محتارة و أبي رايكم خواتي

sarah_UK

يااا هلا فيييييج اختي و مرحبابج فصفحتي =)

بصراحة أنا بعد رايي من رايج و كلامج منطقي و إن الشك مرض فالانسان و ما يقدر يسوي شي ...

ماشالله عليج ما خليتيلي شي أقوله كلامج واضح و جميل ما قصرتي الغالية و بالعكس لا تتأسفين عالإطالة خذي راحتج و يشرفني تفاعلج فموضوعي =)

حبيبتي انا آسفه آسفه جدا ع تأخري عليج
كل مره اذكر اني ما رديت ع الموضوع بس اكون مطفيه لاب
واحين ييت انفذ وعدي وارد ع الموضوع
حبيبتي ما بني على باطل فهو باطل
كل بنت امنيتها تحصل واحد تحبه ويحبهااا
بس للأسف صار الإنسان يشتري الحب ويبيعه
كيف نقدر نثق في شخص ونعطيه قلبناا والإنسان قام يشتري الحب ويتفاخر فيهـ
انا اغلب اربيعاتي متزوجات عن حب سالتهم اول سنه زواج ها شو العرس بعده الحب موجود
يقولون هييييه خلوا الحب جنه استغفر الله
سألتهم بعد سنه ثانيه ها شو العرس اوكي؟
يقولون لي لا تفكرين ابداااااااا في الحب
اقولهم ليش؟؟
يقولون خذي واحد ما تعرفينه يكون احسن لج
شوفي صح الله رزقهم وخذوا اللي يحبونهم بس ف المقابل ما ننسى
كل غلطة إلها عقوبهـ
فليش الوحده تروح ادور عن الحب وتراكض وراه وتوصل انه تهين عمرهااا
ليش تفقد كرامتها وعزتهاا عسب الحب؟
ليش صرناا نفكر بس الحب
ليش ما نشغل حبنا في حب الله
ليش همنا بس الدنيا ونسينا الآخره
والله قلبي يعورني ع كل وحده تحب واحد
ودي اصرخ واقولهاا بصوت عالي
بس نفاق بس جذب بس توهمين عمرج في سراب الحب
توبي ارجعي لربج
حبيبتي شوفي لو وحده قالت لج الحب حلووو فهاي جذاااااابه
مستحيل يكون حلوو وهو حرام تراه الشيطان يحلي الحرام
واصلا كل واحد ياخذ نصيبه في هالدنيااا يعني ماله داعي وحده تركض واتعب عمرها وادور عن الحب
بصراحه بيني وبينج ما ألوم الريال يوم يشك في الحرمه اللي خذاها عن حب
وحده خانت اهلها وخانت شرفهاا وين تصلح تكون ام لعياله؟؟؟؟
الله يهدي الجميع يارب والسموووحه لو طولت عليج

هلا هلا والله حياااااج الله و لا تتأسفين حبيبتي أهم شي انج رديتي ...

شووفي انتي تقريبا عممتي مب كل وحدة تزوجت عن حب عايشة في جحيم .. الحب نعمة من الله (برايي) كلاامج فيه كثير من الواقعية بس هاي استثناءات ... تبين الدليل؟ شوفي ردود الخوات علي أغلبهم تتناقض مع رايج ...
أنا ما أغالطج بالعكس أنا يالسة أقارن و فالنهاية الكل له وجهة نظر و انا أحترم راي الكل =)
بالنسبة للي قلتيه (فليش الوحده تروح ادور عن الحب وتراكض وراه وتوصل انه تهين عمرهااا
ليش تفقد كرامتها وعزتهاا عسب الحب؟)

اللي تركض ورا الحب تكون عارفة إن اللي تسوييه مب حب بس بمعنى أصح نقص مشاعر لأنها تكوون داازة عمرها غصب و أغلب هالحالات يكون فيها الحب من طرف واحد و هذا شي معروف بس الحب الحقيقي يكون بين الطرفين و بدون ما الواحد يحس لأنها عواطف تنجرف بدون تحكم و الوحدة ما بتسير و تقول يا فلان أنا أحبك أكييد لا بس أنا أتكلم عن حب بين الطرفين و اللي يكون على أساسه الثقة و الاحترام ..

(ليش صرناا نفكر بس الحب )

ليش الوحدة يوم تعرس شو تبا غير الحب و الاحترام ؟ في وايد بنات معرسات تكون العلاقة مجرد واجبات الزوج و الزوجة يعني ما شي حب و ولا انسجام .. بعطييج مثال بسييط ... شوفي المسلسلات التركية كيف ثارت ضجة عند الخلييج .. ليش برايج ؟ بتقولين خرافات و أوهام طبعا لا لأني رحت البلد بنفسي و شفت إن الحب عندهم شي مقدس و يدووم ...

