حبيباتي كلكم ادخلو تكفون ساعدوني

يمكن يكون متزوج ومايبي يقلك عشا ما يزعلك ويخسرك حاولي انك تتفاهمي معاه وتدفعيه انه يقولك الحقيقة.

الله يكون في عونج

اختي الله يعوض صبرك خير وهذا بلاء من الله لك ولازم تصبري وماتتعجلي في اخذ قرارات انتي صبرتي على الي اكبر منه وهو انك تكونين ام مو عاد رسائل جوال يمكن البنت بالشته في عمره انتي اجلسي مع ريلك وسولفي وتناقشي وياه وقوليله ماابي انهي هالجلسة الين ماتقولي الحقيقة على الاقل حتى اعرف يوم اتركك اكون ماتتركت الا لانك منت قد نعمة الي قدامك
وانشاءالله نسمع قريبا بعودة زوجك لك

سمعي مني اختي ولا تاخذين قرارج بسرعه ادري حرة وقهر ومحد يدري اكثر مني ادري انج خاطرج تقولين له خاطرج تقولين عقب كل اللي سويته تسوي فيني اللي سويته ....

ادري انج تبين تبكين بدل الدموع دم ادري ان اللي سويته مو شوي والله انا اشوفج مره قويه تستحق التقدير...

ولان اللي سويته مو شوي واللي بنيتيه بست سنوات شيء مو قليل وعمرج غالي عليج واكيد كنتي مع زوجج بحلو الحياة وبمرها واكيد اهو كان معاج في اوقات احتجتي له فيها ...

ما اقول لج سامحيه لا زعلي وحسسيه ان غلط بس بدون طلاق ترى الطلاق مو هين رجعي لج واكيد تعرفين مفاتيح زوجج ..

من قلبي اختي الله يوفقج ..

الزيــــــــــن

الله يكون في عونــــك ......:(

لا تفكرين بالطلاق بتاتا... و حفزيه على الصلاة.. الرسول عليه افضل الصلاة و السلام يقول انه الصلاة تمنع من الفحشاء و المنكر... واذا بدأ يتمسك بصلاته.. و انتشر خوف الله في قلبه ووجدانه.. صدقيني.. بنفسه بيوقف عن هالحركات..
و لا تخبرين اهلك.. لان الاهل بيعقدون الامور.. حليها بينج و بين زوجج.. الحياة الزوجية اسرار.. و ما يصير تقولين لحد عليها...

بالنسبة لكيفية ايقاف الزوج عن هالسوالف.. حاولي تطلعين معاه اماكن علشان ما يقتلكم الروتين.. بيني في نفسج و جسمج.. و شخصيتج.. جوانب عمره ما شافها... :shy:

دايما خلج مطلعه على مجال عمله.. علشان تخلقين دائرة من الحوار... ابتكري اشياء تبينين انه هو الوحيد اللي في قلبج.. و انه مب زوجج.. بل عشيقج;) ... تعدلي له كل يوم..:shy:

اقري كتب عن العلاقة الزوجية .. و تعلمي مهارات..مثل الرقص.. الرقص الخليع.. المساج المثير.. و كيف تشبعين كل رغبات زوجج..(wink)

واذا تريدين.. اقدر اعطيج كل هالمعلومات بالتفصيل الممل.. بس ما اقدر اكتبه هنيه.. علشان ما اجرح حياء البنات:eek2:.. و اعتبريني مثل اختج يالغالية..

والله انشاء الله يفرج كربج.. ويسعدج... امين

جوري الجنان

أنا متأكدة انه مو متزوج ولا عنده نية زواج أصلا الزواج عنده تقييد للحرية يبغى يعيش حياته بمزاجه ولا أحد يعارضه في شيء هذا زوجي أعرفه أكثر مما أعرف نفسي!
وبعدين أنا اكتشفت كم علاقة بعضها عابرة وبعضها مستمرة معقول كلهم متزوجهم!!!
ومشكورة على تجاوبك معي اختي


كيفي متسببة
meme28
الزين
BintZayeed
لكم كل الشكر والله يسعدكم ويوفقكم

بس المشكلة انه شيء لازال مستمر مو صار وانتهى عشان أسامح وأرد له هو الي صاد عني بهذي الخرابيط ومهما حاولت أقربله مستمر !! هو كويس معي بس عنده يوميا وقت يطلع فيه عشان يكلم ويراسل وبعدين يجي البيت ولا كنه صاير شي أبد قمة البراااااءة !!!!!!!!!!!!!!!!






uaewoman

والله ان كلامك هو عين الصواب الصلااااااة مفتاح الأمر كله والله يفتح على قلبه ويهديه ،، ومسألة إني أطلع معاه مو معطيني فرصة كل ما قلت تعذر وقال يوم ثاني وانه مرتبط والله صار لي شهرين أحاول فيه نطلع نتعشى يوم مو راضي تعبت واياه إذا عندكم طريقة تخليه يتجوب معاي في الطلعات تكفون دلوني عليها!!!!
وبالنسبة للتقرب له بكل شي والللللله ماقصرت معاه ومافي وحدة تسنع لزوجها فالبيت كثري مو مدح في نفسي بس هذا والله الي صاير خصوصا وان ماعندي أطفال يعني متفرغةله؟؟ لكن شتقولين فالي زين له الشيطان الحرام وكل شي ممنوع مرغوب!!!!!

وانا فانتظار نصايحك أختي راسليني عالخاص أنتظرررررك

والله يوفقك ويسعدك وما تذوقين ولا حد من خواتي الي ذقته وينولك ربي ما تمنين

آآآآآآآمين

:rolleyes:



:confused::confused:

اذا هو زين معاج و يعاملج معاملة طيبة و تحسين انه يحبج لا تخربين بيتج بيدج وان شاء الله مع الوقت بيعقل و مرده بيرجعلج

مرحبا اختي :

صلي آخر الليل وادعي الله يفرج لك كربتك

ولا تقدمي على أي خطوة إلا بعد ما تستخيرين

وقولي آمين الله يفرج لك :)

الله يعينك اختي العزيزة وربي يهديلك زوجك بس الحين ستة سنين متزوجين وما كان اول كده ممكن عشان مو قادر يجيب عيال جالس ينتقم من نفسه ويعني تحسينه مبسوط بعلاقته وليش متسوون طفل انبوب ممكن لما يجونه عيال يتغير :shy: وقلبي معاك والله يعينك ويصبرك يارب اختك سجينة الغربة :o

:confused:

لا حول ولا قوة إلا بالله ،،،، :confused:

اختي شمس وقمر والله ما عندي حل أو علاج سحري لمشكلتج ... يا ريت كان عندي ...
بس ما عرف ليش من قريت مشكلتج حسيت بقهر ... قلبي وياج عن جد ... وراح ادعيلج بصلاتي ان الله يصلح شانكم ويكتبلج الي فيه الخير ....آمين

إلى اختي الغالية

يقول الله عز وجل في محكم تنزيله ( اجتنبوا كثيراً من الظن إن بعض الظن إثم )

ويقول عز من قائل ( يا ايها الذين ءامنوا إن جاءكم فاسق بنبإ فتبينوا أن تصيبوا قوماً بجهالة فتصبحو على ما فعلتم نادمين )

اخية عليك كما قالت لك أحدى الأخوان بالصلاة في آخر الليل والدعاء والإلحاح في الدعاء ان يهدي الله زوجك وان يهديك انت ايضاً للطريق الصحيح

ويا غاليتي لا تتسرعي في الحكم عليه فوجود الرسائل ليس دليلاً كافياً على ما تشكين فيه فجميعنا متزوجات ونرى رسائل غرامية في اجهزة ازواجنا فالزوج عنده الأخت والأخ والصديق وحتى الرجال فيما بينهم يتبادلون الرسائل عن طريق الموبايل كما تفعل النساء كذلك

