ولادتي غير

السلام عليكم خواتي الكروشات واللي ولدن، بعد ربي يسهل على كل حامل ولادتها ويعين كل والده ع الصريخ والسهر والرضاعة وتبديل البامبرز :pain:حبيت رجعتي للمنتدى بدايتها اتكون قصة ولادتي اللي ضحكت الناس علي ...:o:poster_vt:
موعدي كان 21\10\2008 عاد أنا ماكنت أمشي وايد كله أحس عمري تعباااااااانه وما أرقد الليل أبدا حتى ماكان لي بارض لولدي عزيز آخر أسبوع لموعد ولادتي الإخت طاير من الفرحة طااااااير بتفتك من الثقل قلت خلني أروح نيلز أسوي سبا بدكير ومنكير:21_209: هذا قبل موعدي بيوم طاف الموعد وأنا خبر خير مافي ويع ولاااااااااشي:no: بنت خالتي ولادتها بعدي بيوم ف يوم ولادتها إتصلت فيني الصبح الساعة 7 وزعلانه عسب إنها ماتحس بعوار ولابأي شي وأنا المخرفة عاطيني موعد تخطيط في حالة ماولدت تاريخ 22\10 عاد تأثير الحمل نسيت الموعد وسرت قبلها بيوم مسكين ريلي أمطلعتنه من دوامه عسب يوصلني وعقب إكتشفت إنه موعدي باااااجر افتشللللللت جدامه:21_178::21_157: المهم قلت خلني أسير عند خالتي وبالمرة نتشارك أنا وبنتها هموم تأخر الولادة أول ماوصلت هناك ما أشوف إللى بنت خالتي تصرخ من الويع وأنا ويهي غدا جي:qaq: توج إمكلمتني مافيج شي شو صار عاد هي تصرخ وأنا فيني صيحة أبيه شو بيحل فيني ودوها المستشفى وسرت أنا حجرتها ورقدت والجنين خبر خير مايتحرك أبد يوم خبرت أمي قامت اتصرخ علي كعادتها وروحي المستشفى ومب زين جان أتصل بريلي الدوام وصيييييييييح تعال ودني المستشفى البيبي مايتحرك مسكين رجع وترخص من الدوام وياني وسرت المستشفى وفي الطواري خسسسسسست وأنا أتريا كلمت ريلي وقلتله خلاااااااااص بروح قاللي اتريي أشوي وأجوف المعلمة أمي يت الطواري سوتلهم زفة عاد أنا شديت حيلي وهات اضرابه مع النيرس:sa36: استفزتني يوم اتقوللي انتي ماقلتي البيبي مايتحرك عيل أنا شو قاعدة أغني من الصبح؟ المهم دخلت عند الدكتورة وسوتلي توسع من تحت عسب يسرع الطلق بعد ماخلصت جني سمعتها إنها بتوسع وقمت أقولها لاااااااااااااااااا بليز خليني مثل ما أنا بيعور أشوفها فتحت عينها >>>> حسيتها اتقول هذي اتخبلت شكلها خخخخ قالت عيني أنا خلصت أصلا، قلت والله عيل ماحسيت فرحت وايد قالت بالكثير باجر راح تولدين وجان أتشقق من الوناسة وطلعت مع ريلي ورحنا المارينا وسويت شوبينغ وتغديت:21_93: ورجعت البيت أخذت شور ورقدت المهم مر يوم ثم يومين وأنا بعدني ونفسيتي تعبانه وااايد مشيت وكديت كد في الشقة ومافي فايدة ليلة 24\10 قعدنا أنا وريلي انطالع فيلم بس ماشفت منه إللى مقتطفات كل شوي أرقد وأنش والساعة 2 الفجر حسيت بعوار خفيف حاولت أرقد مارمت كل إشوي داخلة الله يعزكم الحمام طبعا كنت راقدة ف living roomع الغنفة وريلي اتسدح ع الأرض ييت أخطف من فوق ريله جان يتحرك أسميني طحت ع ويهي زين ماندقيت ع الطاوله نش وقال بسم الله شو فيج صارلج شي قلتلة لااا الأمور طيبة:JUMP: وأنا الصراحة إتكسرت الساعة 4 الفجر خلااااااص مارمت قاعدة أعاني روحي جان أوعيه فيني عواااااااااار خلك معااااااااي مسكين كل ماتييتي طلقة يزخ إييدي ويحسب مدة كل طلقة لا ومتفيجة بعد ماتخف الطلقة أطالع فيلم بس كان حلو :Z_cool_c:الساعة 7 قلت لااااااااااا مبدهااااااش ع طول المستشفى رحت الله يعزكم الحمام وقمت أرجع ياحليله ريلي يقوللي فيج شي وأنا أقوله الأمور طيبة والأمور كلها أساسا صارت خبيصة:durr: ف الدرب كل ما أحس بالطلقة أقوله لاتسرررع ايقوللي أنا أمشي 60 جم تبيني أمشي أول ماوصلت مستشفى الكورنيش رحت الطواري وكانت أمي موجودة معاي وقالولي إتريي ف خاطري بعد ماشي غير أسوي حركة غصب عنهم بيدخلوني شو سويت i will push nooooooooow رغم إنه خف الطلق وع طوووووووول دخلوني غرفة الولادة صح نسيت أقولكم أول ماوصلت كان مفتوح بس 4 سانتي في غرفة الولادة قلت للولادة بدخل الحمام الله يعزكم جان اتقوللي مستحيييييييييل ممكن تولدين ف الحمام عاد أنا راسي وألف سييييف بروح وسرت وعقب رحت أكمل ولادة :yahoo:سبحان الله ماكملو ساعة من دخلت المستشفى كان 4 ومرة وحدة وصل 9 وفجت الماي ويزيد الويع أقولها عطيني إبرة وهي No time وأنا بليييييييز مستحيل أولد وأنا بكامل قواي العقلية أبي أسطل وما أحس ابشي وهي راسها وألف سيف لا قمت أشفط شفط من الأكسجين المخدر بس عسب أسطل وفديته ريلي ماسك إدي ويحجج ف شعري والدكتورة تسولف ويا أمي واتقولها معقوله إنتي أمها انتي صغيرة مايبين عليج وريلي قاعد يترجم لأمي وأمي متشققة من الوناسة:21_209: وأنا متشققة من الويع :cry:أقول لريلي هذي متفيجة خلها اتولدني وبعدين اتسولف وف عز الويع والدفع جان أقول لريلي أبي كاكااااااااااااو ويرد علي بعد أي نوع تبين خخخخ قعدت أدفع لين ماطلعت عيني يت النيرس اتقوللي مدام انتي تدفعين عشان حاسة بدفع واللى بس جي جان أقولها بس جي أبي أخلص جان اتقوللي Noooooo قلتلها روحي عن ويهي :ss::mad2: والحمدالله مني مناك عكمن موقف ضحك طلع مودي ع الدنيا :21_95:وماشاء الله عليه إمطلع عيني من السهر:21_161: عقبال كل حامل يارب والله يرزق كل محرومة بالذرية الصالحة .

هذي قصة حياتي أقصد قصة ولادتي بالمختصر :poster_kewlpics:تحياتي لكم:Zd_bye_3: