مبارك عليكم السنه الجديده ان شاء الله قبل لا تخلص سنه 2008 :D
ربي يسعدكم ان شاء الله وتكون سنه حلوه على الجميع يارب
(f)
ودعوه خاصه لحبيبتي وصديقتي و عمري وروحي بنت الامارات (( عبورتي )) :
ادعي من كل قلبي يااااااااارب ان يفك كربهاا و يفرح قلبهااا و اشوفهاا سعيده يارب
ادعولهاا يابنات والله تهمني اكثر من روحي :( فديتهاا والله ..
اتمنى ان السنه اليديده تكون عليها سنه حلوه وتتغير نفسيتهاا يارب ..
أحبج عبورتي (f):15:
..
يالله ندخلـ بالموضوع ^^ ..
..
مساعه من الملل قعدت ارسم و خبركم رسم الارواح حرآآم وانا قمت احاول مارسم واايد
بس من الملل رسمت وقصدي الستايل يعني تذكرت وقمت ارسم وحبيت انكم تضحكون معااي ..
وقبل لا يكمل الشهر اتمنى ان يكون موضوعي من ضمن الموضوعات المتميزه لأنه جهد شخصي :D واذا ماستاهل خلاص عادي انتو تستاهلون حبايبي والله (f)
..
انا يوم اروح المجمعاات اشوف هاي الاشكـال والصراحه كل واحد له تعليق خـااص
وقلت الحين التعليق اللي بخاطري بطلعه هني علشان تتخيلونهم معـااي ..
ملاحظة: مسحت ملامح وجوهم علشان ماينحذفون الصوور مع انهم بالملامح وجوهم تبين عدل حق الضحك ههههههه (a)
..
يالله بسم الله الرحمن الرحيم .. نبدأ ..
[1]
انا سميته ولد عراد (( هذي منطقه بالبحرين احس ستايل الصبيان مالها مثل هذآآ ))

تعرفون ستايل الصبيان هاليومين الشمـآآغ اللي على الرقبه وهذا شكل من الاشكـال ..
بيني وبينكم عاجبتني الحركه بس احنـا يالبنات حق وين نلبس :ss: ..
..
[2]
ولد مدينة عيسى (( هذي المنطقه اللي انا ساكنه فيها الصبيان مالها هذي اشكالهم ))

والله كل حالتهم حاله شعر شطوله و كبووس و فانيله حالتها حاله و شورت مورد و زقاير طبعاً و يطقون سيارتهم باليس ^^ :: عساكم على القوه :: :D
[3]
عيال الرفاع (( كلـ تحسونهم يشتغلون في البنوك خخخ ))

خبركم مسويين ستايل يديد جاكيت مال بدله وجينز يقهرني هالستايل والله يعني يا تلبسون بدله كامله ..
يا ارحمونـاا وكملو كشخه الجينز الله يعافيكم :ss: ..
[4]
صبيان المنامه (( هم جيي والله ههههههههه ))

يعني تحسونهم مكملين سالفه تقليد الغرب كامله سلاسل و فانيله لونها عجيب غريب وجينز سكيني و لوو ويست ^^ واللي مافهم يعني (( جينز ضيق كامل من فوق لين تحت و نازل على الخصر )) وتعرفون الحركه اللي ملابسهم الداخليه طالعه عزكم الله و فوقـ هذاا لا يفوتكم الشعر هاليومين خلاص جنوو وقعدووو باقي يطيرون وياه والله الحين شكبرررررررره صاير !! ويسوينه استشواار بعد بدلـ الجيل :rolleyes: !!
[5]
عيـال محرق (( فديت هالديره والله :cool:(y) ))

يقولكم ماتكمل حلاه الرجـال الخليجي الا بثوبه وغترته (( شماغه )) يعني انا الصراحه يعجبني الصبي اللي يلبس ثووب احس الرجوله موجوده للحين :D ..
طبعاً مافي احلى من عاداتنا وتقاليدنـاا ولو شيسوون تبقى الحلاه الخليجيه احلاهم ..
بس انا يذبحني المسباح اللي بيدهم اللي يسمعهم يسبحون صج هههههههههه
(( لزوم الكشخه :wink: ))
..
اتمنى يكون الموضوع خفيف ومسلي بنفس الوقت
واي بنت بحرينيه اتمنى انها ماتزعل اذا هي من اي منطقه ذكرتهاا و تحس ان احد من اهلهاا ستايله مثل ستايل واحد منهم ..
المسـأله كلها غشمره و ضحك لا اكثر ^^ ..
وكلـ شخص حرّ بنفسه :)
جميع الحقوق محفظه لمنتديات عروس
رسم : Pinkeez
ارجو عدم نقل الموضوع قبل الاستأذان مني :)
اذا عجبكم الموضوع انتظروني يومين بالكثير وبحط لكم جزء ثاني لأشكال البنات ^^
مع الف تحيه للجميع
انتظر تعليقاتكم الحلوه
(f)
مع السلامه