تجهيزات قمرات مصر الجزء ا110

صباح الخير يا بنات
انا عاوزه بقي البنات المتخصصه في اوريفليم يقولنا ايه افضل عروض الشهر دا
ونجيبها ولا نستني بعد كدا هتبقي ياسعار احسن

R@A;8044803:
و الله انا اعرف ان زهران و نوفال و 6 اكتوبر بيعملوا علي عيد الام انما موضوع شهر 2 و 7 مش اعرف بس اعتقد ان شهر 2 ده هو اللي بيسبق عيد الام هاتي ارقامهم من الدليل و اساليهم هيردوا عليكي و يفدوكي

أسألونى أنا عروسه خبرة ومخطوبه بقالى سنتين أدعولى أتجوز بقه أحسن انا زهقت من العيله بتاعة خطيبى السلو موشن دى
المهم زهران فعلا بيعمل سيل شهر 2 فعلا وبكتيير 3 وشهر 7 (f)(f)

بنات كنت عايزة اسأل هوا كريم النكهات اللي بيتاكل اسمه فروتي و لا ايه ؟؟؟؟؟؟؟؟؟

لأني لقيته هنا في الكويت و عايزة اعرف اذا كان هوا و لا لأ في منه بدي بتر و شاور جيل و ريحته قوية جدا جدا جدا فقريت اسمه لقيته فروتي هوا ده و لا لأ

و ياريت اللي عندها صورة للكريم ده تحطهولي ( كريم النكهات ) ؟؟؟؟؟؟؟

انا كمان سمعت عن الكريم النكهات ده وعاوزة اجيبه الى يعرف بيتجاب منين فى المنصورة او القاهره يقولى عليه يابنات وعاوزة اعرف ايع احسن نوع فيه

نواره2005;8028003:
السلام عليكم كنت عاوزه اعرف احسن نوع لمضرب البيض الكهربائى

مولينكس وبراون

طمنت;8030211:
بنات عايزه اسالكم سؤال انا مش جبت لخطيبي بيجامه ستان لان بنات قرايبي كتيررر قالولي بتتلبس اول يوم وبس وبعد كده ملهاش اي لازمه فاانا اشتريت لخطيبي بيجامه نص كوم كده وبنطلون بس شيك اوي وكمان واحده شورت لان الفرح هيكون بدايه الصيف وجيبتله شبشبين واحد للحمام واحد عادي ايه تاني يابنات ناقص قولولي؟ولازم اجيب بيجامه ستان ولا؟؟؟
سؤال تاني ليا ياقمرات البيجامات الستان لازم اشتريها ولا ايه لاني مش بحبهم ولو اشتريت هجيب اللي هي الحملات وبتكون شورت اعمل ايه اشتري بيجامه كامله ولا اجيب اللي هي شورت وحملات احسن عادي ولا لازم الكامله وكام واحده ؟؟؟؟؟:Zb_sor1: تقلت عليكوا

اولا اسالي خطيبك بيحب الستان ولالا؟ لان انا سالت خطيبي كان هيحدفني بحاجه لانه مش بيحب الستان ودي ازواق طبعا
بالنسبه ليكي هاتي الستان ال هي بتبقى حمالات وهوت شورت بتبقى حلوه بس حاولي يكون عندك حاجه ستان لانها قويه اوي

R@A;8031548:
بصي انا خطيبي كان لابس كحلي غامق و في ناس بتجيب رصاصي غامق اي لون غير الاسود لان الاسود بتاع الزفاف بس الافضل انك تجيبي الفستان الاول عشان هو يجيب الشميز و الكرافته قريبة من لون الفستان و ممكن لما تجيبي البدلة الاول يكون الوان الشميز و الكرافته مش تليق مع لون الفستان بس البدلة الكحلي ممكن يتلبس علها الوان كتير من الشميزات لو خطيبك مصمم يجيب الاول خليه يجيب كحلي الا اذا انت نفسك في لون معين في الفستان و مش هتجيبي غيره بس لازم يكون في تناقس في الالوان بين لون الفستان و لون الشميز و الكرافته عشان الصور تطلع حلوة و ربنا يكرمك يا قمر

