وقت الطلق وين كنتي؟؟؟ دشي وقولي تجربتج

لرفع مع المتابعه

مشكورة اختي على الموضوع الحلوو
اني كنت في بيت اعيالي كنت من الصباح احس بالم بس توقعت الم وبيروح
عادي زي كل يوم ولما زاد الالم رحت المستشفي
وقالوا الى فاتح 7 سانتي على طول ولادة
والحمد الله تقريباساعتين وولدت وجبت ولد والحين عمرة 6شهور
الله يخليه يارب .

هللللللللللو

انا كنت يومها مو مداومة تعبانة قبل بيوم مكملة تقريبا باقي اغراضي وحسيت بتعب ولا داومت وقعدت بعد صلاة الظهر اقرا ايات قراءانية وامشي بالغرفة يمكن درت 50 دورة خخخ لاني كلللش ماكنت امشي في حملي ونمت شوي وجه زوجي جاب مندي من محمد نور خخخ وكلينا ونمنا والمغرب قعدت من النوم وياه قالت له كالعادة تعال ارفعني من السرير مااقدر اقوم بروحي وجه وهو يرفعني قعدت الا ماي ينزل بس شوي وصحتتتتتتتتتتتتتتتتت وظليت سادة رجولي خخخ هلبلة عباللي اليبيي بيطلع وسييييييييييدة لبست عباتي ورحنا خدنا امي من البيت واختي وانا اصيييييييييح وزوجي بعد يصيح ورحنا المستشفى وكشفو عليي الا تقول مافي اعراض ولادة وكانت 7 الساعة يوم اروح وبعد ساعتين طلعوني

رحت ليلتها رقدت عند امي وزوجي وياي اول مارضى بس قالت له امي خللك وينا ماتدري شصير وبس صارت الساعة 12 وانا بموت من الالم ووصلت حدي ومب راضيين يودوني المستشفى يفكروني اتدلع لان المستشفى قالو مافي اعراض وهذا مو ماي البيببي وماانبط الكيس

وصارت 6 الصبح قلت لام يوزوجي اذا ماوديتيوني بتصل للاسعاف ياخدني ورحنا المستشفى الا طلعت ولادة وكنت 4سم وكانت 6 الصبح بس ماولدت الا 11 في اللي كانت ولادة طبيعية بس متعسة ولله الحمد


طوووولت عليكم وايد اسمحولي

والحين هذا حملي الثاني والله عالم وين بيكون

شكر لك على الموضوع

ان كنت امشي ودخلت اشرب كافي وبعددها رجعت البيت اخدت اغراضي ورحت اولد

انا بعد صلاة الفجر ماياني نوم مادري ليش و لين ما اشرقت الشمس ياني فجأة ألم قوي بس مو وايد مثل الم الاسهال تكرمون
و صار يتكرر كل عشر دقايق و يحمى مع الوقت و انا انكر ان هذي ولادة و اقول حق زوجي لا فيني برد
طبعاً سبب انكاري لموضوع الولادة هو لاني كنت بنص شهري و غير جذي اختي كانت والدة اليوم الي قبلة
و سبحان الله رحت المستشفى و ولدت و كان بيني و بين اختي 24 ساعة هههههه

الحين عيالنا كبر بعض كانهم توأم

موضوع ناااااااااااايس :D



انا تقريبا مثل الاخت نياغرا هههههههههههه


في المرتين تبتدي اعراض الولادة الصبح ،، وطبعا اكون في البيت :)


الاول قعدت من النوم وحسيت بشوية افرازات قاعدة تنزل وكان باقي على موعدي 10 ايام وبعد 5 دقايق تقريبا نزل شلاااااااال ماي ورحنا المستشفى بسرعة طلعت ولادة لكن ما في طلق ولا انفتحت ولا سم وبعد 3 ساعات ونصف الدكتورة قالت ان في خطر ع البيبي لان ما كان في اي تطور لا انفتحت ولا جاني طلق وقررت لي طلق صناعي وبعد 7 ساعات من الالم والمعاناة ولدت (w)

وبالثاني نفس الشي ابتدت الاعراض من الصبح وكانت عبارة عن افرازات في البداية والم خفيف وبعدين ع الساعه 10 نزل دم ،، بس بولدي الاول كان يوم جمعة وزوجي موجود اما بالثاني كان يوم اثنين وزوجي دوام وهو الصبح ما كان راضي يخليني لانه حس اني بولد خخخخ بس انا قلتله روح الشغل واذا صار شي بتصل وعلى فكرة كان موعدي ولادتي قبل بيوم ولما ما ولدت حسيت اني بتأخر كم يوم ما توقعت ان راح اولد ثاني يوم على طول ههههههههههههه المهم لما نزل الدم اتصلت لزوجي وجاني بسررررررعه ورحنا المستشفى وحتى ولدي اخذناه معانا وفي المستشفى قالوا اني مفتوحه 2 - 3 سم وعندي طلق وتميت اعاني 8 ساعات هناك وبعدين ولدت :16:



الله ستر وكنت في البيت في المرتين لاني طول فترة الحمل كنت خايفة تجيني الاعراض وانا برا خصوصا بولدي البكر كنت ادرس في الجامعة والحمدلله اني ولدت يوم جمعة لاني ما اتخيل ينزل علي الماي وانا في الجامعة هههههههههههههههههههه :o
اما بولدي الثاني قمت وسويت انسحاب من الجامعة لمدة كورسين قلت مو كل مرة تسلم الجرة :D

هلا خواتي.. الحمدلله على سلامة اللي ولدوا واللي للحين ان شالله سلامتكم جدامكم وتقومون بالسلامة بإذن الله

الله يسلمكم انا بولدي قبل 5 سنوات .. صار لي بالضبط مثل الاخت نياغرا هههههه... قاعدة عادي بروح الدوام توني بس منزلة ريولي من عالسرير الا والشلالاات اللي قالت عنها.. وعلى طول عالمستشفى .. الناس رايحين الدوام واحنا رايحين المستشفى ... بس ما ولدت الا بعد نص الليل .

