وين الخليجيات ((زواج الكويتيه من إماراتي)) أرجو مشاركة المتزوجات وغير المتزوجات

حبيت اقولج ما في اي شي زواج الامارتي من اي دولة في خليج عربي

يعني يمكن يشوف شي في وحده مثل بحرنية او قطرية او كوتية

مايشوفه في الامارتية

الله يوفقك كل انسان في حياته

والموصفات ان يكون مسلم انسان محترم يعرف ربه
هذا احسن شي
انسان يقدر ويحترمك

واذا جات النصيب رجل محترم ومسلم ومافيه عيب

لانلي يروح مايرجع

عادي مافيها شي حبيبتي
انا برايي اذا اهي تقدر انها تعيش معاه خالتتزوج والله يسهل امورها علشان ما تتعطل
واحنا اعيال الخليج عاداتنا وحده ماراح تتعب وابد مع اهل زوجها

نصيحه بنات لاتعطلون نفسكم بسبب الجنسيه اخذوا اللي ترتاحوله

مشكوره حبيبتي قمي و عروس الحب على ردودكم الطيبه بس ما تتوقعين انه هالبنت راح تقطع صلتها نهائيا من أهل ديرتها يعني اللي أقصده باجر حتى زواجات عيالهم بتصير مو من جنسيتها واحتمال حتى لو بتخطب حق عيالها من عيال رفيجاتها او عيال أهلها ماراح يرضون لأن جنسية عيالها غير ؟؟!! ولا تحسون الموضوع عادي

انا اشوف ان مافيها شئ

بنات خالي ماخذين ازواجهم من الكويت

وعايشين احلى عيشه

واذا قصدك انها بتلهى بحياتها فهذا صح حتى لو انك متزوجه من نفس جنسيتك بتنشغلي عن اهلك

فما بالك بغير

اما عن قصدك العيال يتزوجوا من نفس الاهل فانا اشوفه يصح مثل ماتزوجت الام من غير كويتي

حبيبتي انا كويتيه مثلج

خالاقولج شي انا ريجتي رايحه مع ريلها يدرس بره الكويت ((اهو كويتي)) قتلها ما حسيتي بالغربه
تدرين اشقالتلي؟؟

قالتلي بره الكويت نفس الكويت الناس كلها لاهيه و مشغوله محد فاضي حق احد فاذا عشت بغربه مع ريلي احسن ا ني اعيش بغربه بدون ريل

و بعدين على سالفة زواج اعيالج من نفس جنسيتج هذا شي طبيعي بيصير حبيبتي لان اهم راح يتربون معاهم فاكيد يبون ياخذون ناس من نفس تربيتهم و عيشتهم
صح ولا لاء؟؟

لا تتوقعين ان اعيالج بيحسون بالغربه بالعكس اهم عايشين بين اهلهم و جماعتهم

والبنت سبحان الله تتأقلم مع كل وضع تعيشه حبيبتي

مشكوره على ردج يالبندري :)
حبيبتي عروس الحب بس ما تحسين انها تفرق انه رفيجتج في النهاية ما ردها حق ديرتها بين أهلها اما اذا خذت خليجي ماردها حق ديرة ريلها هم والنعم فيهم وأهلهم بس على قولتج الوحدة تعيش في غربة مع ريلهااحسن من ما تعيش بغربه بدون ريل :)

[GLOW="FFCCFF"]
حبيبتي ربي يوفقك انا عن نفسي احس انه عاااااااادي ماا فيها شي ,,,

الله ايسر لكل البناات اللي لسى متزوجو

تقبلي مرووري
[/GLOW]

الله يوفقك اختي

بس احنا عندنا مثل يقول من اخد غير جنسه ظلم نفسه

ومن رائيي ان الولد يرجع يحن لبنت بلده

وهذي وجه نظري

انا اشوف الموضوع عادي
الوحده تاخذ خليجي لان دول الخليج عاداتهم وحده ما فيه فرق
صحيح ان فيه اختلاف بسيط لكن ما اعتقد انه رح يأثر بالزواج لانها رح تتخطاها بسرعه والله يكتب لك الي فيه الخير..

انا احس الشي قسمة ونصيب......... واذا كان الصبي واااايد زيين وكل المواصفاات زينة وما يتعوض والوحدة تفكر ان ما بتقدر تحصل من ديرتها نفس الي فييه وان البنت تقدر على بعد عن اهلها!!!!!!! واهم شي الاهل راضيييين والقرار للبنت بعد الاستخارة والتفكير!!!!!!!

واحس دول الخليج مافي فرق نفس العادات والتقاليد..... والمسافات قصرت بالمواصلاات مافي شي صعب

بس افضل اني اخذ ولد دييييرتي علشان اكووووون اقرب من اهلي وامي لاني وااايد متعلقة فييهم

قال الرسول صلى الله عليه وسلم (( من جاكم من ترضون دينه فزوجوة ))
اهم شي الدين والاخلاق

شوفي حبيبتي
زواج البنت من غير جنسيتها
لابد ان تتحمل اشياء كثيره
اولها
الغربه
يمكن هذا الزوج الخليجي يرفض ان يعيش في دولتها مثال الكويت يرفض ان يعيش ويريد العيش مع اهله في بلده
هل تتحملين ....؟؟ الفراق ... اممم صعبه

ويمكن يقبل بالعيش في بلدك مع اهلك ...


