زوجي ضربني اول ايام العيد

الله يهديه

شدعوه يتفل اعوذ بالله اتوقع التلفون في مصيبه

او انتي تشكين فيه وايد ؟

او يخاف ينكشف فكري بالموضوع

طيب سألت نفسك شو السبب لي خلاه يمد ايده عليك

لزم تكلميه تعرفي شو الغلط لي سويتي

وادعي له في صلاتك

ويارب يصلح أموركم على خير يارب

الله يعينج فديتج قولي الله يهديك يا زوجي ويصلح حالك

لا تسيرين عند اهلج بالعكس اقعدي عنده وحسسيه اللي سواه غلط في غلط كله الا الضرب والاهانة وانتي يالغالية افهمي منه ليش ضربج معقولة عشان انج خذتي تلفونه عيل جيه بيخليج تشكين فيه .... صدقيني قعد واتفاهمين وياه واعرفي شو السبب .... قوليله لا تشوفني بعيد عن اهلي وتمد ايدك علي الاسلام اول شي قاله بين الزوجين اهوا الاحترام وقوليله الله يسامحك اذا انا استاهل الضرب ما ظنتي قصرت فيك في يوم ولا سويت شي يغضبك وحسسيه بقدر الامكان انه غلطان وخليه يندم وقوليله والله هالمرة احتراما لك قدام اهلك واهلي قعدت وان تكررت ما بتشوف رقعت ويهي ....

ادعي هالدعاء وان شاء الله تتحسن امورج ....

( اللهم اشرح صدر زوجي لي واشرح صدري له ) (41 مرة)

الله يصلح زوجك ويهدي سركم يارب ....

الله يعينتج

أذا سكتي راح يعيدها دائما

كان المفروض تردين الكف بالكف

عساه الكسر

سامحيني **بس ما أحب الرجال الي يستقوي ع الحرمه

عاد في العيد منجد خايس ايش ذا اكيد في شئ ما يبك تشوفينه تفاهمي معاه

ماتصرف هذا التصرف الا خاش شي في التلفون

والله يا بنات تعبت احس نفسي خلاص مب قادره اتحمل وردوكم مشكورين عليها والله ياجركم بجنة النعيم بأذن الرحمن بس هو راكب راسه مب راضي يرضى تخيلو جنه انا اللي ضاربته ومتفله في ويهه ومن يومها هو يرقد بغرفه وانا بغرفه وراح ياي يقط حجي علي ويرزل فيني الظاهر انا لأني استحملته وااايد واستحملت اهانة اهله لي لمه كنت عندهم يمكن صرت رخيصه احس حياتي صارت متلخبطه وحتى حجي يا بنات مب عارفه ايش اقولكم والله تعبت ارجوكم لا تخلوني

وانا تعبانه ابي ارد له احبه احبه احبه المشكله انه ما كان جذي كان صيب وحبوب مادري اصار فيه ... الله يعيني احس اني ضاااايعه والله حتى النوم ما اضوقه طول الليل احلم احلام كريهه واتقحص حتى البارحه مادري اصار فيني تخيلت حد يطق على الباب او يصوت علي قمت من النوم رحت طليت بطلت باب البيت حسبت انه زوجي ياي ويبيني افتح الباب ولمه رحت ما شفت حد امشي ولا احس بعمري

بصراحه انا ما عرف سبب الخلاف

بس كل مشكله لها حل يا قلبي ..

وانا برأيي ما تسكتي عنه ..

خله يعرف ان وراك ظهر ..

لان بعدين يتمادى ويشوفك طيبه وساكته عن حقك ..

انا ما اقول لك استقوي عليه ..

بس لازم يعرف عاقبة الشي الي سواه


انتي زوجته ..

انتي ام عياله ..

لازم يصون كرامتك ويحفظها ..



ضربك وتفل على وجهك !

أحقريه ..

خليه يحس بغلطته ..

بس لا تحسسي العيال ان فيه شي صاير ..

ما تعرفين شكثر صعوبة الخلاف بين الوالدين قدام الاولاد ..

