تجهيزات قمرات مصر الجزء ا110

روباز;8005844:
كل سنه و انتو طيبين يا بنات انا رجعت تانى اهو...الفتره اللى فاتت بعد تيتا الله يرحمها مكنتش مظبوطه أوى يا ريت تدعولها انهارده هى و جدى و سائر أموات المسلمين بالرحمه و المغفره و تكون دى هديتنا و تعييدنا عليهم فى ايام مفترجه زى دى.

كل سنه و انتو طيبين و ف بيتكو السنه الجايه مع اجوازكو و أولادكو
واللى لسه مشربوش المقلب يشربوه و يتخطبو ان شاء الله

انا اخدت جوله امبارح كده اشوف فساتين افراح يا بنات بس ولا فستان عجبنى... اروح فين؟؟روحت مصر الجديده..بس الفساتين يا زوق مش اد كده يا خامه وحشه يا غالىىىىىىىىىىىىىىىىى أوىىىىىىىى
محدش يعرف حد بيأجر فستان لهانى البحيرى بس ميكونش اغلى من 1118 جنيه و 75 قرش:: و لعلمكو 1119 جنيه مش لاعبه ..اقصدى مش دافعه

انصحونى اروح فين يا رجاله اأجر او اشترى بس بأسعار معقوله ها....الشيخ اللى تحت القبه طفش و سابلى القبه من غير شيخ تحتها :ss:

بجد ممكن اروح فين الاقى حاجه كده حلوه و مميزه؟؟؟

الف مبروك يا بنات على الجزء الجديد

وكل سنه وانتوا طيبين وعيد سعيد يارب

وان شاء الله كل واحده تحقق كل اللى بتتمناه


احسن محلات التأجير البنات هنا اجمعوا عليها
حبيبه في شارع مصر والسودان
نورهان في جسر السويس
نانسي وباربي امام الحريه مول
ميس ريم في مصر والسودان وفى جسر السويس

وربنا يتمملك بخير

كل سنه و انتو طيبين وبالصحه والسلامه ويارب العيد الجاى نكون فى عرفات مع ازواجنا يارب واللى مع ازواجهعم الوقتى يكون معاهم النونو
انا عايزة سئل على الجبوننه لو فستان ديل سمكه مجسم من على الهنش و نازل على تحت منفوش قولولى بقى اعمل ايه فى الجبونه وعايزاه يكونمنفوش وربنايكرمكو تردو عليا عشان مزعلش منكو ومدلكوش العديه

السلام عليكم لكل البنوتات وكل سنة وانتم طيبين


قولولي اجيب كام طقم حلل يا قطاقيط انا جبت اتنين كفاية

heba 017;8008378:
كل سنه و انتو طيبين وبالصحه والسلامه ويارب العيد الجاى نكون فى عرفات مع ازواجنا يارب واللى مع ازواجهعم الوقتى يكون معاهم النونو
انا عايزة سئل على الجبوننه لو فستان ديل سمكه مجسم من على الهنش و نازل على تحت منفوش قولولى بقى اعمل ايه فى الجبونه وعايزاه يكونمنفوش وربنايكرمكو تردو عليا عشان مزعلش منكو ومدلكوش العديه

بصى بلاش جيبونه
هيبقى ارق

انما لو مصممه

عادى هتتعمل جيبونه
من فوق صك لحد اخر التجسيم
وبعد كده تتعمل الكرانيش بتاعتها عادى بقى
وكل سنه وانتى طيبه

السلام عليكم ورحمة الله وبركاتة

ازيكم يا قمرات مصر ومبروك على الجزء الجديد

انا برضة ان شاء الله فرحى بعد 3 شهور وكنت عاوزة اعرف اية الكيراتيين دة ؟ هل هو فرد للشعر ولا اية ؟ ياريت الى يعرف يقولى

وجزاكم الله كل خير :)

بنات كل سنة و انتم بألف خير و السنة الجاية كل بنوتة تكون حققت حاجة كبيرة فى حياتها يارب

