أختكم محتاجه مساااااااااااااااااااااعده

السلام عليكم .............لجميع أخواني وخواتي بالمنتدى

بدخل في الموضوع

عندي مشكله كبيرة وحابه انكم تساعدوني فيها ويمكن تحصلون بعض التناقض شوي
انا مالكه من سنه ووثلاث شهور وزوجي من عائله معروفه واااااااااااااايد وزيدكم من الشعر بيت أخوه وزير ومهم واااااااااايد وانا من عائله عقد حالهن لم تزوجت كل الناس اتكلمت وقالت ان أبواب السما انفتحت لنا بالزواج هذا والكل كان يتكلم عني.......... المهم عقب الملكه تكلم ابوي مع زوجي وقاله ان شاء الله متى العرس قال قريب اول ما أشتغل لآنه طالب في الجامعه( وكان في كلام بيني وبينه في التلفون وشوفني احيانا ) المهم مرت الأيام اللين يومي هذا وطبعا كلها كانت ايام صعبه لأنه ما كان قادر لايصرف علي ولا على نفسه وكان دايمن مفهمني ان موضوع تأخيرنا للعرس هو الشغل وكنت دايمن ادعيله ان الله يوفقه ........... وبعد عناء طويل أشتغل من ثلاث شهور اللحين بتقولون المشكله انحلت ومافي شئ ما يخلينا انعرس بس اشتغل قالي انا ما أقدر أسويلك عرس لأن العرس وايد اكلف وانه يريد اي يشلني من بيت هلي سكيتي لأنه ماعنده مصاريف العرس وانا طول عمري أحلم أني اللبس فستان العرس والعرس والكوشه وكل بنت تحلم به الحلم وانا أحيانا ارضى واحيانا ما أرضى به الحل مع اني عارفه ظروفه زين ولو عنده ماراح ايقصر عندي في أي شئ لأنه وااايد يحبني الحمدالله ومايقدر يستغنى عني ولاانا أقدر استغنى عنه ...... وأخاف أوافق على اقتراحه بعدين اندم طول حياتي لأني كل ماراح أروح عرس وأشوف اللي أشوفه وأذكر كيف كان عرسي اني راح أكرهه وخابفه من هشئ ساعدوني أني أختار الطريق الصح وما أندم على اللي سويته مع العلم قبل ما اوافق على الزواج أستخرت ربي وتيسرت الأمور أكثر من اللحين وأسفه على الأطاله .................. انتظر رد الجميع