خلال اسبوع واحد بس

خلال اسبوع واحد بس

دريت اني حامل وتضايفت وفطمت بنتي ومرضت من صدري وبعدين فرحت وبعدين طرحت

الحمد لله على كل حال

اسبوع ما اتمنى ينعاد علي في حياتي بس قدر الله وما شاء فعل

دريت اني حامل لانه كانت تجيني الام في ضهري وبطني وكانه شي بينزل علي ورحت على الطبيبه قالت لي اني لازم اشوف تحليل الحمل وبعدين اخذ دواء عطني اياه إذا ما كنت حامل عشان تنزل الدوره

وبعدين طلع حمل تضايقت شويه لانه بنتي بعدها صغيره

بس بعدين الحمدل لله فرحت وخصوصا اني احب الأظفال وقلت هذا من عند الله ما اقول لا

بس ايام معدوه قعدت الصبح وكان دم وايد نازل علي على الرغم اني ما حملت ثقل بس مجرد سويت حفله بسيطه بمناسبه العيد

ورحت المستشفى زوجي وامي ما رضواا ما اروح وقلت يمكن يعطوني ابر مثبته ،، بس كان خلاص صار لي طراح

وتميت في المستشفى يومين بس عشان تنظيف الرحم بس تعبت وايد من الألام وكله كان في ظهري وايد ألمني

بس الحمد لله على كل حال

دعوتكم لي بالصحه والعافيه والله يرزقني مولود ذكر بإذن الله سبحانه وتعالي