(y)(y)(y) انا كمان خطيبي كان لابس البدله رمادي غامق وجبناها بعد الفستان علشان اظبط معاها القميص والكرفت

mnne;8035155:
وانتي طيبه ياقمر
انا رايي انك لو عمدك اوضه اطفال تجيبي لكل سرير بطانيه ولحاف لو مش عندك اوضه اطفال زيي كده
انا جبت بطانيتين ولحاف وباذن الله هجيب كمان واحد عشان لو حد جه يبات عندي يكون فيه فرش وغطا بس لما اشوف هنيمه فين الاول هههههههههههههههههههههههه

بنات قولوي اسعار اللحاف الكويس اللي مش يبوظ بعد الغسيل يبدا من كام

من 350 وانتي طالعه ولازم يكون فيه خياطات كتير علشان يمسك الفايبر لما يتغسل ومش يكلكع

سما الحب;8035184:

كنت عايزه اشتري كاميرا ديجيتال عايزه اعرف ايه احسن نوع

سوني وفيه بينك برده حلوه اوي في الصور

talaa;8036508:
اهلا يادندونه عامله ايه حبيبتي ,, انا الحمدلله ولدت خلاص اخيرا وانشغلت اوي بعد فترة الولاده وربنا رزقني ب (( فراس _ نبراس )) مطلعين عيني لكن الحمدلله على كل حال ,, ووقت مابكون فاضيه مع اني مش بفضي خااااااااالص لكن كل فين وفين برفه عن نفسي وادخل النت شويه لأني مديه نبراس لمامتي ويادوب شايله هم فراس لانه اتنين مقدرش عليهم وهما في السن ده ,, ادعولي ربنا يعيني على تربيتهم انشاءلله ويرزقكم كلكم انشاءلله ,,

الف مبروك يا قمر ماشاء الله ربنا يخليهم ليكي ويبقوا ذريه صالحه

Stay With me;8036862:

بصي انا متهيالي ان كده قليل انا اعرف ان كلة تقريبا بيبقي حاجة وتمنين او في الرينج دا يعني

وري تاني
وعلي العموم كله بيقول احسن مكان تجيبي منه معالق جاتينيو اللي في وسط البلد بتبقي المعالق الماني وحلوة جدا

وبتبقي تقريبا بالف وحاجة او في الحدود دي

فعلا جاتيتو عنده حاجات حلوه اوي والاهم يكون الطقم ال هتجبيبه يقضي استعمالك لان فيه اطقم بتبقى عدد على الفاضي

RAINBOW2000;8042026:
انا رايى كفاية 6 لانك ممكن بعد فترة تحبى تجيبى تانى او تطلع موديلات جديدة فمتكتريش

(y)(y)(y) ممكن تزوديهم كمان 2 ويكونوا الاجمالي 8 مابين ساده ومنقوش

ya_leil;8042471:
السلام عليكم ورحمه الله وبركاته
ازيكم يا بنات وحشتوني اوي
كل سنه وانتوا طيبين ويارب العيد اللي جاي نبقا كلنا في بيوتنا متجوزين ومتهنيين




فين جاتينيو ده يا قمر ممكن عنوانه بالظبط

وانتي ماشيه في شارع 26 يوليو هيقابلك تقاطع على ناصيته من ناحيه صيدليه دلمار ومن الناحيه التانيه فيه واحد بتاع مجلات وكتب على الناصيه ده هيبقى يمينك وانتي جايه من التحرير خشي في الشارع ال في الناصيه دي وامشي قدام هتلاقي المحل على الصف التاني

بوبا 123;8042539:
بنات ياريت تردو عليا ضرورى جدااااااااا
عاوزة اعرف هو فى التجهيزات , العروسة عليها اية ؟؟والعريس علية اية؟؟ ومحدش يقولى بالاتفاق انا فاهمة بس انا عاوزة اعرف العررررررررررررف بليز يا جماعة السوال سهل خالص يعنى ياريت متكسلوش وتردوا عليا وبأمانة ح ادعى لكل واحدة بظهر الغيب اتشجوا بقى وردوا عليا

