الحلو هالمرة غير شكل... فطيرة تفاح غير عن الطريقة المألوفة... أخذت طريقتها من كتاب إيطالي و النتيجة طلعت رااائعة... و أترك لكم الحكم J
نبدأ بسم الله مع المقادير و الطريقة:
أول شي نجهز إما صينية دائرية بقطر 9 إنش، أو مستطيلة مقاس 19 x 29 سم، و نحمي الفرن على حرارة 350 فهرنهايت...
الحين نجهز العجينة:
كوب و ربع طحين
نص ملعقة صغيرة قرفة
ربع كوب سكر
ملعقة صغيرة بيكنج باودر
بشر ليمونة
125غ = إصبع و ربع زبدة لينة
صفار بيضة، و نحتفظ بالبياض للحشوة
نخلط المواد الجافة مع بعض و نضيف لها الزبدة، و نفركها بأطراف الأصابع بعدين نضيف لها الصفار و نعجن لين تصير عندنا عجينة متماسكة، لكن أنا نسيت و حطيتهم كلهم مع بعض :tongue:
إذا كانت الزبدة باردة حتى لو شوي، ما راح تمسك معاكم العجينة...
نرق العجينة بين ورقتين نايلون على مقاس الصينية بحيث إنها تغطي الحواف...
[FONT=Arial]
نجيب من تفاحتين إلى 3 تفاحات، نقشرهم و نقطعهم شرايح و نصفهم في الصينية...
[FONT=Arial]
حشوة الكريم تشيز:
بيضتين + بياض البيض اللي احتفظنا فيه
نص كوب سكر
ملعقتين كبار طحين
بشر ليمونة
نص كوب كريمة خفق
250غ كريم تشيز أو من 11-12 حبة كيري بحرارة الغرفة
ربع ملعقة صغيرة قرفة
نخلط البيض و السكر لحد ما ينفش الخليط و يصير لونه فاتح...
نضيف له الطحين بالتدريج مع بشر الليمون...
[FONT=Arial]
في الأخير نضيف القرفة و الكريمة و الكريم تشيزو نخلط لحد ما يتجانس الخليط، و نصبه على التفاح في الصينية...
[FONT=Arial]
ندخل الصينية الفرن في الرف الأوسط لمدة 45 دقيقة، و هذا شكلها لما تطلع...
نخليها تبرد تماماً في حرارة الغرفة، و بعدين نغطيها و نبردها بالثلاجة...
و قبل التقديم مباشرة نزينها بالكريمة... و هذي طريقتها:
كوب كريمة خفق
ربع كوب سكر بودرة (إختياري) الكيكة سكرها خفيف، فاللي تحب تزيد حلاها تضيف السكر...
نخلطهم مع بعض لحد ما تتماسك الكريمة و تنفش، نزين فيها الباي و نرش عالوجه قرفة...
و هذي النتيجة النهائية :)
[FONT=Arial]
إن شاء الله عجبتكم، و عليكم بألف عافية (f)
[/FONT][/FONT][/FONT][/FONT][/FONT]
