**ملتقـــــــى المغتربــــــــــات اللــــــــــــــيبيات**

بعيدددددددددددددددالسوووووء عليك توباااا :sad:....دفي رووحك كوويس شووفي حدد يدهنك بفيكس مع فنجاان نعنااع ساخن انشالله تكوني احسن..طمنينا:9_28:

سلامتك يا توبا طهور ان شاء الله وعليك بلزعتر بخريه واستنشقيه والف سلامه عليك

السلام عليكم .
كيف حال الحلوت كلهممممممممممممم . والله استحشتكممممممممممممم غير مش فاضية بس.
لكن قلبي معاكم يا الغاليات.

tuba nona;8115986:
شكرا لكل من سال عليا :87457:


اني مريضة :sad:
على الاخر قريب نبكي والله من الوجع واخدة بردة في صدري
ودوخة مش مفرقتني
ورقبتي وزكمة والكحة
..............الخ

اااااااااااااااااااااااااااااااااااااه
:cry::cry::cry::cry::cry:
:cry::cry::cry::cry::cry:

بعيد السو عليك

طهورا ان شاء الله كله باجره يا نونا

لا باس عليك

طمنينا عليك

لاااااااااااااااااااااااااااااا

هكي في حاجة معناها
وينكم يا حبوباتي كنكن مختفيات

باهي اقرن هذا وقوللي رايكن



هذى تعريفات لاشياء لا يستغنى عنها اى انسان ليبى




الزنين: نغمة مزعجة تصدر عن شخص مُلح تؤدى الي الاضطراب والقلق.

الوجيج: تراكم للالتزامات والأمور المقلقة تؤدي الى الضجيج. والفوضى

التفتيح : حالة يقظة وإنتباه مع الوقت يؤدي إلي التغميض المزمن.

التخويط : مناورة لإقتناص الفرص السانحة غالباً ماتنطوي على نوايا سيئة

الطياح :إقامة مفتوحة لممارسة التململ.

الكساد: محاولة لملء الفراغ وايضاً فراغ لايشجع على المحاولة.

الواشون : تضخم أسري يسفر عن تفاقم المصاريف

الصبايا : نسوة بعد حذف المزايا والمقومات

.حماتك: كناية عن زوجة المتحدثة إذا ماكان الحديث مقتضباُ خالياً من التفاصيل

الولية: زوجة في صيغة التعتـيم.

الضنا : أبناء مع شرط التقيد بالولاء المطلق

اللمة : تجمع نسائي بغية الحديث دفعة واحدة وبشكل جماعي

الزردة: ممارسات فوضوية بقصد التنزه

السهرية: سهرة في مأتم ينقصها بعض الكماليات.

الشتاوة : رسالة قصيرة ذات شحنة عالية غالباً لاتحتمل التخزين

مرفوع من الخدمة: إشهار ضمنى لمن يتصل بهذا الرقم أن صاحبه لايلتزم بالسداد

الكشك : جفاف في الحلق مع احمرار في الكف يؤدى الى تفريغ شحنات نفسية

الزعزاعة : حدث ٌ جليل يخلط الاوراق ويقلب الطاولة والبركة في ساعات.

التزليط : سخونة مع احمرار في الوجه يُعبر عنه بحرف واااااو

أعمال جارية: لشدة جريانها تقطع الطرقات والأرصفة أما الردم قد لايكون ضمن الأعمال

تخفيضات هائلة: التخفيضات عائدة على الجودة أما الهول عائد على الصلاحية.

الغناوة : ألحان تئن تحت وقع كلمات صلبة مفادها الحزن والكآبة...




