تجمع خاص بالحوامل البكر (( أول حمل لكِ تفضلي معنا )) .. الجزء الخامـس...

Ms Dior;8034479:
انا اتابع عندها واهيا سوت لي عمليه ربط عنق الرحم..

واتابعني على طول وتجيك على كل شي في الياهل ووايد تهتم فيني وما تخليني اداوم في الشغل..

لان تبيني اكمل لين السابع على خير خصوصا ان فقدت ضناي من قبل ..

وايد شاطره هالدكتورة ..

الله يجزيها خير ..

مفتون;8034506:
هلا فيكم ..

بشاير فرح ..

حبيبتي شو تحاتين؟ انتي بخير و البيبي بخير ماشالله عليكم ... حركة البيبي ما بتحسين فيها قبل الخامس .. ويمكن نهاية الخامس بعد .. ونبض البيبي لو طلبتي من الدكتورة بتسمعج اياه بس هي خلاص من تتطمن عليه ما بترد تسمعج اياه مره ثانية الا لو طلبتي .. :)

مدام انه البيبي يكبر بشكل طبيعي يعني خلاص كل الامور تمام .. والوخز اسفل البطن طبيعي جدا لأنه الرحم يوم عن يوم يتوسع ... الله يكتب لج السلامة ان شالله :)


وبعدين بقولج شي مهم .. انتي عديتي مرحلة الوحام خلاص .. ابدي استمتعي بحملج ... هالشهور الوسطى هي احلى شهور فالحمل .. لأنه مافي وحام و مافي ثقل .. فكري بالبيبي و البسي لبس حوامل لأنه كيوت .. واستمتعي انتي وزوجج بمعلومات البيبي كل اسبوع هاتيه و قعديه واقروا عن تطورات هالاسبوع فالحمل وفي وايد مواقع وحتى هني فالمنتدى في مواضيع عن كل اسبوع مع الصور ...

حياتج الجنسية بتستوي افضل و النفسية افضل و شكلج احلى لأنج ما ترجعين و يكون لونج شاحب .. بالعكس وزنج يزيد و الويه يستوي رويان .. :) خلاص انتي تقريبا عديتي مرحلة الخطر على البيبي ولله الحمد .. طلعي من بالج هالوسواس نهائيا و دايما مسحي بطنج و كلمي البيبي و خلي ابوه يكلمه .. :)


الله يثبت حملج وايسر لج كل خطوة فيه يا رب...