على حسب الاتفاق بس الاساسي عليكي حاجه المطبخ والهدوم والمفارش والملايات وحاجه النيش والتنجيد فيه ناس بتجيب الاوض الخشب بالنص وكل واحد يجيب الاوضه بفرشها ال هو السجاجيد والستاير والنجف وفيه ناس العريس بيجيب الخشب كله وهي تجيب الاجهزه والسجاد والستاير
لقاء البيجامه شيك اوي ورقيقه
البرنس هاتيه لون يكون حلو كده بنك ليكي ولون غامق ليه وهاتي معاه الشبشب ةالفوطه علشان شعرك وكفايه كده
البنةته ال بتسال عن هديه لخطيبها بصي في اوريفلام منزله مجموعات على بعضها بيرفيوم وسبراي وكريم وحاجات كده واسعارها حلوه اوي فيه مجموعه سجنتشر بجد حلوه جدا

انا بقا كنت عايزه اسالكوا انا المفروض اجيب بطانيه ولحاف للسرير الكبير ولا بطانيه بس ولا ايه اصل انا مش بتغطى باللحاف خالص ولو جبت اجيب عدد اد ايه؟

الف مبروك يا اناناسه وربنا يتمم بخير ويرزقك الذريه الصالحه ان شاء الله

pascotta;8060470:


انا بقا كنت عايزه اسالكوا انا المفروض اجيب بطانيه ولحاف للسرير الكبير ولا بطانيه بس ولا ايه اصل انا مش بتغطى باللحاف خالص ولو جبت اجيب عدد اد ايه؟

مفيش حاجه يا قمر اسمها المفروض بس ممكن تجيبي 2 بطانيه و 2 لحاف علشان لو حد جه يبيت عندك يبقي عندك غطا كفايه

ولو متحبيش تتغطي باللحاف ممكن 2 بطانيه ولحاف وممكن تستغني عنه وكل واحد علي حسب احتياجه وامكنياته :)

pascotta;8060470:


انا بقا كنت عايزه اسالكوا انا المفروض اجيب بطانيه ولحاف للسرير الكبير ولا بطانيه بس ولا ايه اصل انا مش بتغطى باللحاف خالص ولو جبت اجيب عدد اد ايه؟

لكل سرير لحاف وبطانية

حد يعرف محل العشرى بتاع السوريهات اللى فى عباس العقاد
واللى يعرف يقولى موديلاته حلوة ولا لأ ؟

momonon;8048827:
النكهات دى ياجميل كانت ب45 والاسبراى زى الكريم نفس السعر لكن الشاور الى جبته كان فى منه بالشوكولاته بس وكان ب25 حجمه متوسط مش كبير ومش صغير ب ريحته تحفه وثابت اوى اوى البانتى باه كان ب10 وكان فى اشكال كتير اوى وفى بانتيهات بتعمل موسيقى وشكلها وهممممممممممممم بس ماحبيتش حركة الموسيقى دى

أده أد ه منين الحركات الجامده دى بتتباع فين يا بنات (f)(f)

يا بنات هو المفروض الواحد يجيب العفش الاول وبعدين يجهز علشان يعرف يشتري ايه ومحتاج لأيه ولا حاجات العروسة الاول مع ان لو حاجات العروسة الاول كدة ممكن تجيب حاجات غلط او ما تنفعش او ما تليقش او ناقص او زيادة...!!!؟؟؟

لالىء الندى;8043482:
انا فكرت كتير قبل مااكتب بس قولت مفيش غير اخواتى اللى عندهم خبرة فى الحاجات دى هما اللى هيفدونى انا دخلت التواليت وبعدين الماية بتاعت الشطاف اندفعت فيا بشدة وبعدين نمت صحيت الفجر لقيت فى الاندر 3 نقط دم فاتحة اتخضيت اوى خايفة تكوت الغشاء البكارى وبعدين على الساعة 11 الصبح لقيت البريوت جات فهل ممكن يكون نقط الدم دى لها علاقة بالغشاء البكارى ارجوكو حد يطمنى انا مرعوبة اوى