الطفل يتمنى يذبح روحه ولا يشوف امه وابوه بهالحاله ..

كوني رزينه وعاقله . واحقريه ولا تكلمينه لين ما يحس بغلطته

ترى الشي الي سواه كبير بحقك ..

والرجال كل ما شاف الحرمة تسكت عن حقها يتمادى ..

لايا كان من الاسباب الضرب مو اسلوب حضاري ..

يا عمري هدي نفسك

واستغفري الله

وحقك راح يرجع لك ان شاء الله

بس انتي احقريه .. ولا تعطينه وجه .. خليه هو يفاتحك بالموضوع ويعتذر ..

لانه بيتمادى ..

الطيب تنفع..

بس مو بهالظروف ..

قومي بحقوقك اتجاه ..

بس عامليه بجفا عشان يحس شوي .

والله قهر ..

بس انتي لا تكدرين بروحك

حقك بيرجع لك .. داومي ع الاستغفار

والدعاء ..



وذكريه بحديث الرسول عليه الصلاة والسلام لما وصى الرجال يعاملون الحريم بحسن المعاملة واللطف وقال

" رفقا بالقوارير"

وذكريه انه محاسب على هالشي .


طمنينا عليج يا قلبي احاتيج من جد

انا اوافق ام نور على تحليلها
بقولك باختصار كيف من تتصرفين من خبرتي مع زوجي
اول شي خلك قوية وانك بتاخذين حقك منه وعلى فكرة مدام بدا يضرب بيتمادا باكثر من الضرب بعدين
حاولي تقولينله وانتي واثقه من نفسك ماراح اسمح لك تمد يدك علي مرة ثانيه وانك بتوصلين اللي صار لاهلك )الرجال يخاف من اهل المراة خصوصا اخوانها او ابوها
لان الرجال حتي لو كلمتيه وقلتي له لاتضربني بقولك انشالله وانا اسف ومابعيدها بس بعدين يرجع ويضرب
حاولي تشوفين تليفونه يمكن فيه شي خايف لاتشوفينه انا مااحرضك على التفتيش والشك بس الشغله واضحه
ولك الخيار في اخذ نصيحتي

قلعيه هالاشكال ماتستاهل وحده شراتج حسبي الله عليه ونعم الوكيل

حبوبه ردي لهلج وصدقيني خليه يتادب

انا من رأيي اذا كنتي ماليه ايدك من اهلك كلميهم او روحي لهم واشتكيه عشان يوقفونه عند حده لأنك اذا سكتي مره عالضرب خلاص بتصير طريقه عنده زي الحلا واذا غاسله ايدك من اهلك محد بيساعدك حلي الموضوع بينك وبينه بس بدون تنازل عاتبيه ازعلي ايشي مو تسوين نفسك طيبه لأن الرجال ما ينفع معه الطيبه الزايده

^وحده من الناس^;8062134:
والله يا بنات تعبت احس نفسي خلاص مب قادره اتحمل وردوكم مشكورين عليها والله ياجركم بجنة النعيم بأذن الرحمن بس هو راكب راسه مب راضي يرضى تخيلو جنه انا اللي ضاربته ومتفله في ويهه ومن يومها هو يرقد بغرفه وانا بغرفه وراح ياي يقط حجي علي ويرزل فيني الظاهر انا لأني استحملته وااايد واستحملت اهانة اهله لي لمه كنت عندهم يمكن صرت رخيصه احس حياتي صارت متلخبطه وحتى حجي يا بنات مب عارفه ايش اقولكم والله تعبت ارجوكم لا تخلوني

وانا تعبانه ابي ارد له احبه احبه احبه المشكله انه ما كان جذي كان صيب وحبوب مادري اصار فيه ... الله يعيني احس اني ضاااايعه والله حتى النوم ما اضوقه طول الليل احلم احلام كريهه واتقحص حتى البارحه مادري اصار فيني تخيلت حد يطق على الباب او يصوت علي قمت من النوم رحت طليت بطلت باب البيت حسبت انه زوجي ياي ويبيني افتح الباب ولمه رحت ما شفت حد امشي ولا احس بعمري

