ঔღঔ تجمع ( رشيقات و جميلات حتى في النفاس ) - بنات قطر ঔღঔ

ام اريام العوبة;8191494:
أنا من الكويت

وعجبتني سوالفكم يا بنات قطر وحبيت اشارك معاكم بالموضوع


انا والدة لي عشر ايام

هلا حبيبتي
منوره يالله فيدينا شنو سويتي ؟

ورود ناعمه;8192634:
هلا نفوساااات شفت تجمعكم لفت انتباهي انا خلصت نفاس عديت هالمرحله عقبالكم صبايا ولدي احين اربع شهور ....ليش ماسويتون هالتجمع مع فتره نفاسي هههههههه زعلت
وبالتوفيق للجميع
دخلت حبيت اسلم عليكم
انشاء الله ماتضايقتوا

ههههه معليه قولي لنا شنو كنتي تسوين ؟

يــ غ ــار الـحـلــى QTR;8193689:
شيخه المساده يوم جاتني نفس الكلام قالته

العصاير ممنوعه الفواكه ممنوعه

مافي يجلس مربع 3 شهـور خخخخخخخخخ

واشيااء وايييد بس انصدمت ان الفواكه ممنوعـه ليش ؟!!

اهم شي يجلس مربع ؟
شدعوه باربا الشاطر ههههه

يــ غ ــار الـحـلــى QTR;8193705:
ننـووومـه تقريباا مثـل هالنـقشـه

بس انـاا كـانت من جـدام عنـد عـظـمـه الكتـف ومـن ورى

انشالله باسويها من متى في خاطري . بس كانت ممتده مع نقشة اليد ولا في فواصل خخخ

Ms Dior;8193802:
هلا بنات

انا للحين حامل بس ابي استفيد منكم حق نفاسي

انا رشيقه قبل الحمل ومازلت بس الي فيني ان بطني شايل الياهل هههه

اتمنا عقب الولاده ما تطلع لي كرشه مااااااااااااااااااحب

ان شاء الله استفيد من خبراتكم..

بس سؤال ..

ليش ما تستشيرون الدكتوره المعالجه في امور ىالممنوع في فتره النفاس؟؟

لان احس في اشيا تفليديه والعلم تطور يمكن الشي الممنوع فيه صحه لكم

او في اشيا تاكلونها والمفروض لا


انا في عياده الحوامل خبروني في محاضرة ان غذاء الام مهم لانهاا ترضع البيبي والرضاعه الطبيعيه تساعد في رجوع الرحم ةمكانه

تغذو زين وتحملو تسوووون رجيم ...

وتقدرون اتسووون لكم برنامج مشي عقب اسبوعين من الولاده

والي والده قيصريه لا تسوي اي رياضه بس لازم تبتعدعن الاشيا الي تنفخ الكرش

واياكم والغازيات لانها مثل ما بتسبب لج مشاكل بمعدتج وكرشج بتسبب مشاكل للبيبي لان يدخل له من الرضاعه الكلام مو من عندي من قابله قانونيه

هاي الي عندي حق الحين

واي محاضرة احضرها وتفيدكم بكتب لكم نبذه منها

ادعولي الله يتمم لي

هههههههه كلنا مانحب الكرشه
بس انا مادري شفيني صايره مابي البس المشد بصراحه يضايق ..
عاد معتمده على رياضة الشفط ولو انها بعد كريهه

انا ممتنعه عن الغازيات ولو ان خاطري في بيبسي يم يم

وعطينا بعد من المعلومات اللي عندج
يعطيج العافيه

اليوم سبحت وقشرت جسمي بسكراب الخوخ ودهنت بالكريم المنعمواي تحسين جسمج يصير زبده
و من متى اختي واعدتني بتسويلي روب مع خميره وما سوت عاد انا كسوله ما قمت اسوي ؟!