حبيبتى انا حصلى زيك كدا وكنت قلقانة اوى وملقتش حل غير انى روحت لدكتورة أمراض نساء وطمنتنى وقالتلى انه الغشاء دا لازم يحصله عملية اختراق غشان يتقطع وكشفت عليا والحمدلله طمنتنى وصدقينى انا طول حياتى كنت قلقانة من الموضوع دا بس دلوقتى استريحت كتير متتخيليش اد ايه بس المهم تجيلك الشجاعة انك تاخدى القرار دا لانه اخد منى حوالى 6 شهور على ما قدرت اخد القرار واروح وان شاء اله تتطمنى ويبقى خير

tikatika;8061146:
أده أد ه منين الحركات الجامده دى بتتباع فين يا بنات (f)(f)

بيتباع عند رسمية في مصر الجديدة و محلات اللانجيري

بنات وحشتونى كده محدش سأل عليا خالص ماشى
عموما كل سنة وانتو طيبين ويارب الجزء الجاى نكون أتجوزنا بقى
وعشان المخالفة عايزة أعرف ايه حكاية البوتجاز اللى مقاسه 50*80 ونوعه ايه؟؟

الى اعرفه البوتاجاز 60*80

مش 50 يا دودى

poloseden بتجهزى الاول يا جميله وهى مش هتفرق بس الحاجات معروفه هتجيبى ايه وايه كدا او كدا وربنا يتمملك بخير ان شاء الله

بنات حد يعرف سعر بطانية مورا الأسبانى بكام هنا وبكام فى السعوديه وممكن أجيب أيه من السعوديه:9_33:

DodyCat;8061617:
بنات وحشتونى كده محدش سأل عليا خالص ماشى
عموما كل سنة وانتو طيبين ويارب الجزء الجاى نكون أتجوزنا بقى
وعشان المخالفة عايزة أعرف ايه حكاية البوتجاز اللى مقاسه 50*80 ونوعه ايه؟؟

ازيك انت دودي و كل سنة و انت طيبة و ان شاء الله نتجوز كلنا انا اسمع عن البوتجاز 60*80 تكنوجاز انما 50*80 اول مرة اسمع

كل سنه وانتو طيبين انا عاوزاكم تفيدونى فى شراء حاجه المطبخ
واشترى الصوانى الالومنيوم والتيفال من اى مكان ولا من الشركات زى عمر افندى

روضه 2006;8061740:
كل سنه وانتو طيبين انا عاوزاكم تفيدونى فى شراء حاجه المطبخ
واشترى الصوانى الالومنيوم والتيفال من اى مكان ولا من الشركات زى عمر افندى

روحى اى فرع للتوحيد والنور حتلاقى كل مستلزمات المطبخ وبسعر اقل من المحلات العاديه وفى شهر 1 وشهر 3 بيبقى فى عروض لحلل التيفال

انتوا فيين يا بنات محدش بيرد عليا لييييييييييييييه
اجيب كوبيات ميه شيك من فييين؟

هو نظام الكيراتين دة اية بالظبط وبيعمل ايه للشعر بيفرده ولا بيغذيه ياريت تفيدونى

N0rma;8040404:
ربنا يفك كربك يا حبيبتى
انا طقم المعالق بتاعى 26 قطعه او 120 فى الحدود دى


تالا
ولدتى ايه يا حبيبتى؟؟؟؟؟؟؟
ازاى يعنى



بصو يا بنات اللينك ده لمشاركة تالا بتاريخ22_7_2208اقرو بئا مكتوب فيها انها حجزت فستان الفرح لان الفرح يادوب فاضل عليه كام اسبوع؟
منتديات عروس - مشاهدة المشاركة منفردة - بنات مصر المشاركات فى موضوع فرحك خلاص قرب الجزء 86


