:::: أفكاري بتنظيم ميزانية الأسرة ::::

مشاء الله على افكاررك الرهيبه

[GLOW="000000"]
فعلا عزيزتي نحن محتاجين لمثل هذه الحلول والأفكار

ألف شكر على موضوعك القيم
[/GLOW]

ماشاء الله عليك أختي ترانيم.. أفكار رائعة.. وأنا متابعة معك للنهاية.. لأن في بالي خطط كثيرة للميزانية لسنة 2009 إن شاء الله....

نحن باانتظاركي اختي

اختي ترانيم

احنا عندنا حاله خااااااااااااصه جدااااااااااا .. ابغيك تساعديني فيها .. وهي ..

بناء بيت جديد ..

بصراحه البيت اكل كل شئ عندنا الخضر واليابس ولازال في ناااس واايد يطلبون منا فلوسهم واحنا فلوسنا خلصت ..

صادتنا ازمة ارتفاع الاسعار وكل شئ ارتفع علينا من حديد الى اسمنت الى المنيوم الى بلاط كلللللللل شئ تكرمين حتى المراحيض اغلى ..

عشان جذي خسرنا فلوسنا كلها ولا قدرنا نكمل البيت ..

ممكن تساعديني مو عارفه شنو اسوي احس روحي بستخف هههه ؟؟

شكرا جزيلا لمتابعتكم عزيزاتي

ولكل رد من ردودكم التشجيعية

فلكم محبتي ومودتي ..

الأخت الغاليه ايوت

قرأت ردك اكثر من مره

ولم استوعب غاليتي كيف يطالبونكم الناس وقت بناء البيت

عزيزتي كان المفروض أول خطوه ببناء بيت جديد

أن تتفقوا مع المقاول الخاص بكم لبناء منزلكم

على سعر البناء ..

فالكثير من العائلات عندما يباشرون ببناء منزل جديد وهم مستدينون

يضعون بعين الاعتبار قيمة البناء اولا

أما الاشياء الاخرى يأتي مع الشهور القادمه

ما ادري يا اختي كيف الوضع بالنسبه لكم وكم من مدخولكم تبقى من الراتب الشهري

الوضع صعب بالنسبه للتوفير

والاصعب حل المسئله بالاستديان من البنوك حتى تسددون للناس ..

ولكن بعطيك فكره طبقتها صديقتي المقربه بعد نصيحتي لها

صديقتي على قد الحال يعني سوف يتم تجهيز بيتها عن طريق ديون بنكيه

صدقيني كان نصيحتي لها بمحله ..

عشان ما اطول عليك غاليتي

وصيتها انها تبني البيت بالاول وتخصص مبلغ

للبلاط للصاله ولبعض الغرف المهمه

وكمان حمامين على الاقل فقط لا غير

حتى المطبخ وصيتها انها تشتري جاهز وارخص شي

لأستخدامه لمدة معينه حتى الله يفرجها وتشتري تفصيل والي بخاطرها فيه

وفعلا ..

بدل صرفها على الحمامات كرمك الله والعدد خمسه

صرفت على اثنين من احسن نوعيه أما الباقي تركته

وبما ان الحمامات جاهزه بالنسبه للانابيب وغيره من كهرباء

بس الي كان ناقص البلاط وكمان بلاط الجدران والمرافق والاناره وووو

وفرشت غرفتين ومجلس وصاله بلاط واناره بأحسن الاسعار الي كانت تحلم فيها

ليه اشترت احسن شي لأنها بدل ما تصرف على كل انارة البيت من اكسسوارات ومراوح

وديكورات وغيره عملت بس للاشياء المهمه فقط وتركت الباقي

الله وكيلك حتى الساحه خلت بس بلاط بواجهة البيت اما الخلف تركته على حاله الين بعدين

كان الاهم انها تسكن بالبيت وتترك الايجار

بيت يحيطها هي وعائلتها الصغيره بأمان ..

اما الكماليات مع الايام راح تقدر تسويها

الآن بعد مرور سنتين ونصف ما شا ءالله لا حول ولا قوة الا بالله

الله رزقها وقدرت تكمل اشوي اشوي حتى من غير استديان قدرت انها توفره من الراتب

يعني كل شهرين مرفق من مرافق البيت

والمطبخ كمان جهزته بأحلى تفصيل ياخذ العقل

اهم شي يا اختي لا تصرين انك تنتقلين والبيت على اكمل وجه

في عائلات يتمنون غرفتين حتى من غير صاله لكن ملك ويفتكون من الايجار

اتمنى اني افدتك بخبرتي البسيطه ..

والله يوفقك وينولك الي تتمنينه و يرزقك ..

اختي ترانيم ..

قصدي ان الدفعات الاخيرة للمقاول وللكهربائي وللسباك والصباغ .. مو قادرين ندفعها .. اللحين خلصت الفلوس على تشطيبات البيت و لا كملنا منها بعد لان البيت ما شاء الله كبير ..

مثل ما قلتي انا مقرره جذي ان احنا نكمل الاساسيات ونحط لنا جدول للاولويات وندفعها اشوية اشوية .. وبعدين نكمل الناقص ..

