اول حمل لي .. و ما اعرف شلون اجهز للبيبي!! .. موضوعي متجدد باذن الله

السلام عليكم اولا الف الف مبرزك وعقبالنا انعرف جنس بيبياتنا هههههه انا اول حمل لي مثلج بس انا قلت ان شاء الله بعد ما عرف جنس البيبي بروح لانه بعدين بطني بيكبر ويتعب بالدواره بعطيج اسماء محلات عندج مذركير حلووو وحتى الاجهزه اللي عنده مثل مراضيع مصاصات للبيبي هذا مهم وحلو من عنده وعندج محل ماماز اند باباز مادري اذا عندكم انا من قطر ماماز اند باباز رووعه سرير وبانيو والعاب وملابس وقواري ووايد حلووين اغراضه حتى عنده ملابس للحمل المهم وبعد عندج بيبي شوب هذا المحل بعد مهم وعندج ماركس حلوو وعندج بعد بي اش اس ووووو امممم محل شيكو بعد حلوو بس غالي شوي وبعد اممممم نيكست دبنهامز هذا اللي اذكره وبعد تويسارص اس عندهم ملابس للبيبي بس غالين يعني تقدرين اتلاقين بمحلات ثانيه بس نصيحه لاتكثرين ملابس لانه البيبي في الاشهر الاولى يكبر بسرعه اهم شي قماط او التمهيده للبيبي والبدله اللي تجي كامل ولاتنسين القفازات عشان النونو ماتحط يدها بحلجها واخذي بعد الكفر للمرضاعه بتلاقينه في بيبي شوب حلووين وان شاء الله ان شاء الله افدتج

وبنسبه انه امج اتربي من وقت وخواتج الله اعلم بس من وجهه نظري موشرط بس يمكن في احتمال انه يكون وراثه والله اعلم انتي ادعي دوم انه يكون البيبي معافى وكامل الخلقه ان شاء الله والله يسهل عليج وعلينا الحمل والولاده =) واي سال مايردج الا كيبوردج ههههههه

اول شي الله يتمم عليك يارب وتولدين با الموعد المحدد ان شاء الله وبا النسبه للتجهيز انا مثلك محتاسه ما جهزت شي ابد لكن فيه مواضيع للاخوات من الاف الى الياء راح تستفيدين منها ان شاء الله

حبيبتي الله يتمم عليج ويرزقنا انشاء الله انا ما عندي خبره بهالأشياء بفيدج لانه اشوف الناس اتجهز من تقريبا الشهر الرابع وقبل لا تثقل اول شي حطي لج نوت صغير كتبي فيه اهم اشياء تحتاجينها وششتريها وعقب التناتيف الصغار اهم الاشياء الي تقضي لج اول شهرين او ثلاث شهور عقب ولادة البيبي واهوا سالم
وعلي موضوع الولادة المبكره مو شرط تري تولدين مبكرر ...
وصي علي الشكولاه من الحين واستمليها قبل موعد ولادتج بسبوعين او ثلاق الله يسهل عليج وتقومين بسلامه انتي وبنوتج يارب

الله يتمم حملك انشالله على خير ،،، ولا تفكرين بمسأله الولاده ترا كل حامل لها ظروفها في الولاده ،،،
انا اقول ابتدي من الحين
ورتبي امورك ،،، مو زيي انا حست نفسي ولين الحين احس اني ضايعه
انا اقول ابتدي بملابس البيبي
اشتري الملابس الداخليه والكوفلات ،،، وشوفي انتي اذا رحتي ركن المواليد بتشوفين اشياء وبتشترينها
وبعد ماتخلصين الملابس ،،، اشتري السرير والمكملات
وبعدين ابتدي في نفسك واشتري لك ملابس رضاعه وستيانات والخ
واخر شي روحي الصيدليه وشيلي كل اللي تحتاجينه انتي وبنتك