والمشاركه دى فى الجزء ده اللى هو فى شهر 12_2008 بتقول خلفت تؤام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
منتديات عروس - مشاهدة المشاركة منفردة - تجهيزات قمرات مصر الجزء ا110


فى ايه يا تالا ايه التصرفات الغريبه دى

وانا بشكر البنوته اللى لفتت نظرى لكدا
جزاها الله كل خير

أولا جزاك الله كل خير بجد انتى و البنت اللى لفتت نظرك للموضوع ده و انا مش عايزة تالا تزعل لان المواضيع اللى احنا بنتكلم فيها مواضيع حساسة لكل بنت فينا و مش ينفع نشك فى بعض و احنا بنتكلم لاننا بنتكلم فى كلام بناتى بحت و يعتبر اسرار بنات كمان و انا عن نفسى خطيبى لما بحكيله على المنتدى ده و ان انا بحبه اوى و كده بيقولى انتى ازاى مطمنة ان كل البنات كويسين و انا بقوله لا اطمن انا بقالى معاهم فترة قليلة بس بجد حبيتهم اوى و عرفت الحمدلله كذا بنت شخصيا و كلهم بنات كويسين جدا و كلنا بنخاف على بعض الحمدلله اوى

فمش ينفع ان حد يشوف حاجة مثيرة لأى شكوك و يسكت و بجد يا بنات ربنا يجازيكم كل خير

بنبونه حماده;8043015:
ازيكوا يا قمرات وحشتوني
يا بنات اولا عايزه من كل واحده تشوف مشاركتي تدعيلي ربنا يفرج همي ويصلحلي الحال
ثانيا بقي عندي سؤال هو يمكن غريب شويه
انا بدات من فتره يا بنات اعمل المنطقه الحساسه بالسويت علي اساس اني اتعود وكده والحمدلله يعني شويه بشويه الوضه بالنسبه ليا بقي عادي
بس في ملاحظه بقي ان في مناطق معينه بحس ان الشعر لازق يعني جدوره مبته قوي ومش بيرضي يطلع غير بالطبل وانا اصلا بشرتي حساسه مووووووووت يعني الطبيعي بتاعي ان الويست يتخليني اتعور كده حاجه بسيطه ويبقي في نقط دم في الجلد من بره سواء ده في رجلي او ايدي او اندر ارمز او اي حاجه ده العادي بتاعي يعني
بس طبعا برضه ده بيحصل معايا في المنطقه دي وطبعا موضوع الشعر اللي لازق ده مشكله لازم اعيد علي نفس المنطقه مره واتينين وتلاته والموضوع بيبقي صعب عليا جدا لاني زي ما قلتلكوا جلدي حساس جدا وفي الاخر برضه بيفضل شعريات مش بترضي تطلع بالسويت مهما عملت
حد عنده حل للمشكله دي لاني بجد كل مره اعمل واسيب المناطق دي ما تكملش للاخر لان روحي بتطلع
بجد بليز يا بنات اللي عنده حل ياربت يقولي عليه بسرعه

و انا كمان بجد نفس المشكلة كأن انا اللى بتتكلم بالظبط بس انا المرة اللى فاتت دى و كانت تانى مرة أحاول عملت و انا واقفة و ده سهل عليا شوية و طبعا طلع بردو بالدم و مش كله و حاجات كده و تعبت و مش كملت

smsm_anwar;8049114:
[quote=rozyyy;8045859]عندك في الوكالة ياجميل المحلات الي في الشارع الي ورا الكورنيش ع طول عندهم اقمشة حلوة اوي انا جبت من هناك قماش الانتريه والليفينج والسفرة بس فاصلي جااااااامد - وفي محل في الازهر حلو اوي برده اسمه راتكس احمد انور- ع شارع الازهر