اما بولادتي الثانية.. كانت قبل 45 يوم تقريبا... ويبت بنوتي الحلوة.. قاعدة من النوم متأخر وقبل لا اصلي الظهر حسيت بشي غريب وكان نزيف وعلى طوووول عالمستشفى.. والحمدلله ولدت بعد 4 ساعات

يالله ان شالله كل وحدة حامل ربي يسهلها عليها وتقوم بالسلامة هي والبيبي

متــــــــــــــــــــابعة بتركيـــــــــــــــــــز

يحليل الشلالات صراحة هي اللي تخوف اكثر شي

خخخخخخخخخخخ

ننتظر الباقي نبي مواقف ساخنة
يعني بالشارع بالسيارة خخخخخخخخخ
الله يستر علي هالمرة

انا الصراااااحه فى بنتى كنت نايمه محسيت شى مو طبيعى الوجع الى فى بطنى قالت خلاص راااااح اولد وكملتاكثر عن 17ساعه وجع فى وجع

لا جا وقت ولادتي
ربي يسهل علي برجع لهالموضوع
وراح اكتب حالة الطلق
تسلمين يا غلاي على الموضوع الخونفشاري

يماه خوفتوني حيييييييييل الله يسهل على الجميع
:ss::down::schmoll:

انا ببنتي البكر كنت منومة في المستشفى وطلبت انهم يرخصوني ورفضوا ، قلت لهم بوقع اني أطلع على مسئوليتي و فعلا وقعت ، في حرمة في المستشفى قالت لي شكلج بتولدين ، قلت لها لا يسمعونج الممرضات لا بولد و لا شي .. وأخذني زوجي من المستشفى لبيت جدي قريب اذان المغرب ، أذن المغرب وقمت بتوضا للصلاة ، حسيت بشي دافي نزل ، ما عرفت شنو ، رحت الحمام و نظفت نفسي وتوضأت للصلاة ، توني بصلي إلا خالي منادني ان في تليفون لأمي ،دخلت غرفة خالي أرد عالتليفون و كان خالي يطالعني وفجأة حسيت باشياء تنهمر مثل الشلالات ماي ودم ، وجه خالي تغير و خاف ، جيت اتحرك من الغرفة بس خايفه أوسخ المكان ، سمعت خالتي تقول لي لا تتحركين وسختي المكان ، امي ما كانت موجودة و اتصلت على زوجي ما حصلته ، وكانوا يدورون لي سيارة عشان اروح المستشفى ، بعدين حصلوا زوج خالتي و كنت فشلانه واحس بالخجل منه

+أقدار+;8007757:
يماه خوفتوني حيييييييييل الله يسهل على الجميع
:ss::down::schmoll:

ما تخوف الولادة ، تقريبا شربة ماي أو شاي :)

جبيبتي شكرا على موضوعك الحلو والطريف
انا حددت لي الدكتوره موعد وقالت لي تعالي الساعه 8 الصباح وعطتني طلق صناعي وولدت الساعه 6 ونص لكن الالم مدري حسيت احساس غريب وقتها ماني عارفه كانه حلم
وتسلمين على موضوعك

يسلموووووووووووووووووووووووووو
يلا ننتظر البااااقي

انا يا طولت العمر في الشهر التاسع بي عند امي الله يطولي بعمرها روحت معاهم الملاهي جاني الطلق وانا في ملاهي وامي تقولي يلا نروح على بيت تري بدايه طالق هادي اقولها ابدان لا ورحت على بيت ونومت وانا الطلق خفيف يروح ويرجع وتاني يوم في الظهور ابغى اروح الحمام حسيت نفسي حشراانه مراااه وقمت اله مويه نزلت عاليه وصحيت ماما اقولها قومي موعد الولاده اللسرير كولها مويه تحلم امي يا ولد بس اقولها ماما هيه امي تتحلم ابغى اضحك عاليها وابغى احد يسعدني اني اقوم من على السريرهههههههههههههههههههههههههههههههه فعلن اول ولادهزكريات حلوه اول فرحاه واول مواقف غريبه

والله تابعت قصصكم كلها اثارة واكشن خصوصا الشلالات>>>هههههههه

الله يستر علينا

لي ولدت ان شاء الله اخبركم بقصتيه وعساها تكون ميسره وما تفشل ههههه

ربي يسهل على كل حامل يارب

مشاللله موضوعك حلو واستمتعت وانا اقرا
انا توني هذا اول حمل لي والله يستر وين بيجيني الطلق هههههه

متابعه

Ba7reneyah;8008811:
ما تخوف الولادة ، تقريبا شربة ماي أو شاي :)

ريتال2008;8012874:

هههههه اني ابيها شربة مااااي

لأن الشاي حار :tongue:

ههههههه خليتيني أضحك من قلبي ، عسى قلبج السعادة (f)

خلاص غيرت رأيي كأنها شربة عصير من اللي تحبينه :cool: