ونتيجه لاني دؤوبه لكل ما هو جميل ولطيف ومريح في شقتي دائما اجرب الأشيه اليديده والحلوه واجرب واجرب
يمكن هذي الطريقه مو يديده بس اهيه طريقه اسويها وحبيت اشارك معاكم فيها
جربتها من كم يوم بس
في العاده اغير فراش السرير في الأسبوع مرتين او مره حسب الحاجه
وامسح الماترس بديتول واعتمد في الريحه بس على اللاندري لانه يحطون ريحه حلوه
بس هذي المره جربت اني اعطر الماترس وضلت الريحه لعده ايام
بعد المسح اخذ البودره إلي استعملها لجسمي ورشيتها على كامل الماترس
ورشيت عليه عطر مفارش خذته من اجمل وعندي بعد من جنيد وحبيت عطر جنيد اكثر لانه تحسينه حق مفارش بس اجمل كأنه عطر ثياب <<< ما حبيته
او حتى عطر الجسم عندي من فكتوريا سكرت حلوه ريحتهم او حتى من اي نوع انتي تحبينه
وعلى المخده من الدخل تحطي قطرات من ريحه هادئه وحلوه من الزيوت العطريه إلي تحبينها مثل اللافندر <<< وهاذي طريقه شفتها في التلفزيون بس ما اتذكر اي برنامج يمكن تاير او أوبرا ما ادري مو متذكره
وبس خلاص
اتمنى انه موضوعي يعجبكم وما اكون ثقلت عليكم