بس اللي اقصده منك اشلون اقدر اوفر واحط ميزانية خاصة جدا بس لهالفترة اقلل فيها من مصروفاتنا بحيث اوفر على الاقل كل شهر لو 200دينار .؟؟ حتى ما نضظر نستدين من البنك ولا نطلع قروووض وديون جديدة ..


>>>مسامحه قاطعتك كملي متابعينك ..

تكلمنا سابقا ..

عن التوفير بالنسبه للتسوق ..

وعن كيفية التوفير بالاطعمه وغيره من الطبخات وخلينا قيمة المقاضي الشهريه ثابته مثل الايجار مثلا ..

وتكلمنا عن وضع خطه مستقبليه لأبنائنا ..

يعني الخلاصه ..


عشان تنجح الخطه اولا يجب عليك كل ما هو غير ثابت تخلينه ثابت

مثل عملية المقاضي الي سويناها

حتى التلفون لو يكون المبلغ ثابت افضل واحسن لإنجاح خطة التوفير

الشي الي ما تعرفين كم راح يصير عليك هذي طامه

مثل دخولك المحل من غير ما تشوفين اسعار القطع الي اخذتيهم ..

الحريم الي ياخذون من غير ما يشوفون السعر يالله شي من الاثنين

يا انك اكيد شايله اكثر من طاقة بوكك او بطاقة البنك تستنجد من كثر استعمالها وبالحالتين هذي الانسانه مبذره بشكل لا يوصف ..

عشان كذا ما ابيك تتفاجئين بكم راح تطلع فاتورة هاتفك او الكهرباء

قللي من استخدامك او خلي لك بطاقات شحن خاصه محدده لمدة شهر ..


وقبل ما ابدأ بالمثال ..

انصحكم بوضع علبه مغلقه بالمطبخ او على التسريحه

وكل ما يكون عندك قروش حطي فيها وبنهاية الشهر خذيه و تصدقي فيه عشان الله يطرح في رزقكم البركه ان شاء الله ..


خطة التوفير الشهريه

مثال الراتب 8000 ريال

ايجار شهري للمنزل 1200 ريال

موبايل زوجك وموبايلك كل واحد على 200 ريال يعني المجموع 400 والله لو تتكلمون اكثر من كذا هذا يعني انكم يا مدراء او اصحاب بزنس او لاقين فلوسك بالشارع ههههههه

معلش التلفون الثابت برضوا ارخص بالفاتوره

اتركي الموبايل اشوي وانتي بالبيت واستغلي البيت

على الاقل فاتورته بالشهريه 100 ريال

وان كنتي من منطقه واهلك من منطقه هاتي بطاقه مدفوعة الاجر ولي يرحم والديك على الاقل بتدفعين بوقته وهم راح تختصرين كلامك معهم قبل ما ينقطع الخط ..بلا قرقره ..

راتب الشغاله مثلا 700 ريال وان مو موجوده ابرك انتي تاخذيهم كل شهر على تعبك روحي اشتري لك خاتم ذهب بس ابتعدي عن الملابس والخرابيط

ومقاضي البيت بعد ما سويتي الي قلت لك عليه طلع مثلا 1000 ريال شهريا

طيب بروضو لا ننسى نخصص مبلغ 200 ريال للخبز والخضروات والالبان .. وان بقى حاجه منه هاتي كيكه نهاية الشهر جاهزه من المخبز في احلى من كذا دلع .

يلا الآن نشيل مبلغ 300 ريال للطوارئ مو شرط نحتاجه لكن خلي ببالك ان كل شهر راح تشيلين هالمبلغ على جنب بعيد عن عينك بالمره بالبنك او بالبيت براحتك دام المبلغ صغير بأوله بعدين وديه للبنك ولكن انسييييييييه تماما ...

كم يبقى من الراتب :

الايجار 1200
التلفونات كلها 500
لا ننسى الكهرباء 200 هذا كثير بعد
المقاضي 1000
الخضروات وووو 200
الشغاله 700
الطوارئ300


يبقى من الراتب : 3900 ريال

هذا مثال لأكثر العائلات معيشتهم كذا خصتا العائلات الصغيره العدد ..

طيب بوسط الشهر 3900 طاروا بالهواء ليه ؟

لان ما نمسك نفسنا من السوق ولا فيه خطه اساسا

للتوفير

لا تظلمين نفسك ولا عيالك معلش

شيلي 2000 خليهم على جنب والباقي خليه للبنزين

ومصروفات زوجك روحاتكم جياتكم مشاوريكم مطعم مره مرتين بالشهر ملاهي لعيالك براحتك ..

تخيلي انتي طول هالسنين بنص الشهر ما عندك شي

وتنتظرون الراتب على احر من الجمر

وشوفي المبلغ بأيدك قولي لنفسك حرام تعب هالزوج وتعبك كل صباحيه محرومين من عيالكم ومن الراحة

ههههههههه تخيلي البرد وانتي قاعده تاخذين لك شور من الصباح كل هذا عشان الراتب ...

