**ملتقـــــــى المغتربــــــــــات اللــــــــــــــيبيات**

السلام عليكم كيف الحال توا اهلا بيك اختى لتاليا بننا ومرحبا بيك عيش اختى ... عروسة ليبيا اممممم وسع بالك بشوية بشوية واللهى ما فى شى يستاهل مادام الاصحاب طعنوك فى الخلف ليش تتنكدى على خاطرهم وهما .......وبعدين اى شى مضايقك من خطيبك لازم لازم ونعاودها صارحيههههه اهم شى الصراحة اسالى امجرب واللهى انى ليا توا فوق العشرة سنين متزوجة واى شى يضايقنا من بعض طول ناقشوا فيه والحمد لله اقل مشاكل وزى مقالوا الاخوات الخلطة هلبة تؤدى الى كدا وكدا و اصبرى ادعى من ربى يهدى الى فى بالك والدعاء واللهى ايغير حتى فى القدر وان شاء الله ربى يسر اموركم ويفتحها عليكم ونشوفك قريبا فى الامارات وربى يفرج ان شاء الله وعليك بسورة الانشراح ان شاء الله ربى يشرحلك صدرك ويزيح همك. يارب

[frame="11 70"]
[quote=هايدي_
ام ادم والله ياريتك قريبة كنت بعتلك توا كيف بعت صونية لجارتي مصرية متزوجه ليبي
[/frame]
كانت معنا عضوة مصرية زوجها ليبى وفى جنوب افريقيا وقالت ان عندها جارتها ليبية تو بتنضم لينا زعما تكونى انتى ( محقق كونان يسعى دائما اووو كونان كونان ):tongue: نورالشمس المصرية [frame="15 70"] وليا صحباااات هلبة منهم واحدة جارتى وحبيبتى ليبية وانشا للله عن قريب تنضم معانا [/frame]

اهلا دلوعة ونونا توبا

عروسة ليبيا اولا مشكلتك مع صاحبتك

انتي ليش تتحملي فيها وهي اسلوبها وطريقتها معاك مش مزبوطة .. هاذي لاهي امك ولا هي اختك عشان تتحملي وتمشي وتكتمي في نفسك

اول حاجة امشي احكي معاها وصارحيها بالك البنت في عقلها حاجة خليها تحكيلك وحاجة من الاتنين

بااما تتفاهمو وتشيلو سوء الفهم ويااما كل واحد في طريق اريحلك وااااااجد

وعن تجربة راهي الصديق اللي ماتشعريش بالراحة معاه لا يستحق ان اتسميه صديق

خصوصا خصوصا الشخص اللي يكذب عليك وانت شكلك طيبة وما تاخديش في عبرة من اللي يصيرلك

وصدقيني راهي انتي الخسرانة تقعدي داسة واتخممي وتتعب نفسيتك وهي ولا على بالها

بس اهم شي الصرااااحة احكي معاها وحلي الموضوع لكن تقعدي اتخممي وتاكلي في حالك ببالك وماترقديش الليل هذا حراااام

وبالنسبة لزوج المستقبل العزيز

انا انقولك حاااااااااااااااااااااااااااااااااااجة وحدة

الزوج لازم يتحمل زوجته في الاوقات اللي اتكون فيها تعبانة ومتضايقة .. شنو يبيها كلها حياة وردية

ياستي افرضي انك استمريتي بهذا الشكل وما تبيش اتضايقيه ولا اتزعليه ولا اتحسسيه بهمومك .. لعند امتى باهي

هذا مش ضيف جايكم في العشية تبي اتجامليه هذا زوجك يعني عمركم كله مع بعضكم باذن الله

لازم الصراحة تكون اساس علاقتكم .. يعني انتي ماتقعديش اتدلعي فيه وغير بس مااتضايقش روحك ..