(حبيبتي شوفي لو وحده قالت لج الحب حلووو فهاي جذاااااابه
مستحيل يكون حلوو وهو حرام تراه الشيطان يحلي الحرام)

امم أنا مب معااج فهالنقطة أبدا .. أنا مب قاعدة أتكلم عن سوالف مراهقات و الحب اللي مدته شهرين و ينتهي أنا أتكلم عن حب جاد و صادق في هدف من وراه ...
من ناحية حراام هو حرام قبل الزواج لأنه مب محلل انه يصير بينهم أي شي أو يقولون كلام فيه غزل و شوق اي شي من هالقبيل ...

عالعموووم بصرااحة حبيت رايج لأنه فتح عيني على وايد أشيا

تسلمييييييييييييييييييييييين يالغاااالية ما علييج زوود و الله يرزقج اللي يحبج على مزاجج قووولي آمييييييييييين :8884:

لا اؤيد علاقات ما قبل الزواج من كلام و غزل و غيره ...

أما الحب فقد ياتي قبل او بعد الزواج بدون سابق انذار لكن لازم يكون بعقل و بحدود...

بداية احب اوضح شغلة الحب ما يجي دون سابق انذار
يعني لازم تكون قبل علاقة انسانية بين الشخصين
ما في حب من اول نظرة ولا اول كلمة ..
حتى نوصل للحب لازم نعدي مراحل .. لان الحب اللي يدوم هو اللي ينمو ويكبر مع الاشخاص
لذا ممكن يكون قبل الزواج او بعده ..
بيتعلق في القلوب متى نضجت وتكاملت مع بعض..

وبالنسبة لسؤالك : لو اثنين مخطوبين ولسه ما في حب بينهم
فالخطورة انو عندهم احتمالين بعد الزواج اما يصير في حب او ما يصير ابداً..
لذا المفضل -حسب رأيي- لما يكونوا مخطوبين يستغلوا هاي الفترة منيح
وما يقدموا على شي مجهول ..
لان غالباً اذا حبوا بعض (حقيقة) فحبهم رح يكمل بعد الزواج ..

لذا من هالمنطلق ما فينا نعمم ونقول انو الحب قبل الزواج فاشل
لانو لو حب حقيقي رح يكمل ويكون سبب للزواج ..
وعلى فكرة القاعدة الذهبية تقول :
الحب يؤدي الى زواج
لكن الزواج لا يؤدي للحب ..

* انا ما اقصد بالحب قبل الزواج علاقات غير شرعية .. الا اقصد الخطوبة ومرحلة
التعارف المعلوم فيها من الاهل والمجتمع..

بنكوووشهـ انا احترم راايكـ بس بس فقولك

فليش الوحده تروح ادور عن الحب وتراكض وراه وتوصل انه تهين عمرهااا
ليش تفقد كرامتها وعزتهاا عسب الحب؟)

اللي تراكض ورا الحب ما يكوون هدفها تحب...لانه الحب مو حنا للي نبحث عنه ...الحب اهو اللي يبحث عنااا يجي من غير سابق انذار و من غير ما نحس فيه ... الا مع الايااام لانه يكبر و ينمو و ما يجي من لحظة واللي تراكض و تبحث عن واااحد تحبه اقلها هذا مو حب لانه بيكوون نزوة تندثر مع الايااام

وعن راايئ فانا ما اتصور علاقة زوجية من غير حب سواء بعد ولا قبل الزواج لانه بيكون في برووودة و حيااة عادية و رورتينية..و ملل لانه للي ما يآخد مو ممكن يعطي...

هذا رأيي و اختلاف الرأي لا يفسد للود قضية

مشكوورة حبيبتي و تقبلي مروري

اختي بنكي امكن هذا ردك لانك مريتي بقصه حب ومانجحت

الله واعلم

أنا في رأي انه الحب هو اللي بيجيب الأحترام و المودة و السكن و لو مافيش كل ده يبقي ما فيش زواج من أصله ......... أنا تزوجت عن حب بس ماما الله يرحمها كانت عارفة كل شيئ عن اللي بيحصل للأنها كانت أعز صديقة ليا و هي اللي وقفت معايا لما كان فيه مشاكل أثناء الخطوبة ( مشاكل و صعوبات مادية يعني ) و هي الله يرحمها كانت متزوجة بابا 30 سنة و كانت مهما تزعل منه أقولها طب اتجوزتي ليه تقولي يا سلام ده نور عيني و قلبي ( الله يرحمها ) ....... الحب هو الشيئ الوحيد اللي بيخلي الزوجة تستحمل أي شيئ بس علي شرط يكون حب بعقل هي صعبة شويه بس محتاجة تدريب يا ماااااااااا حصلت مواقف بيني و بين زوجي و بتعدي لأنها في رأي مواقف مش مستهلة لازم أستحمل جوزي لما يتعصب أمال بحبه ازاي؟؟؟؟؟؟؟؟ لازم أستحمله لما ظروفه المادية تتلخبط شويه أمال بحبه ازاي؟؟؟؟؟؟؟؟ والا بحبه و هو تمام و لما يكون فيه خلل مش أحبه !!