ميرسى يا قمر على ردك عليا واهتمامك وربنا يخليكى ليا

يا ريت يا بنات لما نعرف ان الرد بتاعنا مخالف نرجع نمسحه

اشرى;8051033:
[quote=تووووكي;8036950]انا من رأيى يا تعملى إزاز ضرفتين مثلا

لو هتعملى الفاتحه بكيرف من فوق نص دايره تعمليها إزاز بحيث تتقفل ده اول حل

وانا عننفسي لو كنت هعمل امريكانى كنت هعمل رول شيش الى هو بيطلع لفوق وبينزل ده


هى دى الى اقصدها اسمها ستارة شيش بتكون يا خشب يا خامه كده زى الالوميتال


ميرسى ليكى بجد يا توكى جزاكى اللة كل خير الفكرتين بجد حلوة بس انا عايزة بامانة الفكرة الاوفر متهيالى فكرة الشيش هى الى هتوفرلى مش كدة ؟

هى حلوة بس انا كان نفسى اعملها بتتلم فى الجنب مش لفوق بس قالولى ان المعدن افقية بس مفيش رأسية

اشرى;8052279:
اية يا بنات انتوا فيــــــــــــــــــــــــــــــــــــــــــــــــــــــــــــــــــــــــــــــــــــــن؟
محدش رد عليا فى موضوع الشيش بكام بليز ردوا عليا؟؟؟؟؟

اعادة السؤال مخالف يا جميلة لو سمحتى

sally2007;8053471:
ازيكوا ياقمرات ضرورى جداااااااااااااا جدا حد يرد بليز محدش يطنش عايزة اعرف اسماء وعناوين محلات عشان عايزة اشترى انتريه يكون موديلات امريكى زى الصور دى بس برضه اسعار تكون كويسه اقصى حاجه 7 الاف بس يقى قبل يوم التلاثاء ياريت اللى يعرف يرد النهارده ضرورررررررررررررررررررررررى
وكمان عاوزة اعرف المعرض بتاع الموبليا الى بيفتح فى ارض المعارض شغال دلوقتى ولا لا وكمان اسعره ايه وفيه حاجات حلوة ولا لا

Stay With me;8054400:

بصي يا قمر

انا صاحبتي جايبة زي الانتريه التاني دا من عند محسن البربير من سنة بالضبط ب4150
جنية انا لسه سالهالك دلوقتي علشان اتاكد
هوهو بالضبط باختلاف الالوان
اي خدمة يا قمر

هاتي الفرق بقي

فى محلات فى جسر السويس يا قمر بعد التجنيد بشوية و انتى رايحة على الف مسكن كده و على الشمال

و عايزة اعرف فين محسن بيه ده بالظبط؟

Stay With me;8056948:
حد يعرف النادي الصحي اللي في السراج سيتي مول بيعمل سويت بس بكام
كانت اجمل ايام العمر بتقول انها بتروح هناك علي طول كل شهر بس انا مش فاكرة قالت بكام ولا لا
اللي يعرف بالله عليكم يقولي قبل يوم التلات
والبنوتة اللي قالت علي السبحة الكريستال ياتري السبحة دي بكام وممكن الاقيها فين في المهندسين او الدقي

السبحة الكريستال فى أى محل عنده حاجات كريستال عصفور و سعرها تقريبا 150 جنيه و فى منها ألوان كمان

صوت العيون;8061634:
الى اعرفه البوتاجاز 60*80

مش 50 يا دودى

poloseden بتجهزى الاول يا جميله وهى مش هتفرق بس الحاجات معروفه هتجيبى ايه وايه كدا او كدا وربنا يتمملك بخير ان شاء الله

R@A;8061690:
ازيك انت دودي و كل سنة و انت طيبة و ان شاء الله نتجوز كلنا انا اسمع عن البوتجاز 60*80 تكنوجاز انما 50*80 اول مرة اسمع

لا انا شفت اعلان فى الجورنال عن 50*80 يا بنات و من العربى اللى هو واخد توكيل توشيبا اسمه جيراما باين البوتوجاز :o:tongue:

بحبكم فى الله