ولدي فوضوي

ام ميرزا 21-12-2008 8 رد 1,427 مشاهدة
ا
بسم الله الرحمن الرحيم
اللهم صلي على محمد وآل محمد

ويش اخباركم يا امهات عروس ابي حل لمشكلتي:confused: لان مليت من هالمشكلة مشكلتي ان ولدي فوضوي بكل معنى الكلمة يعني يلعب بهدوء ما اشاء الله بس لما يخلص لعب شوفوا الغرفة كيف اصير (n)حاولت وياه انه لما اخلص لعب يرتب العابه وساعدة بس مو فايدة اقول ماما ان تعبان او ايدي اتعورني يعني يتحجج باي يحجة مرة سويت اليه مسابقة:tongue: يعني الا يرتب اول ويخلص اول واحد نعطيه هديه ما فاد في مرة عصبت عليه :mad:ولما نام شلت جميع العابه وخشيتها وصار يسأل عن العابه قلت اليه اني رميتهم في الزبالة لان ما يرتب لما يخلص وبعد اسبوع طلعتهم اليه ولا فاد ابي رايكم ويش اسوي علشان اعلمه الترتيب
علما ان ولدي عمره 3 سنوات و11 شهر

ولكم جزيل الشكر
ا
انا نفس المشكلة بس جربي معاه خطة النجوم اللي تعمليها في جدول اسبوعي كل ما سمع الكلام اكثر يجمع نجوم اكثر واذا عاند تقل وعلقي اللوحة على باب غرفة الالعاب وفي نهاية الاسبوع كافئيه بشي يحبه او فكرة اللي يشيل اكثر كمية من الالعاب ويرتبهم له حسنات اكثر يعني يجمع حسنات ترى هم يتشجعوا وخصوصا اذا معاهم اطفال غير او اخوان اللي ينال المرتبة الاكبر واني احس ولدي يحب هالاسلوب او الطرق
!
انا كنت بنصحك بالمكافأة بس ماشاء الله عليك ولدك مانفعت معه خخخ ، الله يعينك !


شوفي بقولك .. الولد ماشاء الله كبير و تقدري تحاوريه .. خلي له الالعاب اللي يفضلها و ما تعمل فوضة بالمحل لما تنتشر .. مثل الالعاب الصغيرة ( المكعبات و غيرها ) !


جذي بيصير ترتيبها سهل عليه و عليك و يمكن يفكر يساعدك في ترتيبها !


و لما يسأل على الالعاب الثانية ، اشرطي عليه انه ما تطلعيها له الا لما يوعدك بترتيبها بعد ما يلعب فيها !



وعندي فكرة ثانية !


اشتري حافظة ألعاب مميزة على شكل بيت مثلا او صندوق عادي عليه رسومات تحفزه على ترتيب الالعاب فيه !


مثل هذا تقريبا !


أ
نفس حالة ولدي؟؟
ولما اهدده اني برميهم يقول ارميهم وبابا يشتري لي غيرهم؟؟؟؟؟؟؟
الله يعينا
ا
ايسمار;8138122:
انا نفس المشكلة بس جربي معاه خطة النجوم اللي تعمليها في جدول اسبوعي كل ما سمع الكلام اكثر يجمع نجوم اكثر واذا عاند تقل وعلقي اللوحة على باب غرفة الالعاب وفي نهاية الاسبوع كافئيه بشي يحبه او فكرة اللي يشيل اكثر كمية من الالعاب ويرتبهم له حسنات اكثر يعني يجمع حسنات ترى هم يتشجعوا وخصوصا اذا معاهم اطفال غير او اخوان اللي ينال المرتبة الاكبر واني احس ولدي يحب هالاسلوب او الطرق


مشكورة ايسمار على ردش

سويت وياه هالحركة بس المشكلة انه وحيدي على كدا ما يشجع
ا
! أنــثــى !;8138944:
انا كنت بنصحك بالمكافأة بس ماشاء الله عليك ولدك مانفعت معه خخخ ، الله يعينك !


شوفي بقولك .. الولد ماشاء الله كبير و تقدري تحاوريه .. خلي له الالعاب اللي يفضلها و ما تعمل فوضة بالمحل لما تنتشر .. مثل الالعاب الصغيرة ( المكعبات و غيرها ) !


جذي بيصير ترتيبها سهل عليه و عليك و يمكن يفكر يساعدك في ترتيبها !


و لما يسأل على الالعاب الثانية ، اشرطي عليه انه ما تطلعيها له الا لما يوعدك بترتيبها بعد ما يلعب فيها !



وعندي فكرة ثانية !


اشتري حافظة ألعاب مميزة على شكل بيت مثلا او صندوق عادي عليه رسومات تحفزه على ترتيب الالعاب فيه !


مثل هذا تقريبا !




ما قصرتي انثى وانشاء الله اجرب وياه الطريقة الا قلتيها وانشاء الله تنفع وياه
ا
أم عزوز001;8139006:
نفس حالة ولدي؟؟
ولما اهدده اني برميهم يقول ارميهم وبابا يشتري لي غيرهم؟؟؟؟؟؟؟
الله يعينا



بس هالسوالف صحيح اتعبنا بس حلوة على قلبنا
الله اخليهم الينا :wink:
ح
بقول اليش عن طريقتي وية ولدي عمره الحين 4 سنوات

من يوم كان صغير علمته على ان يلعب بشي واحد واذا خلص منه يلعب بشي ثاني
يعني مثلا يلعب بالسياارات الصغار وش كثرهم عنده واذا خلص منهم حتى لو مو هو الي يشيلهم يجي يناديني اني اشليهم لانة شبع منهم وبيلعب بشي ثاني مثلا بيطلع دفاتر تلوين والوان وهكذا

ومن يوم هو صغير معود على جدي ما يصير ينثر العاب السيارات والمكعبات مع بعض لاازم يشيل شي ويلعب بالشي الثاني

وعلى فكرة هو ما يعدل اغراضه اني الي اشيلهم بس اريح الي جدي بحيث اني ما اتعب واني اعدل لانة كل مرة يكون اشوي يعني ما ادوخ بالالعاب كلهم مرة وحدددة
B
اني ولدي كبير ولما يلعب المكان يصير زحمة من الالعاب حاولت وياه بجميع الوسائل مانفع وياه الا العيون الحمرا هههه على قولتهم
X