مكبرة الموضوع واااايد؟؟؟؟؟؟؟؟

bent el ba7rain 15-12-2008 10 رد 1,574 مشاهدة
b
مرحبا بنات شلونكم؟؟
بغيت اخد رايكم بموضوع لان الكل يقول لي وزوجي انج مكبرة الموضوع اكثر من الاازم وبنتي مو اول وحدة....

انا عندي بنتي الله يحفظها عمرها سنتين وشهر وانا حامل طبعا كنت رافضة اوديها الروضة دايركت مدرسة لما تصير 3 سنوات بس للاسف وايد تحب اليهال الصغار وتغربل ولد اختي عمرة شهرين تبي هي تشربه الحليب خخخخخخخخخخخ ومانقدر نسيطر عليها تروح له بالغفلة فالكل يقول لي لاتخلينها ويا البيبي اذا ولدتي باقي لي شهرين على الولادة انشالله..

قبل ماكنت راضية بس الحين شغالتي بتسافر اللي متعودة على بنتي وجت وحدة جديدة الحمدلله صم بكم عمي يعني ماتفهم ولاشي اشارات بس مااقدر اخلي عليها بنتي خاصة ان بنوتي شيطونة وحركية واخلي بعد عليها البيبيالثاني صعبة مع اني اخليهم ببيت الوالدة بس اعرف حركات بنتي وشطانتها

الزززززززززززززززبدة طولت عليكم

قررت ادخلها الروضة بس خاااااااااااااااااااااااااايفة من امور وايد والدنيا دايرة فيني واحاتي واقعد طول اليوم بس افكر في الموضوع وكل ماقلت لاحد يقول عادي دخليها خلها تستانس ويا الجهال خاصة انها تحب الاطفال وايد وتبي تروح السكول على قولتها وتبي شنطة بس المشكلة فيني وفي وساوسي واللي هي:

* اخاف احد يضربها او تطيح او يصيدها شي لان انا جابة خدامتي خاصة بس لها ماتسوي شي الا تعتني فيها .. خاصة انها ماتعرف تعبر اذا احد ضربها هناك في الروضة او تشتكي وماتوقع المدرسة بتقول لي احد ضربها الا اذا كان الضرب يبين

** الاكل للحين بنتي نأكلها ماتاكل بروحها اذا اخلي لها بروحها تعفس وتنثر الاكل وتقوم يعني الشغالة تريقها وتغديها وانا اعشيها مادري شبتسوي هناك وطبعها ماعلمتها على الاكل الجامد الا يوم كملت سنة و8 شهر كان اكلها بالخلاط عشان جدي بطيئة في الاكل يعني لماتاكل نودلز عادي تقعد الشغالة معاها ساعة تأكلها وسليس وجبن لازم نخلي فيه حليب نرطبه لها وبعد تاكله في اكثر من نص ساعة يعني الصبح ماعندي وقت اريقها كللللش قبل لا اوديها خاصة اني اشتغل يعني يذوب بس اشربها حليب وبعدين تتريق معاهم اخاف انها ماتاكل

*** الحمام يعزكم الله -- الحين شهر انا بديت اعلمها تترك الحفاظ عشان شهر 9 لما بتروح المدرسة مايقبلون بالحفاظ وهي للحين ماتعودت اول ماتقعد الصبح 10 من النوم نشيل الحفاظ وتظل بدونه توديها الشغالة كل شوي الجمام واذا تأخرت عنها تبول في ثيابها وساعات تقول تبي تروح الحمام... اذا بتنام في الليل ارد البسها او اذا بطلع وياها اي مكان بعد البسها يعني بس في البيت بس بدون حفاظ..عشان جدي مابغي البسها في الروضة لان مابتتعلم واخاف تبول عليهم ويتغير الوضع عليها او مايودونها باستمرار مادري شطريقتهم للي يتعلمون يشيلون الحفاظ

