صديقتي واهل زوجها

معتزلة الغرام 21-12-2008 7 رد 1,293 مشاهدة
م
المشكلة تخص صديقة عزيزه لي ارجو التفاعل معها واعطا الحلول المناسبة


البنت ساكنة مع ام زوجها وفي نفس الوقت تصير ام زوجها خالتها وام زوجها خلينا نقول ام فلان


معها بنت متزوجة بس انها مدللة من ام فلان ولها ولد وكذالك صديقتي عندها ولد في نفس العمر


المشكلة ان اخت زوجها اتكالية في كل شي على ام فلان ولا تسوى شي لدرجة ان اكلها واكل زوجها كل من عند امها وايلي يطبخ صديقتي واخت زوجها تدرس ولا تسوى شي حتى لزوجها
حتى غسيل الملابس حق اخت زوجها وزوجها صديقتي تغسلها


ولما تشتكي لزوجها انها غير مسؤولة عن اختة وزوجها يقول لها معليش عشان امي سوي ايلي تقولة لك امي انا ما ابي ازعل امي
والام هذاها الله اذا بس لمح لها ولدها عن زوجتة تزعل وتشيل وتحط وما تكلمة ولا تكلم صديقتي ايلي هي بنت اختها
تطور الحال وسكت الزوج عن ما يضايق صديقتي واصبحت ام فلان(مفترية)وتطلب من صديقتي أنها تذهب معها الي بيت السنيورة(اخت زوجها)عشان تساعد ام فلان في تنظيف بيت المدام أختة
ولا احد يقدر يكلم ام فلان عشان ما تزعل ولا احد يقدر يكلم الاخت عشان ما تقول لا امها وتزعل بعد الام
ايش الحل في هذي المشكلة
الزوج ما يقدر يترك البيت لان امكانيتة ما تسمح له
وصديقتي ما تقدر تكلم اهلها عشان ما يصير مشاكل بين الاختين (امها وام زوجها )
والزوج يدور رضي امة وما يبي يزعلها
والاخت مستغلة الام لانها اخر العنقود ودلوعتها
وام فلان كبيرة على شغل البيت وما تقدر صديقتي تتركها تطبخ وتنظف لوحدها (قلبها ما يطاوعها)


ودمتم في رعايتة
م
الله يعين صديقتك
المفروض أنها توفق أخت زوجها عند حدها
بكره تتمرد أكثر
الله يعينها هذي وهي خالتها
أنا شفت الويل من أم زوجي وهي زوجة خالي
ومنصدمه ع بالي عشانها قرايبنا بتصير حنونه علي طلعت عقرب حسبي الله عليها وكفى
ح
حسبي الله و نعم الوكيل

اصبري فديتج شو بعد بتسوين
م
حسبي الله مافي الا انه يروح ويكلم زوجها يمكن يعقلها شوي طبعا باسلوب
S
مافي شي يجبرها انها تغسل ملابس اخت زوجها
بخصوص الطبخ مو مشكله الطبخ في جدر واحد (قدر) واحد يعني اهي طابخه طابخه
ولكن الغسيل لا مو من مسؤوليتها تقدر توقف بوجهه الجميع وانتهى الموضوع تترك الملابس وتغسل ملابسها اهي مع زوجها ولا لها علاقة بالاخت اصلا عيب شنو يعني احد يشوف ملابسي ويغسلها لي

اهي في يدها حل المشكله


دمتم سالمين
اختكم شريفة
o
صديقتك لازم تقرر اللي تسويه واللي ماتسويه وتعترض
واسمحيلي بهالكلمه هي مش شغاله عندهم هي عليها
ببيتها وزوجها وام زوجها وبس مش اكثر اما انها تروح تشتغل ببيت
اخت زوجها صراحه هي غلطانه ومش لازم ترضى من البدايه
ولازم ترفض ولو زعلو منها معلش بيرضو بعدين
والله يهديهم
.
و اذا تدرس شنو يعني ؟! الناس خداديمها ..

يمككن تغسل مره مرتين ثلاث بس مو كل مره !!

المره لها انشغالاتها بعد ..

تيب لها خدامه و تفك عمرها ..

هاي لازم هي و ريلها يكلمون اخته ما فيها شى ..

المره وراها التزامات ريل و عيال شنو بس تغسل لها !!

لازم تكلمها بجديه من غير صراخ و زعل .. بس الاهم ان ريلها .. اخو البنيه يكون معاهم .. شان اهيه لا تزيد فالحجي يدام امها .. اذا وصل لها الخبر ..

الله يعينها ..
م
[FRAME="7 70"]
اشكر تفاعلكم اخواتي وكل الحللول ايلي انقالت انا قلتها وربي يشهد بس المشكلة في الام هي المسيطر

والزوج لاحوله لة ولا قوة خايف من زعل امة

بس ربي فووق بيجي اليوم ايلي بوري اختة الويل

بيجي اليوم ايلي بتعرف الام انها ظالمة زوجت ولدها وانا حاسة انها عارفة ان هذا ايلي تسوية غلط

يعطيكم العافية ادعو لصديقتي ان الله يفرج همها وهم كـــــل مكرووب

ودمتم في رعايتة
[/FRAME]
X