الله يفرج همك وغمك ويهدي زوجك يارب تعوذي من الشيطان هو اخطأ ولازم ياخذ جزاه لاترخصي بنفسك وتكلميه بس اخذي مسباح وسبحي الله واقرأي قران وصلي صحيح الانسان في هاللحظات الانسان ضعيف بس حاولي وهو اذا شافك وانت كذا ما بيقدر يرمي عليك كلمة وحتى لو قال من كثر ماتتعبدي غصبا عنه بيسكت وبيحس واذا هدأ اسأليه عن السبب ويارب تنفرج مشكلتك ويرتاح بالك انا حاسة فيك وقلبي معاك وما ابغى ازيدك الي فيك يكفيك والله الشي ماينسكت عنه ويجرح القلب

لا حول ولا قوة إلا بالله
الله يصلحه ياربي

Noor1979;8033614:
عزيزتي ..

ضربك زوجك للمره الاولى .. هي خطأ وللاسف تحليلي هو لرد فعل قوي يريد اخفاءه في التليفون والله اعلم ماهو ..

رد فعلك .. هو اعتقد الان نحن في رابع العيد .. شوفي وقت هو رايق وتكلمينه بهدوء وتحطين النقط على الحروف .. وان مبدأ الضرب والاهانه .. غير مقبول ابدا وانك ستسكتي عن هذه الفعله احتراما .. لحياتكم الزوجيه .. ورده فعله بخصوص النقال او غيره غير مقبوله ابدا ..

وافهمي منه تصرفه هذا واخبريه انك غير متسامحه ابدا مع هالتصرف .. وشوفي شنو رده فعله ..

لكن احرصي على ان لا تتكرر

ام جنى

أوافقك أختي أم جنى بكل كلمه
جزاك الله خير

الله يعينك أختي

ما أملك إلا الدعاء ... عسى الله أن يستجيب

أسأل الله العلى العظيم أن يفرج كربك و أن يصلح ما بينكما
عاجلا غير آجل

اللهم آمين

كان الله في عونك أختي

:15: حوورمهـ
حوورمهـ
ازعلي منهـ ولا تحسسينهـ انك مهتمه به ابد
:mad:

وادعي ربك ان ربي يهديه لك

(f)


وطمنينا عنك

الله يساعدك حبيبتي

لانه الضرب كلش شي كريه

بس لا تسكتين لانج إذا سكتي يعني تنازلتي عن كرامتج


ولازم تفكري في شي يرد لك وكله اسف ويدفع الثمن غالي

الله يعينك ياقلبي بس انتي حاولي تقعدي وتتفاهمي معاه على انها المرة الاولى والاخيرة انه يسويها واذا كررها افلقيه بقزازة العطر احسن خلييه يستااهل

حبيبتي روحي عند اهلك وبينيله انه الي سواه مب شي بسيط حتى لو ماتخبرين اهلك بش قوليلهم باجي عندكم وبدون ماتخبرين حد منهم ايس سار بينك وبين زوجك خلي يحس انا الي سواه شي مب بسيط والله انا عندي رفيجه كنت اقولها من اول ماضربها اخذي موقف وماسمعت الكلام واللحين كل شوي والثانيه يطقها يمكن انتي زوجش مب قصده بس ليش مايبيش اتشوفين جواله هاي مش خصوصيه وانتي اصلا عندك موضوعين انه ضربك وانا مايبيش تفتحين جواله نصيحه مني انا ماحرضش عليه بس اخذي منه موقف عشان يحس انه في شي سواه انت الطفل اذا ماعاقبتي على شي غلط سواه ماراح يتعلم فما بالك بالكبير خلي عنك كرامه وخلي يحس ان لش كرامه ويحسب الف احساب قبل لايمد يده مره ثانيه كل ولا الضرب الا الضرب انت.

استغفرالله واتوب اليه لااله الاانت سبحانك اني كنت من الظالمين اللهم فرج هم المهمومين ونفس كرب المكروبين اللهم صلي على محمد وعلى محمد