ঔღঔ تجمع ( رشيقات و جميلات حتى في النفاس ) - بنات قطر ঔღঔ

طبعا اي ريال بالدنيا يحب الدلع والدلال وحركات الدلع
موضوعي هذا كل وحده تحط حركه دلع وجذي يصير عندنا مرجع لحركات الدلع عشان الي تدخل تقرى الحركات وتختار وجذي احنا نستفيد وهالفسم يرتقي ومنتدانا الحلو يتطور
اول شي ببدي بروحي
لما تشوفين الكاكاو سوي روحج مندمجه اذا كنتي من محبين الشوكولاته مثلي
اليوم الظهر كان في كاكاو جديد شاريينه واول ما شفته طلعته من الكيسو قمت فتحت العلبه بكل شوق مثل الياهل لما يشترون له لعبه جديده وعيني كانت طالعه بره ولما شفت الكاكاو بايدي عيني طلعت اكثر واكلته وانا مغمضه عيني ومتلذذه.................
انا ماكنت منتبهه حق روحي ولا كنت اظن انه يطالعني بس هو الي عمره ما تكلم ولا مدح قالي شكلج يهبل مثل البيبي لما امه تعطيه كاكاو والله استانست هههههههههههه زين الحمدلله علق على شي.....
يالله ناطره حركات الدلع الي عندكم كل وحده تكتب حركه دلع سوتها او حتى ما سوتها لكن في بالها

حسيت الحركه عبيطه !!
بس يمكن تسوي شغل خخخ

مسألة الدلع هاي ،، طلعت في حياتي متأخر ،، طول عمري ،، اسوي روحي جدعة ,وبنت ابوها ،،

وشايلة البيت شيل ،، والاولاد ،، والسوق ،، الخ،، حتى مشيتي عسكرية،، يا زعم بطلة ،، المهم بعد عمرن

طويل ،، شفت اني غلطانه والف غلطانه ،، لان زوجي بدأ يمل المهم ،،

من طبعي احب اغني ،، يعني ساعات صوتي يطلع حلو،، فاغني اغاني زمان ،، مثل يا بتاع ا لنعنع

نعنعني ،، يا بتاع النعنع يا واد انت،، او ما اشربش الشاي اشرب ازوزا انا ،، او الطشت قالي الطشت

قالي يا بنت يا اللي ،، قومي استحمي ،،

المهم لمست انه يمووووت في هاي الاغاني ،، ويتغير مزاجة من مبوز الى مبتسم ،،

الحمد الله دايم خطيبي(مملكه علي طبعآ)
يقولي ياربي دلووووووووووووووعه(الحمد الله اللي ربي رزقني فيك)
وهذا بكلام خطيبي
انا لمن يبوسني اميل خدي واقوله
خلاااااااااااااااااااااااص
عيب
ولمن يسالني سؤال ارد بغنج
ممممممممممممم
مدري
ايش قصدك

لو اعرف وش قصده
اتفلسف
لمن يحكي عن طفل ولا اولاد اخواته
اقووله ياناثو بدنن
ودي ابوثه
لمن يناديني باسمي ماارد اسوي زعلانه
لازم يناديني نونو
لان اسمي نوف
اشياء كثير
متحضرني الحين
لاتذكرت رجعت لكم

اماااااااا سالفة الكافي مب عبط لو نسويها ابدا مبابتظبط لاتتهورررين

بنات لازم تحطون لكم ان بعد النفاس يكون لكم ستايل معين سواء داخلي او خارجي تمشون عليه
يعني من الناحيه الخارجيه انا قبل ما احمل في حملتي الاولى ..المكياج كنت احط مكياج ثقيل نوعا ما لكن بعد ما ربيت وايد غيرت مكياجه ككان وايد ناعم وخفيف حتى لو ماكان خفيف المهم كان راقي يعني كحل سائل ..سموك ناعم حتى لو كان بألوان غامجه يعني سووالف المكياج الخليجي كنسلتها .. والفتحات والشخووط حتى في الاعراس ما قمت احطها .... اما اللبس كنت وايد البس جلابيات في البيت >>جلابيات البيت مب الزيارات مع ان جسمي كان حلو ومرت علي ايام امتلى جسمي بس بعد كنت البس جلابيات عادد عقب ما ربيت كنسلت الجلابيات من حياتي ..يعني في البيت كلش ما كنت البس جلابيات يا بجامات وقت النوم او قمصان او ع العصاري بناطلين وو لاقنز وهالطخه .. وطبعا مع الحمله الثانيه كلش ما استسهلت ولبست جلابيات واشياء وسيعه اونه ابي اريح .. كله كنت لابسه بناطلين حمل و فساتين قصيره سواء في البيت او برا ..
اقول يمكن لان حملتي الاولى تعبت فيها وايد لانهم ما شالله توأم والحمدلله الثانيه كانت اخف .. مادري ..!!


