!..°•°♥شنــو كـــانت ردة فــعــل أهــلتج بخــصوص الغـــربه !..°•°♥

شكرا شااانيل على موضوعك

بالنسبه لى لسه ما تغربتش بس اكيد عندى اجابات لبعض اسئلتك لانى عن قريب هسافر لزوجى وهجرب الغربه
ان شاء الله

اول سؤال : رد فعلهم كان كله دهشه وعيونهم مليانه خوووووووووف وطبعا اكثرهم كانت ماما
وفعلا كل اخواتى وماما وبابا لسه مش مستوعبين فكره انى ابعد عنهم لانى عمرى ما سفرت قبل كده ولا جربنا نبعد عن بعض ابدا
يارب ما تجمعنا ديما على خير
اّمين اّمين اّمين

ثانى سؤال: لسه ما لهوش اجابه عندى لانى لسه وسط اهلى .....لكن ولله احيانا اتخيل يوم عودتى واتخيل فرحتهم وافرحتى بهذا اليوم واتمنى انى ارجع والاقيهم كلهم بخير وما يكون نقص منا احد ابدا يارب
اّمين اّمين اّمين

ثالث سؤال: انا معى بنوته ولى سنه اجلس فيها فى بيت اهلى لان زوجى مسافر وهى اتولدت هنا فى بيت اهلى وبتكبر قدام عنيهم علشان كده هما مش متخيلين ابدا انها تبعد عنهم او انها ترجع بعد سنه ومايشوفوها وهى تكبر فى الفتره دى وماما دايما تقولى سافرى انتى لزوجى اذا بتحبى واتركى لنا ( لوجى ) اللى هى بنوتى ودايما اشوف الدموع فى عين ماما وبابا وهما بيتابعوها وهى تلعب وتتحرك قدامهم ويقولوا بلاش تسافر خليكى معانا علشان خاطر لوجى ....بس طبعا انا عاووزه اسافر لزوجى لانه بعيد عنى من سنه وما شاف لوجى يوم ما تولدت لحد اليوم

رابع سؤال : اذا بحكى لك عن احاسيسى كل لحظه تمر عليه يختلف فيها احساسى
شويه احس انى نفسى اسافر واشوف زوجى لانى اشتقت له وماتعودت انه يبعد عنى كل الفتره دى وكمان تعبت كتيييييير من غيره .......... وكمان اوقات اتمنى فيها السفر لانى مسافر السعوديه وربنا يكتب لى الحج والعمره علشان كده بتمنى اسافر بسرعه جدا جدا
واوقات اخاف واحس برعب من البعد عنى ماما واخواتى البنات وبابا

كل لحظه احس احساس مختلف وكلها احاسيس قويه تهز كيانى وتأثر فى نفسيتى كتيررررررررررررررر
ووقت ما اتعب من التفكير ........ الاقى نفسى بستعيذ بالله من الشيطان واطلب منه العون وانه يقضى لى الخير حيث كان ويرزقنى الرضا به