بعد حفل الشبكه صار خطيبي يبكي..افتوني

طمنيني حبيبتي ايش صار؟

اميين اختي راجية....بس لنتي مثل اختي وانحرق عليك مثل كل خواتي....بالنسبة لأخوك لازم يتحرك سلبيته هذي ما بتنفع ابد يكلم الولد يكلم ابوه...المهم خلهم يدرون ان وراكم رجال

عيون الفهد s;8123947:
تبغي الحل

انا حقولك عليه واذا عجبتك فكرتي استخيري اول وبعدين اعمليها

اول شي انتو مملكين يعني زوجك شرعا

طيب ليش ماتكلميه حتى لو بس امك تعرف او اي احد
وتعرفي منو السبب يعني ليش رافض الزواج بعد ماتقوليلو انا حتقبل كللللللللل كلامك بصدر رحب

امكن يكون يحب غيرك او مره بفترة خطوبه او زواج فاشل ومحد يدري امكن متعقد من الزواج

وامكن زي ماقالت امو عين

وبكدا ترتاحي وتريحي نفسك او مو شرط انتي تكلميه خلي احد من الرجال الي تقدري تتكلمي معاهم

بس بشرررررررررررررررررررررط امو ماتدري لانو لو صح قويه ماراح يقول ولا كلمه

لانو ماينفع تتزوجه وهوا مايبغى وصعب يتقبلك بسرعه

عيون الفهد

انا مع الاخت الكريمه حل جيد انتي ناقشيه

الله يفرج همج اختي ويجمعج على خير بريلج ... وايسر اموووركم للاحسن ان شاء الله

الله يفرجلك ويبين الحق عاجلا غير آآجل

أنا مع البنات اللي قالوا إنك لابد تتناقشين معاه وهذا زوجك شرعا يعني ممكن تتكلمون علي إنفراد من دون علم والدته بس أهلك يكونوا عارفين
ونصيحتي لا تدخلين أحد في الموضوع أبداااا خلي الكلام بينك وبينه فقط علشان ما تزيد المشكلة ويمكن يكون هو قلقان لأنه سيبدأ حياة جديدة وخايف من المسئولية اللي حيتحملها الله أعلم
استخيري ربك وإن شاء الله بترتاحين

اختي بالنسبه لمشكلتك مالها حل الا الانفصال ومن البدايه اي زواج او خطوبه تقوم من بدايتها علي مشاكل صدقيني راح تفشل واحسن شي من البدايه فرضا لو كان مسحور ليش مجبوره تاخذي واحد تتبهدلي معاه وكل يوم عند شيخ تعالجيه انت لست مجبره بذلك وخاصه انك لست مرتبطه معه مثلا بحب زواج عائلي يعني مالحقتي تحبيه . ثانيا ربما يكون مجبور علي الزواج وعنده حب اخر فهذا راح يدمر حياتك اكثر ثالثا يمكن اهله جابرينه علي الزواج وهو مغصوب واخيرا والاهم احتمال عند تقصير من الناحيه الجسديه ولاياهله للزواج وهذا يمكن يكون مستبعد لكن ضروري الاهتمام بهذه الناحيه او انه يعاني من مشاكل نفسيه عزيزتي انصحك من البدايه ان تتركيه احسن ماتندمي .

ماادري اضنه مغصوب عليك تاكدي يااختي ذا زواج مو لعبه

الله يكتب لك كل ماهو خير وصالح انشالله ..

الله يفرج عليج اظاهر اهو مهب راغب فيج او في باله وحده ثانية ومخصوب من طرف امه

الله يفرج همج يا رب

ياعمري الله يشفيه احس من حركاته انه فعلا معيون بس خلي احد اخوانك يتكلم معاه بكل جديه ماينفع يمكن مو مريض بس كان يبغى وحده ثانيه هذا من الاحتمالات لانكم ماتعرفونهم ويمكن يتعالج والعين امرها سهل الله يشفي مرضى المسلمين وربما سحر وتتعبين وتعانين تأكدوا زين

الله يعينك لسه مشكلتك ماانتهت

لو على الفلوس حلوها من اي مكان يااخت الرااجيه

والله ولا هالتعب ويعلقك معاه مااعرف كم

وامكن امه تغصبه ويتزوجك وبعدين تطلقين وتندمين

واحسن حل لازم تتحركي انتي بنفسك كلميه عشان تعرفي الصدق

وربنا يعينك

هلا بنواره الحبيبه ..وبروبا الغاليه..

