هل تفضلين وجود احد وياج وقت الولاده

انا عن نفسي افضل وجود امي

ان شاء الله احمل واجرب الشعور

بس مااعتقد يرضون يدخلون احد اثناء الولاده لان امي واختي

لما يولدون مايكون معهم احد ابوي يرجع وبعدين نتصل ونعرف اذا امي ولدت او لا

ونفس الشيء اختي زوحها يرجع البيت وبس تولد هي تتصل وتخبرنا

اما انا مادري صراحه انا خوافه حيييييييييييييل

حتى امي دايم تقول الله يعين لاحملتي وولدتي ماري شبتسوين

الله يكتب لي الحمل قريبا دعواتكم لي بالخير حبايبي

والله يسهل على اللي قرب ولادتهم ^^

شكا على الموضوع الحلوو

هلا حياااتو
موضوعج حلوووووو
انا اكيد افضل ان زوجي يدخل معاااي لأن هو اللي يعطيني القوه...
احب وجوده معاي اكيد واتمنى انه يدخل بنات انا بالثامن الله يسهل علي وعلى كل الحوامل يارب ويرزق كل محرومه
بس من جد احس اني بتحطم لو ماكان معاااي....
اتمنى وجود زوجي اكيد وامي مابي اقولها الا بعد ماااولد لأني اعرفها حنونه ماتقدر...

انا يوم بديت اطلق مريت اول خدت ماما من البيت ويا زوجي ومافارقوني طول اليوم وانا اطلق وكانت اختي بعد بعدين جو خواتي لباقي واخواني وخوات زوجي بعد وانا اطلق هم بالغرفة بس حزة الحزة امي اغمى عليها وزوجي ميت صياااااااااااااااااح واختي بعد طلعو من الغرفة لاني حزتها ماحس بأحد وظلت اخت زوجي بس لانها دكتورة ساعدتني

اموت تخاف وتحاتي وتصيح ويغمى عليها بس بعد مااقدر اروح بدونها

والله أنا أتمنى وجود زوجي وأمي


بس آخر شي اقتنعت انه وجودهم معاي في المستشفى كفاية بس وانا اولد احس انه امي بتتعب وايد

وزوجي مادري شنهي حالته حزتهااا غير ذي بتلووع جبده من الدم والعفسه يعني خلهم برع اريح لهم الصراحه :)

امي وزوجي طبعا الله يخليهم لي


يالله تهون علي وتسهل ولادة كل حامل

ههه حلوه اطردت الكل بس معاها حق

انا في ولادتي ما قلت ولا بينت لحد ابد كانت الساعه عشره بالليل

رحت المستشفى مع زوجي طبعا وبعد ساعه قرروا العمليه عشان البيبي

نبضه ضعيف والمشيمه انفصلت عنه ياقلبي عليه وبس وقع زوجي ودخلت

العمليه وانا اقرا وادعي وادعي ربي.. وبعد ماصحيت من البنج دخلت الغرفه

اخت زوجي الكبيره**اتذكر انه محد معاي غير زوجي

وهي تبكي وتقولي لا تخافين كل اخوانك وخواتك برا** هههه هالجمله ضحكتني

لاني اذكر انه محد برا ههههه ذكريات

والحمدالله على كل حال

امي وزوجي طبعا الله يخليهم لي


يالله تهون علي وتسهل ولادة كل حامل

sha3oola;8133743:
بنات ليش تستحون ؟؟ يعني هم اللي يدخلون معكم الولاده يشوفونك وانتي تولدين يعني يشوفون التفاصيل من تحت؟؟؟؟:eek2: انا احسب انهم يوقفون عند راسك ومايشوفون اللي يصير من تحت !!

انا كنت افكر ادخل امي وزوجي معاي الولاده انشالله

لا اللي يدخل معاج يكون واقف عند راسج بس ما يشوفون من تحت ..انا عادي تدخل معاي امي وعمتي وزوجي بس وقت الولادة يطلعون زوجي ...

سلام عليكم

والله بالنسبه لي ودي اكون بروحي لان صدق استحي ههههههههه
بس زوجي حاب يكون معاي .. و لو مادخل زوجي اكيد بدخل امي .. بس الاكيد ان فيه احد لازم يكون جنبي

لان انا هنا بغربة و صعب الواحد يكون لحاله

لالالالالالالالالا مااحب احد يكون معاي لاني بذيك اللحظة ماني طايقة نفسي وبعد تبيني اشوف احد معاي ؟؟؟ ههههههههه عاد تعالي شوفي الشكل :21_195::21_133::mad2:اوووووووووووو اكيد فهمتيني هههههههه باللة ادعولي الله ييسر علي الولادة الثانية

انا بودي ادخل زوجي وياي .. عشان يحس فيني ويحن علي لأني افكر اقعد بعد ولادتي ذي 4 سنين واحمل وبصراحه ماعندي غيره ..دعواتكم بالتساهيل

انا في ولادتي دخلت زوجي وامي معاي ولا رضيت يبعدوا عني,, وساعدوني وايد وطمنوني,, كانوا يقروا قران علي,, وارتحت نفسيا يوم اشوف اهلي معي

بعدين احسن الوحدة تدخل زوجها معاها عشان يحس فيها وبالتعب ويقدر تعبها ويساعدها بالايام الجاية

انا طلبت زوجي يكون معاي..

لان امي خواااافه...

ما احب احد يكون معاي حتى زوجي بس في غرفة الطلق

أنا احب الوالده تكون معي لانها مرت بنفس التجربه وتحس فينـي وبوضعي

انا الصراحه اتمنى زوجي يدخل معاي غرفة الولاده لاني بكريه وخايفه وايد بس زوجي يقول حتى مايقدر ينطر

برع لان مايبي يسمع الصراخ يقول قلبه بعوره :wink: ومايستــــــــحمل ونفس الشيء امي ما تستحمل من كثر

الصياح والخوف وامي حتى تقول اتمنى يجي لي خبر ولادتها وانا مادري فديتها والله انا بعد مابي اخليها

تقلق وايــــــــــــــــــد اهم شيء الله بيكون معـــــــــاي ويساعدني على الولاده ان شــــــــــاء الله

أنا صراحه أحس أنه إحساس حلو يكون زوجك معاك بس ما أعتقد

إني بدخل أحد معي بالولاده ولا حتى ماما بعد ما أولد بخبرها

وموضوعك جونااااااااان تسلميلي عليه

امي بلا منازع الام غير وقت الشدايد

سلام والله موضوع حلو. انا بحملي الاول كنت ناوية ادخل زوجي بس وقت الولادة ما قدرت رجعت قلت لاختي تدخل معي وصراحة افضل انه ما يدخل الزوج لانه في رجال ما يتحملوا منظر الدم والبلاوي اللي بتطلع من الواحده. وانا نبهت الممرضات واختي انهم ما يدخلوا احد حتى اكمل واغير ملابسي بعدين يدخلون. وفي ولادتي هذي انشاء الله بيكون نفس الشيء بأذن الله والله يسهل للجميع