الحب بيخلي الزوجين يتصرفوا بكل مودة و لما يحصلبيني و بين جوزي سوء تفاهم و الله علي طول أفتكر الحاجات الكويسه اللي كان بيعملها معايا فقلبي بيصفي علي طول....... الحب هو اللي بيخلي زوجي يكون صديقي و أحكيله كل شيئ....... الحب هو اللي بيخلي الزوجين يسعدوا في علاقتهم الشخصيه عشان كل طرف حيعمل اللي بيسعد التاني بدون تفكير ...... ربنا يديمها عليا أنا و زوجي نعمة يا رب و يسعد كل متزوجة ...... معلش طولت عليكم :)

فدييييييتكم والله فرحتووني بتفاعلكم بصرااحة ما كنت متوقعة !!

أشكر كل من عطتني من وقتها و طرحت رايها و الله يخلي لكل متزوجة زوجها و يحفظهم لبعض و يديم عليهم المحبة يااا رب و الفال للبنوتات اللي مثل حاالي هههههه عسى ربي يرزقنا بالزوج الصالح و الحنوون ..

والله اني مستااانسة ما قصرتوا حبيباتي و يعطييييكم ألف عااافية

مشكوووورين

أنا وايد متحمسة و أبا أقرا ردوود أكثر ^_^

الله يرزقني أنشاء الله

الله يوفقكF:F:F:

Ms Dior;8073448:
أنا عني .. قصتي قصه .. لان بعد ما خطبتني الام حق ولدها صار بيني وبينه علاقه عن طريق اخته قبل لا ايون يتكلمون الحريم ويخطبوني.. وصار بينه علاقه من يوم امه خطبتني لين ما صارت الملجه الي كانت بعد 3 اشهور .. والحمدلله .. احبه مثل ما يحبني.. وترا الحب مب شرط يبين من الكلام بس.. حتى من الفعل والتضحيه والنظرة.. واشيا كثيرة.. والعشره والمدة الي بيني وبينه كلما تكبر وكلما تزيد علاقتنه ونحب بعض اكثر.. لان الزوجين يتشاركون في كل شي في الاكل والمشرب والنوم.. حتى مرات يستحمون بالحمام مع بعض.. هاي كله دليل الحب لان كل واحد منهم يحب يشارك الثاني بكل شي.. ولدرجه ان كل واحد ما يقدر يستغني عن الثاني.. كل واحد يحاول يسعد الثاني بطريقته.. أهم أهم شي الزوجه تعرف اشلون تكتشف حب زوجها وتزيد حبه لها.. ومو شرط الريال يعترف بالكلمه كثير لان البعض يحب ان زوجته تكتشف هلشي من غير لا يقول..

الله ترا حلو الزواج اذا كان على تفاهم.. ومع الوقت ولين صار في بيبي في الطريج تزيد قوة هلحب .. وكل واحد ينتظر ثمرة حبه .. الله شنو حلو الشعور..

الحمدلله على كل حال..

وما اقول ان الحياة مثاليه بين الزوجين.. سواء حب قبل الزواج او بعده .. لازم في سؤ تفاهم .. بس يا حلاته سوء التفاهم لي كان بأقل وقت ممكن.. وينتهي بضحكه او ضمه ..

وهذا يعتمد على شخصيه كل واحد.. ترى الدنيا ما تسوى الواحد يضيعها في التفاهات.. يعني كل واحد منهم بيتنازل للثاني لجل خاطر عيونه ومن كثر حبه له..

الحب مهم.. عشان تستمر..

وان لقيتي ان الحياة مستمره .. وماشيه .. وكل واحد يعرف واجباته ويأديها باكمل وجه .. تأكدي انه هذا الحب .. حتى لو ما اعترف اي واحد بكلمه احبك ..

لان كل شي له وقته.. وقت الرومنسيه .. وقت الشغل.. وقت اشغال البيت.. وقت الاكل.. وقت ووقت ووقت .. شفتي اشكثر في اوقات مب شرط يكون فيها الحب من كلمه ..

ياريت اكون وفيت ولو جزء من تساؤلاتج يا الغلا..

وسامحيني اذا قصرت ..

اشكرج على موضوعج .. المهم..

كلامج يدش القلب ما شاء الله عليج ..
وقصتج نفس قصتي بس انا في البدايه توني وعشان كذا ابي نصيحتج .. مثل ما يقولون اسأل مجرب ولا تسأل طبيب

انا خطبني واحد يقرب لي من بعيد .. واهله كلموا اهلي .. وبما ان احنا الاثنين ندرس يعني بعدنا بالجامعه ما تخرجنا يعني خطببتنا راح تطول شوي .. بس في هالفتره صار بيني وبينه تواصل عن طريق المسن وهو يحبني وصارحني بس انا اعامله بحدود وبديت اميل له بس طبعا بدون ما ابين له .. ابيج تنصحيني شلون ازيد حبه لي ؟ ومن خلال تجربتج تتوقعين كيف لازم اتصرف في هالفتره وياه ؟ وكيف اتعامل وياه ؟ ياليت تريدين علي واذا البنات يبون يقولون شي تره قلبي يحب النصايح الي تفيدني ..