اشكركن واسأل لكن ولكل بنات عروس خير الجزاء من رب السموات والأرض ..

دار نقاش بيني وبين امي على بعض المواقف اللي بين خطيبي

صارت في يوم الشبكه ومنها..

انه كان يشوف ايدي بنظرات غريبه..وانه قبل الزفه

تسلط الكشاف على وجهي وناظرني فحسيت انه

جلس يتأمل فيني وكأنه متضايق لأنه ماعلق علي

مع انه كان شكلي بفضل من الله جميل وهذا ماسمعته

من تعليقات الجميع وانبهارهم بشكلي..

لست امدح نفسي ولكن لأضعكم في الصوره..

اهو كأنه يهرب مني لأنه وقت الزفه كان مبتعد عني

بأشبار ثلاث ربما وكان مايطالع فيني وجهه نحو الحضور ومبتعد عني..

قالت امي يمكن فيه وسواس لأنه اللي فيه وسواس

مايبي العرس ويمكن كان يتعالج وهدأت نفسيته

وخطبوا له ..

قلت لأمي قولي للأم اجل ليه ماتكلمين الام

وتقولين لها لاصار كذا ليه تخطبين بنات الناس وتعلقينهم وتظلمينهم

لأنه لو المسأله مسألة عين كان قروا عليه وطاب وجا يزورنا او يبين رغبته في العرس..

والام ماحطتنا بصورة مرضه الا انها عين..

وقلت قولي لها حتى تخاف من الله لأنه هذا تعليق

وكل ماكلمناه تقول اصبروا وتوعدنا تتصل وماتتصل..

ويمكن هذا يبين له انه لازم تتحرك بتوضيح حالة ابنها

او تفسخ وتريحنا..

المهم لما امي دقت عليها سألتها عن الحال

قالت امي مريضه جدة خطيبي وجايبين لها الدكتور..

مع العلم انه الام لها ثلاث اسابيع وهي تتعذر

بأمه ساعات تقول بنوديها للمستشفى

وساعات تقول تعبانه وامر امها ماله دخل بأمر ولدها

سألتها امي وقالت لها ..

الحين لاصار ولدك فيه وسواس ليه تخطبين ؟؟

ردت الام بذهول انا ولدي احسن الرجال..


مع العلم انها تقول كل ماكلمناها عن ولده انه مريض

وكان نفت انه فيه وسواس وقالت مافيه شي هو بس

فيه عين وبس ..

قالت امي اجل كيف بس تخلوننا معلقين وبس ..

علمينا بأمركم..

قالت الام ان بناتي جلسوا بعد ملكتهم سنتين..

يعني الامر طبيعي ولا تلحون علينا بالرد

حتى لو جلسنا سنتين.
وعصبت الام وحاولت تنهي المكالمه مع ان امي

هي المتصله..

وبعد ساعه جا اتصال من اختي تقول :

ان الام اتصلت عليها وقالت ان امك اتصلت وقالت

ان امك تقول ان ولدي موسوس

واني توني كلمت ولدي وقال

لاصار السالفه كذا وهذا اولهم ينعاف تاليهم..

ابرسل لها ورقة طلاقها لين باب بيتها..

وعسى اللي قال اني ولدي فيه وسواس

عساه ودعت عليه دعوة كبيره..

هذا ردها لأختي مع انها اول كانت تقول اني

مااكلمه وهذاه كلمته ..

لا وتدعي علينا مع انه الامر مايحتاج كل هذا

كان نفت وعلى قولة المثل اللي على راسه بطحا

يحسس عليها ..

قالت اختي هالكلام

وهي خايفه وتقول انها معصبه ولا ردت عليها بشي

وفرحت انا احسب الطلاق بيصير..

