصبرك ويرزقك الحمل السليم

مرحباااااااااااااا
مبروك عليكم كلكم والله يقومنا يا السلامه ويسهل علينا الحمل والولاده...
انا هاذا حملي الرابع..قولو مشا الله:poster_ban:
وموعد ولادتي باذن الله 18 /8
ذابحني الفضول اعرف شنو الي في بطني..عندي بنتين وولد وادعي ربي هاذا ولد والخلقه التامه يارب

السلام عليكم أخباركم بنات؟؟
صارلي فتره مادخلت التجمع انشغلت عنكم أخبار الحمل معاكم أنا الحمدلله دخلت الرابع وعطوني موعد في الأسبوع ١٨

بقايا فجر الله يعوضك إن شاء الله ويرزقك بالحمل الثابت وإنتي إنسانه مؤمنه لا تخلين الشيطان يلعب براسك ويخوفك من الحمل وتذكري الأجر اللي بتلقينه من هذا التعب

صباح الخير كروشات شخباركم

انا هالاسبوع كان عندي موعد وقالتلي بنت بس تعالي اتاكد عقب اسبوعين

يعني اتوقع يبين من الاسبوع 15 او 16 على حسب شطارة الدكتورة ..

السنيورة الله يتمم عليج ويرزقج الولد المعافي ويجعلهم من الاولادالصالحين يا رب :)
شلونكم باقي الحوامل شخباركم ؟؟ انا متزاعله مع زوجي هههه وما اكلمه من امس وانا صارلي اسبوع انام عند امي لانه ما عندها احد بالبيت مسافرين خليته بغرفتي ورحت نمت بغرفة اختي لما قمت ما لقيته رايح الدوام وشايل اغرراضه معاااااااااه يعني زعلان المهم انا زعلت وبجيت اول شي وصرخت بعدين قلت بطنش عشان الي في بطني واهوا بيرضي بروحه :)

Rima_q8

هلا الغاليه

حبيبتي لا تكدرين نفسج ترا عن تجرية ياثر على البيبي انا في حملي الاول كنت ازعل واصيح على كل شي ولدي طالع نكدي من صغره كله ييح وكمل السنه ار شيطان ما شاء الله عليه كله يضرب ما يعرف صغير او كبير والحين احسن عن قبل بس بعد مو مثل مريومه الي في حملي فيها كنت هادية ومرحه وطالعه البنوته كيوت وحبوبه ..

خليج عادية الي يزعلج ضحكيه ونكتي وياه ولا كانه اير شي خليج مرحه وابتعدي عن الجو النكدي

بجعه يعني زعل يومين او ثلاث يأثر علي البيبي علي طول ... لانه توه رفيجتي خرعتني قالت لي اعصابج يطلع الياهل عصبي قلت لها بخف بحاول اخفف بس شلون ؟
والله قمت اخاف علي بيبي حبيبي من الزعل

انا قريت معلومه

ان الام اذا زعلت دقيقه الياهل يزعل معاها كانه روحين في جسم واحد

حتى لما الام تتالم البيبي يتالم معاها ...

فانتي خذي بالج حاولي تكونين مرحه وخاصتا مع زوجج لانه الطفل يحس بالابو يوم يكون قريب من الام

ما تشوفين الاجانب 24 ساعه يخلون ايد ازواجهم على بطونهم من يوم هم في بطون امهاتهم احسسونهم بالابوه

هذول الاجانب شي عجيب احنا ريايلنا مو جذي ... انا قلت حق ريلي تري يحس اذا كلمناااا ضحك علي يقول والله من صجج انتي ههههه عاد اسكت احسن .. الحمدلله نفسيتي احسن اليوم وطلعت مع ماما الله يخليها لي تمشينا وتسوقنا ومريت جدتي سلمت عليها والحين بنام عند ماما بعد :)

السنيوره**;8868680:
مرحباااااااااااااا
مبروك عليكم كلكم والله يقومنا يا السلامه ويسهل علينا الحمل والولاده...
انا هاذا حملي الرابع..قولو مشا الله:poster_ban:
وموعد ولادتي باذن الله 18 /8
ذابحني الفضول اعرف شنو الي في بطني..عندي بنتين وولد وادعي ربي هاذا ولد والخلقه التامه يارب

السنيورة اولا ماشاء الله تبارك الله الله يحفظهم ويخليهم لك


وانا وانت زي بعض ولما قريت كلامك كانك تتكلمين عني انا هدا حملي
الرابع عندي بنتين وولد واتمنا ولد بس انا سابقتك في تاريخ الولادة والله اعلم انا
تاريخ ولادتي المتوقع 1/8 ودااابحني الفضول اعرف وزوجي زي بس مسوين
ثقالة ما نبي نتسرع هههه
يالله يكون خير وان شاء الله ربي يسهل لنا حملة ومخرجة .....
اتمنا التواصل ولك تحياااااتي,,,