ووو بس

الله يعينك حبيبتي

ويوفقك وادعي ان الله يسهل عليك

الف الف مبروك على الحمل الله يتتم عليج على خير
حبيبتي انا بدية اجهز من بداية شهر السابع وانا هسا بشهر التاسع وبعد عندي نقص
يعني ابدي من هسا حتى تخلصين اشتري ملابس الداخلية اوفرات ملابس طلعة وملابس البيت قبعات شربات بجايم
اخذي مقاس نيو بون بس لاتكثري منهم لانهم يقولون يكبر البيبي بسرعة انا ماكثرت من مقاس النيو بون
اخذي سرسر للبيبي بطانيه مناشف
يعني شنو تشوفيه يحتاجه البيبي والي تشوفينه بالسوق مناسب اشتريه وشوي شوي
انا كثرت من الاوفرات لان راح اولد بالصيف وبعدها بفترة اتحول لشتا
ماكثرت من مقاس النيو بون واذا احتاج شي البيبي اروح اشتريه بعد مااقم بسلامه
انا باقيلي مناشف وحوض الاستحمام يمكن في اشياء ناقصتني بس الضروريه اشتريتها
ادعيلي تكون ولادتي سهله واقوم انا والبيبي بسلامه

احس ان اهم شي ملابس البيبي

الملابس الداخليه (الفوانيل)... الافرولات....القماطات...فود.......طواقي....حوض الاستحمام..وشوفي الملابس تكون حسب الجو اللي بينولد فيه البيبي ان شاء الله

احس ان هذيلا اهم شي مثلا المكملات مثل الكرسي واليلاسه وماادري شنو مش مهمات ناخذهن من الحين يمكن اينا هدايا وحتى مابنحتاجهن اول شي اذا ماين بناخذهن بعدين

بالنسبه للسرير انصحج تاخذين واحد لكل المراحل في حد ياخذ اول شي صغار مال كم شهر وبعدين يرجعون ياخذون اكبر وهكذا ليش الخساير الحين ماشاء الله انواع المنزات وايد حلوه وتناسب كل الأعمار.... انا افضل نشتري واحد اللي يناسب كل الاعمار اللي نقدر نرفعه او نزله على مستويات حسب عمر الياهل واللي طرفه ينزل (الحاجز) على اساس اول الشهور يكون سهل علينا وقريب ولما يكبر الياهل نرفع الحاجن وانزل مستوى السرير...

اممم اذا تبين شنطه للبيبي وسليب باق وجوارب وقفازات...وشالات...وفرش السرير

نصيحه لاتكثرين كثير في الملابس لان الياهل يكبر بسرعه وما تسعه ملابسه...مثلا اعرف وايدات يشترن وااااااااااااااااايد وبعدين مايواحن بسرعه ويرجعن يركضن السوق يشترن اكبر الياهل ماسده قياس الملابس القبليه ومعظمهن مامداه يلبسهن

ويااااااااااااارب يفرحج بشوفته بخير وسهاله وان شاء الله اني افدتج

يسلمووووووووووووووو كل من رد على موضوعي
بس عندي سؤال : اذا رحت السوق اطلب اصغر حجم ؟ و الا شلون اعرف السايز ؟

و هل كل ملابس الاطفال حديثين الولاده نفس الحجم يكونون ؟

و الله استفدت واااجد من كلام خواتي الي دخلو موضوعي واشكرهم وحده وحده ما قصرو
و بخصوص الالوان .. هل اخذ اكثر شي وردي على اساس ان فيني بنت او اعدل في الالوان و ما يهم وردي كثير ؟؟

انتظر ردودكم خواتي وان شاء الله باقي لي كم يوم وادخل السادس و باذن الله ببدا اشتري اغراض البنوته

بس عندي سؤال : اذا رحت السوق اطلب اصغر حجم ؟ انتي نوعي .. يعني انا خذت نيوبورن و خذت من 0-3 و خذت حتى 3-6 .. حسب الصناعه عرفتي لأن بعضهم صغار وايد مع ان المقاس اتشوفينه كبير .. و الا شلون اعرف السايز ؟ السايز مكتوب عليه خخخخ

و هل كل ملابس الاطفال حديثين الولاده نفس الحجم يكونون ؟
لا والله مثل ما قلت لج حسب الصناعه بعضهم .، يعني في بعضهم نيوبورن بس شكله اكبر
و العكس طبعا ً .