من الناحيه اللداخليه .. غيرت في تعاملي مع زوجي .. طريقة الدلع .. قللت من الزعل يعني محاولة تجنب المشاكل .. طبعا المشاكل لا بد منها بس الاهم تداركها شلون نتداركها ونلمها .. عشان جي في هالملف مانبي بس تغيير خارجي والداخلي لا .. نبي الاثنين
تعاملج مع ززوجج .. مع الناس .. مع هلج ..
ونبي نخلي الملف مناقشة بيننا شلون نرجع لحياه ثانيه .. ؟!
شلون نغير سستم البيت .. ؟
مانخليه ممل
مثلا اللي ما طبخت كلش تجرب تطبخ ؟
اذا كنتي حاسه انج مقصره مع ام ريلج ..حاولي تتواصلين معاها بشكل احسن بعد النفاس ..

وهكذا ..

تدرين انا ما احب اتصنع احب ابتكر .. يعني مثلا انا ما عرف ارقص بس جربت مره واشوف اعجبه فصرت بين كل مره ومره اهز خفيف .. بدون تصنع لاني اصلا قايله اني ما اعرف بس مجرد محاولتي له تحسسه اني مهتمه في هالموضوع ,.. عرفتي ..
او مثلا يتصل لي من برا يقولي شتسوين اقوله قاعده ارقص مع اليهال .. يعني ما اتصنع واهز و اشوي بانكسر لا ..!!

على طاري الدلع احب اغنية يانا يانا احس كلها دلع هههه صج صباح تغنيها بس وايد دلوعه الاغنيه
بس ماجربت اغني حق ريلي اخاف صباح تموت ههههههههه

بعد لو شفتي الاغنيه الاصليه اللي غنتها مع رشدي اباضه شوفي الدلع على اصوله

وييي هالعيوز وينها وين الدلع ؟؟ههههه
شفتي اللنك؟

هالعيوز طيحت الرياييل ما تشوفينها كم واحد متزوجه ههههه

بصراحة سكتيني ههههههه

شوفي ترى لكل ريال مفتاح .. مب شرط كل من دلعت ريلها صار لها مثل الخاتم في يدها
في رياييل وايد جامدين بحكم تربيتهم بس ممكن انه يكون مب مقصر في بيته او حتى فيها ..بس ما يعرف يعبر . ولا يقدر يتصنع لان حتى هي ما بتحب هالتمثيل !!
يعني في حريم يزعلون اذا ريايلهم ما جابوا لهم هديه في وقت معين او مناسبه ..بس تراه مب مقصر مثلا فيها يعاملها زين .. يحترمها قايم بامور بيته ..يعني التعبير بالحب يكون له اشكال مختلفه .. مب شرط بس بالكلام او بالهديه ..
من ناحية المره احيان حتى كيكة تسويها العصر يخليه يمدحها سنه قدام .. يعن يلا تتساهلون في الاشياء البسيطه ماتدرين يمكن تكون احسن من اشياء كثيره كبيره لكن مالها حساب ..

وحتى صباح .. يمكن احنا نظرتنا لها انه شيبي فيها هالعيوز !! او نقول اكيد يبون يبوقون فلوسها ؟
بس يمكن ترى لاقيين فيها شي كبير محد يعرفه الا اللي تزوجها ..
وغيرها وغيرها
مثلا تشوفين وحده كلش مب حلوه ولا فيها من صفات الجمال شي لكن ريلها يموت ع الارض اللي تمشي عليها
احنا ماندري هم شنو بينهم ؟ شنو اللي نخليه يحبها هالكثر ..؟
ونفس الشي المره ..اعرف وحده ريلها ما يشتغل وهي تصرف عليه ..؟ ودايما نقول شحادها تصرف عليه ..؟
انزين يمكن هي مرتاحه معاه
يمكن هو في عينها افضل من 100 واحد يشتغل
يمكن هو مقدرها اكثر من اللي بيصرف عليها ؟
احنا مانندري هو شلون يكسبها او هي شلون كاسبته ..

مرحبا ..
كيفكم بنات .. وااااااااااااي داخله عرض بكرشتها :tongue: اتناسوا اني كروشه ..
من اول متابعتكم وابي اشترك وياكم .. :D امووووووووت في هالسوالف والخلطات والتحضير .. وحمستوني اشارككم يالله مابقى على ولادتي غير اسبوعين عالحساب .. وان شاء الله يسهلها ربي وافتك قبل ماينتهون <<< زهـــــــــقت:mad:
بس يالله عطوني تشجيع وسولفوا وياي كني منفسه <<<<خخخخخخ مستعجله ..
انا شريت لي الملح الخشن .. والمره .. واهم شي المشد الاندنوسي (y)
وناويه على خلطات .. استخدمتها قبل زواجي .. وبرد استخدمها فترة النفاس ان شاء الله .. لين ارجع عروس مثل اول ...
ياخوفي تشوتوني برا التجمع :ss:.. عادي لو سويتوها برد بعد مااولد ..(})({)

هلا ناويه اعقل
الله يهون عليج ويسهل ولادتج

انا كنت قبل ما اولد عندي جدول مخططه عليه اني اسويه والحمدلله احس عزيمتي قويه الله يقويني يارب ..
ومنها اروح بعد النفاس لصاله رياضيه عشان اشد جسمي

عطيننا جدولج اللي ناويه عليه من كل شي عشان نشد ازرج ووو نرفع عزيمتج >> شرايج في التعبير خخخ




يالله اخليكم باجر ورانا حنا ..