وقلت لأمي يمه الله فرجه الله فرجه..

كله بفضل الله ثم بفضلك كان من اول يمه

تفاهمتي معه..

هذا اللي صار بس تعالوا للجد

الأم مااتصلت وصديقتي تقول الام مااظن انها

تتصل لأنه ساعة انفعال ومرت ..

وهي يمكن تبيكم تعتذرون او شي ..

هي مستحيل تتنازل بسهوله وشكلها تبي تترككم

كذا بس ادعوا الله انه يشغلها بنفسها ويرد كيدها بنحرها..

المسأله كبرت وننتظر الطلاق اللي نسأل المولى

مولانا ومولى كل ضعيف ان يفرج لنا ولكل مسلم..

وان يكشف الغمه ويفرج الهم والكرب..

انه حولنا وقوتنا وثقتنا بذي الجلال والاكرام

كبيره..

ادعوا لي اخواتي فدعوة المسلم لأخيه بظهر الغيب

مستجابه ان يتم طلاقي بيسر وسهوله..

لا ليلي ليل ولا نهاري نهار..

اذا جاء الليل انتظر فرجه نهارا واذا جاء انهار اتمنى

كشف غمتي ليلا..

ولاحول لي ولاقوة لي الا بالله ولامنجي من الله الا اليه

اختي الحبيبه سها

امه تقول انه مريض لمن قالت امي ولدك

لايتصل ولا شي..

هذا انه وصلنا لوضع الاتصال مايجيب نتيجه..

الله يفرجها اختي اشكرك والله يجعل تفاعلك معاي في

موازين حسناتك..

اختاي الكريمتان روز روز ..الطائعه تسلمون الله يجزاكن الجنه

ويوفقكن لكل خير

على دعواتكن الطيبه..

اختي الحبيبه ..وصلنا لوضع صعب اننا نطبقه

حاليا..

ابيك تقرين اللي كتبته وتدعين لي بالفرج الله يفرج لنا ولكم ولكل مسلم..

اشكرك اختي الله يسخر لك اهل الحلال ويسعدك




اختي اسماء ودي بالانفصال وكلامك كله

منطقي ومعقول بس ماعندك احد يخاف الله

الله يفرجها ..

اشكرك اختي الله يجعل ماتقومين به من مواساة في موازين حسناتك..


اختي احلام فتاة..

الفاس طاحت والحمدلله على قضائه ..

الله يفرجها ادعي اختي الله يوفقك ويسعدك..


اختي حرم اليماحي ..

امين اختي الله يسمع منك .الله يجزاك الجنه
على دعواتك الطيبه..

اختي رفف..

حسبي الله ونعم الوكيل..الله يفرجه اختي

والله اني في هم مايعلم فيه الا رب السموات والارض..

اشكرك اختي والله يوفقك..


اختي الامل ..

اخوي يقول كلموهم بالتفاهم والطلاق يجي

منهم احسن لأن الرفض منهم صدر..

انا مستعده استحمله بس هم ماحطونا بالصوره

ويتعذرون بالعين..

الله يفرجها بحوله وقوته..

مشكوره اختي الله يجزاك الجنه ويوفقك..

ربنا يعينك مشكلتك مشكله بس يااااااااارب تنحل

وان شاءالله يطلقك وربنا يعوضك بالزوج الصالح عاجلا غير اجلا

اختي ساره شفتي المحنه الله يفرج لنا ولكل مسلم..

وحسبي الله ونعم الوكيل..

لو امري بيدي كان كتبت على نفسي شيكات لو

انحبس بس افتك يارب رحمتك..

بس وش تقولين الامر مو بيدي ادعي ان ربي

يفرجها انه رؤؤوف رحيم..

اشكرك اختي على مواساتك ووقفتك الله يسعدك..

امين اختي الله يسمع منك..

ويفرجها انه على كل شيء قدير..

الله يبعد عنك كل هم وغم اختي ويكتب لك الاجر

على ماتقومين به..

ربنا يفرجها عليك يااااااااااارب

قومي قيام الليل واستغفري كثير

وراح تفرج بااذن الله