و بخصوص الالوان .. هل اخذ اكثر شي وردي على اساس ان فيني بنت او اعدل في الالوان و ما يهم وردي كثير ؟؟
والله انا من شهر ولدت .. صح شريت وردي ، بس نوعت بالالوان وااايد ، حتى اللون الازرق لبستها
لأن البيبي كل لون يطلعه بشكل يونسووون :D

الله يتمم عليج و يرزقج الطفل المعافى يارب و يسهل لج ان شالله .

يسلمووو اختي برنسيس .. الحين فهمت المقاس يعني بيكون من ... الى ....
للان ما رحت ولا محل وما شفت طبيعة القياس و حجمه و شكله
و عندي مخاوف كل ما افكر ان ابدا احس ان بيصير لي مثل المرتين الي طافت و اجهضت
ان شاء الله بتوكل على الله... تاريخ 21 ادخل السادس باذن الله و من بعدها طيراااااان على السوق


سؤال ثاني ... ادري هلكتكم بس تحملوني فرحانه اني وصلت الى الخامس و قربت السادس على خير

شنو شعور الزوج لما يشوف ملابس الطفل القادم بالذات اذا كان اول مولود؟
هل يشاركج في المحل وانتي تختارين ؟

زوجي حنون و يحب الاطفال بس خاطري اعرف طبيعة الرجال في هالموضوع

و بالنسبة الى سرير الطفل .. شفت كم مره بالسوق سرير طفل و معاه خزانه و ادراج تحت السرير يعني السرير و الخزانه لاصقين مع بعض .. هل هذا عملي و ينفع او ما يصلح ؟؟

هلا أختي أم جهاد الله يتمم لك الشهور الباقية على خير وتفرحين بشوفة بنتك يارب...

شوفي أختي لاتكثرين من الملابس ترا بسرعة بتصغر على البيبي وخصوصا ملابس بيبي شوب (مذركير التقليد مال البحرين) لأن مقاسات 0-3 يادوب حق الأربعين بس لو تشترينها من المحلات الإنجليزية تشوفينها أكبر مع إنها نفس الشي 0-3 بس تصلح للطفل حتى عمر شهرين يمكن... أنا أذكر شريت لولدي شكثر 0-3 وبس لبسته خلال فترة الأربعين وبعدين صاروا صغار مع إن حجمه صغير.... بس تبع مذركير الأصلي وآدمز يكونون أكبر...
أخذي قماطات حلوين في مذركير وحتى السادة يكونون بين 800 فلس ودينار ونص.. أهم شي القفازات لأن بتعبين من حركة اليد في الفم مادري شقصتهم هالياهال...

أخذي الأسفنجة الصغيرة اللي على شكل طفا تنحط بالبانيو او المغسلة حق أول الأيام وتكون سهلة للأستحمام لأن الطفل يكون حجمه صغير وهذي أفضل وسيلة له.. عقبها بكم شهر ممكن تستخدمين البانيو الصغير او كرسي الإستحمام..

أخذي بس كم رضاعة صغيرة حق أول الأيام حق الماي والحلوة ويمكن حق الحليب إذا أضطريتي تدخلين الصناعي,, ويفضل ماتعطينها الصناعي من البداية.. أخذي الزجاج مال بيجون مع فرشاة.. وترى يمكن تحصلين أطقم رضاعات هدايا مع الستاند وماتحتاجين تشترين .. آنه حصلت طقم رضاعات ست مع الستاند مالهم والفرشاة وتميت أستخدمهم لين ماكمل عبودي السنة وشوي يمكن كل فترة كنت أطلع وحده وطبعا كنت بيت فترة وفترة لين جفت شي حلو شريته...

أشتري علبة وحده من كل من الصابون والشامبو والكريم وعلبة حفاظات و wipes اللي بالكحول مع البودر حق السر.. وخليهم بالبيت لأن هالأشياء ماراح تحتاجينهم بالمستشفى بس يكونون جاهزين عندج بالبيت أحسن عقب ماتردين تحصلين كل شي موجود..

