ضروري زوجي ومعاشي

القطره 14-12-2008 20 رد 918 مشاهدة
ا
بغيت رايكم في هالموضوع لاني محتاره وخايفه

انا اشتغل وزوجي بعد يشتغل احنا الاثنين عندنا قروض بسبب بيتنا الي سارلنا 3شهور بس ساكنينا انا خت قرض البيت وزوجي عليه قرض الزواج وسيارتي وسيارته الموضوع انا زوجي طلب مني انا نوفر فلوس على اساس لو بغينا انسافر او قصر علينا شي او سار ظرف خلانا نحتاج فلوس فطلب مني اني اخليلي من معاشي مبلغ كمصروف لي والباقي احطه في البنك عشان يتجمع ونوفر واهو من راتبه عليه كل المصاريف من خدامه واحتياجات البيت انا اقترحت عليه انه كل واحد منايحط من راتبه لكنه قالي لا لانه كل واحد منا بسير يسحب بدون مايحس انتو شرايكم انا خايفه من هالشي هل اخلي من راتبي نفس ما قال او لا واذا لا اشلون ارد عليه واقوله لا
ط
هلا اختي
انا بالنسبه لي وزجي نصرف من معاش زوجي بس ومعاشي لي مايلمسه ولايطلب منه شي بس في حالات احس انه في وضع نحتاج اني بنفسي اسحب علشان انحل الازمه بدون ما يطلب
وفي الغالب احنا مقسمين معشا زوجي بحيث انه في مبلغ اكون توفير حتى لو مبلغ صغير بس مع كل شهر اتشوفين انه صار مبلغ للسفر اوي شي تحتاجينه

واتفقنا بعد انه نفتح احساب مشترك انخلي فيه مبلغ بسيط من حساب كل واحد لو لاسمح الله صار شي وحتجنا لمبلغ مانمد يدنا لا احد ولا واحد فينا اكون خايف من انة الثاني اكون استغله
ا
طير القمر;8059987:
هلا اختي
انا بالنسبه لي وزجي نصرف من معاش زوجي بس ومعاشي لي مايلمسه ولايطلب منه شي بس في حالات احس انه في وضع نحتاج اني بنفسي اسحب علشان انحل الازمه بدون ما يطلب
وفي الغالب احنا مقسمين معشا زوجي بحيث انه في مبلغ اكون توفير حتى لو مبلغ صغير بس مع كل شهر اتشوفين انه صار مبلغ للسفر اوي شي تحتاجينه

واتفقنا بعد انه نفتح احساب مشترك انخلي فيه مبلغ بسيط من حساب كل واحد لو لاسمح الله صار شي وحتجنا لمبلغ مانمد يدنا لا احد ولا واحد فينا اكون خايف من انة الثاني اكون استغله



مشكوره حبيبتي على الرد بس والله محتاره
P
حبيبتي فكرة زوجك ما فيها شي ابدا نحن صار لنا 11 سنة وشوي متزوجين بالبداية كان عنا مصاريف كبيرة و عملنا بيت و ديون الزواج والبيت فما كنا نفكر شو الي وشو له يعني الرواتب الاتنين عم ينصرفوا أما بعد ما تحسنت اوضاعنا و صار في امكانية للتوفير صار راتب زوجي هو اللي ينصرف بالكامل بي آجار بيت و مصروف و من كل شي يعني للبيت وطلعات و للسيارة و للمشاوير وراتبي هو اللي بيتوفر و احيانا بيحط جزء من راتبه فوق راتبي اذا شاف في امكانية للتوفير و اذا احتجنا احيانا من راتبي مناخد منه وكل اللي بده يتوفر من الرواتب موجود باسمي بالبنك لهيك ما تقلقي من شي حياتي زوجك مأمن فيك و مأمن لحياته معك فأنت لازم تعطيه هالثقة والا ماكان قال لك وفري راتبك
b
احس كلام زوجش مافيه شي خاصة انه راتبي تعرفي انه يروح لمصاريف البيت ومو مقصر .. انا اسوي جدي معاشي ومعاش زوجي ياخدون القروض منه وباقي المصروفات على زوجي وانا بعد معاه تعرفين الحياة صعبة ويظل جزء من راتبي متفقة وياه ان نحتفظ فيه للظروف او لان نفكر في بيت نشتري بعد فترة بس انا اخلي الفلوس اللي اجمعها في حساب توفير باسمي وزوجي ماعنده مانع اهم شي ان نجمع للحاجة
ع
والله عجبتني فكرة زوجك