مجنونة قطر;8295816:
شوفي ترى لكل ريال مفتاح .. مب شرط كل من دلعت ريلها صار لها مثل الخاتم في يدها
في رياييل وايد جامدين بحكم تربيتهم بس ممكن انه يكون مب مقصر في بيته او حتى فيها ..بس ما يعرف يعبر . ولا يقدر يتصنع لان حتى هي ما بتحب هالتمثيل !!
يعني في حريم يزعلون اذا ريايلهم ما جابوا لهم هديه في وقت معين او مناسبه ..بس تراه مب مقصر مثلا فيها يعاملها زين .. يحترمها قايم بامور بيته ..يعني التعبير بالحب يكون له اشكال مختلفه .. مب شرط بس بالكلام او بالهديه ..
من ناحية المره احيان حتى كيكة تسويها العصر يخليه يمدحها سنه قدام .. يعن يلا تتساهلون في الاشياء البسيطه ماتدرين يمكن تكون احسن من اشياء كثيره كبيره لكن مالها حساب ..

كلامج 100 بالمية صح ودايما الريال يعبر بالافعال مو بالكلام ..

انا متابعتكم بصمت ^_^

واستفدت منكم وايد والله

جايه اشجعكم واحمسكم .. هههههه

ناويه اعقل;8296035:
مرحبا ..
كيفكم بنات .. وااااااااااااي داخله عرض بكرشتها :tongue: اتناسوا اني كروشه ..
من اول متابعتكم وابي اشترك وياكم .. :D امووووووووت في هالسوالف والخلطات والتحضير .. وحمستوني اشارككم يالله مابقى على ولادتي غير اسبوعين عالحساب .. وان شاء الله يسهلها ربي وافتك قبل ماينتهون <<< زهـــــــــقت:mad:
بس يالله عطوني تشجيع وسولفوا وياي كني منفسه <<<<خخخخخخ مستعجله ..
انا شريت لي الملح الخشن .. والمره .. واهم شي المشد الاندنوسي (y)
وناويه على خلطات .. استخدمتها قبل زواجي .. وبرد استخدمها فترة النفاس ان شاء الله .. لين ارجع عروس مثل اول ...
ياخوفي تشوتوني برا التجمع :ss:.. عادي لو سويتوها برد بعد مااولد ..(})({)

هلا اختي حياج الله بيننا

&#12304; فجـــر &#12305;;8296202:
انا متابعتكم بصمت ^_^

واستفدت منكم وايد والله

جايه اشجعكم واحمسكم .. هههههه

ههههه اللي يتابعونا بصمت ناخذ عليهم فلووووس تحممملي يالله سوولفي معانا وحياج الله

هلا فيك مجنونه قطر فديتك <<< مبسوطه محد قلها وش له قاطه وجهك ؟؟:D
الحمدلله وزني زاد بحدود 9 كيلو بس وتوزعت على جسمي كله وكرشتي صغنونه .. ويارب مااتعب منها بعد الولاده وترد مثل اول ..
والتشققات طلعت شوي ببطني ولونها احمر غامق حول السره .. وانا يوميا" ادهن من الصدر لأسفل البطن بزبدة كاكاو وفوقها فازلين والحمدلله هالشي ساعدني عالاقل ماطلعت تشققات واجد .. بس المشكله في السمار خصوصا" الرقبه واماكن ثانيه تعرفونها بلاوي ..:tongue: وبعد الشعر زاد في كل جسمي ..هم يبيلهم شغل وفرك ودعك وتنقيع .. (n)
وزني ان شاء الله بنتظر اسبوعين راحه بعد الولاده .. وابدا امشي وانتبه لروحي .. ولو تمم ربي وولدت طبيعي بستخدم المشد بعد اول اسبوع ونتايجه يارب تكون زينه ..
اما جدول اوشي ماجهزت ابد ..يعني شغلات مني ومناك .. ومنكم نستفيد ..:wink:

المشد الصراحة مااقدرت استعمله فالبداااااية كتم نفسي وانا كنت تعبانه من الجراحة يعني عقب 15 يوم شوي اوكي

hp_m84 هلا فيك ..
والله انا قلت على حسب الالم والنفسيه بعد بس لو من بدري استخدمه افضل قبل ماتتمدد الكرشه والا تترهل ...
بكره بتابع معاكم حبايبي