وو طبعا دهنت شعري بزيت جدايل وو خليته اكثر من ساعه ,, و غسلته طلع لبيب
بس مادري هو بيقوي شعري مثل ما مكتوب و لا لا ؟1

النشا مع موية الورد وخميرة وعلى وجهي ورقبتي نتايجها فعالة وتظهر على البشرة اول ماتغسلينه

موضوع عجبني

التخطيط

يعني كل وحده منا كسلانه تتغير او ملوله ، عشان كذا كل وحده تجلس مع نفسها جلسة مصارحه

وتشوف وش الاشياء الي تحفزها عشان تتغير او عشان تستمر او عشان ماتنسى انو كان في بالها تتغير

تذكرو المقوله " عندما تكون هناك ارادة تكون هناك طريقه"

بقولكم طريقتي يمكن البعض تحمس لطريقتي والبعض ماتعجبه ولا تناسبه لان الناس نفسيات ولكل شخص منا

زر يشغل طاقته وحيويته ، فتشوا عن ازاريركم ووش الي يشغلها

اولا: انا لا حظت عندي مشكلة في الاتي:

أشرب قهوووووووووووووه كثير واحيانا انطحها واحيانا تنطحني يعني احينا استسلم واحيانا امسك نفسي

لاحظت اذا بديت اشرب قهوة ماوقف كاس ورا الثاني لين انخفض ضغطي ، فانتبهت لشغله اني اذا دخلت المطبخ

اروح ادور فيه وافتح الثلاجه واتمقل فيها واقول جوعانه خليني اسوي شكشوكه واقول لا صعبه يبيلها طبخ

بعدين اقول طيب اسوي خبز ولبنه واقول لا هذي فيها تحمية خبز عالنار

اخر شيء من العجز اقول طيب كاس نشكافيه وكيك اذا موجود.

طبعا اعترف اني عجوز منتهيه بهالنقطه لكن متى تجيني هالحاله ايام الدورة ووقت نفسيتي خايسه واذا سهرانه

بسسسسسسس

عشان كذا قلت لازم ماعطي نفسي مجال افكر واخلي عقلي يوحيلي بافكار الكسل وتحبيط الهمم

راح أسوي قائمة بجميع الاكل الصحي من مكسرات وفواكه وخضار وتمر واي حاجه خفيفه مفيده

بحيث الزق هالقائمة عالثلاجه او اي مكان ن لا حظت العقل ماله خلق يفكر انتي وش تبين تاكلين

واصلا ماراح يعطيك خيارات من كثر ماهو كسلان لكن لما تكون الخيارات مكتوبة قدامك على ورق

راح يوقف تفكير وتتحمسين.

مثلا انا في بالي اجهز قائمة للاشياء الخفيفه الي بين الوجبات تقريبا تحوي:

زبادي - تفاح - موز - برتقال - عنب - زبيب - لوز - فول سوداني - تمر- كاكاو خام (70% كاكاو) - بيبسي

العائلة خخخخخخخخخخ امزح - عصير فلوريدا برتقال- عسل - خوخ مجفف- تبولة - زيتون -


النقطة الثانيه:

لا ترهقي نفسك بالتغيير ابدا ولا راح يجيك احباط وتنتكس حالتك وتعافين كل شيء، اخذي الموضوع بروية جدا

ومافيها شيء اذا خربطتي فترة وبعدين رجعتي له لان معناته لسا راح تتاقلمي. لا تبدي بكل شيء بالكتاب دفعه

وحده عشان ماتحسي انك مقيدة. بالنسبه لي اسهل شيء اسويه من دون جهد وطبخ ونفخ اني وقفت

الوجبات السريعه وعشان اكرهها صرت اسوي لنفسي ايحاءات نفسيه لما اشوف الوجبه اقول اكيد ماغسلو

يدينهم العمال او اكيد في شعر طايح بالاكل او القدور ماغسلوها او الاكل منتهي تاريخه لين صرت

تقريبا ماعاد احب اكلهم الا للضرورة القصوى .

يعني مو مشكلة اجلسي فترة لين تضبطين اكلك وتتاقلمي مع النوعية الجديدة ولين تعرفي الاماكان الي تشتري

منهان مو مشكلة اذا اخذ منك شهرين وبعدين دخلي حاجه جديده لين تتعودي عليها وهكذا

وكل وحده منا تختلف عن الثانيه من ناحية الرغبة بالتغيير + ناحية الانضباط+ التعود

هذا الي ببالي الان

انا خلصت انفاسي ولله الحمد ... والله يطلعكم من باقي شروره :)

بس حبيت اشارك معاكم بتجربتي ...

