فينكم يا مصريات يا حلوات....... الجزء الاول

السلام عليكم ورحمه الله وبركاته
ازيكم يااحلى بنات
الموضوع فعلا جميل شكرا لرورو على الطرح
انا عايزه اعرف من بنات اسكندريه الاقى فين عبايات شيك وبناتى اهم حاجه بناتى غير الفريده والمتحجبه اللى فى جرين بلازا

Warde;8039675:
إنتى قصدك اللى هو بيبقى ليكرا ده ؟؟
طيب ليه بلاش منه كمان فى البيت ؟

هو إحنا المفروض و إحنا قاعدين فى البيت مش نلبس أى حاجة .. طيب مش كده هيترهل ؟

هو يا قمر ISIS كان قصدها مش أكتر من ١٢ ساعة و المعلومة الأصح و انتي نايمة إقلعيها يعني لو أنا اعدة فالبيت مش بشتغل هتبهدل كدة هههههه فهماني يا جميلة قبل النوم إقلعيها

و فعلاً الليكرا هي إلي بتاخد علا شكل الجسم مش الجسم إلي بياخد علا شكلها في بتساعد علا الترهل

على فكرة موضوع جامد جدا بس عايز تفاعل شويه بلاش كسل

بالنسه للبرا انا مش بلبس فير البرا المبطن وهوا مش بيكبر زى مانتو تخيليين بالعكس دة بيظبط الدنيا جدا

مبروووووك بنات على المووووضوع
والله فرحانة جدا ان هيكون في تجمع للازياء

يااارب يكون فية تفاعل
يستاهل التميز

الداخلي بتاع قطونيل فيجا يجنن وفي منه القطن واللكر انا كمان مش بحب البره التوب اللي بتعت الاسبورت ده اغلب اللي برضعوا بيلبسوها علشان تكون خفيفه عليهم ومنايبه لوظعهم بس مش حلو خالص للبنات وبتعمل عرق جامد اكتر من الباره العاديه انا كنت جايبه بره من لاسوا حلوه اووووي كانت ب45ج ممتازه بي جبتها من اللي بتتقفل من قدام الموضوع ده فاشل اوووي اللوك بتعها بيبوظ بسرعه
واللي عايز بديهات وداخلي حلو يدخل موقع قوطنيل ويشوف مودلتهم انا عندي الكتلوج هوا هوا اللي علي النت
عايزه اجيب بلطوه حلو وطويل وشيك بس ميكونش غالي اوووي اجيبه من فين في اسكندريه وفي حدود كمام
كمان هموت علي جاكت ابيض بقالي سنتين مش عارفه اجيب واحد كلهم قصيرين ياجلد او مشمع او اللوت بروف انا عايزه كلاسك عادي او ترايكو

انا جييييييييييييييييييييييييييييييييييييييييييييت قولولى يلا عايزين تفاعل هههههههه فرحانه بجد بصو بقى انا هرص ليكو عيوبى كلها انا رفيعه ونفسى البس جيبات ومش عارفه اعملايه ف الجيبات اللى موجود صورتها انا عايزة اعمل زيها بس طويل فالقماش سهل انى اجيبه بس عايزة ترزى شاطر يظبطهالى ويكون حنين فى السعر مش ياخد مثلا 80 ولا حاجه لو كده اجيبها جاهزة واظبطها على مقاسى يعنى مثلا هى جاهزة هتكون ب 150 او اكتر شويه فدلونى على ترزى شاطر فى المنصورة ويكون ترزى كاجوال مش ترزى بتاع تيته خخخخخخخخخخ

مسلمة موحدة;8037300:
ما شاء الله يا رورو الفكرة جميلة
جزاكِ الله خيراً




سبجان الله عندي واحده قريبه ليا خالص نفس الطول تقريبا والشكل ومعاها حزام كمان بس أطول سنة عند الركبة كده متفهمنيش غلط مش بخرج بيها :D

بصي يا قمر في حاجات قريبة ليها أول عند محل اسمه Fluf في سيتي ستارز وعنده بنطلونات كمان حلوة أوي أوي الحمد لله جبت واحد منه أرماني ودي صورته




وفي من الجوبات دي برضه في wave و Benetton

بس بيناتون أغلى واللبس بتاعه أحلى من وييف
ومقاسات بيناتون صغيرة شوية زي مقاسات بره

مسلمة عندى نفس البنطلون دة بالظبط انا عرفتة
من العلامة الي عليها كنت جايباة السنة الي فاتت
وبرضوة كنت جايبة من سيتى ستارز بس من محل
فيزا البريميم الي هناك ياااريت لو تقوليلى اسم المحل
الي جايباة منة علشان اشوف عندهم من نفسة الماركة اشكال تانية ولا لا

