تجمـــــــع لمستخدمـــات دابر أمـــــــــلا ..

السلام عليكم ورحمة الله وبركاته ..

شلونكم بنات عروس ؟؟

أنا بقولكم عن تجربتي ..

أنا إدمان زيوت شعر .. لأنه شعري ماشاء الله ناعم .. بس جاف ..

فكنت أستخدم دابر .. وشعري بني غامج وما تغير لونه ..

بس روعة يعطي صحة خطيرة للشعر .. وتركته علشان ريحته ..

واستخدمت زيت صانسيلك .. ما حبيته وايد لأنه يلزق بالشعر ..

واستخدمت زيت بارشوت الذهبي " لون العلبة أزرق " ممتااااااااااااااز ..

طبعاً غير زيوت الحواج .. الخروع والحلبة والجرجير واللوز والصبار والسمسم ..

وبعد استخدم خلطة سدر خذيتها من المنتدى ورائعة بمعنى الكلمة ..

لأنها تطول الشعر .. واللمعة من أول مرة تلاحظينها .. غير الصحة الحلوة للشعر ..

سدر وبيض ومايونيز وروب وزيوت وخميرة ..

المهم تجربتي ويا دابر .. أني شريته ذاك اليوم لأني برجعله ..

لأن أهو من أحسن الزيوت اللي استخدمتها ..

وبس هذي تجربتي .. وشكراً جزيلاً لكم .. :)

بنات .. أول شي انا على 2005 استخدمت دابر شهر بس

وقلت لأمي بستعملة وماعرف وش .. امي طبيه حيل

راحت بضحك تقول لخالاتي من جدي .. يعني مو من ام وحده

المهم .. بنات كرهووني فيه تخيلوو شهر وكل ماقعدت عندهم يتمصخرون علي

لما كرهته وتساقط شعري اكثر ومت قهر وتركته

تخيلوو بعد ماتركته بشهرين يقولون لي ريحتك املا قلت تركته من شهرين

قالوا ها نمزح .. بنات وربي كذب لحد يصدق الناس تقول ريحه وماغيره

وبعد اللي صار انا الحين استخدم دابر بالخش والدس

محد من اهلي يدري .. انا اشتريه واقعد بغرفتي .. واذا حد طق الباب

قلت له ابدل .. ازيت شعري .. واحط كفر هير واربطه بملفع قطن

وارش رشتين عطر واطلع .. ودارن درى ودارن مادرى لي الحين

12 يوووم .. :cool:

محد علق .. يعني مافي ريحة ولاهم يحزنون ..

نصيحه سووو مثلي ..

هذا من ناحية شلون تخفين ريحة املا وهو بشعرك

أمـــــــــــا بعـــــــد ماتغسلينــــــة

أنا احط دابر يوم وترك .. وبعد ماغسله اخذ موية الحنااااا

واغسل شعري فيها .. وابخره ببخووور غالي .. مو اي بخوووور

ولازم وهو رطب عشان تثبت الريحة .. ومرات احط خمرية ومرات لا

والشامبووو حقي .. سلفكرين حناااااااا واحط معاه ملعقتين عسل وبيضة

لحد الحين ماشفت نتايج غير اللمعة .. بس بدري

بتحلطم اذا مر 4 شهور ومافي تحسن .. بس ان شاء الله فيه

بنات ادعووو لي ا الله يفرج همي .. وربي اني في ضيقه ..

(f)