تجمع الحوامل اللواتي يلدن بشهر آب ( اغسطس8) 2009

السلام عليكم
الحين باقول شلونكم امهات ولا فاطرات ولا شو بكيفكم
اكيد من غيبتي تتوقعون اني ولدت
انا ما ابي اخيب ظنكم
ولا ابي لنرفزكم
بس الكل متوقع اني ولدت
طبعا
واكيد
اني
باقي لسع ما ولدت ههههههههه
م قلت راح اقفل التجمع انا عند كلمتي
من اول رمضان وانا عندي طلق و الم منتظم رحت المستشفى وواثقة اني باولد
ويلي اغراضي و اغراض البيبي يوم كشفت الدكتورة
قالت 1 سم الحمد لله على كل حال
على قد ما كنت متشوقة للولادة ابي اولد باسرع وقت الحين صرفت نظر عن الموضوع
ودي الصق رجولي بغرا خايفة اولد وودي اصوم كم يوم من رمضان حتى يخف عني القضا
بطلت امشي وبطلت اشرب اي خرابيط خايفة اولد
و الالم كل يوم ازود من اللي قبله بس اقدر اتحمل
وكل يوم داق علي زوجي ولدتي ولا باقي وحتى يتطمن اخذ اجازة كم يوم
ولا رحت بيتي ماما كل شوي تتصل هاااااااااااه فيه شي وانا ما حولك احد احس شغلتهم معاي مع انه مو مستاهلة

الحين بما انا في رمضان ما اقدر ادخل التجمع مثل اول لان الكل حزنان علي وكل يوم معزومة ع الفطور

ام نمير ريما ميره وكل من سأل عني جزاكم الله الف خير

همسة لريما
اعتبريها نصيحة من اخت
الحاجز اللبي بينك و بين ام زوجك حاولي تكسرينه مهما كان السبب لان بعض الامهات تأثيرها عجيب على اولادها عن تجربة
ام زوجي ماترضى علي باي كلمة وبناتي ما تخلي حد يزعلهم او يغلط عليهم
و السبب اني اضغط على نفسي احيان وحتى لما اكون زعلانه واتصل عليها في اي مناسبة و احسسها اني ما ازعل منها لانها بمنزلة امي مع ان الام ماكو مثلها وراح ينعكس على زوجك وبنتك وبتشوفين غلاتك بين سلايفك غير
وهذا كله لمصلحة بنتك وزوجك ولاجل عين تكرم مدينه
واسفة ع اللقافة مع اني ما ادري شو سوت بس حبيت اساعد

حبيبتي فيض مشكوه وايد والله يسهل عليج انشاء الله :) لا تشربين اي شي بس حاولي تمشين وايد صج صج ساعدني وقت الولاده ..المهم مشكلتي كشيت منها وانا نوعي ما اعرف اجامل !!
شرايج : انا قلت بخلي علاقتي سلام سلام وبس يعني ماله داعي اكثر
تخيلي فيض حتي الحمدلله علي سلامتج ما قالت لي ومعصبه علي اهلي علي شنو ما ادري ؟؟!
باقي البنات شلونكم وشلون اولادكم انشاء الله بخير ؟ومنو ما ولد غير فيض ؟

بنات انه تبع تجمع سبتمبر
ومعطيني 1-9
وامس الدكتورة جيكت لقتني فاتحه 1.5
واليوم الالم ذابحني وموعارفه اذا طلق او لا
قولولي شاسوي عشان اولد بسرعه

السلام عليكم
أخباركم أمهات الأمومه شعورها حلو ويخوف في نفس الوقت تحسين البيبي أمانه في عندك ومسؤليتك الفكره تخوفني شوي بس الحمدلله على كل حال كل يوم يصير الموضوع أسهل
أنا أحاول ما أشربه حليب صناعي معتمده على حليبي من طلعت من المستشفى مرتين شرب صناعي بس وأشربه ينسون وماي مع سكر نبات ومرة شربته حلبه والحمدلله وديته عند الدكتوره اليوم قالتلي إن صحته زينه وحليبي مكفيه وبالنسبه حق الرضاعه أقولها مايشبع من حليبي يشرب شوي وينام ويرجع يصيح يبي يرضع إفتكرت عنده مشكله بس قالتلي عادي خليه على كيفه هذا طبيعي فالشهر الأول وبعدين ينظم رضاعته بروحه

بغيت أسألكم فتحتوا موضوع جديد نتجمع فيه لبعد الولاده؟؟

أختي صاحبة الظل الخفي إمشي المشي بيفتح الرحم أنا فالمستشفى كان عندي طلق قوي وبس 2 سم وقالتلي احتمال تولدين بكره بغيت أموت لأن الألم كان قوي قالتلي امشي فالمستشفى قعدت أمشي فالممر رايحه راده جات الدكتوره فحصتني قالتلي 4 سم ولاده والحمدلله تسهلت وحتى الولاده ماطولت