ازيكووو يا بنات ايه الجمال دا برافووو عليكوا بجد
عايزه اعرف بقى حاجه ومحدش ينفض
انا بجهز وعايزه اجيب اللبس الشتوى قولولى اجيب كام طقم والطقم عباره عن ايه
وياريت تقوليلى انسب وقت اجيب فيه اللبس بتاع الجهاز ابدأ دلوقتى ولا استنى السيل والسيل هيكون امتى ان شاء الله

paradise rose;8044554:
ازيكووو يا بنات ايه الجمال دا برافووو عليكوا بجد
عايزه اعرف بقى حاجه ومحدش ينفض
انا بجهز وعايزه اجيب اللبس الشتوى قولولى اجيب كام طقم والطقم عباره عن ايه
وياريت تقوليلى انسب وقت اجيب فيه اللبس بتاع الجهاز ابدأ دلوقتى ولا استنى السيل والسيل هيكون امتى ان شاء الله

بصى لو هتقدرى تستنى ال Sale ، إستنى لأن أقل حاجة شوفتها فى وسط البلد ب 80 ج كده مثلا ، بس لسه بدرى ال Sale :ss: ده بيكون على شهر 3 كده والله أعلم ..
والمشكلة التانية إن فى ال Sale المقاسات صغيرة نوعا ما ، فلو إنتى مقساتك كبيرة إبتدى إشترى كام حاجة من دلوقتى ، وربنا يكرمك :)(f)

ياسمينــــا;8042548:
مسلمة عندى نفس البنطلون دة بالظبط انا عرفتة
من العلامة الي عليها كنت جايباة السنة الي فاتت
وبرضوة كنت جايبة من سيتى ستارز بس من محل
فيزا البريميم الي هناك ياااريت لو تقوليلى اسم المحل
الي جايباة منة علشان اشوف عندهم من نفسة الماركة اشكال تانية ولا لا

بصي يا حبيبتي الماركة بتاعة البنطلون اسمه ارماني ( جورج ارماني )
المحل اسمه Fluf تقريبا هو في نفس الدور بتاع بريميوم ستور معلشي مش متأكدة اوي
او في نفس صف محل ديما بتاع الشرابات
ولما جبته كان عندهم كذا شكل من نفس الماركة وكان في ماركات تانية وعنده كمان جيبات جينز تحفة مشفتهاش في محلات كتير هناك

بناااااات عايزه افكار لفستان زفاف محجبه يكون متقفل تقفيل حلوووووو من غير البدي الكارينا لان منظره وحشششششششششششششششش

انا سئلتكم على محلات عبايات فى كايرو ومحدش رد

انتو مش شايفين مشاركتى ولا ايه
زعلانه منكم

مرسيه يا جماعه على التفاعل ايوه كده عايزين نساعد بعض وياريت بقى صور انا هصورلكم اخر حاجات اشترتها وهبقى انزلهالكم ياريت البنات اللي اتكلموا عن البراهات اللي عندها صوره تحطها والنبي:cry: لكا نوع وماركه ومميزاتها وعيوبها عايزه حاجه ترفع وتكبر وقريبين من بعض استنوا بقى ارد على مشاركه كل واحده لوحديها:sm2441:

Warde;8036611:
يسعدنى و يشرفنى إنى أرد عالموضوع ده ، جزاكى الله خيرا يارورو (صاحبة الفكرة الجميلة ديه) و إن شاء الله يكون فيه تفاعل أكتر و أكتر عشان نستفيد كلنااااا...

أولا: كنت فى وسط البلد إمبارح (تالت يوم العيد) ، كانت الدنيا زحمة جدا جدا ..
عجبنى اللبس الشتوى اللى نازل أغلبه كله بلطوهات أسعارها فوق ال 120 كده ..

فيه جيبات لذيذه كده غير الجينز عبارة عن كاروهات و واسعة من تحت أسعارها من 115 لحد 185 ج كده

ثانيا: ياجماعة أنا مش بحب ربطات الحجاب السبنش خالص (اللى هى الرقبة تبقى واضحة ) و مش بحب الفرح اللى بيتعمل فى الطرح ديه من ورا ، بالله عليكوا اللى تلاقى صورة للفة طرحة للسهرة بس رقيقة ، بسيطة .. شيك .. مش سبنش .. تحطها هنا علطول :)

بصي يا ودي عندي كام لفه عايزه ارويهوملك بس انا مش عارف ازاي انزل صوره من على سايت ممكن احطها عندي على الجهاز بس انزلها ااي تاي على السايت هنا؟؟؟؟؟؟؟؟ حد يساعدني وانا انزلهوملك عنيا يا قمر(y)

looloo86;8036698:
بصي إلي بيجي بحديدة من تحت هو أكتر حاجة بترفع في ماركت كتيرة بس أنا مش بجيبو هو بيكبر على فكرة بس بيرفعهم