**** المواصلات انا بوديها الصبح وانا رايحة الدوام بس الظهر مااقدر ارجعها لان دوامي يكمل 4 وابوها 3 يعني مانقدر بضطر اخلي مواصلات الروضة توصلها بس الرجعة وهي وياي ماتقعد ابدا وانا اسوق وكله في حضني او حضن ابوها اذا نسوق وماشالله عليها ربشة بس من النوع اللي يمكن اذا جافت احد غريب تستحي وتهدأ بس احاتيها وانا شرطت عليهم بحكم ان الروضة تقريبا 10 دقايق لبيت الوالدة يرجعونها اول وحدة ووافقو بس مادري اخاف يدورون فيها البحرين بعدين يجيبونها واخاف عليها من المواصلات

***** النوم انا الحين تقعد 10 وتنام 11 في الليل وساعات العصر تنام ساعة ونص مادري شلون اعودها تنام من وقت يعني اذا نومتها 8 اكيد بتقعد مرة ثانية ومابترد تنام.. ولازم عالاقل 5.5 الصبح قاعدين لان انا بعد 7 ونص دوامي يعني يذوب نجهز ونطلع
واذا رجعت من الروضة اكيد تبي تنام شوي واذا نامت مابترضى تنام مرة ثانية في الليل

يااااااااااااااااربي بموت من التفكير مادري شسوي ياريت اللي دخلت ابنها في او بنتها في عمر بنتي وصادفتها نفس هالاشياء شلون قدرت تحلها او شلون مشت ويا الوضع

الكل يقول لي مكبرة الموضوع بس انا بدخلها سبوع الجاي الروضة وقاعدة هاليومين افكار تجيني وافكار توديني..


مسسسسسسسسسسسسسامحة عالاطالة بس احتاج خبراتكم
ر
اختي انتي مو مكبره الموضوع

لأنه كل هاي الأمور تصير في الحضانات بشكل عام عادي


بس الحل مو بتفاديها الحل انك تدوري على حضانه كويسه على قد ما تقدري

و تجربي حظك

لو البنت ارتاحت خير و بركه و إذا لا بنشوف ساعتها حل ثاني

شوفي حضانه تاخذها يوميا ساعتين ثلاثه حرام تظل 8 ساعات قي حضانه بعدها صغيره
ع
حبيبتي لا تكبري الموضـوع ..
والاحسن انج تدخلينها الرووضـة بس روضــة موثووق فيهـا
وشوفيها اذا تعودت ع الوضع او لااا وبعدين قرري..
B
أنا لفت نظري في موضوعك انك عايزة تعويديها علي الحمام دلوقتي!!! أنا من وجهة نظري انه صعب في الشتا الطفل يتعود علي الحمام ممكن تستني لحد أول مارس يكون الجو دافي و ان شاء الله سهل تتعلم و كل اللي قولتيه وساوس لازم بنتك تحتك لأطفال و تشوف ناس و تتعود تتصرف لوحدها و تتعود علي النظام و تسمع كلام المدرسه كل ده من خلال الحضانة و مش تقلقي ان شاء الله خير
ا
لاتحاتينها لانها اول وحدة لازم هالوساوس تجي وخصوصا الايام الاولى من الدوام وبعدين بتتعودي انتي وديها وخبريهم عن كل اللي ذكرتيه واذا عندك ملاحظة اذكريها واكيد هم مابيقصروا هم يدروا عنهم صغار ويعرفوا يتصرفوا معاهم على قد سنهم وبالعكس بتعطيها فرصة تعتمد على نفسها وتكون نظامية علشان تريحك بعد ماتوضعي كلنا نخاف في البداية بس احس هناك اشياء بيتعلموها وبتقضي على فراغهم وبيقدروا يطلعوا طاقاتهم هناك ومنها تتعلم سلوكيات حلوة وبتكون اجتماعية وبينتظم نومها افضل توكلي على الله ووديها احسن من وجودها مع خدامة
ن
عادى دخليها وشوفى تتعوود ولا لا كل شى يبان بالتجربة
*
اني صح ماعندي خبرة
بس هالامور عاادية
ولازم اتخلينا تتعود على الحياة خارج البيت
ولوحدها
صح اني بعد افكر من الحين اشونل راح اودي ولدي الرووضة
وني كلش هالاشياء الي قلتيها مو خايفة منها
اني خايفة من اشياء ثانية
بس مو وقته اقولها لك
بس بقول لك توكلي على الله
والله الحافظ ان شاء الله
وعن النوم يومين 3 وبتتعود
بعد الروضة خليها تنام ساعة العصر وقعديها
بتكون ماشبعت نوم
وبتنام في الليل ان شاء الله
واذا نامت من وقت الليل وقعدت حاولي اتردين اتنيمنها

