تجمع خاص بالحوامل البكر((اول حمل لكِ تفضلي معنا))..الجزء السابع

هلا حواامل
اشلونكم
إن شاء الله الكل بخير

آنا اليوم ما ادري شفيني كله دمعتي على خدي، ومتوترة وخايفة على البيبي لأن بكره موعدي.

ادعولي بنات أن كل شي أوكي.
أحس نفسي بموت من الحين ليما أعرف نتيجة السونار والفحص
ويمكن بكره اعرف جنس المولود لأني بالأسبوع 18

مشكورين والله يا أم طلال ومفتون
إن شاءالله خير شكلي الليلة ماراح انام ، الله كريم

آنا صج عديت مرحلة الخطر يم طلال بس كلما اقرا موضوع وحده من البنات في هالقسم إللي تقول ولدت وفي الولادة طلع ميت ، وأللي اتقول مات في الشهر الثامن من غير سبب ، وكلما اقرا هالأشياء اخاف وارتعب ، لكن شسوي يجيني فضول وشفقة اقرأ مواضعيهم الله يعوضهم خير يارب ويبني لهم بيت في الجنة إن شاءالله .

ونعم بالله
آنا وايد صبوره ومستغفره ربي عن هالوساوس
بس بصراحة معذورة ومن صرت حامل أحس صبري قل وايد
أحاول اشغل نفسي واشتغل بالبيت واقرا قرآن عشان جذي ماتشوفوني وايد بالنت معاكم .
الله لا يحرمنا الفرحة إن شاءالله .