الظاهر دعاؤكم ليا جاب نتيجة
1- خطيبى كلمنى و صالحنى الحمدلله
2- بابا بقى اتصلت بيه أول ما صحيت من رقم جديد جبته علشان لو شاف رقمى مش هيرد بقوله كل سنة و انت طيب قالى و انتى طيبة قلت له وحشتنى فالى طيب ياختى :( كفاية كده و قفل السكة تانى :( يا بنات بالله عليكم ادعولى تانى

heba 017;8008378:
كل سنه و انتو طيبين وبالصحه والسلامه ويارب العيد الجاى نكون فى عرفات مع ازواجنا يارب واللى مع ازواجهعم الوقتى يكون معاهم النونو
انا عايزة سئل على الجبوننه لو فستان ديل سمكه مجسم من على الهنش و نازل على تحت منفوش قولولى بقى اعمل ايه فى الجبونه وعايزاه يكونمنفوش وربنايكرمكو تردو عليا عشان مزعلش منكو ومدلكوش العديه

emy_alex;8008513:
بصى بلاش جيبونه
هيبقى ارق

انما لو مصممه

عادى هتتعمل جيبونه
من فوق صك لحد اخر التجسيم
وبعد كده تتعمل الكرانيش بتاعتها عادى بقى
وكل سنه وانتى طيبه

(y)(y)(y)(y)(y)

اسمعى كلام ايمى يا هبه و بالله عليكى تشيلى الكلام اللى فى التوقيع ده علشان كده مش هتنسى

هبة عاملة اية دلوقتى وماما اخبارها اية كل سنة وانتو طيبين المهم الفستان كدة بيتعملوة جيبونة صك وبعدين ف الاخر بيتحط دورين سلك واسمها عروسة البحر واية خدمة

اه يا بنات نسيت اقولكم انا جبت موقع الفساتين اللى على الفيس بوك اللى عايزه يبعت لى على الخاص علشان فى بناتيت بعتولى و انا مش عرفت ارد عليهم

بصوا يا بنات، الكيراتين ده عبارة عن البروتين او المادة المغذية اللي بتكون الشعر والجلد والظوافر وكل حاجة وبيستخدموا نفس المواد الطبيعية دي لعلاج الشعر اللي اتاثر بعوامل خارجية سواء صبغة أو اهمال أو أي حاجة تانية ووصل لحالة سيئة أو اتغير عن طبيعته.
وفيه منه كذا نوع بس المهم اللي يعمله يتأكد إنه النوع الخالي من مادة الفورمالديهايد عشان دي مضرة للشعر لكن باقي المواد طبيعية ومفيدة وهو سعره غالي شوية وبيختلف حسب طول شعرك والنوع اللي هتحتاجيه وبتفرق في الوقت اللي بيتعمل فيه كمان وبيستمر لمدة 4 شهور وبعدين لو تحبي تروحي تعمليه تاني عشان تكملي كورس التغذية وشعرك يبقي أحسن كمان من المرة اللي قبلها.
بعد ما بيحطولك المواد دي بيعملوا كي للشعر عشان يحبس الرطوبة والعلاج يثبت والنتيجة بتبان في ساعتها ومهما تغسلي شعرك بعدها بيفضل الشعر سليم وناعم ولامع لأنه بيعمل زي طبقة بتغلف الشعر وبتروح مرة في مرة مع غسيله.

talaa;8008011:
روباز انا كنت بأجر من اتليه انا واخواتي وكتير من صحباتي حلووو اوي اوي وبعتلك تفاصيله على الخاص ,, وهتلاقي فيه الاسعار برضو اللي انتي عوزاها لانه الحلو اللي فيه انه في اسعار تناسب كل المستويات ,, وانشاءلله هتلاقي فساتين تجنن عندهم ومش تقليديه زي بقية الأتليهات ,, فربنا يوفقك انشاءلله وتلاقي فستان يعجبك ,,

ممكن يا قمر وانا كمان تقوليلى على مكان الاتيليه ده فين ؟:o
(f)(f)(f)(f)(f)

heba 017;8008378:

انا عايزة سئل على الجبوننه لو فستان ديل سمكه مجسم من على الهنش و نازل على تحت منفوش قولولى بقى اعمل ايه فى الجبونه وعايزاه يكون منفوش

بصي يا جميلة بتهيألي كده ممكن تعملي جيبونة مخصوصة وتبقي تل وتزودي الطبقات بتاعتها من تحت من اول المكان الواسع عشان تعمل فرق وتبان

CuTie KaTkOoTa;8007729:
[quote=عاشقه زوجهها;8007508]

نورتي ياقمر

انا كمان هعمل الكيراتين ان شاء الله بس مستنيه قبل الجواز باذن الله علي طول علشان انا سايبه شعري بلونه مش عاوزه اصبغه ولا حاجه علشان ماأجهدوش قبل الزواج ان شاء الله هوه حلو قوي انا سالت عليه كتير وبجد هوه احسن فرد دلوقتي متقلقيش منه ياقمر الميزوثيربي بقه انا مش عارفه ياريت نلاقي حد جربه وجاب نتيجه بعد اد ايه انا باخد بس حبوب بنتوجار للتقويه الشعر

انت بتفكري في نفس اللي بفكر فيه بالظبط، حيرانة أوي بالنسبة لموضوع الصبغة ده عشان أنا سألت اللي هعمل عندها قالتلي لا مينفعش تعمليه بعدها عشان ده إصلاح وتغذية للشعر تقومي إنتي تعملي صبغة بعده وتبوظي كل اللي اتعمل لو عايزة يبقي تعملي قبلها وتجيلي بس فبفكر لسه وكمان حطي في بالك حاجة مهمة أنا أصلا عملاه عشان يغذي شعري ويحسنه ويساعده أنه يطول ويتقل في الأماكن الخفيفة فلو كده يبقي اعمليه من قبل الجواز بفترة عشان يلحق يعمل نتيجة فطول الشعر لكن لو عملاه عشان الفرد بس يبقي قبلها عادي عشان هو بيقعد مدة 4 شهور، وإتأكدي قبل ما تعمليه أنه كيراتين خالي من الفورماهايدلين عشان الدكتورة قالتلي في كذا نوع، وقوليلي إنتي هتعمليه بكام وفين.

CuTie KaTkOoTa;8009670:
بصوا يا بنات، الكيراتين ده عبارة عن البروتين او المادة المغذية اللي بتكون الشعر والجلد والظوافر وكل حاجة وبيستخدموا نفس المواد الطبيعية دي لعلاج الشعر اللي اتاثر بعوامل خارجية سواء صبغة أو اهمال أو أي حاجة تانية ووصل لحالة سيئة أو اتغير عن طبيعته.
وفيه منه كذا نوع بس المهم اللي يعمله يتأكد إنه النوع الخالي من مادة الفورمالديهايد عشان دي مضرة للشعر لكن باقي المواد طبيعية ومفيدة وهو سعره غالي شوية وبيختلف حسب طول شعرك والنوع اللي هتحتاجيه وبتفرق في الوقت اللي بيتعمل فيه كمان وبيستمر لمدة 4 شهور وبعدين لو تحبي تروحي تعمليه تاني عشان تكملي كورس التغذية وشعرك يبقي أحسن كمان من المرة اللي قبلها.
بعد ما بيحطولك المواد دي بيعملوا كي للشعر عشان يحبس الرطوبة والعلاج يثبت والنتيجة بتبان في ساعتها ومهما تغسلي شعرك بعدها بيفضل الشعر سليم وناعم ولامع لأنه بيعمل زي طبقة بتغلف الشعر وبتروح مرة في مرة مع غسيله.

رشروش84;8010540:
[quote=
CuTie KaTkOoTa;8007729]

معقووووووول اربع شهور بس بس
يعنى ادفع 1500 علشان اربع شهور
طب ومدة كورس العلاج دى اد ايه ؟؟؟؟؟؟؟؟
يعنى ممكن لما اعمل كورس العلاج كله شعرى ميرجعش تانى خالص خالص ويفضل ناااااااااااعم ؟؟؟؟؟

طب وانتى يا حبيبتى هتعمليه فين بالظبط يارت اسم الكوافير والعغنوان لو سمحتى ؟؟؟؟؟؟؟؟؟؟؟

يعنى انتى قافلة الرسايل الخاصة و باعتلى رسالة اعمل فيكى ايييييييييييه
ارد عليكى ازاى انا؟:confused::confused::confused::confused::ss::ss::ss:

ماشى علشان مش اكون مخالفة حد يقولى اجيب كم طقم كاسات؟

بصي انا مكنتش أعرف حاجة عن موضوع الكيراتين ده خالص ولا كنت سمعت عنه إلا من قريب أوي، كنت عند دكتورة بتاعة جلدية وتجميل فبقولها انا شعري كان تقيل اوي زمان بس خف دلوقتي أوي عشان الحجاب والجل واهمال مني شوية بردو وكمان حاسة أنه اتبهدل أوي وباظ فقالتلي مادام أصلا شعرك كان كويس يبقي اعملي الكراتين ده وهي نفسها كانت عملاه بتقولي أنا شعري ده كان بجد مش قادرة أوصفلك حالته عاملة إزاي وبعد ما عملت الكيراتين عمل مفعول السحر بيفضل مفرود وناعم، هو بياخد نفس الوضع اللي بيتعمل به وبيثبت عليه عشان كده مفروض مش بتغسلي شعرك بعد ما بتعمليه إلا ب 4 أيام وبعدها غسيلك كله بيبقي بشامبو معين اللي هايعملك الموضوع ده مفروض يقولك عليه كل واحد بتهيألي وطريقته ومش بتحتاجي تعملي زيوت ولا حمامات كريم ولا أي حاجة طول الفترة اللي موجود فيها وسألتها علي ضمانتك ومفهوش ضرر ولا يعتبر بيرماننت ويبوظ شعري أكتر، قالت لا خالص مادام فورمالين فري وأسعاره بتبدأ من 100 باين وبتوصل ل 2000 وبتفرق كل واحد حسب شعره، أنا أخدت نمرة السنتر اللي الدكتورة عملت فيه هو في المقطم :ss: يعني مشوار بس أنا معرفش مكان تاني وكمان قلت يلا زي بعضه مادام دكتورة هي اللي قايلة يبقي مضمون، ومعايا نمرتها وكلمتها عالطول عشان استفسر منها علي شوية معلومات أكتر قبل ما أعمل وقعدت أعمل سيرش عالنت أيام كتيرة ولغاية دلوقتي بردو وكله بيشكر فيه ومكتوب كلام حلو أوي فيه سواء حد مجربه أو سواء آراء طبية وملقتش أي كلام وحش غير علي النوع التاني ده بس عشان ده مش صحي.

الست قالتلي لما تيجي لازم تكوني غاسلة شعرك بشامبو جونسون للأطفال ده العادي اللي بينشف الشعر ده، ومحطش عليه أي حاجة، وبعدين هي بتحطلي كريم وبعدها بتبدأ في الكيراتين بقي وبتختم بالكي ده ومفروض مربطش شعري خالص بعدها واسيبه كده وعادي بقي اقعد 4 أيام من غير غسيل ولو اتكسر مني ولا حاجة أعمله في البيت بالبيبي ليس أو أي بديل عشان يفضل مفروض لغاية ما أغسله وبياخد نفس الوضع ده بعد الغسيل ويقعد معايا تقريبا 4 شهور، فقلتلها يعني لازم كل ما يعدي المدة أجي تاني أعمل قالت لا عادي ده براحتك، فقلتلها يعني شعري هايرجع زي قبل ما أعمله ولا، قالت لا طبعا بيبقي أحسن بكتير، قلتلها يعني كل مرة بعمله فيها بيتحسن عن المرة اللي قبلها قالت بالظبط. بس كده وأنا لسه مخدتش منها العنوان بالظبط عشان لسه محجزتش، معايا الموبايل بس واسمها مدام مني.

talaa;8008011:
روباز انا كنت بأجر من اتليه انا واخواتي وكتير من صحباتي حلووو اوي اوي وبعتلك تفاصيله على الخاص ,, وهتلاقي فيه الاسعار برضو اللي انتي عوزاها لانه الحلو اللي فيه انه في اسعار تناسب كل المستويات ,, وانشاءلله هتلاقي فساتين تجنن عندهم ومش تقليديه زي بقية الأتليهات ,, فربنا يوفقك انشاءلله وتلاقي فستان يعجبك ,,

[/quote]

CuTie KaTkOoTa;8011146:
بصي انا مكنتش أعرف حاجة عن موضوع الكيراتين ده خالص ولا كنت سمعت عنه إلا من قريب أوي، كنت عند دكتورة بتاعة جلدية وتجميل فبقولها انا شعري كان تقيل اوي زمان بس خف دلوقتي أوي عشان الحجاب والجل واهمال مني شوية بردو وكمان حاسة أنه اتبهدل أوي وباظ فقالتلي مادام أصلا شعرك كان كويس يبقي اعملي الكراتين ده وهي نفسها كانت عملاه بتقولي أنا شعري ده كان بجد مش قادرة أوصفلك حالته عاملة إزاي وبعد ما عملت الكيراتين عمل مفعول السحر بيفضل مفرود وناعم، هو بياخد نفس الوضع اللي بيتعمل به وبيثبت عليه عشان كده مفروض مش بتغسلي شعرك بعد ما بتعمليه إلا ب 4 أيام وبعدها غسيلك كله بيبقي بشامبو معين اللي هايعملك الموضوع ده مفروض يقولك عليه كل واحد بتهيألي وطريقته ومش بتحتاجي تعملي زيوت ولا حمامات كريم ولا أي حاجة طول الفترة اللي موجود فيها وسألتها علي ضمانتك ومفهوش ضرر ولا يعتبر بيرماننت ويبوظ شعري أكتر، قالت لا خالص مادام فورمالين فري وأسعاره بتبدأ من 100 باين وبتوصل ل 2000 وبتفرق كل واحد حسب شعره، أنا أخدت نمرة السنتر اللي الدكتورة عملت فيه هو في المقطم :ss: يعني مشوار بس أنا معرفش مكان تاني وكمان قلت يلا زي بعضه مادام دكتورة هي اللي قايلة يبقي مضمون، ومعايا نمرتها وكلمتها عالطول عشان استفسر منها علي شوية معلومات أكتر قبل ما أعمل وقعدت أعمل سيرش عالنت أيام كتيرة ولغاية دلوقتي بردو وكله بيشكر فيه ومكتوب كلام حلو أوي فيه سواء حد مجربه أو سواء آراء طبية وملقتش أي كلام وحش غير علي النوع التاني ده بس عشان ده مش صحي.