أشتري سلة رخيصة مو شرط غالية حق البيبي أول الأيام وإذا كنت بتتنفسين في بيت أهلج لأن عقبها بكم شهر ماراح تحتاجين لها وبتخلين البيبي بسرير كبير.. أشتري واحد حجمه شوي كبير يكون يناسبها حتى لعمر 3 سنوات.....

باقي الأشياء لاتشترينها أنتظري لأن يمكن تحصلينها هدايا مثل العربانة وكرسي السيارة والسماعات والقعادات والمشايات.... بينترس البيت منهم....

تسلمين رانيا على ردج .. تفصيل رائع
بعد المناقشه مع زوجي اتفقنا بعد ما تخلص عشرة محرم ببدا اتشرى للبنت .. يقول لي علشان تكوني قربتي من السابع و اضمن في حال صادج ولاده مبكره يعيش الطفل في السابع .. هو متعقد اكثر مني من سالفه الاسقاط.
و حسب كلام اغلب البنات ان مقاس 0-3 بسرعه يصغر على الطفل قلت ما باخذ واجد من هالمقاس .. اخذ شي كبير عليها و يبقى كم شهر احسن من يصغر عليها و هو جديد..
بالنسبه الى طقم الحمام الصابون و الشامبو و غيره .. جونسون مقاطعه و اسمع عنه كلام واجد .. شنو تقترحون اخذ ماركه ثانيه ؟؟؟

وان شاء الله تستفيدين من الرد

موضوع حلو وانا بعد ابي اتعلم مثلج اختي وعندي سؤال

من وين اقدر احصل طقم اثاث غرفه البيبي ابي كل المحلات

تعرفون محلات تفصيل بس محترف بغرفه البيبي ؟ ..

أختي أم جهاد.. أنا ماستخدمت جونسون بالمرة... أستخدمت بيجون وبعدين همالايا.... ويقولون سيباميد وايد زين بس المشكلة في البحرين ماتحصلينه بكل مكان.... جربي بيجون زين....

أختي MS Dior إذا حابة تفصلي مفارش لج وللبيبي في محل راح أفصل فيه في المنامة حق مصممة أزياء بحرينية.. إذا حابة تعرفين مكانه راسليني على الخاص.. والله أفكارهم حلوة...

مشكورين خواتي على ردودكم بكل صراحه استفدت منكم

وانا قلت ما راح اسئل امي او خواتي ابغي اعيش تجربه التجهيز بنفسي .. لان امي و خواتي يعرفون و مجربين و اذا اخذتهم معاي السوق ما بحس اني انا الي جهزت بنتي .. مع ان خواتي وامي في خدمتي و يحبون يساعدوني في كل شي ...

انا عندي كريم هملايا استخدمه .. بس ما دريت ان فيه طقم للاطفال من نفس الماركه هههههه

تسلمين نمارق على الصورة و الله اريح يجون مع بعض حلووو

بالنسبه الى المفارش كم مفرش اخذ ؟
( فكرت اخذ 2 واحد وردي و واحد بيج وبس لان بسرعه يكبر الطفل وينحمل بدول مفرش)
ويش رايكم؟

بالنسبه الى توزيعات الولاده ... اخذ كم حبه في الديزاين كامل ؟؟
( مثلا شفت من زمان سفينه كبيره فيها توزيعات يمكن 70 حبه .. هل ديزاين واحد يكفي و كم حبه افضل اخذ) طبعا رايكم يهمني

ما ادري ليش موضوعي مو عاطينه وجه مع انه يهمني .. طبعا كل الشكر للي ردو علي و اهتمو بموضوعي ما انكر تواجدهم عزيزين و غالين .. بس اطمع الى مشاركه اكبر عدد من الي انجبو من قبل و عندهم خبره

الموضوع حلو اوى اوى
بس انا زيك قاعده اقرأ التجهيزات للبيبي لانى كمان اسبوع هدخل في الشهر الثامن باذن الله و مجبتش اي شئ ولا حتى كافوله للبيبي بس هنزل ان شاء الله بكرة او بعده اشتري


ربنا يقومنا بالسلامة كلنا