الثقة بالنفس

Q8iyah 19-12-2008 11 رد 991 مشاهدة
Q
السلام عليكم ..
شلونكم شخباركم ؟؟
بليز ابيكم تساعدوني انا الحين الحمدالله اخر سنة بالثانوية وانا الصراحة ساعات اكون حييييييييييييييل واثقة من نفسي و ساعات لاء (( انا مملوحة الحمدالله )) بس والله ساعات لما تقولي وحده امبيه حدج متناه وانا ادري ان جسمي لاهو متين ولا ضعيف يعني زين اصدق ويحز بخاطري .. انا نوعي اشيل بقلبي و ما اقول لو شنو .. اسوي روحي ما سمعت او ارد عليها اقولها والله اهم شي جسمي عاجبني بس من داخلي الي قالته لي حيييل اثر فيني .. هذا بس مثال .. ساعات كلش كلش ما اثق بنفسي .. وانا نوعي حييييييييييييييييييييل حياويه احب اتعرف و اسولف مع الناس بس مو من اول شي .. يعني ساعات بس اسمع ووووو .. بليز بنات ابي اثق بنفسي و ما يهزني اي شي
ابي لي قالتلي وحده انتي متنتي او جكرتي او صبغ اضافرج مو حلو الخ
ا
طبعا الاحساس بعدم الثقه فى النفس ده رخم قوى قوى قوى ........
بس ياماما انتى مدام خارجه من البيت بشكلك وانتى شايفه انه خلاص راضيه عنه من قبل خروجك من البيت يبقى لازم تكونى واثقه من نفسك ...
بتحصل كتير اللى بتقولى عليه ده عادى ....
عندى ليكى فكره انا شخصيا بعملها لما بكون مقلقه من حاجه فيا
بتخيلها على حد مثلا يكون حلو وشيك وكتير لما بتخيل بلاقى انها حلوه قوى فبثق فى نفسى جدا بيها لانى واثقه انها حلوه فى اللبس مثلا واتخيلنى انا اللى حلوه فيها كده وبكون واثقه قوى من نفسى ساعتها ........
وكده فى كل حاجه
S
تعرفيين شنو لمن يصير فيج شي او تستخدميين شي خلللج واااقة انا انتي عاجبنننج اصللن البنت النحييفة انا ماتعجببني كانها عضضم ولا متيينة مرررررررة حلاتها مربربة جذي ملياانة فدييتها ونتي شكللج جدي ..خللج واثقة وقولي انا يعجببني هاي لون الصبببغ او لولا الاذواق لبارت السلللع
C
لا يهمك كلام الناس تراه مايخلص
Q
مشكوين بعد عمري ما قصرتوا ..
على ردودكم السنعة
(
انا نفسج واخس بعد ومشكلتي كبيره ثقتي بنفسي تعبانه وايد وبدون سبب بعد :(
Q
وردة قطر هلا حبيبتي ..
يا شين هل حركة .. انا والله ساعات اوف اشوف نفسي احلا وحدة صج لما اطلع لان الحمدلله انا نوعي احب البس احب اتكشخ اقط على عمري قط ..
بس وردة قطر لا تخلين احد يدري انج مو واثقة بنفسج لان صج راح يحبطونج الخ ..
في كتاب حق فوزية دريع عن الثقة اشتريه
&
عزيزتي مهما كانت شخصية الوحده منا ترى يأثر فيها الكلام او الانتقاد همشي شعورك اللي تقولين عليه وكانك تكلمين نفسك تقولين لا متنانه ولاشي يتهيأ لها ,,,,,,,,
ف
لا يهمك كلام الناس تراه مايخلص
U
شوفي حبيبتي،، انا اكثر شي يأثر فيني لما حد يقول لي متنتي والا ضعفتي ههههههههه
صج احس كان طابوق طاح فوق راسي،، بس ليش؟؟
لما تفكرين في الموضوع ويكون همج طبعا بيحز في خاطرج
اول شي لازم تسوينه، انج تكونين واثقة من الشي اللي انتي تسوينه الحين
مثلا: لبستي قميص وردي، وحطيتي مناكير صفرا مثلا،، اول شي تقولين ليش انتي سويتي هالشي؟ هل لان هو اللون الوحيد اللي عندج؟ او انه مناسب؟ او انه موضة؟؟
اذا كان مناسب او علشان موضة ماله داعي تزعلين، بس لو كان هو خيارج الوحيد ما الومج لو زعلتي او شليتي بخاطرج.. في كل الاحوال هي ما لها خص
ثانيا: حطي في بالج ان 90% من اللي تعلق على جسمج بطريقة ما تعجبج او تعلق على ملابسج او اي شي فيج انه مو حلو او مو راكب انها غيرانة،، شي طبيعي يعني
مثلا،، مرة اختي كانت طالعة رحلة مدرسية، وقامت لبست النقاب على ويهها،، فقالت لها المدرسة انتي من زينج الحين علشان تتنقبين،،
طبعا لو كنتي في مكان اختي كان شلتي في خاطرج صح؟
اختي ردت عليها: على الاقل احلى من غيري، واحلى منج بعد...
طبعا انا اسمي هالشي قناعة،، وعلى قولة اختي الصغيرة هذي الابلة عيبت على نفسها بهالجملة لانها مو متنقبة، فهي شيفة (جيكرة) - قبيحة بالفصيح-!! يعني ما عيبت على اختي، رد عليها العيب!!
دايما فكري بالامور بشكل ايجابي ولا تفكرين فيها بسلبية
اذا انتي كنتي تحطين مناكير ازرق ويا بدلة صفرا، فانتي احسن من اللي تحط مناكير ازرق ويا بدلة حمرا!!
على الاقل بيكون في ذوق بس تبين اللي يحترم هالذوق..