الست قالتلي لما تيجي لازم تكوني غاسلة شعرك بشامبو جونسون للأطفال ده العادي اللي بينشف الشعر ده، ومحطش عليه أي حاجة، وبعدين هي بتحطلي كريم وبعدها بتبدأ في الكيراتين بقي وبتختم بالكي ده ومفروض مربطش شعري خالص بعدها واسيبه كده وعادي بقي اقعد 4 أيام من غير غسيل ولو اتكسر مني ولا حاجة أعمله في البيت بالبيبي ليس أو أي بديل عشان يفضل مفروض لغاية ما أغسله وبياخد نفس الوضع ده بعد الغسيل ويقعد معايا تقريبا 4 شهور، فقلتلها يعني لازم كل ما يعدي المدة أجي تاني أعمل قالت لا عادي ده براحتك، فقلتلها يعني شعري هايرجع زي قبل ما أعمله ولا، قالت لا طبعا بيبقي أحسن بكتير، قلتلها يعني كل مرة بعمله فيها بيتحسن عن المرة اللي قبلها قالت بالظبط. بس كده وأنا لسه مخدتش منها العنوان بالظبط عشان لسه محجزتش، معايا الموبايل بس واسمها مدام مني.

نسيت أقولكم لما كنت عند الدكترة دي كان معايا واحدة صاحبتي بردو بتشتكي من شعرها الخفيف أوي بس هو ناعم هي عايز تتقله بس وطبيعته كده، فقالتلها إنت بالنسبة ليكي ممكن تعملي حقن الميزوثيرابي بس هي مؤلمة شوية لو هتقدري تستحملي يبقي أوكي، هي بردو هاتبقي حقن مواد طبيعية بروتينات وفيتامينات تحفز لنمو الشعر في المناطق الخفيفة.

سووووووري بجد أنا مخدتش بالي إني كتبت الرقم ناقص بس عشان كنت بكتب بسرعة، أنا أسفة بجد أنا قصدي من 1000 مش من 100. دي 100 دي يا دوبك الواحد يدفعها لو هايروح يظبط شعره يقصه ويسشوره ويعمل فيه شوية حاجة بسيطة، ما بالكم بالكيراتين اللي كله بيقول عليه تحفة وسحر ده، هو غالي أه بس الكلام اللي سمعته وقريته ده مزغلل عيني أوي ومخليني بفكر جديا إنشألله أعمله الفترة اللي جاية دي عشان يظبط شعري شوية قبل الجواز وكله يهون في سبيل النتيجة.

CuTie KaTkOoTa;8011335:
سووووووري بجد أنا مخدتش بالي إني كتبت الرقم ناقص بس عشان كنت بكتب بسرعة، أنا أسفة بجد أنا قصدي من 1000 مش من 100. دي 100 دي يا دوبك الواحد يدفعها لو هايروح يظبط شعره يقصه ويسشوره ويعمل فيه شوية حاجة بسيطة، ما بالكم بالكيراتين اللي كله بيقول عليه تحفة وسحر ده، هو غالي أه بس الكلام اللي سمعته وقريته ده مزغلل عيني أوي ومخليني بفكر جديا إنشألله أعمله الفترة اللي جاية دي عشان يظبط شعري شوية قبل الجواز وكله يهون في سبيل النتيجة.

توتانا ياقمر الدكتوره جليديه ياحبيبتى مش نساء خالص