كنتي حامل وولدتي ،،، تعالي وشاركي بتجربتك من ناحية عدد الأسابيع

للرررررررررررررفع

ادعولي بعد انا اولد مليييت انا في الاسبوع 38 يارب اولد ان شاءالله .وراي رحلة سفر طويلة الله يسهل علي وعليكم ان شاء الله.

موضوع حلو وايد

انا بولادتي ولدت باخر يوم مسموح اكون فيه حامل خخخخخخخخخخ يعني خلصت الاسبوع 42 و بنفس اليوم اللي كانت الدكتورة محددة لي موعد طلق صناعي نزل ماي الراس و طبعا ما اتحملت الالم و اخذت ابرة الظهر و اخر شي توسعت و الحمد لله بس ابني وصخ ببطني و قالت الدكتورة اذا ما ولدن بنص ساعة بولد بعملية بس الحمد لله الله سهلها و ولدت طبيعي و اجى احلى ولد بالعالم عمار

و الحين انا حامل بالاسبوع ال 24 و اتمنى باول يوم بالتاسع اولد و اخلص

الله يسهل عليك و عاى كل حامل

انا دخلت الاسبوع 42 ولا ولدت
وعطوني طلق صناعي (تحاميل) لمدة 3 ايام لين انهلكت
ونهايه اليوم الثالث حطولي طلق بالمغذي وجل فتح الرحم ونزلوا المويه والحمدلله ولدت ,, بس لما ولدت رغم كل العذاب مرررررة انبسطت
انشالله تكون ولادتك سهله يارب

الحمد لله زي ماتمنيت صار وولدت باول التاسع كنت 36 و اربع ايام
صحيح ان بطلق صناعي بس الحمد لله تسهلت والله رزقني بأحلى "جنا" والله يخليها لي

[GRADE="FF0000 FF6347 FF1493 4B0082"]
الله يسهل عليكم يارب ..

وان شاء الله يتمم لكم ولي على خير يارب

وان شاء الله تكون ولادة سهله ..
[/GRADE]

انا ولدت بالاسبوع ال27..
ياني طلق طبيعي..
لين رحت فحص ما بعد الولاده بشوف شنو السبب

انا مش عارفة في كم اسبوع ولدت .. لكن كان المفروض اولد يوم 17/9 وولدت يوم 12/9 وبدون اي طلق صناعي ... اتمشيت كثير اليوم اللي قبله وحصل جماع واليوم الثاني نزل على الماء وبعدها ب 8 ساعات ولدت ..

ان ولدت بالاسبوع ال38 بشكل طبيعي ياني الطلق و بعدها باربع ساعات ولدت
بس ماكنت مسوية شي معين
حتى المشي ما مشيت وايد
بس اعتقد اكن هالشي تساهيل من رب العالمين
لان مثل ما اشوف في بنات يسوون كلشي عشان يولدون و هم مافي فايدة الا اذا الله كتب يصير
بس المشي مفيد مهما كِِان

اني الحين حامل بكريه
يعني ما سبق لي الحمل .. قريت ردودكم وشجعتوني
لاني وايد خايفة من الولاده .. بس اتمنى اولد اول ما ادخل التاسع

انه في ولادتي الاولى ولدت بالتاريخ الي عاطيني بالالتراساوند وبالنسبه للحسبه الاوليه اعتبر في الاسبوع 39+5 ايام
كنت من نهاية الثامن اروح امشي واقرا سورة مريم واكل تمر واقرا ادعية تسهيل الولاده ولما جاني الطلق شربت ماي وزعفران

وولادتي الثانيه ولدت في الاسبوع 39+6 ايام يعني قبل موعدي الي عطوني بيوم
وكلش ما مشيت هالمره يمكن مرتين او ثلاث بس كل الي سويته اني كنت اقرا سورة مريم كل يوم

مبروك سديم على الولادة
الفال لنا

كانك تقري افكاري


حتى انا بكريه واتمنى اولد اليوم قبل بكره على خير

تعبت من الثقل ومتحمسه اشوف النونو ووحشتني ملابسي القديمه << فاضيه


انا تقريبا بالاسبوع ال 37 ونفسي اولد قبل موعدي على خير ان شاء الله


لكن دوبي ادري عن التمر والقرفه انها تسهل الولاده شكلي من بكره بشربها


الله يسهل علينا يارب مع اني متحمسه لكن خاااااااااايفه مره

الله يجعلها ساعه مباركه علينا وعليكم اللهم امين

أنا ولدت بالأسبوع 40 و3 أيااام >>>عوشرررت خخخخخخ

والسبب أني كنت آخذ مثبتااات حمل من بداية حملي إلى الشهر الثامن ويقولون الحريم تسبب تأخر الولادة

والطبيب يقول ان الحمل صار متأخر أو في خطأ بالحساب والله أعلم لانه مافي حامل تتأخر لان مدة الحمل الطبيعي تسع شهور كامله ..

وأخيراً الله يسهل عليك وييسر ولادتك عاجلاًُ غير آجل

مرحبا..
أني حطولي طلق صناعي بالأسبوع 38 ومافاد معاي ,,
(يعني كل إنسان مقدر له اليوم الابيطلع فيه لو شنو تسوين:ss:)
وفي يوم موعدي بالضبط نزل علي الماي وبدأ الطلق ,,
وولدت بالسلامة في صباح اليوم الثاني من موعدي:)
يعني كملت 40 أسبوع حمل !!

الله يسهل علينا جميعا انا بكرية في الاسبوع 26 اتمنى اولد في الوقت المناسب من غير شر بس انا سمعت ان البكرية عادة تتأخر ما ادري صحيح او لا ؟

أنا ما حسيت ابدا بأي علامات بيوم موعد ولادتي على حساب الدورة فكملت 40 اسبوع بالضبط

في تلك الليلة التي من ألف ليلة و ليلة

شربت دلة دارسين مسويتها

و مشيت مشي سريع و حسيت بثقل راس البيبي في الحووض

و لا حسيت بآلام و لا شي

و صارت في نفس الليلة معاشرة زوجية

و مباشرة جتني الالام من الساعة 12 و ولدت الحمد لله فجر يوم التالي

و الله يسهل علينا هالمرة

انا وبولدي الاول 41 اسبوع وولدت بتحفيز(طلق صناعي)

وولدي الثاني في اليوم اللي حددوا لي اياه

ألف مبروك أختي سديم وربي يخليلج البيبي
وعقبالي إن شاء الله أنا حاليا في الأسبوع 36 وودي أولد اليوم قبل باجر لأني تعبت خلاص

[GRADE="FF1493 800080 008000 4B0082"]
مشكورين حبيباتي
وبصراحه انا اصلا كنت رايحه موعد عادي ولا كان فيني طلق ولا شي بس لقو في الموعد ان المويه قليله على البيبي فقرر لي الدكتور ولده بطلق صناعي والحمدلله على كل حال

عقبال كل الكروشات انشالله
وعقبال كل محرومه يارب
[/GRADE]