انتي من ايش خاايفه؟؟؟

الحمدلله مو مقصر معاكي ابدا والي بيعملو كلو قبل مايكو ن عشان نفسو هوا عشانك انتي وعشان اولادك والمستقبللللللللللللللللل
ن
لا و ألف لأ!!

شدراج يمكن في المستقبل اتييه نزوه ويتزوج بفلوسج وتعيشين بحسرتج؟!؟

هو زوجج صح على عيني وراسي بس مسألة معاشج هذا شي يخصج، ولو بتساعدينه في البيت المفروض برضاج و مايطلب منج شي.. صدقيني المرأة لما تلعب دور الرجل في البيت يقل احترامه لها،، المسؤولية والصرف عالبيت هذي مسؤولية الرجل مو المرأة واذا انتي بتحطين في البيت هذا من طيب خاطر بس ماتوصل توفرين حق البيت من راتبج انتي...

خل اهو يوفر وانتي وفري بس مو للبيت، وفري حق نفسج، ترا صدقيتي مابتنفعج الا نفسج واذا اكتشفتي ان عمرج راح وانتي ماوفرتي لنفسج شي بتنقهرين وبتقولين ليتني وفرت لنفسي.. انا عندي وفري لنفسج مبلغ كل شهر، و اذا تيمع عندج مبلغ فتحي مشروع او دخلي فيها اسهم او شي جذي.. أو حطيهم في جمعية واشتريلج ساعه او طقم تستانسين فيهم.. ترا راتبج لج انتي مو لأحد ثاني، زوجج مسؤول عن نفسه وعن بيته وعنج انتي بعد، اما راتبج فهذا الشي لج انتي مو لغيرج.. صديقيني حتى الي تقول لج زوجج ومافيها شي امبله فيها اشياء، الواحد يقل احترامه لزوجته اذا حس انها تحل محل الرجل في البيت او تاخذ مسؤولياته، لكن كل ماعزيتي نفسج وفرضتي حقوقج كل ما زاد احترامه لج...

والمعذره عالاطاله وهذا رايي اتمني تتقبلينه
ا
شنو هالمبدأ يعني الريال حمار شغل تكرمون يكرف ويتعب ويصرف والمره تخش فلوسها..

طبعا انا ما اقصدك اقصد مبدا البنات شلون صاير الريال يشتغل والمره تشتغل وكل يتعب واذا عالنزوات ماشاء الله الشنطه الماركه اللي باسم يهودي مو حرام ولا الالماسات ولا ولا..

حبيبتي انتي تعرفين زوجك اكثر من الناس كلهم خلي التوفير بحسابج مو بحسابه بس للازمات يعني هو ماقال بقصر عليكم بشي قال راتبي بينصرف للبيت وراتبج للازمات..

والله انا اشوف اذا حياتج حلوه ولله الحمد لاتعزين وصخ دنيا على ريلج وفكري فيها كلكم تتعبون ولا تزعلين اذا في يوم قال ماراح اعطيج لان هو بعد يتعب بشغله وبيصرف للاساسيات بس..

مابيج تزعلين من كلامي بس فكري عدل والله يوفقج ان شاء الله وطمنينا عليج:)
ن
والله يا حبيبتي الريال هب حمار شغل ولا شي بس هذي المبدأ!!! الريال هو الي يصرف والمرأة اذا اشتغلت فلوسها لها والريال ملزوم يصرف عليها وعلى بيته.. قولي بعد كلامي غلط؟
ا
حبيبتي الريال بعد يقدر يقول باخذ الاساسيات وراح اوفر لي وبتعتبرونها انانيه حطي نفسج بمكان الريال انتي تشتغلين وهو يشتغل وهو وبالاخير هو ماعنده ولا ريال وانتي عندج بس علشان هو ريال،، ومانبي نطلع من مشكله الاخت هي وضحت انه قال فلوسها للازمات ما قال حوليها بحسابي الخاص وما قال راتبي بخشه قال بصرفه على البيت والتزامات اليهال وزوجته يعني عداه العيب..

