تجمـــــــع لمستخدمـــات دابر أمـــــــــلا ..

جوؤوري;8518540:
السموحه منج يا روايه بلا راوي لاني سمعت كثييييير بنات يستخدمونه وصحيح طول وكثف ونعم .....بس اللي توقف عنه فتره يعني اللي تقطعه >>>>يتسااااااااااقط بشكل فظيييييييع !!!
انصحكم يا عرايس اللي بتستخمده تكون متاكده انها بتستمر عليه وما بتوقف!!

شوفي يا أختي

الإنسان ياكل عشان يعيش، تخيلي نفسج توقفين كم يوم عن الأكل مو بتهزلين إلا بتمرضين
والشعر يحتاج الرعاية والإهتمام وشي طبيعي لما تقطين عنه الشي اللي عايش عليه راح يتساقط (يعود لطبيعته قبل إستخدام الزيت).

حبيبتي ياقطاف انا اقصد ايش مكتوب بالعربي على العلبة الي عندك ياقمر

بدي اجربه انا من بعد الولادة صار شعري ناشف ومتقصف
بس كم مرة نحط ولك جزيل الشكر

هلا حبيباتي ،،،
صراحه بعد كم استخدام من دابر صار شعري ناااااااعم
وبدا شوي يصير كثيف >>>> توي فبداية المشوار
واختي تقول صاير اسود زياده :bigsmile:
والله صرت مستانسه من شعري الحمدلله

لا وصرت اسوي اعلانات للزيت عشان الكل يستخدمه:poster_vt:

صح الزيت يسود الشعر
حتا انا امي لاحظت علي

ام اديب الذيب;8526355:
حبيبتي ياقطاف انا اقصد ايش مكتوب بالعربي على العلبة الي عندك ياقمر

مكتوب عليه
زيت شعر دابر أملا وعلى جنب أصلي

والفوايد كاتبين: يجعل شعرك مسترسلا ناعما وأسود وقويا وطويل

ديمة 2008;8526713:
بدي اجربه انا من بعد الولادة صار شعري ناشف ومتقصف
بس كم مرة نحط ولك جزيل الشكر

بالنسبه لي أزيت شعري كل يومين. بمعدل ثلاث مرات بالأسبوع

أحط الجمعة وأتركه يومين بعدين أحط الإثنين وأتركه يومين وهكذا.

وإذا ما صار عندك وقت خصصي يومين بالأسبوع.

وإذا بعد ما عندك وقت وزوجك ما يحب ريحة الزيت خصصي يوم بالأسبوع وبقية الأيام زيتي شعرك بزيت عادي خفيف.

وبالنسبه للمتزوجات عندي لكم خطه

لما اتحطين الزيت لفيه بفوطه وبعدين تعطري بعطر قوي شويه، عشان ما يضايقك أبو الشباب ويتأفف من ريحة شعرك.:cool:

ياحبيبتي ياقطاف اسفة علي الازعاج كل الي كتبتية موجود الا طويل في الاخير وانا بصراحة استخدمة لان زوجي يبي شعري طويل

قطاف;8443099:
أنا بعد مثل مشكلتج شعري كان مثل شعر الخيل طول وكثافه وقوه والحين صار أقل من الربع
لكن أهم شي عندي أنه ما يتساقط وينعم.

بالنسبه لج أوكي دابر أستخدميه وعندج فرصة لي شهر 7 عشان تفاجئين الكل بشعر طويل وغليظ.

وعلى فكره هالزيت يكثف ويطول الشعر وينعمه ويخليه اسود حالك (طبعا دابر الأصلي) اللي هو الأخضر الغامج، لكن في أنواع ثانية ما تغير لون الشعر مثل دابر الياسمين والذهبي.

أنا أستخدم دابر الأصلي لأن شعري أسود وماعندي مشكله

شوفي طريقتي وإذا عجبتج سوي مثلها

تستخدمين الزيت مرتين في الأسبوع مثلا الإثنين والخميس
وتغسلين شعرج مرتين في الأسبوع فقط (بعد ما اتحطين الزيت بغزاره)

الطريقة: حطي الزيت على فروة الراس ودلكيها لمدة عشر دقائق وبعدين زيتي شعرج كامل بعدين لفيه أو عجفيه ورفعيه بمشابيص أو كليبس وأخذي فوطة (في فوط خاصة للشعر تكون ناعمه ومثل القبعة (تلاقينها في رامز أو السرور) بللي الفوطة بماء حار (مو تغسلينها غسال بس تبليل) ولفيها على شعرج وتركيه لمدة 4 ساعات أو طول الليل.

والصبح تسوين هالخلطة (ملعقتين روب + ملعقة عسل + ملعقتين بلسم فاشكول أو أي نوع) وتتركينه على شعرج ساعتين بدون ما تغسلين الزيت منه.

وبعدين تغسلين شعرج بشامبو جونسون للأطفال، ولفي شعرج بالفوطه بدون ما اتنشفينه يعني خليه ينشف بروحه عشر دقايق على ما تغيرين ثيابج وتتعطرين يكون نشف.

وبعدها زيتي شعرج بأي زيت عادي مثل زيت النارجيل أو دابر الياسمين (أنا أستخدم الياسمين) بس شويه زيت في اليد عشان يسهل تسريح الشعر.

وأحط تونيك ياباني لوقف التساقط هو (كمينو موتو) تلاقينه في صيدلية المواساة وسعره 12 دينار بس على فروة الراس مع التدليك الخفيف.

