تجمع خاص بالحوامل البكر (( أول حمل لكِ تفضلي معنا )) .. الجزء الخامـس...

فراشه..


بس اكليي فاكهه..

وتمر..


وشربي حليب..

عشان تعوضين حبيبتي..


:)

هلا احبكـ انا اكل اشو

من الفوكهه

والتمر ما احب اكله الا في اشياء

مثل بسكوت او كيك

مراحب

هلا مفتون
كيفك واخبار البيبي معك

السلام عليكم

شخباركم بنات؟
بكره عيد الجلوس للبحرين
اجازة يومين

وحدي مرتاحه زوجي ما يروح دوام يومين
بكرة قلت .. اروح اشتري فانيلات شتويه حقي
برد وايد
ونتغدى برع تغيير جو \\ بما اني بسوي عشا بالبيت
واروح قسم الاطفال شوي اشوف لي كم شي آخذه
باخذ لون محايد ع الاقل شيئين او 3 عن خاطري :D

ابي اعرف الالوان المحايدة
غير الابيض ما ابي شي يتوسخ بسرعه
واخذ نيوبورن ولا مقاس 3-6

هلا ام طلال

انا بخير والحمد الله وكل عام وانتم بخير والله يعيده عليكم بالامان والسلام يارب

الالوان المحايده غير البيض السكري والاخضر والبني

واحبكـ تسلم عليكم

مرحبا بنوتات ربي يثبت حملكم وتبشرونا بولادتكم يارب..

انا صارلي 4شهور ونص من تزوجت .. حملت واجهضت .. وودي هالشهر انظم معاكم ادعووو لي..
من فيكم يابكريات سبق لها اجهضت عقب حملت حمل ثابت ..
لاني متخوفه من الحمال هالشهر..

دوم يا رب تكونين بخير فراشه

وانتي بخير وصحه وسلامه

الله يسلمها .. زين انها تطمنت ع البيبي
عساها بس تولد بسلامه وتفرح بشوفه البيبي
وهي السابقة ونحن اللاحقون :D

اليوم البيبي ما تحرك وايد
ماعدا انه عاجبه مكان المثانه
اليوم نمت الساعه 11 قمت الساعه 3ونص
زوجي يي ووقظني

بعدها تغديت وكلت حبة الفيتامينات
وحسيت بتعب وخمول
قلت لزوجي بنام

ونمت لين الساعه 8 ونص
حسيت بصداع خفيف
قلت لازم اطلع اغير جو

وطلعت دورني زوجي ما قصر
شربني شاي كرك وساندويش كبود
اتمنى بس ما يضر؟

الا اسألكم الكبدة تضر؟ ان سمعت في الشهور الاولى تضر
بس الحين انا بالخامس يضرني اولا؟؟

اقولكم اليوم سرت السوق آخذ فكرة عن الاغراض والاسعار ...

الصراحة كل شي حلو غالي هههههههه

قلت بتريا لين المهرجان 25 من الشهر الياي و ببدا اخذ ان شالله ...

هلا دريم ويب
شخبارج؟

انا بعد اجهضت
والحين احمد ربي انه للحين ثابت جنيني
وزوجي متخوف انه يخسره
بس انا يالسه اسوي المستحيل
يعني مو هامله عمري
ولا اضيق ع عمري نفس وكل يوم اقرى آيات وادعي ربي انه يحفظه


لا تحاتين يا الغلا
انا سمعت انه الحمل الاول 60% الحوامل يجهضون
بس بعد 6 شهور من ثبات الرحم
يثبت الجنين بثاني حمل والله اعلم

ان شاء الله تنضمين معانا دريم
بدعي لك من كل قلبي وبدعي للحريم اللي ربي ما رزقهم كل وحده تستانس

هلا دريم ويب انا بعد اول ما عرست حملت و اجهضت ... عقب التنظيف ب شهرين رجعت احاول والحمدلله حملت وحملي ثابت بإذن الله انا الحين فالشهر الرابع ..

20% النسبة مب 60% ..

ان شالله تقل و تستوي 0% .. الله لا يراوي اي مؤمن ألم الاجهاض وخسارة البيبي.. قولوا آمين

هلا مفتون اخبارج؟

كنت برسلج مسج اليوم

بس شفت زوجي رجع السيارة مسحته ههههههههههه
لأنه اول ما ركبت السيارة مسكت الجوال
الا يقول لي اتركي الجوال وسولفي معاي
قلت له اوكي :D

مفتون اغراضكم حلوة وكووول
ليش ما تيين البحرين تجهزين؟!
في وايد محلات حلوة

وانتوا هناك ما يسوون تخفيضات؟
يوم التخفيضات سيري اخذي لك

نوام العوافي ام طلال دوم ان شاء الله مبسوطه
مدراي بس مره ان شاء الله ما تضر

سمعت انه موزينه للحمل الانه اكثر الامراض تجمع في الكبد

من كذا يفضل انا الحمل ما تاكله والله انا اكلت منه من الاشهر الاوله

ما ووقفت الا لمن سمعت انه مو زينه

بخصوص الالوان ...

اليوم اشوف فالسوق أشيا حلوة ملونه فيها ابيض و اخضر تفاحي و برتقالي فاتح وكله يناسب البنت والولد

روعه

مفتون
شكلج ما تقرين مواضيع الاجهاض في الانترنت لول

اي صح اشتروا مجله لها

فيها مواضيع عن البيبي من صفحه 112 الى صفحه 121

انا بكرة بشتريها
وحده من الاهل وصتني اول امس اخذها

هلا اختى دريم ان شاء الله تكون معا في التجمع

والله يرزقك الذرايه الصالحه

ويثبت حملكم يارب

الكبدة في الشهور الاولى مو زينه
عشانها تحتوي ع فيتامين أ
وهالفيتامين يسبب تشوه في العمود الفقري للجنين


كذا ممنوع الحامل تاكله بالشهور الاولى

بس هالاشهر ما اعرف شكلي بسأل الدكتورة

هههههههه انتي ما تين الا بالعين الحمرا

والله الاغراض روعه ووايد محلات يديده فاتحة بس اترا التنزيلات نص شهر واحد ان الله

ام طـلال;8082749:
هلا دريم ويب
شخبارج؟

انا بعد اجهضت
والحين احمد ربي انه للحين ثابت جنيني
وزوجي متخوف انه يخسره
بس انا يالسه اسوي المستحيل
يعني مو هامله عمري
ولا اضيق ع عمري نفس وكل يوم اقرى آيات وادعي ربي انه يحفظه


لا تحاتين يا الغلا
انا سمعت انه الحمل الاول 60% الحوامل يجهضون
بس بعد 6 شهور من ثبات الرحم
يثبت الجنين بثاني حمل والله اعلم

ان شاء الله تنضمين معانا دريم
بدعي لك من كل قلبي وبدعي للحريم اللي ربي ما رزقهم كل وحده تستانس

يابعد عمري انتي..
انا اجهضت بحملي السابق من اهمالي اسهر على التلفيزون بالساعات قاعدة ما ارتاح وانظف والبس كعب..:(

ان شاء الله الحمله الجاية انتبه لنفسي..
طيب حبيت أسألج متى خذتي مثبتات يوم حللتي انج حامل ولاقبل ؟؟