ساعدوني ولدي نفسيته تعبانة ؟؟؟

فتاة المستحيل 16-12-2008 7 رد 2,150 مشاهدة
ف
السلام عليكم امهات عروس ....


انا توني راده من عند اهلي بالكويت كنت عندهم شهر ونص تقريبا ...ولدي بدر 9 شهور كان وااايد مستانس هناك لانه من اول ما يقعد من النوم لين يرد ينام بالليل واهوا مستانس وااايد مع عيال اخوي اثنين واحد اكبر منه اربع سنين وواحد تقريبا قريب عليه سنة ونص ...كان يقعد من النوم ياخذ حليبه واسبحه ويلعب معاهم ليين يتعب وينام ويقعد ويلعب معاهم لين ينام بالليل ......وكان وايد مستانس ....المشكلة اني توني رديت من اربع ايام ....انا بروحي معاه بالبيت وابوه ...من اول يوم نفسيته تغيرت وااايد....... كللله يبجي بجي مو طبيعي ويصيح بصوته كله مع انه ابدا ما كان جذيه ؟؟؟؟؟ وما يبيني اروح عنه اي مكان لا للمطبخ ولا تكرمون للحمام يبيني حواليه ما ادري اش فيه ؟؟ولو شافني طالعة بره الغرفة اللي اهوا فيها تعالوا شوفوا الصياح والبجي ؟؟؟؟ خليت كل شي وقعدت معاه الاعبه اسوي اي شي ....ابيه يرد مبسوط مثل ما كان وهوا ابدااا ؟؟؟؟ يبجي ومتضايق وحتى الحليب ما صار يشربه ....انا قلقانة عليه وااايد شنو اسوي له ؟؟؟؟ اخاف ياثر هذا عليه ؟؟؟ وهوا اصلا رجع من هناك تعبان زكام وكحة واسنانه الي فوق تبي تطلع فاحس كل شي تكود مررة وحدة ......اولا بعده عن اهلي وعن عيال اخوي وثانيا الامراض اللي فيه ............والله محتارة ومتضايقة ما ادري شسوي يا ليت تفيدوني يا امهات ؟؟؟؟؟؟؟؟؟؟؟ وجزاكم الله الف خير ان شاء الله ..........ام بدر

ر
حبيبي

شكله فعلا مشتاق لأولاد خاله و يحب حد يلعب معاه

مالك حل أختي يا إما تلعبي معاه كل الوقت و هو شوي شوي بيتعود و بينسى لأنه 9 شهور بعده صغير

او توديه و تروحي معاه لحضانه يلعب كل يوم شوي
B
سبب بكائه ان المكان متغير عليه يعني تخيلي نفسك يوم تباتين برا بيتك مايجيك نوم وتظلين قلقة صح

يبي له وقت لين يتعود وغير هذا هو قاعد يحس بفرق يعني هناك حوالينه احد يلعب معاه هني مافيه

وغير هذا مريض فكل الامور اجتمعت على بعض اصبري عليه شوي وان شاء الله يرجع مثل اول
ع
عزيزتي انا بنتي مثل ولدج بالضبط

بس انا مو بعيد عن اهلي

بيت امي جيران لنا

يعني بس افتح الباب واعبر الممر وادخل بيت امي

بس بنتي طوووووووووووووول ما هي هناك تلعب وتضحك وتروح للكل وتحسينها غير

وخصوصا اذا ولد اختي هناك وهو اكبر منها بكم شهر بس

واول ما ادخل البيت تصيح وتتنكد

وانا ما اروح بيت امي يوميا

لا يوم ويوم

فما بالج انج مرة وحدة قطعتي عن ولدج شوفة الناس واليهال اللي وياه

اؤيد فكرة انج تلعبين معاه وتطلعين واذا طولت السالفة دخليه حضانة حتى يلعب مع اليهال
ا
ياقلبي عليه فعلا تغير الجو عليه والطفل بطبعه اجتماعي يحب مخالطة الاطفال من اقرانه فكيف يتركهم مرة وحدة بعد ماتعود عليهم حاولي تلهيه وتلعبي معاه وتروحي معاه حدائق فيها اطفال والاماكن الترفيهيه او اطفال جيرانكم او اذا كان عند اهل زوجك اطفال خليه يخالطهم وطبعا اجتمع عليه كل شي مرة وحدة بعده عن المكان اللي حبه والاطفال ومرضه الله يشافيه وظهور الاسنان والمرض يكفي يغير نفسية الطفل وهو ياعيني عليه مرة وحدة يصير له كذا الله يصبرك ويصبره ويهديه ويخليه لك ويتعود على وضعه الجديد
*
الله يعينج انا نفس مشكلتج من ا رجع البيت ما اقدر اتحرك ولا اسوي اي شي

تدرين لعبي وياه مثل ما قالن الخوات ووديه عند اي حد من اصدقائج عندهم يهال يلعب وياهم
وطلعي غيري جو تمشي اي شي المهم يغير جو واكثر شي سويه اهتمي فيه وشوي اشوي راح يتعود...
أ
الله يعينك
حاولي تطلعي فيه مجمعات او حدائق ومنتزهات يتسلى شوي
ا
حبيبتي لا تقلقين كلها كم يوم و يتعود على الوضع

الله يعينك
X