وبعدين خللي شعرج بأصابعج قبل ما اتمشطينه، ومشطيه بمشط أضراسه واسعة، أنا أستخدم بروش خشب من محلات نزيه ناعم على الراس ويدلك الفروة بالراحة، وعجفي شعرج.

أنا ان شاء الله الليله راح أسوي هالطريقة وبترك الزيت على راسي من 3 العصر إلى 9 الليل.

وأحط تونيك ياباني لوقف التساقط هو (كمينو موتو) تلاقينه في صيدلية المواساة وسعره 12 دينار << شكلي باستعمله لان بجد شعري يطيح حيل

ها دابريات اخباركم
والله يابنات الاسبوع اللي طاف حطيت دابر ونسيت لا الف شعري وحاشني برد والتهاب بأذني ههههههه

بس ما يأست ظليت احط منه

اهلين ياعرايس انا بديت استعمل دابر الحين اسبوع بس بدى اعرف كم من المدة الذى بيبان فيه طول الشعر انا الحين شعرى لنص ظهرى يعنى بعد 3اشهر بيكون الى نهاية ظهرى وانا بحط دابر يوم ورا يوموبتركه من الساعة 10صباحا الى 6مساء وبغسله بعدين شورايكم فى طريقتى وردوا على

السلام عليكم

متحمســــــــــة جدا
و متحسفة بعد اقوللكم ليش

متحمسة من كلامك الحلو عن الزيت
ومتحسفة لأني ما عرفته من قبل

الحين فرصة استخدمه لأني حاليا مسافرة و بعيدة عن زوجي
وحابة اطول شعري و اليوم اشتريت حبوب
وبكرى اذا الله راد بروح اشتري زيت املا الذهبي و يارب القاه
و ان شاء الله بحاول احطه يوم اي ويوم لا او على الاقل 3 ايام في الاسبوع
ولمدة 3 شهور على الاقل و قبل ما ارجع لبيتي و زوجي و بس رجع ان شاء الله
ببقى احطه وقت يكون زوجي في الشغل و بلاقيلي شي حل حق الريحة
راح اجيب الذهبي اوبالياسمين عشان الريحة بتكون اقل و الأهم من الريحة انكم قلتو انه ما يغير لون الشعر لاني ما اريد شعري يتغير لونه لانه فاتح

يلا تصبحون على املا :D

ام لجين

أنــا أستخدم دابر املا الذهبي بعد ما اسبح شعري
لكن في خلطاتي حق الشعر استخدم الاصلي الي ريحته تقصر العمر هههه
مرة رووووووعة

بنات

أخبركم أمس اشتريت الكاب الحراري (يشتغل على الكهرباء) من صبايا وسعره 10 دينار يا بلاش كنت شايفة بنات يتكلمون عنه وسألت عنه وشريته أمس واليوم رايحة أحط الزيت على راسي وأستخدمه لمدة نص ساعة بس، يعني الواحد ما لازم يكثر الحرارة.

وهذا شكله بس اللي أخذته أزرق



هذا حل عصري لمحاربة البروده، وعشان يستفيد الشعر من الزيوت أكثر، يا رب أشوف نتيجة سريعة.


هيله
طريقتك زوينه أنا بعد أنقع الزيت براسي فترة طويله.

soul love
إن شاء الله يطول شعرج وشعري وشعر كل البنات والجيران والحارة والعماره والبلد هههههههههه

قطاف

لا تنسين تقولين لنا تجربتج مع الكاب
لأن انا بعد جفته بس ترددت مع اني سامعه عنه من قبل بس مادري شلون القوطي ماشجعني خخخخخ

:15:بارك الله قيك اخت قطاف بس قوليلى باعتقادك لوين يوصل شعرى بعد 3اشهر وهو الحين لنص ظهرى]

هيلة مهند;8594377:
اهلين ياعرايس انا بديت استعمل دابر الحين اسبوع بس بدى اعرف كم من المدة الذى بيبان فيه طول الشعر انا الحين شعرى لنص ظهرى يعنى بعد 3اشهر بيكون الى نهاية ظهرى وانا بحط دابر يوم ورا يوموبتركه من الساعة 10صباحا الى 6مساء وبغسله بعدين شورايكم فى طريقتى وردوا على

انا مره سمعت د/عبد الباسط في قناة بدايه ويمدح زيت املا للشعر ويقول ان الزيوت عموما ماتزيد عن ساعتين لان اذا طول الزيت في الشعر يضره اكثر من يفيده

انا استخدمت دابر املا الذهبي
كنت احطه في الاسبوع مره وبحدود ساعتين
احس شعري هدا لانه كان خشن شوي ومرتاحه عليه
وانقطعت عنه اول ما خلصت العبوه رجع شعري زي ماهو لكن غمق الشعر بسرعه في اسبوع الكل انتبه للون ويسألون ضبغتي
بس برجع استخدمه مره ثانيه مره بالاسبوع والايام الثانيه بحط زيت سمسم +زيت ذره ابغ شعري ينعم
اما الطول مااايحتاج شعري واصل لنهايه الظهر من دون مااستخدم شئ لان الطول عندي اهل امي وراثه والي يشوفني يسألني حاطه زيت الحشيش
انا ابغ شئ ينعم ينعم ينعم !!!!

هاه بنات شخباركم مع أملا ؟؟! أشوفكم اختفيتوا !!