تجمع خاص بالحوامل البكر((اول حمل لكِ تفضلي معنا))..الجزء السادس

مس ديور ...

اي شهر انتي

امس سرت tuc tuc محل اليهال ..

وايد اشياءه روعه بالنسبة لشنطة البيبي واكسوواراتها ..

بس خسارة ما يسوون عليهم تنزيلات مول حتى في وقت المهرجان يسوون عالثياب وهالاغراض لا

ومفتون ثياب الماركه خذيهم بعد ماتربين...عن يطلع هب قياسه وتندمين..

ب ر ب brb

لا خذت لها من شي يناسب اول اربع شهور تقريبا

المشكله دي اند جي ما يكتبون بالشهور

يكتبون بالقياس

كاتبين من 60 سم لين لين 70 اظني شي جيه

يعني البيبي اول ما يطيح يكون تقريبا 50

فأظني هاللبس بيناسب سن شهرين مثلا لين 4

تيت يا حلوة

اماراتيه كيوت;8099406:
مفتون...~ هي هالشي اكيييد ...حق الكشخه

مس ديور... نعومي منزلين بوكس طقم كامل فيه
روب وسليبر وفوط كبار وصغار احس وايد ينفع حق المستشفى ... انا ناويه اخذ من عندهم...والسعر ببلاش....~

بجم الطقم.. انا بعد باخذ من نعومي وحتى لو سعره غالي لانه ما يغلى علي انا الي اتعب واشقى في حمالي لازم اتكافأ عدل كلامي؟؟

انا ابي شي هلون لاني اعتبر روحي عروس يوم بولد خخخ

هههههههههههه

تستاهلين الاكثر يا مس ديور ...

مفتون;8099408:
مس ديور ...

اي شهر انتي

انا في السادس ادعيلي اتمم التاسع لاني فاقده جنين من قبل :(

بنات انتو بتتعدلون في الصالون قبل لا تولدون ..

الله يتمم لج على خير يا حلوة .. ماعليج ان شالله بتيبين فريق كره كامل بتنسين انج فقدتي حد قبل ههههههههه

لاني ناويه من ادش شهري اذا الله راد .. اروح الصالون اسوي فل سيرفس ..

وحزت ياتي الطلق بروح اسوي حمام زيت وسشوار في الصالون وبخليهم يلفونه لي .. بضيع وقتي هلون عن لا افكر بالالم ... وطبعن بتكون شنطة المستشفى جاهزه من الثامن .. تحسبا لاي اعراض مفاجئه ههه

صباح الخير لاحلى حوامل

ياختي احس انه هالشي مب صح...

المربية حلاتها تكون على طبيعتها ... طبعا شعرج مرتب وبشرتج حلوة و ميك اب خفيف كحل مسكارا و قلوس خفيف ...

لكن اذا زاروج الناس وشافوج متحنيه ولا متعدله وايد بيقولون هاي لا ربت ولا تعبت وعاد لو طحتى عقبها من العين تراج يبتيه لنفسج هههههههههههه


بسم الله علينا من العين .. بس الحرص واجب و الاعتدال فالشي افضل ..

مادري هذا رايي

صباح النور والسرور يا ولهانه .. شخبارج

تقولين جيه الحين بس في حزتها بتستغلين هالكمن ساعه في القرآن وأدعية تسهيل الولادة ... وعقب الولادة اكيد بيغسلون شعرج عقب ساعات الطلق والولادة بتكونين بكبرج تصبين عرق وانتي بكرامه .. مب هين هالشي هاي ولادة روح من روح...

وانا رايي من راي مفتون ونخلي الكشخه حق الزوج بعدين هههه

اهلين ولهانه صباح الورد

بنات عندي سؤال حق الي مو بكريااااااااات

الولاد اذا بتجي لازم قبلها بفتره احس بأمنان وألم دوره
ولا في ولاده تجي ألآمها من يوم وليله وعالطول ولاده فهمتووا؟

مفتون;8099566:
ياختي احس انه هالشي مب صح...

المربية حلاتها تكون على طبيعتها ... طبعا شعرج مرتب وبشرتج حلوة و ميك اب خفيف كحل مسكارا و قلوس خفيف ...

لكن اذا زاروج الناس وشافوج متحنيه ولا متعدله وايد بيقولون هاي لا ربت ولا تعبت وعاد لو طحتى عقبها من العين تراج يبتيه لنفسج هههههههههههه


بسم الله علينا من العين .. بس الحرص واجب و الاعتدال فالشي افضل ..

مادري هذا رايي

ما بتحنا حبيبتي..

والسيرفس الي بسويه

تنظيف بشره

بودي اند مانيكير

حفاف

قص شعر (القذله والاطراف)

وبس..

اما يوم بولد بروح اسوي حمام زيت حق شعري لان يريح راسي وات ريحته حلوه لين اسبوع حتى لو ما غسلت شعري.. وبخليهم يستشورونه ولفونه لي .. عشان عقب الولاده بعد ما اغسل جسمي وهلون اعدل شعري يكون جاهز ..

واكيد ما بحط لي شي في ويهي

غير الكحل.. الي ضد الماي من الصيدليه دايما اشتريه..

ومرطب لابيلو وبس

انا مسويه لي اوردر كولكشن عنايه ببشرتي بس للحين ما وصل .. ببدتي استخدمه لين ما بعد الولاده ..

اهم شي الوحده تكون ع طبيعتها لانها احلى ..

والله يسهل علينه ..