اول نصيحة لاتشربون عصير برتقال ولا اي حمضيات ولا تشربون ماي ... لاني خلصت الانفاس وللحين مانظفت والسبب اني كنت اشرب كل يوم كاسين عصير برتقال والماي بالدقيقة :( للاسف

ثاني شي تدفوا عدل لان الهواء يذبح اذا دخل في الرحم .. انا اهملت نفسي في اخر يومين ومرضت من الهواء اللي دخل فيني

ثالث شي طريقتي في العناية الشخصية / 1_ امسح رقبتي يوميا بغسول اسكنول
2- شريت صابونه من لاش لونها ابيض وفيها ماي ورد وقطع ورد باللون الوردي كنت افرك كل جسمي فيها وعقب احط الصابون المغربي شريته من الصالون اللي في اللاند واتم افرك جسمي عدل لين اشوف الخيوط السوده خخخخخ
3- احط ماسك للبشرة شريته من السودانيه ام احمد
4- اتنشف وقبل الخروج من الحمام افرك جسمي بكريم بعد شريته من السودانيه ام احمد
5- في يوم 25 خليت السودانيه تسويلي حمام مغربي وفي يوم 38 :)

وهذا جدولي البسيط :)

واااااي تف تف
امس كنت بقول لكم مافي يجلس مربع ثلاثة شهر سبقتيني هههههههههههههههههههههههه
ننوم
انا الكرشة عندي صايرة حمار وحشي بس الخلفية سودة والخطوط بيض فججي انتي موتيني ظحك اي والله باربا الشاطر
تدرون انا شكلي باتبع نظام فيافي
وبفك عمري من الحلبة
ووووو اليوم انا سويت لي حمام سونا بس بنات ترى لي تدهنت بزيت زيتزن وسبحت بماي دافي الاحظ ان بطني يتقشر جربو هالطريقة
اي والصراحة لبست المشد وماقدرت علي ربطت بطني بغترة طقتني لووعه توهققت بعمري شكلي باسي رياضة

مشاعر
ما شاء الله تبارك الرحمن الحمدلله على سلامتج ..
بس بعد للحين مقتنعه بسافة الماي
يوم ولادتي الاولى كنت الهث من العطش وشربت ماي لين ماقلت بس
بس كنت وايد اشتكي من الجفاف وقت الـ .. مع ان كل شي اوكي يعني الحمدلله النفسيه تمام ما شاء الله بس الجفاف كان يزهقني حياتي .. يعني الحمدلله عمري ما اشتكيت من افرازات زايده و ماجاتني الاتهابات الا من كثرة استخدام الغسول مال الجمعيه كير فري وطقته .. واعتقد بعد هو كان مسبب لي الجفاف ..
و الطهر ترى نفاس المره ممكن يوصل 60 يوم يعني مب شرط ان 40 يوم بالتمام تكون خالصه .. حتى لو كان بس افرازات بنيه او صفرا .. مادري والله هاي وجهة نظري وتتحمل الصواب و الخطأ .
اما بخصوص عنايتج الشخصيه على كثر ما افرك ما اشوف شي ينزل ؟ حتى يوم سويت حمام مغربي يوم عرسي وعقب ولادتي الاولى ما اشوف شي نزل ؟ مادري شسالفه هل هو سوء في اختيار الي تسوي الحمام ولا شنو ..قلت هالمره باجرب نور الهنديه جووود تنزل لي الخطوط السودا على قولتج خخخ
ام امد هي نفسها اللي تحف صح .. باتصل لها اليوم اسأل عن اسعارها كم .. لاني ابي اسوي حمام عدل وو خاطري في وحده تحف ما تخلي ولا شعره .. يعطيج العافيه وو فيدينا من تجاربج حتى لو خالفناج خخخ

هههههههههه اتش بي

هههه توني بعد قريت بابا الشاطر مت من الضحك >> كتبتها تلقائيه ذاك اليوم ههه

انا بعد كرشتي حمار وحشي يمكن لان توها لينه باجر لين ايبست بتتلاشى الخيوط >> مب انها بتروح لا بس بتغيب عن عينج خخخ

صبـاح الخيـر يانفـوسـااات


جـمـعـه مبـآآآركـــة


مـشـاعـر


الحمـدالله على سـلامتـج ومـاشـاء الله عنـايتج حلوووه

انـا عجبتـني صابـونـه ماي الـورد بمـر اخذهااا ,,, وعن الحمـام المغـربي أم احمـد تغيـرت مب مثل قـبـل

انـا عرفتهـاا قبل 4 سنين فـرق في الاسـعـااار قبـل تحف وتـفـرك من قـلب

الحيـن الحمـامـات لهـاا اسـامي وكلـها نفس الشـي بس فـرق في السعـر

يادوب تحط الخلطه 5 دقايق واتشلهـاا ومن كثـر الضغط اللي عليهـااا تحسين ماتفرك من قـلـب ,,,




ســـؤال:


انـا الحيـن فـوق الاسبـوع مانـزل علي دم انـا عبالي طهـرت وكنت احتـري

الدوره وامـس نـزل شي بنـي انـا عبـالي الدوره عـقب اكتشفت انهـا افـرازااات

الحين انـا طهـرت من النفـاس والا للحيـن !!