واصلا بهالزمن يد وحده ما تصفق يعني لانه ريال تبونه يحفر الارض وبعدين هالشي معتمد على ثقتها بتفكير زوجها والله يوفقها ان شاء الله:)..
n
احب-زوجي-ومدلعني;8073940:
حبيبتي الريال بعد يقدر يقول باخذ الاساسيات وراح اوفر لي وبتعتبرونها انانيه حطي نفسج بمكان الريال انتي تشتغلين وهو يشتغل وهو وبالاخير هو ماعنده ولا ريال وانتي عندج بس علشان هو ريال،، ومانبي نطلع من مشكله الاخت هي وضحت انه قال فلوسها للازمات ما قال حوليها بحسابي الخاص وما قال راتبي بخشه قال بصرفه على البيت والتزامات اليهال وزوجته يعني عداه العيب..

واصلا بهالزمن يد وحده ما تصفق يعني لانه ريال تبونه يحفر الارض وبعدين هالشي معتمد على ثقتها بتفكير زوجها والله يوفقها ان شاء الله:)..



عجبني هذا الرأي ... مافي مانع ان الوحده تساعد زوجها بس في نفس الوقت تضمن حقها يعني انتي سوي اللي قالك عليه اشوف رأيه سليم يعني هو قالك وقت الأزمات ما طلب منك تشاركي في مصاريف البيت.. خلي الحساب باسمك ولما يحتاج تصرفيه انتي رح تقدري مدى الاحتياج يعني هو قرارك اولا واخيرا ... والله يديم المودة والرحمة بينكم.
ا
تسلمون كلكم على ردودكم والله مادري ايش كنت بسوي بدونكم انا بس احس اني خايفه لانه ساعات يتهاوش معاي ولاني ساعدته في بيتنا بمعاشي وماكنت اشترلي شي لمدة سنه كامله واهو كل ماكنت اقوله بشتري هاي يقولي خلاص مب لازم فهاي الي مخوفني خايفه انا اوفر واهو يشتر الي خاطرا فيه وانا بس احرم نفسي
n
هلا اختي
انا بالنسبه لي وزجي نصرف من معاش زوجي بس ومعاشي لي مايلمسه ولايطلب منه شي بس في حالات احس انه في وضع نحتاج اني بنفسي اسحب علشان انحل الازمه بدون ما يطلب
وفي الغالب احنا مقسمين معشا زوجي بحيث انه في مبلغ اكون توفير حتى لو مبلغ صغير بس مع كل شهر اتشوفين انه صار مبلغ للسفر اوي شي تحتاجينه

واتفقنا بعد انه نفتح احساب مشترك انخلي فيه مبلغ بسيط من حساب كل واحد لو لاسمح الله صار شي وحتجنا لمبلغ مانمد يدنا لا احد ولا واحد فينا اكون خايف من انة الثاني اكون استغله



اعتقد هذي أفضل طريقه لما يكون كلا الزوجين عندهم معاش ...بسسسس مو كل الرجال تفكيرهم واحد أغلبهم تكون عينه على اللي عند زوجته ويستخسر فيها راتبها ويتهاون في مصاريفها ومصاريف البيت بحجة انه عندها راتب ما تحتاج حتى يصير الزوجة مالها نفس تساعد ماديا لانه تنعدم الثقه.
n
القطره;8074106:
تسلمون كلكم على ردودكم والله مادري ايش كنت بسوي بدونكم انا بس احس اني خايفه لانه ساعات يتهاوش معاي ولاني ساعدته في بيتنا بمعاشي وماكنت اشترلي شي لمدة سنه كامله واهو كل ماكنت اقوله بشتري هاي يقولي خلاص مب لازم فهاي الي مخوفني خايفه انا اوفر واهو يشتر الي خاطرا فيه وانا بس احرم نفسي