فيض الحب;10173550:
السلام عليكم
الحين باقول شلونكم امهات ولا فاطرات ولا شو بكيفكم
اكيد من غيبتي تتوقعون اني ولدت
انا ما ابي اخيب ظنكم
ولا ابي لنرفزكم
بس الكل متوقع اني ولدت
طبعا
واكيد
اني
باقي لسع ما ولدت ههههههههه
م قلت راح اقفل التجمع انا عند كلمتي
من اول رمضان وانا عندي طلق و الم منتظم رحت المستشفى وواثقة اني باولد
ويلي اغراضي و اغراض البيبي يوم كشفت الدكتورة
قالت 1 سم الحمد لله على كل حال
على قد ما كنت متشوقة للولادة ابي اولد باسرع وقت الحين صرفت نظر عن الموضوع
ودي الصق رجولي بغرا خايفة اولد وودي اصوم كم يوم من رمضان حتى يخف عني القضا
بطلت امشي وبطلت اشرب اي خرابيط خايفة اولد
و الالم كل يوم ازود من اللي قبله بس اقدر اتحمل
وكل يوم داق علي زوجي ولدتي ولا باقي وحتى يتطمن اخذ اجازة كم يوم
ولا رحت بيتي ماما كل شوي تتصل هاااااااااااه فيه شي وانا ما حولك احد احس شغلتهم معاي مع انه مو مستاهلة

الحين بما انا في رمضان ما اقدر ادخل التجمع مثل اول لان الكل حزنان علي وكل يوم معزومة ع الفطور

ام نمير ريما ميره وكل من سأل عني جزاكم الله الف خير

همسة لريما
اعتبريها نصيحة من اخت
الحاجز اللبي بينك و بين ام زوجك حاولي تكسرينه مهما كان السبب لان بعض الامهات تأثيرها عجيب على اولادها عن تجربة
ام زوجي ماترضى علي باي كلمة وبناتي ما تخلي حد يزعلهم او يغلط عليهم
و السبب اني اضغط على نفسي احيان وحتى لما اكون زعلانه واتصل عليها في اي مناسبة و احسسها اني ما ازعل منها لانها بمنزلة امي مع ان الام ماكو مثلها وراح ينعكس على زوجك وبنتك وبتشوفين غلاتك بين سلايفك غير
وهذا كله لمصلحة بنتك وزوجك ولاجل عين تكرم مدينه
واسفة ع اللقافة مع اني ما ادري شو سوت بس حبيت اساعد

الله يقوومج بالف سلامه يااارب

ووتكوون ولاادتج سهله ياارب

وووسريعه غير متاخره ياارب

صاحبة الظل الخفي;10175740:
بنات انه تبع تجمع سبتمبر
ومعطيني 1-9
وامس الدكتورة جيكت لقتني فاتحه 1.5
واليوم الالم ذابحني وموعارفه اذا طلق او لا
قولولي شاسوي عشان اولد بسرعه

يااااااااااارررررب الله يهوون عليج وووتولدين بالسلااامه يااااااااارب

يارب يمن عليج بوولاده سريعه ياارب غير متاخره يااارب

السلام عليكم

اشحالكم ا امهات ...

شكلنا ما بنفتح تجمع ما بعد الولاده خخخخخخخخخخ حلوه القعده في هالموضوع ...

برجع اكلمكم لانه بنتي تصيه ........................... صياحه

مافيه تجمع لما بعد الولادة

انا رجعت

ياربي هاي البينيه فيها التهاب بامبرز احطلها كريم بدل لا يخف يزيد ... يكبر الاحمرار يعني يتوزع ..

سلام حبيباتي شنو اخباركم ؟
انا اخباري تمام صايره ما اكل وامي تغصبني علي الاكل كل ما قلت لها شبعت تقولي انتي والده اكلي هههه
بجعه اخاف الكريم ما يناسبها لانه بنتي نفس الشي وغيرت النوع وصارت احسن جربي تغيرين

هيه بجعة انا بنتي كانت كذا وكنت اغير الكريم وهم مانفع
عقب دكتورة قالت غيري نوع الحفاظ وكنت استخدم لها بامبرز وغيرته الى هاجيز وراح الاحمرار والالتهاب
وبعدها على طول استخدم هاجيز حتى حال البيبي اليديد

ريما.. هيه اتذكر في ولادتي الاولى كليت وكليت لين قلت بس
ياحيليلهم الامهات وايد يحرصون علينا هالمرة افتقدت هالشي وقلت ياريت رحت اتنفس عند امي

اي صح كلامج سونيا مرات الحفاظ نوعه ما يوالم الطفل ..
و انا صايره مالي نفس اكل وامي تلزم علي ونفس الوقت خايفه من الوزن ؟؟
خايفه ازيد وزني وما ارجع مثل قبل الحمال وامي تقول عادي انتي ترضعين ؟؟ بنات انتوا شرايكم ؟

مراااحب بالغالياااااات ....
ريما امك معاها حق لازم تاكلين لانك ترضعين والرضاعة تاخد من الوزن
وبصراحة جوعة النفاس توجع في البطن مدري انتم زي احس لما اكون جوعة
ادوخ وجسمي يدبل ....؟؟
كلامك صح سونيا امي الله يحفظها ويخليها ما قصرت معاية رغم انها هي الي
تبي مني العناية بس والله رغم تعبها ومرضها الا انها ما تخلي لي وقت الا وتجبلي
شي اكلة ربي يشفيها ويعافيها ويخليها لنا ....