ويترتب على ذلك
اطفالك في المستقبل مدارسهم عيشتهم جنسيتهم غير عن اطفال البلد الذي يعيشون فيه

لن يكون لهم منزل
لان القانون بالكويت لايسجل عقار باسم غير كويتي

الا اذا كان راح يسجل البيت اسمج
شي راجع له


واشياء ثانيه
يمكن العادات والتقاليد تختلف مثل ماتختلف من بيت لي بيت شلون اذا كان هالشي من ديره لي ديره من بلد لي بلد اخر

وما اقول في النهاية الا حلاة الثوب رقعته منه وفيه
والنعم بالخليجين كلهم على راسي
بس ياحلو الشي لو كان منج وفيج


دمتم سالمين
اختكم شريفه

السلام عليكم...

ادري انج محتاره حبيبتي... ولازم تفكرين عدل و من كل الجوانب.. و اهم شي تسألين نفسج اذا انتي مقتنعه من البدايه بهاي الفكره والا لا.. و قبل كل هذا.. الريال و اهله لازم تسألون عنهم زين..
اما اذا كان مافيه عيب و تحسين انج مرتاحه ترا مافيها شي اذا الوحده خذت من غير جنسيتها لانه الامارات والكويت نفس الشي.. و وايد من اللي اعرفهم ماخذين كويتيات و مرتاحين.. و بعدين مب من بعد الكويت متى ما بغيتي بتزورين اهلج و هم بيزورونج.. لانج حتى لو كنتي عندهم في الكويت ما بتزورينهم الا في الاجازات .. يعني نفس الشي.. بس بعد اقولج هذا كله يعتمد عليج انتي اذا مقتنعه و على الريال اللي بتاخذينه بعد...

هذا راييي و الله يوفقج و يقدم اللي فيه الخير :D

اهم شي يكوووووووووون زوج طيب حنون

موفقه انا عن نفسي ودي اخذا اماراتي

بعد قلبي يا عرايس على ردودكم الطيبه وانشالله ربي ينول كل وحدة فينا وكل وحدة ردت على موضوعي أحسن من اللي تتمناة :)


أحبكم ...... وعسى الله لا يحرمني منكم وايد وايد استفدت من ردودكم :)

وبشرينا بعدين خلاص

SHREEFA;8150145:
شوفي حبيبتي
زواج البنت من غير جنسيتها
لابد ان تتحمل اشياء كثيره
اولها
الغربه
يمكن هذا الزوج الخليجي يرفض ان يعيش في دولتها مثال الكويت يرفض ان يعيش ويريد العيش مع اهله في بلده
هل تتحملين ....؟؟ الفراق ... اممم صعبه

ويمكن يقبل بالعيش في بلدك مع اهلك ...


ويترتب على ذلك
اطفالك في المستقبل مدارسهم عيشتهم جنسيتهم غير عن اطفال البلد الذي يعيشون فيه

لن يكون لهم منزل
لان القانون بالكويت لايسجل عقار باسم غير كويتي

الا اذا كان راح يسجل البيت اسمج
شي راجع له


واشياء ثانيه
يمكن العادات والتقاليد تختلف مثل ماتختلف من بيت لي بيت شلون اذا كان هالشي من ديره لي ديره من بلد لي بلد اخر

وما اقول في النهاية الا حلاة الثوب رقعته منه وفيه
والنعم بالخليجين كلهم على راسي
بس ياحلو الشي لو كان منج وفيج


دمتم سالمين
اختكم شريفه

راي من راي الأخت شريفه بارك الله فيها

كلامها حكيم وصائب (y)(y)(y)

ماشاء الله عليها

عزيزتي الزواج مسؤولية وتضحية ويباله تخطيط وتنظيم عشان ينجح أنا ما أقول أنه ما بينجح بس راجعي الأمور اللي ذكرتها الأخت شريفه هل بتتحملينها .. وفي بعض البنات سبحان الله متعلقين فأهلهم ما يقدرون على فراقهم وبعضهم ماشاء الله من يتزوجون ينشغلون بريايلهم وعيالهم

:)

الله يرزقج الزوج الصالح الحنوووون اللي يخاف ربه فيج ويداري عيالج ويعيشج في نعيم آمين آمين آمين

اللهم صلي على محمد وعلى آل محمد كما صليت على إبراهيم وعلى آل إبراهيم إنك حميد مجيد

(f)

انا احس ان مجتمعنا يعارض هالشي:!!:

هلا اختي
أنا بحرينية ومتزوجه اماراتي ومر على زواجنا ثلاث سنين وأنا للحين قلبي متعلق بديرتي صايرة بين البحرين والامارات بس لأني وايد متعلقة بأهلي وخاصة أمي الله يخليها لي..بس هذا النصيب يعني قبل الزواج كنت دايما اقول مابي اتزوج الا من ديرتي ما كنت اتخيل اتزوج غير بحريني بس عشان الغربه وتخيلي زوجي تقدم لي اكثر من مره ومن غير تفكير كنت ارفض فكرت بالغربه بس يوم شفته الريال شاريني ومصمم يبيني قلت اعطيه فرصه واستخرت ربي اكثر من مره وارتحت وحسيت نفسي أبيه والحمدلله تزوجنا بأمر من الله وصار عندنا بنوته وولد.. وعن حنينج حق ديرتج وهلج لابد منه بس لازم تستحملين الغربه هم بيزورونج وانتي بتزورينهم وبتعيشين حياتج بحلوها وبمرها والحمدلله صار عندي صديقات وتعرفت على زوجات ربع زوجي وعن العيال بعد مو شرط يتزوجون من ديرتج أو ديرة أبوهم انتي ما تدرين وين النصيب بعد ما يصير تجبرينهم هذا رايي الشخصي وان شاء الله تستفيدين من تجربتي
والله يكتب لج اللي فيه الخير والصلاح لج