وعن الحمام ((اعزك الله))

اتوقع في هالعمر لازم اتكون اتعوددت على الحمام
ولازم اتكونين مفكرة في هالشي قبل
دام انك بتدخلنيا من وقت المدرسة

موفقة ان شاء الله
والله يحفظ عيالنا اجمعين يارب
ويخلي لج الصغيرة:)
ر
دخليها الروضه ولاتفكري في اي شيء واكيد معلمات الروضه يهتمو بالاطفال ومايقبلو انهم يضربو بعض

ثانيا الاكل اذا كانت بعيد عنك اشوي اشوي مع المعلمه وبتتعلم تعتمد على نفسها

والحمام لازم تتركه في كل الاوقات ماعدا النوم لين تعرف زين


وبقية الامور تتحسن من نفسها من غير ماتفكري من بتداوم بتعدل نومها من التعب

والمواصلات بتفرح مع الجهال في الباص واذا بيت اهلك قريب اكيد بتكون من البدايه الي بوصلوهم


لاتفكري يكون افضل لك والى نفسيتك علشان الحمل
.
ما قصرو البنات
a
شوفي حبيبتي..انا دخلت ولدي الحضانه من كمل سنتين بس يومين في الاسبوع عشان ابغيه يعتمد على نفسه شوي و ما يلعوزني مع قدوم البيبي الجديد...
طبعا معظم الاشيا اللي في بالج فكرت فيها بس اللي سويته اول شي اني دورت له على حضانه ممتازه و قريبه من بيتي و سألت اول شي على قوانينهم وطريقتهم في التعامل مع الاطفال...لان نفس الشي ولدي للحين ما اتخلص 100% من الحفاض..بس في حضلنتهم يودونهم الحمام...
والاكل ولدي نفسج ما ياكل بروحه يخبص الدنيا...عشان جيه حسيت انه من مصلحته يروح الحضانه لان هناك بيعلمونهم ياكلون بروحهم
و الضرب هالشي بيصير حتى لو مع عيال عمومته او خالته وهو شي طبيعي بين الاطفال فخليه يتعلم يواجه العالم الخارجي و يدافع عن نفسه..طبعا مع رقابه الحضانه ماااتوقع بيخلون اليهال يضاربون ضرايب كبيره
غير اني مااباه يتعلق في الشغاله وانا مشغوله بالبيبي اليديد..يعني يكون له عالم و اهتمامات و ما يحتاج حد...
ومسأله الباص ...اذا قدرتي خلي حد من اهلج ياخذه...افضل من مواصلات المدرسه

في نقطه ثانيه حبيبتي

كيف تخلين بنتج في حضنج وانتي تسوقين؟؟؟؟؟؟؟؟؟؟
استغربت وايد ..حرام هالشي مب لمصلحتها ابدا..لا سمح الله اي فرمله قويه بتتسبب بضربها ضربه قويه انتي في غنى عن اثارها...غير ان حركتها وانتو تسوقون ممكن تلهيكم عن السواقه...
كان المفروض من البدايه تستخدمين لها كرسي السياره

ان شالله تتعدل كل الامور ولا تحاتين..انتي مب اول وحده تدخل عيالها المدرسه يعني السالفه ان شاء الله مب بهذيك الصعوبه..طمنينا عليها كيف صارت ويا الحضانه
ع
بصراحه ما مريت بهذي الفتره

بس احس انك مو مكبره المضووع لاني خليت نفسي مكانك

واكيد راح احاتي بنتي بحكم اني ام

بس توكلي على الله وإن شاء الله مافيه إله الخير

وشوفي اول الأيام شنو صاير ما صاير

يمكن الطفله تتعود ويكون كل شي اوكيه

ويمكن لا تصير بعض النقاط العاديه يعني ممكن حلها بساطه

والله يهدي بنتك إن شاء الله
X