انتي منين يا قمر لو من أليكس في a1 في محرم بيك مرة عملت عندها بلوزة من كتالوج بس من سنتين كدة و كانت بالظبط زيها
بس فالبنطلونات جيبي من المحلات أحسن و حاجات كتيرة حلوة

اه بصي انا عايزه حاجه ترفع وفي نفس الوقت تكبر ويكون شكله مظبوط فاهمه يظبط في اللبس احترت والله جبت انواع كتير ولسه مش لاقيه اللي يريحني حتى معرفش المفروض يبقى مظبوط ازاي عليا
بالنسبه بقى للترزي بصي يا ستي كتير بنزل المحلات مبلقيش اللي انا عايزاه وخصوصا اني مش تخينه بس مشكلتي مجنبه زي منا فضالي كده او الهام شاهين بس وهي صغيره هههههههه مش بعد ما تضخمت نفس منظر الرجل كده بس على صغير فكتير مش بلاقي اللي نا عايزاه وكمان معظم البناطيل جينز وازرق وزهقنا بقى عايزين تغيير بخامات والوان مختلفه خصصا ان كل الناس بقت لابسه كل بعض وانا كمان في للبس عندي افكار كتير وبعرف اصمم حاجات كتير مختلفه وبتطلع شيك وجميله وملفته للنظر بس محتاجه اللي بنفذ الفكره صح(y) دي بقى مش بلاقي

Warde;8037011:
حد شاف جيبات زى ديه بس تكون طويلة ؟؟؟

اول جيب دي جميله اوي يا وردي دي باين انها جبردين عارفه لو ترزي شاطر هينفذهالك بسهوله ومظبوط ومش هتكلفك كتير عشان الجبردين مش غالي ويا سلام بقى لو على بننكول والبوت ده لذيذ وي وعليها جاكت كاجول قصير نفس اللون(y)بفر انفذها وتبقى طقم على بعضه

Isis;8037458:
ميرسي يا رورو عالموضوع الحلو ... فعلا كنا محتاجينه وربنا يوفقك ويوفقنا ونقدر نفيد بعض

بصي يا لولو ... لو صدرك صغير او حجمه حلو يبقى انتي مش محتاجه حاجه تظبط ... يمكن محتاجه حاجه تبرزه اكتر ... هاتي مبطن او الي فيه حديده بي شيلي الحديده ... بجد بلاش تلبسيها لانها بتوجع و بتضغط والحاجات دي غلط جداااااا ... وللعلم المفروض منلبسش برا اكتر من 12 ساعه يوميا ... طبعا اغلبنا و انا اولكم مبنعملش كده , مبنقلعهاش خااااااالص كأنها جلدنا ... يبقى منجيش نزودها و نلبس حاجات مؤلمه وضاغطه ... انا والله كنت عامله زيك كده مش لاقيه حاجه مناسبه و بلبس الي بالحديده ساعات ضرني اكتر ما فادني

بصي ... في برا صيني .. عامل زي السوفت شويه هو قطن بس مشدود وحلو مش طري و بيمط ... ده سعره رخيص اوي في حدود 10 ج تقريبا و احلى ما فيه انه مريح ومش بيوجع و لما تمط منك ارميها وهاتي غيرها ... دي ببلاش تقريبا ... وممكن تجربي بتاعه قطونيل (سوفت) بس تجيبي مقاسك بالظبط عشان متمطش ... وابعدي خااااااالص عن الاقمشه السنستك ومثيلتها ... وحاولي تلبسي الوان فاتحه بلاش الاسود

دي نصحتي ليكي و لاي حد .. الي مرضهوش لنفسي مرضهوش لغيري ... وانتي حره في اختيارك
ولو لاقيتي انواع حلوه ومريحه غير الصيني قوليلي عليهم ... عشان انا كمان بدور

لو تعرفي توريني صور للانواع دي يبقى كويس اوي وانا هحاول اصور اللي عندي واوريهوملكم بس عرفوني انزل صور على السايت هنا ازي!!!!!!!!!

N0rma;8037739:
موضوع جامد اوووووووووووووى وانا كنت لسه داخله اعملو لئيتك عملاه يا قمر بس يلا هسامحك المرا دى:wink:

قلولى بئا العبايات محلاتها فين غير عباس العقاد وجنينه؟
بس العبايات الروشه الشيك

بصي انا بسمع عن مكان اسمه سوق غزه بس عمري ما روحته بيولوا مليان عبياتات بس لو في ترزي شاطر ممكن يزبطلك العبايه دي زي منتي عايزه خصوصا العبايات انتي وزوقك وزي ما تحبي(y)

meroo012;8040059:
على فكرة موضوع جامد جدا بس عايز تفاعل شويه بلاش كسل

بالنسه للبرا انا مش بلبس فير البرا المبطن وهوا مش بيكبر زى مانتو تخيليين بالعكس دة بيظبط الدنيا جدا

طيب ممكن شكله!!!!!!!!