لازم تشركيه بهمومك وحياتك .. مش نكد طول الوقت طبعا .. بس لازم لما تضايقي اتكوني واثقة وعارفة ان في حد تلجئ له وتعتمدي عليه ويخفف عليك

نصيحة مني راهي انتي تبي تتغربي معاه يعني يبي يكون هوا حياتك وعالمك ولازم اتكوني مرتاحة معاه 100 % والا راح تتعبي

وتعودي وعوديه عالدوة والصراحة يعني قوليله بطريقتك الخاصة طبعا قوليله انه انتم توا 2 مش واحد يعني لازم يحكيلك عالشي اللي مضايقة

حتى لو انك ماتقدريش اديرله حل لكن اتخففي عليه

انا زوجي كاين ماايحبش يحكيلي على مشاكلك لكن بالتدريج قدرت انغيره وانخليه يشكيلي ويفضفضلي

اقل شي انخفف عنه وانخليه يشعر بارتياح لما يحكيلي

لازم اتحلي مشاكلك توا والا راح تتعبي بعدين وراح يستغرب بعدها منك ويقولك كنك متغيرة

بس اهم شي السياسة والهداوة والاسلوب الحلو

وقصة عين ماعين هذي حوليها من بالك هذا كلام الضعفاء ماتزعليش مني انا كيف اختك راهي

وزري عليه اشوية في موضوع الفرح وتحججي باهلك وبانهم يتساءلو عن الفرح واستعداداته

لازم يشعر انه عنده مسؤولية ..

وربي يحفظه لكي ويجمع بينكم عاجلا غير اجلا يااااااااااارب

وان شاء الله ربي يفرج همك وييسرلك امورك



ونصيحتي لكي قيام الليل فيه اثر عجيب على نفسيتك وحياتك

وادعي ماشئتي وقولي .. يارب فرج عليا فرج من عندك انت تعرفه ...

هذي وحدة ماصدقت تكتب ههههههههه

لكن صدقيني لانك عزيزة عليا وكيف اختي بالضبط

اهلا ام ايهم شفتي المقال اللي كتبته

ههههههههههههههه

مسااااااء الخير

ان شاء الله تكونو كويسين

شفتو شنئ صاير في فلسطين

والله شئ يقطع القلب

ادعو يابنات

اهلا توبا الحلوة كيف حالك ؟؟

يتصفح الموضوع حالياً: 2 (2 عضو و 0 ضيف) ‏tuba nona, ‏دلوعة حبيبها

كيف حالك دلووووووووعة

شفتو فلسطين والله نين نبكي لما انشوفهم

بكرا ان شاء الله طالعين مظاهرة في زيورخ العرب كلهم

اكيد حيجيبوها في التلفزيون بالك اتشوفوني هههههههه

معايا كروسة فيها 2 توام حتعرفوني طووووووول

حتى المرة اللي فاتت طلعنا مظاهرة حطوها في التلفزيون السويسري وفي الام بي سي

ربي يقدرنا على نصرتهم

تمام كيف حالك انتي دلووووووعة

‏دلوعة حبيبها, ‏ام ايهم+, ‏tuba nona

تمام انتم كيف حالكم ياعرب شنو الجو عندكم نحنا تلججججججججججججججج

صح السانك يا دلوعة درر والله درر كلامك بارك الله فيك

حال التعب والجري ورا هالبنات والحبس في الحوش ههههههههههههه

والله كويس

هنيا دارو مضاهرات وقلبوها امس مافيش قرايا
البلاد نقلبت

ام ايهم;8259843:
صح السانك يا دلوعة درر والله درر كلامك بارك الله فيك

هذا هوا الواقع وانا ماانحبش المجاملة في الامور هذي لانها مش حاجة عابرة

لازم تقعد واقعية وتحل مشاكلها

tuba nona;8259865:
والله كويس

هنيا دارو مضاهرات وقلبوها امس مافيش قرايا
البلاد نقلبت

كيف كيف

شنو صار احكيلي راهي انا مقطوعة عن البلاد ومانندري على شي

‏دلوعة حبيبها, ‏ام ايهم+, ‏هايدي_n, ‏tuba nona

ماشاء الله اللمة بدت تحلو ههههههههههه

اهلا هايدى خشت توا مشاء الله نونا توبا ام ايهم دلوعة حبيبها هايدى مشااااااااء الله

باركولي يا بنات سما اليوم بدت تزحف الى الامام لها اسبوع وهي تزحف لاورة هي واختها

اليوم قدمت قدام ههههههههههه

أم أيهم
والله طلعت إلا حق محقق كونان هههههههههههههههه
شن محقق كونان بحداك مايجي شي
يعطيك الصحة وخلاص
كيف حالكم يابنات مهدرزات واجد من ورايا
كيف حال اللوعة وام ايهم وجميع الشلة