فاصبري وسوف يعوض الله صبرك خير ويجزيك عليه خير الجزاء

حاولي ان تحتوي زوجك وان تغريقة في بحار حنانك وعطفك فقد تكون هذه مرحلة عابرة وسوف تنتهي مع دعائك المستمر

حاولي ان تناقشية في هذا الموضوع بالعقل وليس بالصراخ والعاطفة ولكن حاكيه بما يناسبة باسلوب رقيق مليء بالحب

وإذا كنت قد عزمت على الطلاق فعليك بصلاة الاستخارة فهي دليل المسلم الى طريق الخير

وربنا يكتب لك الصالح من امرك ويفرج كربتك ويهدي سرك ويعيد لك السعادة والفرحة ويهب لك الذرية الصالحة انه سميع قريب مجيب الدعاء

السلام عليكم
الله يعينك يا اخت شمس وقمر وطبعا الدعاء هو اول واخر شي في حل المشكلة ولكن لازم احنا نجتهد في البحث عن أسباب الخيانه.
انا متأكده انك ما تتأخرين ومو مقصره معاه في شي ولكن سبحان الله رجل عن رجل يختلف في مزاجه ومايريد من زوجته بما يرضي الله .
اول نصيحة طبعا وهي صعبة جدااااااااااااااااااااااااااااا حاولي انك تتجاهلي الموضوع امامه ولا تظهري اهتمام وكأن شيئا لم يحدث .
اشغلي نفسك بأشياء كثيره بحيث تنشغلي عنه واظهري له انشغالك عنه وامتنعي عن سؤاله الأسئلة المعتاده ليش تأخرت ؟ وين كنت ؟ وين رايح ؟ تجاهليه بدون ما تحسسينه انك قاصده ذلك واستمري قد تطول الفتره قبل ان يلاحظ وسيبدأ هو يتساءل ليش ما سأليتي او كلمتيني او الشيء الفلاني . بعض الحالات قولي انك مالاحظتي مثلا غيابة لانك مشغوله بشيء ما 00والحالات المعتاده قولي صار شيء عادي 00 وحاله ثانية قولي له انت مخليني على راحتي فأنا مخليتك على راحتك 00 طبعا الانسان الخائن يكون كثير الشك ويحسب الناس مثلة فستجدينه انه بدأ يترك كل شيء ويهتم بك وبمذا تنشغلين عنه

طبعا يا اخت شمس وقمر لازم تتحملي النتائج قد تكون شك وغيره لفتره ومراقبه ولكن تحملي الواحد يتحمل الألم والمر من اجل الشفاء من المرض فما بالك بالخيانه فهي مرض خبيث واستئصاله قد يكون صعب . كما اني انصحك يا اختي بشيء ما
الكل يظن ان المرأه جسد وجمال وننسى ان المرأه لها عقل وثقافة
قد يخون زوجك مع نساء في عمله ليس من اجل المعاشره الجنسية ولكن قد يكون من اجل الكلام .
هناك كثير من الأزواج تصل بينهم المشاكل للطلاق بسبب عدم الكلام والمحاوره وكل منهم يقول ان الطرف الثاني لايفهمني .
ان زوجك طبيب حاولي ان تعرفي ما يحب وناقيشية في مجاله بعيد عن العمل ولكن في مجال التخصص .
عزيزيتي هناك اشياء كثيره يجب معرفتها جيدا لكي نحل الخيانه واهم شيء التعقل والرأي الصائب والنقاش العاقل ولا تدخلي اي احد في مشاكلك حتى امك فأنتي اعلم بزوجك من اي شخص تعرفي على زوجك جيدا وسوف تعرفين انتي بنفسك كيف تحلين المشكلة بدون تسرع وبدون ان تخسري شيء.

حبيبتي اذا كان تعرفين منه انه يحبك استمري معاه واياك انك تفرطين فيه

واعلمي ان من يتقي الله يجعل له مخرجا ويرزقه من حيث لا يحتسب فكري واستخيري والله يهديك لاحسن الامور ياااااااااااااارب

ولا تياسي من روح الله
---

أم مريم
أم العرسان
سجينة الغربة
أم وديمة
ذات الخمار
المرتحلة
فوز
نورا

كل الشكر لكم خواتي والله يوفقكم وصدقوني راح آخذ كلام كل وحدة منكم بعين الاعتبار ... والله العظيم مجرد مشاركتكم احساسي يخفف عني بعض الألم والله يجعله تكفير .... آآآآمين

أختي المرتحلة

أنا ماظن بزوجي مجردظنون أعوذ بالله ياليته كان مجرد شك ومو صحيح آآآآه آنا متأكددددددة :confused:

وصدقيني على ان زوجي عمله اختلاط عمري ما شكيت فيه حتى كنت دايم أنزهه وانصدمت ولا كنت مستوعبة لكن خلاص طاح الفاس بالراس!!
أنا ماقلت لكم بالتفصيل عشان ماطول ،،، أنا قد واجهته وأقر بأنها زميلة وعاهدني يتركها لكن للأسف رجع ومع أكثر من وحدة كل يوم يطلع ولماأدق عليه الساعة 11أو12 مشغول ولمدة لا تقل عن نص ساعة وتوصل فوق الساعة ومن دون ماسأله يتلعثم ويقول كنت أكلم فلان مع انه شخصيته قويه ومو من عادته اعطاء مبررات أبدااا ولما أشوف دايما هالوقت مافي رقم يعني يمسحه يوميا مع ان باقي الأرقام موجودة،،،غير المسجات الي أحيانا ينسى يمسحها وينسى الجوال مفتوح نادرا لما ينام وألقاها ربي بيكشفه لي
بس أنا ساكتة الحين ولا عاد قلت أي شي لأن مافي الا الكذب والجحود ماراح يترك بالعكس يزيد حرص وخفا وبس!!!!!!!!!
أنا أبي أعرف طريقة المعاملة مع الي مثله كيف تحسسينه بالذنب بدون ماتكلمين كيف أخليه يجلس أو أطلع معاه عشان مايطلع ويكلم والله العظيم صار لي شهرين أبغى أطلع معاه مو راضي كل يوم حجة مع انه ماعنده شي يوميا يطلع المقهى ويجلس بروحه عشان يكلم وحتى زملاءه مايطلعون معاه يوميا كثير أدق عليه وهو جالس بروحه!!!!!!!! تكفون يمكن فيكم الي عندها أسلوب ممكن يرجعه لبيته تقولي وشوية كيد نساء ممكن يفيدوني نوروني تكفوووووون ماني عارفة اتصرف (ضاع دليلي)على قولتنا!!


أنا مستعدة أسمع من كل وحدة فيكم يمكن وحدة تنورني بشي كنت غافلة عنه وتفيدني ،،، وآسفة إذا كنت أثقل عليكم بهمومي بس والله مالي ال أنتم خواتي الله ينولكم ما تمنون




والحمدلله على كل حال

:pain::pain:

هلا حبيبتي شمس وقمر

الله يكون في عونك ويصلح لك زوجك

انصحك بالدعاء لزوجك

اكثري من دعاء ياحي ياقيوم برحمتك استغيث

اصلح لي شأني كله ولاتكلني الى نفسي طرفة عين.

ودعاء اللهم هب لنا من ازواجنا وذرياتنا قرة اعين

واجعلنا للمتقين إماما.

اكثري منها في الصلاة وفي السجود وبين الاذان والاقامه

وفي كل وقت .

اختك الرشيقه