لاااا... انتي كدا غلطانه ....لاتحرمي نفسك اذا انتي شايفه ان القرض اللي اخدتيه مايبقي مبلغ كويس من راتبك خلاص كدا كفايه عليك اصلا انتي مو ملزمه بشي والله الرجال ما يقدروا مهما سويتي صدقيني ...ارجوك لاتحرمي نفسك من راتبك هذا حقك ولما تبغي تشتري شي لنفسك لاتاخذي رأيه لو سمحتي ترى مو من حقه يرفض...اقولك لا تكلميه في الموضوع ابدا بس لو فتحه معاك تاني قوليله زي ما قلتلتك يكون حساب مشترك كل واحد يحط فيه مبلغ لانه بيني وبينك رده ما كان مقنع يعني هو حساب توفير اذا ما يبغاه ينصرف مارح ينصرف ..
ف
اختي حبيبتي فكرة زوجك لمصلحتك يالغالية شوفي حبيبتي الحين انتي توفري في حسابج يعني حقج ومالج وصدقيني مافي فرق بينج وبين زوجك انتوا مكملين بعض

بخبرج عني ....

حنا متزوجين من سنتين والحين بندخل 3 سنة وما عندنا غير بنوتة وحدة .... تدرين متقاسمين الشي اهوا يدفع الايجار والكهرباء ومصاريف البيت وانا احاول اساعده بس اهوا رافض وحلفت عليه انه فواتير تلفوناتنا انا بدفعها والله بالغصب اقتنع .. تخيلي اهوا اغراض البنت واكلها وحفاظها ما يرضى اشتري بفلوسي فديت عمره ...

وانا من حسابي اوفر مصاريف حقنا اذا نقص واوفر في البنك بعد وادخل في حساب بنتي لانه سوينا لها حساب بدون بطاقة سحب يعني ما نقدر نسحب منه ابدا ....

وفي شي سويته وما خبرت زوجي قلت لوقت الحاجة .... شهريا اخذ 20 ريال عماني تقريبا 200 درهم واحطهم عندي مكان سري حتى زوجي ما يتوقع هالمكان واحط الفلوس فيه شهريا وقلت ما بخبره اذا صار لنا ظرف بيكون عندنا مرجع نرجعله ....

توكلي على الله وخذي بفكرة زوجك وفي نفس الوقت اشتري اللي خاطرج فيه وفري في نفس الوقت ضبطي امورج وحنا الحريم نعرف كيف نضبط امورنا ....
ا
الله لايحرمني منكم والله اني كنت متكدره ومش عارفه لمين اشكي انا من النوعيه الي ماحب اقول همومي لأهلي فيتم كل شي بداخلي لكن معاكم احس اني مرتاحه والحمدلله رب العالمين انشالله بسوي الي قلتولي عليه الله يوفقكم كلكم انشالله ويسعدكم ويكتب لكم الاجر على مساعدتكم.
&
بالعكس فديتج .. فكره زوجج حلوة ..

يعني انتي و زوجج لازم اتساعدون بالعكس ..
S
اختي خلي انتي نص وهو نص او خليه يسجل البين نصه باسمج ونصه اب اسسسمه ..انا وحدة من اهلنا جدي هي وزوجها يشتغلون وخذو قرض اهي لها نص البيت وهو له نص البيت وعايشييين حياة حللوة ولا مشاكل ولا شي
ا
حبيبتي زوجج ماقال شي يخليج تخافين

اهو قالج خشي معاشج عندج ووفريه يعني فلوسج عندج مو عنده انتي اللي تتصرفين فيهم

لو انه قالج انتي صرفي معاشج على البيت او قالج خشي معاشج عندي اي ما الومج اذا ختي منه

بس اهو قالج خشي معاشج عندج لا تحاتين ولا شي

وهذا اتاق بيينكم ان مصروف البيت كله من معاشه

حبيبتي لا تحاتين ولا تخافين

سمعي كلامه ووفريلج فلسين حبيبتي
أ
حبيبتي أنت بتخلينه في حسابك وين المشكلة ؟؟؟ لو انت شاكة 1% أن فيها غدر مثلاً لا تعطينه بطاقة الصراف لبديها في اي مكان
X