بـاقي على طلعتـي 7 ايـآآم وابـي اعـرف راسـي من كريـاسي

هلا يابنات انا توني حامل في الاشهر الاولى وحبيت استفيد منكم لاني الصراحه في ولادتي الاولى ماهتميت في الماسكات وفي هالاشياء وكنت بروحي في بيتي لان امي كانت مسافره وتعذبت حتى بنتي مارضعتها لان وااايد اشياء ماكنت اعرفها وكان فيني اكتئاب وووو وايد اشياء اكسر الخاطر :(بس اهتميت في الاكل لان عقدتي المتن ولااازم الوحده تشرب ماااي وعصير البرتقال علشان تتجنب الامساك وكانت المساده تقولي لااااااا مب زين يمسك الدم في الرحم وماله خص طهرت في 25يوم
والشي الوحيد اللي كنت احطه على جسمي هو ....

1- علبة جليسوليد
2-علبتين جلسرين سائل
3-وونص غرشة بيبي اويل
4- ليمونه
ينعم البشره بشكل مو طبيعي ويبيض

وللمنطقه الحساسه كريم بيتادين (ينباع في الصيدليه)مفعوله سحري يبيض ويشد وانا استعمله بعد حق السواد اللي كان في بطني

وانشالله استفدتو الا اكيد استفدتو :21_133:

هلا نفوسات

شخباركم

عساكم بخير

بااااااال في النفاس الماي والعصاير ممنوعة

اشدعوه ضبان خخخخخخخخ

شنسوي عيل الحليب ماراح يدر ولساني راح يطلع على بررررع والعظش بيلعب بحسبتي

وتعالوا اشسالفة شيخة المسادة يوم تقول مافي يجلس مربع هههههههههههههههههههه

مافهمت يعني في النفاس مانتربع؟؟ والا شنو؟؟

بنت الدوحه 85

حياااااج الله والله يثبت حملج ويفرحج بشووفته

كسرتي خـاااطري بروحج في نفااسج لان انـا الحين في النفاس وامي اللي مسنعتني

بدونهـا مادري شبسوووي

ووخلطتج شكلهاا حلووه بس احس ماعندي وقت كلش

بس يبيلي انسق جدوول حلوو حق عقب

أول مـره اسمع عن كريم بيتادين يبيلـه <<<--- حقل تجاااارب حشى خخخخخخ

عسعوووووس


اخباارنـااا تسرج حيـاااتي

وعن المـاي انـا كنت اشرب عـادي حتى العصايـر ترى صج يحبس الدم

انـااا كنت اشرب عصير رمـان يوميـااا عشاان الدم

لاحظت الدم خف وانقطع ولمـا اتركه واشرب حسووو ينـزل شكثر وعقب قالت لي المسااده

ترى العصاير المـاي ممنوعييييييييييييين

وعن مافي يجلس مربع خخخخخخخ

يعني لاتربعين خير شر في النفاس وعقب النفاااس لمده 3 شهـووووور

مجنونة قطر;8205712:
مشاعر
ما شاء الله تبارك الرحمن الحمدلله على سلامتج ..
بس بعد للحين مقتنعه بسافة الماي
يوم ولادتي الاولى كنت الهث من العطش وشربت ماي لين ماقلت بس
بس كنت وايد اشتكي من الجفاف وقت الـ .. مع ان كل شي اوكي يعني الحمدلله النفسيه تمام ما شاء الله بس الجفاف كان يزهقني حياتي .. يعني الحمدلله عمري ما اشتكيت من افرازات زايده و ماجاتني الاتهابات الا من كثرة استخدام الغسول مال الجمعيه كير فري وطقته .. واعتقد بعد هو كان مسبب لي الجفاف ..
و الطهر ترى نفاس المره ممكن يوصل 60 يوم يعني مب شرط ان 40 يوم بالتمام تكون خالصه .. حتى لو كان بس افرازات بنيه او صفرا .. مادري والله هاي وجهة نظري وتتحمل الصواب و الخطأ .
اما بخصوص عنايتج الشخصيه على كثر ما افرك ما اشوف شي ينزل ؟ حتى يوم سويت حمام مغربي يوم عرسي وعقب ولادتي الاولى ما اشوف شي نزل ؟ مادري شسالفه هل هو سوء في اختيار الي تسوي الحمام ولا شنو ..قلت هالمره باجرب نور الهنديه جووود تنزل لي الخطوط السودا على قولتج خخخ
ام امد هي نفسها اللي تحف صح .. باتصل لها اليوم اسأل عن اسعارها كم .. لاني ابي اسوي حمام عدل وو خاطري في وحده تحف ما تخلي ولا شعره .. يعطيج العافيه وو فيدينا من تجاربج حتى لو خالفناج خخخ

الله يسلمج من كل شر / بخصوص 60 يوم .. طفرت والله ابي احس اني حرة لاعت جبدي من الكوتكس وانتوا بكرامه افففففففففففف لين متى عاد :(

المهم اني كلمت الدكتورة وقالت لي يمكن الرضاعه هي اللي رافعه الدورة ومادري شنو بعد المهم اني بروح لها باجر وبشوف شتقول لي عقب التراساوند

اي هي نفسها ام احمد اللي تحف :) انا من زمان اتعامل معاها حتى من قبل لا اعرس كنت اخذ من عندها كريمات وماسكات

يــ غ ــار الـحـلــى QTR;8206585:
صبـاح الخيـر يانفـوسـااات


جـمـعـه مبـآآآركـــة


مـشـاعـر


الحمـدالله على سـلامتـج ومـاشـاء الله عنـايتج حلوووه

انـا عجبتـني صابـونـه ماي الـورد بمـر اخذهااا ,,, وعن الحمـام المغـربي أم احمـد تغيـرت مب مثل قـبـل

انـا عرفتهـاا قبل 4 سنين فـرق في الاسـعـااار قبـل تحف وتـفـرك من قـلب

الحيـن الحمـامـات لهـاا اسـامي وكلـها نفس الشـي بس فـرق في السعـر

يادوب تحط الخلطه 5 دقايق واتشلهـاا ومن كثـر الضغط اللي عليهـااا تحسين ماتفرك من قـلـب ,,,




ســـؤال:


انـا الحيـن فـوق الاسبـوع مانـزل علي دم انـا عبالي طهـرت وكنت احتـري

الدوره وامـس نـزل شي بنـي انـا عبـالي الدوره عـقب اكتشفت انهـا افـرازااات

الحين انـا طهـرت من النفـاس والا للحيـن !!

بـاقي على طلعتـي 7 ايـآآم وابـي اعـرف راسـي من كريـاسي

الله يسلمج من كل شر

صج اسعارها زادت وصار للحمام اسامي بس احسن من غيرها وعلى شغلها انا احسه نفس الشي وتفركني عدل لاني اقعد على راسها اقول لها فركي زيادة هنيه وهنيه لين الوع جبدها خخخخ

انا مثلج لليوم محتارة ماعرف شنو هذا اللي ينزل علي ولا اعرف راسي من كرياسي عشان جذيه من الافضل تروحين حق الدكتورة وهي بتقول لج :)

يغار الحلى : يا اختي ليش ما نتربع ؟؟؟؟؟؟؟؟؟

انا كله متربعه وبس :( الحمدلله والشكر .........

ممكن اعرف شالحكمة ؟؟؟

@مشاعر@;8212365:
يغار الحلى : يا اختي ليش ما نتربع ؟؟؟؟؟؟؟؟؟

انا كله متربعه وبس :( الحمدلله والشكر .........

ممكن اعرف شالحكمة ؟؟؟

مـادري هـي تقـول مانتـربع عشـان التضـوييق

عـاد مـادري انـا سالت امـي قالت بس في النفـاس ماتربعيـن والا عقب عـادي

قلت هي تقـول 3 شهـوووور ,, عـاد ماينـدرى

هااااايووو من موووجوود؟

اول مرة اسمع عن التربع ....... النفاس الجاي ان شاءالله ماراح اتربع خخخخخ /// خلاص الحين تربعت وخلصت

انا اليوم قمت أتربع مدام مو زين خلاص مافي تربع بعد