انا ممكن يجي يوم ما تدخل التنورة فيني، وما راح ازعل لما يقولون لي متنانة من تحت، بعتبرهم قالوا لي انتي زدتي انوثة ؛)

وبشكل عام... اللي يبدي رايه بشكل مباشر بدون محد يطلب منهم رايهم الشخصي فيه يعتبر لقافة (فضول) وقلة ادب في بعض الاحيان

وفي كل الحالات اللي عليج انج تكونين مقتنعة باللي انتي عليه، ولا يهمج اللي يقولونه الناس :)
(
والله صح .. ليش في بعض الناس يتصرفون بهالتصرفات ويقطون كلام ويمشون !!! يعني هم مايحسون ولا قاصدينها ؟ استغرب منهم والله .. انا وحده ماحب حد يجرحني وماحب اجرح حد .. اتمنى الناس يتغيرون شوي ويبطلون حركات التجريح :(
غ
امممممممم ...!!!
تبين نصيحتي ...
طآف .. طآآآآآآآآآف للي بينتقدج نقد قآسي .. و نقد خآلي من الواقعيه !!



اممم .
بقولج .. انا قبل كنت الحمد لله .. رشيقه حيل ..
يعني طولي ع وزني ع شكل جسمي حلو و عاجبني ( حتى انا كنت استتغرب كيف جسمي حلو ^__^ )
بس سبحان الله . متنت من دون سبب !!!


و الحين انا مربربه .. بس بشكل حلو بعد ^__^
وايد ناس ينتقدوني ..
و وايد ناس يقولون لي وقفي كاكاو و حلويات و شيبس و غازيات ( مع اني ما أكثر منهم وايد .. احس عفت هالاشياء خلآص )

تخيلي .. حرمه جيراننا .. من عمري 13 سنه و هي تقول : غلوي لا تأكلين كاكاو .. و من هالكلام .
و الحين عمري 23 .. و لحد يومج تسألني !!! انتي تأكلين كاكاو ؟؟؟؟؟؟

من حرتي .... شوي رديت عليها بس بأسلوب حلو ^__^
قلتلها : ويييين شخباري // خالتي بعدج ع هالطاري .. الناس كبروا و انتي للحين تعامليني جني ياهل !!!
سكتت الحرمه و لا قالت شي ..





عشآن جيه !!
لا تحطين ببالج .. و لا تزعلين عمرج ..
خل يقولون اللي يقولونه .. دامج بصحه .. و بعافيه ..
و شكلج حلو بالنسبه لج .. و تحسين نفسج راضيه تمام الرضى عن نفسج ..

خلي الناس اللي حولج يحسون و يفهمون انج راضيه عن نفسج ؟
و فهميهم بأسلوبج .. انه مالهم شغل فيج . و لا يقعدون ينتقدون دام نقدهم مب مأثر فيج ..







و يقولج الشاعر ( مادري لو ممنوع و لا لأ اني احط هالابيات هني . بس اباا اشجع البنت ^__^ .. و اشجع عمري و بآآآقي المربربأأأأأأت <---- يبالنا نسوي حزب المربربات:cool: ))


للزين قالوا من قديمٍ علامات عينٍ ومبسم والجسم والرشاقه
لكن كسر هالقاعده هالمتينات من واقعٍ ما هو كلام وبلاغه

اللي محليهن ولو هن ثقيلات دايم خفاف الدم وفيهن لباقه
الله يا هن يا جماعه لطيفات وعن الكلام الحلو فيهن طلاقه


ما هو ضروري بالرشاقه رشيقات وزود الوزن ما هو بيعني اعاقه
صحيح بعض اللبس يعني اهانات الوزن بالضيق عديم العلاقه

بس مو ضروري يبلسن استرتشات يا زينهن واللبس واسع نطاقه
لا بارك الله فيك يا الضيق بالذات ترى السعه مرات تعطي اناقه

قابلهن الله بلا رجيم ورياضات بأهدي لهن مني من الورد باقه
هن دفء هذا المجتمع هن رقيقات هن ملح هن سكر لذيذٍ مذاقه





حلآته المربربه :wink:



فديتها ربيعتي طرشتها لي هالقصيده ^___^
اونه تشجعني ..
X