وبالنهايه هل مصيرك انك تحتاجين بقبل نهاية الشهر او يدوب تخشين بالاسبوع الرابع وانتي متماسكه ببعض القروش الباقيه من هالراتب ..

2000 بعد سنه راح يصير عندك 24000

............

راجعه بتكلم بخصوص التوفير المنزلي للمنتجات وغيره ..

لأن فكرة التوفير قبل ما يكون بالمبالغ الي نصرفها

لازم تنباشر بتغير استهلاكنا لكل شي حتى لو كان شي بسيط ...

ألقاكم عن قريب ان شاء الله

:1_81::1_81: ماشاء الله دائما متألقة عن جد موضوع رائع :1_81::1_81:

ولك مني احلا تقيم (f):z_clap:

جزاكِ الله
خيـر

مرحبا رنومه دوما انتي رائعه الله يعطيك الف عافيه
بس يالغلا عندي اختلاف على توزيع الميزانيه لان المعيشه صارت نار

ايجار شهري للمنزل 1200 ريال

موبايل زوجك وموبايلك كل واحد على 200 ريال يعني المجموع 400 والله لو تتكلمون اكثر من كذا هذا يعني انكم يا مدراء او اصحاب بزنس او لاقين فلوسك بالشارع ههههههه

معلش التلفون الثابت برضوا ارخص بالفاتوره

اتركي الموبايل اشوي وانتي بالبيت واستغلي البيت

على الاقل فاتورته بالشهريه 100 ريال

وان كنتي من منطقه واهلك من منطقه هاتي بطاقه مدفوعة الاجر ولي يرحم والديك على الاقل بتدفعين بوقته وهم راح تختصرين كلامك معهم قبل ما ينقطع الخط ..بلا قرقره ..

راتب الشغاله مثلا 700 ريال وان مو موجوده ابرك انتي تاخذيهم كل شهر على تعبك روحي اشتري لك خاتم ذهب بس ابتعدي عن الملابس والخرابيط

ومقاضي البيت بعد ما سويتي الي قلت لك عليه طلع مثلا 1000 ريال شهريا

تدرين الجوال كم فاتورته 500 لي هذا مع الحد الائتمناي
كل اهلي مو عندي وحبيايبي كثار ولما بمسك عمري صارت 370 خخخخخخ
وجوال زوجي نفس الشي ولا اعلى
طبعا نوفر شهر لان لازم يصير استقبال لوووووول لمده شهر لين يجي الراتب
عاد نمسك التلفون
ومع الدي سي ال كان 300 امكن
الحين مع خدمه جود فوق 400
لو ما سددنا وصل 700 وشويه
الكهرباء في بيتي مدري عنها بس ببيت اهلى 1000 ريااال
نجي لشغالات صارت في زياده 800 اللي ما تفهم لو ممدده اكثر
اما لو كانت من نفس المدينه 1200 هذا السعر بالغربيه
بالرياض وصلت اسعارهم 1500 و 1800 برمضان
وهالاسبوع سالت كانودي في وحده الا الاقي السعر 2200 في الشهر
اما اللي ودها تشتغل بالساعه ف8 ساعات ب 180 ريال
يعني الساعه 22.5
والمقاضي نصرف اكثر من 1000
اقولك بعد هالاسعار انسدت نفسي
والله كل شي غلي وصار مولع
الله يكون بعونا وبس
ونشكر لك حرصك وموضوعك واقتراحاتك
مودتي

الف الف الف شكر على الموضوع الروعه ..

الخطه قيد التنفيذ :)

موضوع رائع
الف شكر

تسلمين على طرح هالموضوع الرائع وكنت من جد محتاجته لأني خاطري أوفر لي شي بس ما أعرف شلون

تسلمي اختي على الموضوع الرائع صراحة موضوع مفيد للغاية والله الصراحة غلاء الااسعار موتنا وكل يوم وراء الثاني نشوف الاسعار قاعدة تزيد .....
بس الصراحة لازم يكون هناك تخطيط للميزانية
انا اكثر همي عيالنا اا نحن الحين جي كيف زمنهم بيكون والله الصراحة الله يقدرنا انه نوفر لهم مطالبهم ونعلمهم ....
الله يعين

مشكورة أخت ترانيم على الموضوع الرائع والمفيد
بعد قراتي لموضوعك تحمست كثير لوضع خطة التوفير
لاني من زمان حابه اوفر من لاكن لم استطيع وبفضلك الان ان شاء الله
راح أبتدي أخطط كيف اقدر اوفر الف شكر لك على كل مجهود الذي بذلتيه
يعطيك الف عافية

موضوع رووووووووعه ووايد مفيد

بساااااعدني ولو اني مو متزوجه بس اكيد باخذ منه افكار حلوووووووة

الله يسعدك يا تراااااااااانيم ووووووووووووووين ما تكوني يا رب

روووووووووووعه
قريت كل رد برد بشغف
انتظرك ترانيم
ومرره متشجعه على التوفير
خصوصا اني جديده ع الشغله هذي
بس مرره حبيتها
والاهم مرره استفدت منك

تسلمين