تعبت,, كل خطبه شكل :(

مرياام 17-12-2008 19 رد 1,221 مشاهدة
م
السلام عليكم

اخباركم اخواتي

اول مرة اكتب موضوع في هذا القسم يمكن لأن روحي قربت تطلع والنوم جافاني

راح ادخل في الموضوع ع طول

انا انخطبت من قبل كم مرة وكل خطبه اعوذ بالله شكل وطبعا مايصير نصيب

لكن هالمرة ماادري هالخطبه بعد صايرة غير

خطبني وااحد كان خاطب من قبل وراح ينفصل !!!

اهله كلموا اهلي عني وامي كلمتني
وانا ادري انه راح ينفصل لأني سمعت هالخبر من احد قرايبه
واعرف سبب الانفصال بعد وهو سبب تافه جدا والبنت اللي خاطبها هي اللي طالبه الطلاق..!!

المهم اللي متعبني انهم يبون ردي وانا اقول مستحيل اقول ردي اذا موافقه او لا وهو بعده ماانفصل

مادري ليش للحين ماانفصلوا بس هم بعد المفروض مايجون يتقدمون الا لما ينفصل بالفعل..!!

مادري يمكن السالفه ماتحتاج هالموضوع بس وربي حيل تعبانه واذا كلمت اي احد مايعطوني الجواب اللي يريح بااالي

واستحي اكلم امي او ابوي في هالمواضيع

هو بشكل عام ابوي راح يجي من الدوام بكرة واتوقع راح يكلمني بالموضوع ويمكن عشان كذا احاتي بس بجد تعبانه :(


بس حبيت افضفض
N
اولا الف مبروووك وربنا يتمملك على خير يا اختى
بس فعلا لازم ينفصل بعدين يتقدم ليش مستعجلين بالهشكل اهله !! لازم يعطوكى فرصه لتفكير وبعد هو يكون ضبط اموره عشان تكونى على بينه هذا زواج مو سلق بيض ... واستخيري وربنا يوفقك ويسعدك
م
فديتج سمعي قولي حق اهلج
مابيكون لي رد إلا بعد ماتبان الامور
واتأكد انهم انفصلو
خليج واضحه كل الوضوح

الله يسعدج يارب
*
الله يسعدج ويووفقج وقلت لج حبيبتي تأكدي ان انفصل بعدين ردي عليهم لازم يكون كل شي واضح

اتمنى اكون افدتتتج
و
الف مبروك والله يتمملك بخير
م
يتقدم لك وهو ماابعد انفصل وهل تقدم بشكل رسمي ..
نصيحة لا تردين لا بحص ولا بباطل الا اذا تقدم بشكل رسمي والله ولي التوفيق ولاتنسين الدعوات ..
ا
حبيبتي الله يسعدك ويوفقك ان شاءالله بابن الحلال الطيب الي يخاف الله فيك

[GLINT]
لاحياء في الزواج ابدا ذي حياتك اذا الوالد فاتحك قليله لايمكن اعطاء رايي واهوا لسا منفصل

[/GLINT]ثانيا تمهلي واستخيري وفكري جدا اهوا حيطلق ولابد متعلق بخطيبته السابقه ولا راح ينساها بسرعه تمهلي اختي وفكري بالموضوع جدا وخذي اسباب الطلاق من اهل البنت واهل الولد واستخيري والله يكتبلك الي فيه الخير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ش
الاستخااااارة ثم الاستخااارة ثم الاستخااااارة
ص
الله يقدم اللي فيه الخير إن شاء الله
ن
استخيري ربنا للصواب واكثر من مره
وخليهم يستنوا لحد مايبان الامر واحنا معاكي وهنفرح بيكي قريبا اللهم امين
ش
عليك بالدعاء والاستخاره
د
ربي يعينيك يااختي لان انا قبل ماانخطب حاليا كان كل واحد يخطبني تطلع فيه علة او طريقة الخطبة مو طبيعية وكله يتفركش لحد ماتعقدت فعلا وحسيت ان حياتي مو طبيعية بس في الاخير سلمت امري الى رب العالمين
بالنسبة للشخص الي خاطبك الحين اذا اهلك مصرين او اهله يبون يعرفون رايك فانتي اذا حسيتي بالقبول مبدأيا فخبريهم انك موافقة مبدأيا ولكن اذا ماكنتي متاكدة انه راح ينفصل عن خطيبته الحاليه فلا تردي لانه وقتها بتكون فشيلة انك وافقتي وهو اصلا مافك خطوبته الاولى
واذا كنتي خايفة ان سبب فسخ الخطوبه تافه فعادي لاتهتمي لاني اعرف وحدة فكت خطوبتها من ولد عمها تقريبا بدون سبب سوى انها ماحبته ولاحاولت تحبه وهو خطب بعدها وتزوج وماشاء الله هو وزوجته سعيدين

والله ييسر لك امورك يارب
S
غرييبة للحيين ما انفصصل ودور على بنت ثانية ..انا اقولج وافقي وسوي مقاببلة اوكلشي وخبريييه انج ماراح تملكيين الا لمن اطلق وتجوفين اوراق الطلاااق
أ
صلي استخارة وربنا ان شاء الله هيوفقك
د
لاتعطينهم رد قبل مايبان كل شي يعني صلي استخاره اول وبعدين عطيهم الرد والله يوفقك ويوفق كل المسلمين
ت
لاتعطين رد محدد لين يكون هو موقفه تجاه البنت محدد لانه ممكن يرجع لها باي شكل وباي سبب لانهم ما انتهو مره
م
هلا اختي اولا بالتوفيق ان شاء الله
واذا كنتي تستحين تكلمين امج او ابوج قولي حق اي احدمثل اختج الكبيرة شي وهي تخبر امج

قولي لهم ان اول شي لازم ينفصل بعدين يتم كل شي
واهلج يوصلون لأهله هالشي ان لازم ينفصل اول

وبالتوفيق
م
هلا اخواتي مشكوراات

انا من ناحيتي مطمئنة للموضوع بس للحين ماحد كلمني وامي اذا كلمتها ماتعطيني الكلام الشافي
كله تقول ماادري او صبري يردون لنا خبر مع اني ماعطيتهم موافقتي او رفضي

احس حيراانه وتعبانه
وشكلي بشيل الموضوع من بالي مرة وحده

مشكورات كثير ع وقفتكم معي وربي يكتب اللي فيه الخير
ب
انا لو مكانج بقول حق اهلي لا برد بقبول و لا رفض الا لين ينفصل عن حرمته و تنتهي العده << لان ما تعرفين شو ممكن يصير في هالفتره
و اذا يباج ترا بيصبر و بيرجع عقب
و في نفس الوقت انتي استخيري
لان مهما كان الريال ما بيقول انه سبب الانفصال منه << اذا كان يعني
فاستخيري و استغلي الوقت في انج تسئلين اكثر و تعرفين عنه اكثر عشان لو رجع تكونين مقرره

بالتوفيق ^^
ر
والله حبيبتي انتي موقفك طبيعي طبعا المفروض ما تردون عليهم إلا بعد ما ينفصل الأخ لانه ممكن تكون حركة كيادة في خطيبته وبس يعني يفرحونك شوي بس عشان يقهرون خطيبته ويمكن هم ما فينيتهم لا خطبة ولا شي
X