ههههههههههه

شنو رايكن

استغفر الله العظيم من كل ذنب اذنــبــــتـــه ... استغفر الله العظيم من كل فرض تركـــــتــه

استغفر الله العظيم من كل انسان ظلـمـتــــه ... استغفر الله العظيم من كل صالح جـفــوتــــه
استغفر الله العظيم من كل ظالم صاحـــبتــه ... استغفر الله العظيم من كل بـــر أجـــــلتـــــه

استغفر الله العظيم من كل ناصح أهنــتـــــه ... استغفر الله العظيم من كل محمود سئـمــتـــه

استغفر الله العظيم من كل زور نطقت بــــه ... استغفر الله العظيم من كل حق أضــعــتـــــه

استغفر الله العظيم من كل باطل إتبعــتـــــه ... استغفر الله العظيم من كل وقت أهــــدرتــــه

استغفر الله العظيم من كل ضمير قـــتلــــته ... استغفر الله العظيم من كل سر أفشـــيـــــتـــه

استغفر الله العظيم من كل أمين خدعــتـــــه ... استغفر الله العظيم من كل وعد أخلــفـــــتـــه

استغفر الله العظيم من كل عهد خــــــنتــــه ... استغفر الله العظيم من كل امرئ خذلــــــتـــه

استغفر الله العظيم من كل صواب كتمــــته ... استغفر الله العظيم من كل خطأ تفوهــت بـــه
استغفر الله العظيم من كل عرض هتكتــــه ... استغفر الله العظيم من كل ستر فضــــحـــتــه
استغفر الله العظيم من كل لغو سمعــــتــــه ... استغفر الله العظيم من كل حرام نظرت إليـــه
استغفر الله العظيم من كل كلام لهوت بـــه ... استغفر الله العظيم من كل إثــم فـعـــــلتــــــــه

استغفر الله العظيم من كل نصح خالفتـــــه ... استغفر الله العظيم من كل علم نـســيــتـــــــــه

استغفر الله العظيم من كل شك أطعـــــتـــه ... استغفر الله العظيم من كل ظن لازمــــتــــــــه

استغفر الله العظيم من كل ضلال عرفتـــه ... استغفر الله العظيم من كل ديــن أهمــلــتـــــــه

استغفر الله العظيم من كل ذنب تبت لك به ... استغفر الله العظيم من كل ما وعــدتـــك بـــــه

ثم عدت فيه من نفسى ولم أوفى به

استغفر الله العظيم من كل عمل أردت به وجهك فخالطنى به غيرك

استغفر الله العظيم من كل نعمة أنعمت على بها فاستعنت بها على معصيتك

استغفر الله العظيم من كل ذنب أذنبته فى ضياء النهار أو سواد الليل فى ملأ أو خلا أو سراً أو علانية

استغفر الله العظيم من كل مال إكتسبته بغير حق
استغفر الله العظيم من كل علم سُـئـلـت عنه فكتمته
استغفر الله العظيم من كل قول لم أعمل به و خالفته
استغفر الله العظيم من كل فرض خالفته ومن كل بدعه إتبعتها

اللهم أني سامحت كل من أخطأ في حقي فأغفر لي أنه لا يغفر الذنوب إلا أنت

السلام عليكم جمعة مباركة كيف الحال جزاك الله خير اختى اصالة مشكورة على التدكير .............. دلوعة كيفك واللهى شكلهم خدتهم عين حق خطرو عليا غنية ايقولوا فيها الزمزمات ( يا فلانة جيرانك وين رقدوا والا خدتهم عين ) هدا الى صاير وانى انقول ياعروس ليبياتك وين رقدوا والا خدتهم عين ارقو روحكم يا بنات وان شاء الله انشوفكم عن قريب .

دلوعة حلوة الكلمات الى كاتبتيها بس فى منها ما فهمتاش ؟؟؟؟؟؟؟؟؟؟ زى الزعزاعة التزليط الواشوان الطياح التخويط ياريت اترجميهم بلهجة الغرب

ام ايهم;8125089:
دلوعة حلوة الكلمات الى كاتبتيها بس فى منها ما فهمتاش ؟؟؟؟؟؟؟؟؟؟ زى الزعزاعة التزليط الواشوان الطياح التخويط ياريت اترجميهم بلهجة الغرب