هلا والله

تخيلوا طوووول الليل هاي البنت اتصيح احس من الاحمرار الي صايرلها في منطقه البامبرز لانها زادت وانتشرت

استخدمتلها sudocrem ما نفع يحرقها وديتها الدكتور عطاها bepanthen وكريم ثاني اخضر اخلطهم واحطلها بعد ما نفعها ... شو رايكم اجرب الكريم الوردي والابيض ينباع فالجمعيه ما اعرف شو اسمه ............

ام نمير .. بحاول اكل اكثر بس خايفه من الزياده ولله
والله امهاتنا لاعبين دووور في حياتنا انا بنتي طول الليل تبجي تبي تنام بحضني وبعد عمري امي الله يحفظها
ويطول بعمرها مسكتها لي الصبح لمانامت
(الله يحفظ امهاتنا لنا و بخليهم علي راسنها و يبعد عنهم كل شر يارب)...
حبيبتي غيري لها نوع الحفاظ احسن و الببانتين بروحه زين انا استخدمه لبنتي

Rima_q8;10165699:


ألا سحابه شنو سميتي بنوتك الحلوه ؟؟

انا الحمدلله احس يوم عن يوم اتحسن لاني والدة بعملية ..
سميت بنتي شفاء (شفوني)
هلا امهات كيفكم ؟؟ وكيف البيبيات معاكم ؟؟
كيفكم مع السهر والرضاعه :ss:؟؟
في بداية الايام ماكانت تعرف ترضع مني لان الصدر كان مررره متقوس وقوي
وجلست اشفط الصراحه جهاز التشفيط ريحني مررررررره .. لانه يعطيني الكمية
اللي تشربها ..
بس الحين الحمدلله عرفت كيف ترضع بس احس ان حليبي مايكفيها ..

اهلين سحابه .. حلاتها شفاء الله يحفظها و اسم مبروك انشاء الله ..
انا بعد اشفط مرات ومرات ارضعها من صدري .. الشفاط يريح وقت ما يصير الصدر ثقيل وهم يريح لما يكون في ناس عندنا بالبيت ما احب ارضعها جدامهم فقمت اشفط لها واحطه بالثلاجه و عقب بس اسخنه ..
اناخلصت من المساج وباجر بحاول اروح للدكتور لانه من ولدت ما رحت من كثر ما مشغوله بس قررت اروح باجر والله يعين ..

بجعة تعرفين كريم كينا كوم ما اعرف ادا هو متواجد عندكم
تحطينة مع النشاء والله انا استخدمة لودي الكبير مرة حلو
بصراحة عوار المنطقة دي يجيب للام اكتاااب الله يكون في عونك...؟؟

بنااات ممنوع نفتح تجمع هنا لبعد الولادة فين بعدين بتلتقون
والله ما ودي اخليكم حبيتكم وانبسط معاكم وودي نستمر على طول
بس كيف ....؟؟

السلام عليكم مبارم عليكم الشهر والحمد الله علىسلامتكم
اختي بجعة لما قريت عن بنتج قلت لازم اساعدج حطيلها نشا حق الاكل بس وان شاء الله بيروح ياريت اجريبينة الحين ولا تكثرين من المراهم
وادعولي يا بنات قربت ولادتي

كيفكم ان شاء الله تمام
مدري احس اني مميزة بينكم بعدني بكرش ههههههه اصبر نفسي
ريما
ترى الحريم الكبار يحبون اللي يتذكرهم بالمناسبات عاد افهميها
ومو شرط تكون علاقتك معها قوية ومو زين بعد تكون سطحية جدا حاولي تضغطين على نفسك عشان خاطر ابوديما وديومه
مثلا لقرب العيد خوذي لها هدية محترمة وزوريها زيارة خفيفة وقوليلها ان ديوم تقول لك كل عام وانت بخير (يديدة) على قولتكم هههههههه
يعني من هالحركات وان شاء الله بتندم وتتغير وان ما تغيرت يسير انتي سويتي اللي عليك

اما مشاكلكم اقصد مشاكل بيبياتكم مع البامبرز الله يكون بعونكم الحين مع الحر
انا ما استخدم الا
زيت زيتون بنشا الذرة اخلطهم مع بعض لين تصير مثل الكريم و استخدمه محل الالتهاب و الحمد لله يخف لحد مايروح
بالنسبة للبودرة اللي عند تغيير الحفاض انا اجيب علبة بودرة فاضية و اعبيها نشا الذرة و استخدمها و الحمد لله نادر ما تلتهب ها المنطقة بس احيانا يكون نفس البامبرز يسبب حساسية للطفل و اغير من البامبرز لموني
لان البامبرز معطرة و الموني ما فيها اي عطر

اما اخباري فلا جديد ......اللهم ان اخوي جا من بريطانيا ومشغولين فيه وبولده الله يحفظهم ونسيت نفسي اني حامل