4 أيام بس و تخلص ولدي من الكحة و الحمدلله !

طيب اللي ابنها لس بعمر ثلاث شهور .. وش اسوي معاه .. فيه كحه عجيبه صراحه ..

فيه فيكس اطفال

من عمر شهر واحد

يجي نفس المرهم في الصيدليه تلاقونه

اني استخدمه الى ولدي

الله يشافي الجميع

البيبيات الصغارية أهم شي تستمرين معهم ع الدواء اللي يوصفه الدكتور ، بالاضافة الى البخار مفيد جدا للكحة !

مشكوره
وعن تجربه
بس على عزوز اما بندور توه عليه
اللهم اشفي اطفالنا

انا الكحة رجعت شوية البارحة لولدي و سويت فكرتكم و هي اخلي الفيكس بباطن القدم و الحمدلله اليوم ما سمعته يكح !


خايفة ترجع له :(

مايشوف شر فديته

حتى ولدي من فتره تعذب من الكحة مايقدر يتنفس لانها تجي ورا بعض ويالله يالله توقف

قمت احط له الفكس في القدم + اسخن له زيت السمسم واحطه على صدره

والحمدالله من عقب هالعلاج اختفت الكحة

وتسلمين على نقل تجربتج

شكــرا اختي .. عطيتيني فكرة جديدة !

و ماعليه شر الامور ..

حبيبتي مو طالعة عندي الصورة ممكن اسمه

صدقتي أختي أنثى.. الفيكس يعمل الهوايل.. أنا بعد الحمدلله من بديت أستخدمه لولدي حسيت إن الحكة تروح منه بسرعة.. أحط له برجلة وأغطيها (بس طبعا ماتكون فيه حرارة لأن مو زين بالحرارة تغطية الرجل) وأمسح شوي على صدره والحمدلله يخف بسرعة.... الله يحفظهم يارب....

مراسيل الهوى الفكس اللي تتكلمين عنه اخدته لولدي لما كان عمره شهرين والحين رحت باخده الا انقطع من السوق الوكيل سحبه من جميع المحلات ما ادري ليش للأسف فاللي تعرف مكان بالبحرين عندهم تخبرنا ..واليها الاجر والثواب

جزاك ربي خير امس انا جربتها في بنتي عليها كحه مو طبيعية والحمدلله خفت كثير وبواصل

عليها لين تروح ان شاالله

bent el ba7rain;8140965:
حبيبتي مو طالعة عندي الصورة ممكن اسمه

هذا هوو

تراتيل ملكوتيه;8144329:
مراسيل الهوى الفكس اللي تتكلمين عنه اخدته لولدي لما كان عمره شهرين والحين رحت باخده الا انقطع من السوق الوكيل سحبه من جميع المحلات ما ادري ليش للأسف فاللي تعرف مكان بالبحرين عندهم تخبرنا ..واليها الاجر والثواب

:eek: ليش ؟


ان شاء الله ما يكون فيه شي مو زين عشان جذي سحبوه !

والله ما ادري خيو
كل شيء جايز
مع انه على اعشاب كان مكتوب عليه

استخدمته لبنتي بس ما نفع واجد شي بسيط
يمكن لانها اقل من سنتين!!
بس نصحتني الطبيبه اني اخلط لها الحليب برشة زنجبيل خفيفه
واعطيها ملعقة عسل مع نقطتين زيت زيتون ونقطتين ليمون
واعطيها شاي نعناع محلى بعسل كميات بسيطه
والحمد لله صارت احسن بواااااااج
من الكحه
بس الحرارة هي اللي تدوخ الحين!!! اتمنى الاقي حل..

يعطيج العافيه وماعليه شر
بنتي وايد تكح بس ما أقدر أستخدم الفيكس لأنها صغيرة

الله يكفينا شر امراض الشتا ويعافيج حبيبتي تسلمين

صح كلامك بس والله احيانا مايفيد معاي خاصة جربته مرة ممتاااااااز والثانيه مانفع خخخخ
اما عن الأولاد ولدي الكبير مايتحمله مايبغاه وخناق انا وياه وآخر شي يفوز هو خخخخخ الله يصلحه لأنه يحتر ويعرق فيضايقه ..

ريحانتي;8145017:
استخدمته لبنتي بس ما نفع واجد شي بسيط
يمكن لانها اقل من سنتين!!
بس نصحتني الطبيبه اني اخلط لها الحليب برشة زنجبيل خفيفه
واعطيها ملعقة عسل مع نقطتين زيت زيتون ونقطتين ليمون
واعطيها شاي نعناع محلى بعسل كميات بسيطه
والحمد لله صارت احسن بواااااااج
من الكحه
بس الحرارة هي اللي تدوخ الحين!!! اتمنى الاقي حل..

ريحانتي ..


انا لما يسخن ولدي مااستخدم الدواء أبدا ، لأنه تعرفين الاطفال عقدتهم الدواء و طعمه ! يطلعه كله و لا يستفيد ..


استخدم التحميلات .. فعالة جدا يومين و خلاص تنتهي السخونة كلها ..


اسمها Enelfa ، أخذناها عشان كان ولدي ماخذ تطعيم السنة ، و تحميلات الأدول ما كانت موجودة بالصيدلية و اخذنا هذي كتجربة و طلعت أفضل بواجد .. !


و طبعا لكل مرحلة عمرية جرعتها المناسبة !

رحيل الأحزان;8148787:
صح كلامك بس والله احيانا مايفيد معاي خاصة جربته مرة ممتاااااااز والثانيه مانفع خخخخ
اما عن الأولاد ولدي الكبير مايتحمله مايبغاه وخناق انا وياه وآخر شي يفوز هو خخخخخ الله يصلحه لأنه يحتر ويعرق فيضايقه ..

ايه اختي ريحته قوية عشان جذي مو كل الاطفال يتقبلونه :D


و هو أكيد مو الحل الجذري للكحة ، إنما دواء مساعد لمقاومتها .. !


احيانا تكون الحساسية متعبة ماينفع معها أي شي ..


ربي يخلي عيالك و يبعد عنهم كل سوء !