ههههه انا مانعرفش لغة الغرب واجد لكن انحاول

الزعزاعة يعني الفاجعة أو الحدث الكبير

التزليط يعني الاحراج

الواشون يعني العائلة الكبيرة

الطياح يعني الواحد يقعد مكسد لاشغلة لا مشغلة

التخويط يعني واحد ينصب على واحد تاني ويضحك عليه


ان شاء الله يكونو مفهومين :tongue:

اها سبحان الله معانى مختلفة خالص الزعزعة فى طرابلس =الخلعة او المصيبة ... التزليط = الحشمة ......الطياح =يقولوله لا خدمة ولا قدمة او امكحكح فى الحوش .......التخويط = اممم مش عارفة تقريبا زلبحه تعرفى دلوعة واللهى فكرة كل مرة نكتبوا كلمات بلهجة الشراقا وشن يقابلها فى طرابلس شن رايك

خلاص يا حلوة ماهم نفس المعاني تقريبا

فكرة حلوة امتع الكلمات توا انفكر في كلمات ونكتبهن

كان فاضية افتحي المسنجر انحطلك صور بناتي

شنو رايك

السلام عليكم
وينكم يامكسدين
شن اخباركن شن دايرات يامتزوجات ومخطوبات وانسات ان شاء الله كويسات
عرب بنغازى شن مازال عجاج والا كويس الجو بصراحه ربى ايعينكم لقيت كم صورة لان دورت على صور للعجاج من كتر ما سمعت عليه وانه سبحان الله كيف الغروب الدنيا حمراء
فقلت لازم انوريكن عجاج بنغازى وربى يلطف بيهم





الصور منقولة من احد المنتديات

اهلين ام ادم كيف الحال .... ياربى على العجاج سبحان الله ربى يلطف بعباده ان شاء الله بس ممكن يجى بعدها مطر لانها صارت من 3 سنين تقريبا فى طرابلس وبعدين تبين انها ريح جايا من الصحراء الحمادة الحمرة هدا علاش جت عجاج احمر وبعدها صبت مطر وقعدت الدنيا كلها تقول كتشب الشوارع والسيارات وبعدين الحمد لله تصفى الجو ربى يلطف بعباده .

اهلين دلوعة كيف الحال اليوم وطمنينا على البنوتات شن صار فيهم اليوم وان شاء الله لا باس

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

وينكم كل مانخش نلقى نفس الصفحه خير ان شاء الله
سميه حبيبة الجماهير وعروس ليبيا ودكتورة لامار وتوبا ودلوعه العفو وينكم
جماعه مصر قالو النت عندكم مفصول صح والا اشاعات
ام ايهم شن الاخبار شنو تطلعى للقصباء مازالتى

[GRADE="00008B FF6347 008000 4B0082"]
السلام عليكم ورحمة الله وبركاته

اهلين يا بنات كيف حالكم وحال عويلتكم ان شاء الله بخير

ع فكره قولت نغيب شويه باش نعرف مني بيتفقدني ومني بيخط عليا هههههههههههههههههههه

لا طبعا نبصر كلكم وخياتي وشكرا للي اسال عليا ودورني دلوعه وام ايهم وام ادم

ليك وحشه والله بس كنت تعبانه شويه وتوا الحمد لله احسن

مشكورات يا حلوات وان شاء الله ربي يجمعنا مع بعض من تاني
[/GRADE]

السلام عليكم
ليييييييكم وحشه حبيباتى
كيف حالكم .ام ايهم ام ادم روح الوليد دلوعة سارونة سمية نونا وكل البنات

..شكرا لكل من سأل عليه بس كنت تعبانه ومضايقه شوية ربى يفرج وخلاص

وفعلا ام ادم امس كان مفصول النت على مصر كلها وشبكة المدار من امس مضروبة
ااااااااااه ماقدرش يتصل ولاانى نتصل ولاحتى يوصله مسج واليوم بالعافيه حصل دقيقتين تغطيه الظهر كلمنى ولتوا الشبكة مضروبه ياربى تصبرنى على هالبعد مش قاااادرة :(