ابي ردكم ضرووووووري زوجي يبي يردني بس شوفوا اسلوبه

هذا ولد امه ..
وهذا القرار راجع لج ..

انتي اكثر انسانه تعرفين مصلحتج ..
وشوفي حياتج وين بتكون معاه كزوجته
وين بتكون بدونه في بيت ابوج كمطلقة ..

لا تتسرعي
هدي أعصابك وفكري بهدوووووووووووووووووووووووء
واستعيذي من الشيطان

ياحبيبتي مادري وش اقولك بس انتي ادرى واعرف بمصلحتك مع ان الرساله واضح برده انه يبغاكم بس واكيد بيقول لك بهالطريقه لانه مايبغى يبين لك انه مشتاق لكم يعني اذا بتشوفين انك تقدرين تتحملين تصرفاته وكثرة المشاكل مع امه فارجعي وادعي كل يوم واستغفري وانشالله الله يحبب زوجك فيك ويسخره لك
واذا شايفه انك مرتاحه بيت اهلك وانه طلاقك منه هو الحل فانتي لك الخيار والله يصبرك وحاولي تستخيرين وتستغفرين وان شالله بكره تعرفين تختارين ........

واتمنى من الله العلي القدير انه تنحل مشاكلكم وربي يسر اموركم ويرجعكم لبعض ويهديه يارب

أختي الغاليه صلي على النبي وهدي عمرج ولا تتسرعي ف أتخاذ القرارات أول شي فكري إنه ما فيه بيت خالي من المشاكل وهذي النقطه خليها فبالج والحمد لله نشكر الله على ها النعمة نحن أحسن من وايد ناس متعذبين وحياتهم وايد صعبه وخلي في بالج إنه محد كامل ف ها الدنيا إلا وجه الله الكريم والريال مهمن كان إنسان يتأثر من أي حد سواء من ربعه أو أهله وإذا أمه تتكلم بهذا الأسلوب فكوني أحسن منها وعرفي إن أمج لمن حد يتكلم عليها ف غيابها تاخذ حسانات وعمتج تاخذ سيئات والإنسان إذا الله بلاه بإنسان جاهل لازم يكون عاقل ما ينزل مستواه للجاهل وأعملي لأخرتج يا أختي وكلمي ريلج بالهداوة قوليله راعي شعوري بينيله حبج وذكريه ببنتكم إذا فيه أي واحد منكم يقدر يعيش بعيد عنها وذكريه إنه الله رزقنا ها البنت لحكمة ما يعلمها إلا الله يمكن أتكون الرابط القوي اللي يربط علاقتكم ببعض ولا تتكلمي ع أمه وأنتي معصبه لأن ممكن تقولي كلام يعصب بريلج وأي ريال ما يحب حد يتكلم ع أمه بالخطء وأنصحج أتردي لبيتج وأتذكري الله ف كل وقت وتدعي ربج أنه يسعدج مع ريلج ويهدي عمتج وأصبري فإن الله مع الصابرين

شوفي رأي أهلك في الموضوع واستخيري اليوم وشوفي شو الله بيفتح عليكي

هذى ضعيف الشخصيه جدام امه ما يقدر ياخذ قرار لا بستشارتها

اختي الله يكتبلك اللي فيه الخير
ما اقدر اقولك غير كذا
وفكري ببنتك بعد
والله يسخر بينكم يارب,,

الريال لو له ألف عيب يمكن تقدرين تعيشين ويا الا البخيل وولد أمه وخاصه اذا امه أم مشاكل أعوذ بالله منها

انزين المسج صح ومافيه شي غلط !!

ارجعي نفس ماطلعتي :)
هذا احسن حل .. وتعوذي من ابليس

من رايي اقرئي سورة يس وفكري بهدوء

اكيد زوجج في شغلات يلين فيها اتجاهج مثلا لين كلمتيه وفهتيه ان حياتكم المفروض محد يتدخل فيها لا اهلج ولا اهله وان هالامور اتدمر اي علاقه زوجيه

وان من الخطأ يغلط على امج على الاقل يعرف اخطائه وين .. هذي امج هو يرضى تغلطين على امه ؟

لازم يكون في احترام بينكم وتفاهم هذي هي العلاقه الزوجيه الناجحه

اذا العلاقه بينكم وصلت لطريق مسدود وانتي في بيت اهلج الحين الافضل ان شخص من عائلتكم يكون فاهم ومثقف هو يحل هذا الاشكال

شمايل1;7990814:
أختي الغاليه صلي على النبي وهدي عمرج ولا تتسرعي ف أتخاذ القرارات أول شي فكري إنه ما فيه بيت خالي من المشاكل وهذي النقطه خليها فبالج والحمد لله نشكر الله على ها النعمة نحن أحسن من وايد ناس متعذبين وحياتهم وايد صعبه وخلي في بالج إنه محد كامل ف ها الدنيا إلا وجه الله الكريم والريال مهمن كان إنسان يتأثر من أي حد سواء من ربعه أو أهله وإذا أمه تتكلم بهذا الأسلوب فكوني أحسن منها وعرفي إن أمج لمن حد يتكلم عليها ف غيابها تاخذ حسانات وعمتج تاخذ سيئات والإنسان إذا الله بلاه بإنسان جاهل لازم يكون عاقل ما ينزل مستواه للجاهل وأعملي لأخرتج يا أختي وكلمي ريلج بالهداوة قوليله راعي شعوري بينيله حبج وذكريه ببنتكم إذا فيه أي واحد منكم يقدر يعيش بعيد عنها وذكريه إنه الله رزقنا ها البنت لحكمة ما يعلمها إلا الله يمكن أتكون الرابط القوي اللي يربط علاقتكم ببعض ولا تتكلمي ع أمه وأنتي معصبه لأن ممكن تقولي كلام يعصب بريلج وأي ريال ما يحب حد يتكلم ع أمه بالخطء وأنصحج أتردي لبيتج وأتذكري الله ف كل وقت وتدعي ربج أنه يسعدج مع ريلج ويهدي عمتج وأصبري فإن الله مع الصابرين

لا تضيعين هالبنت بينكم وصدقيني مافي بيت مافي مشاااكل

ارجعي له وحاولي تفتحين صفحه جديدة .. واصبري ثم اصبري ثم اصبري علشااااااان هالبنت ارجعي له وعيشي حياتك كزوجة احسن .. ولا تنسين الاستغفار والله يصلح الحال ياقلبي

انا رديت عليه قلتله ما راح اكره ابو بنتي مهما جاء منه وكنت اتمنى بنتنا تتربى وسطنا وانك كنت نعم الاب لبنتك وطلعتي كان لا بد منها لانك تماديت واللي يريد يبدأ من جديد لابد يغير من نفسه احنا مانناسب بعض ومثل مادخلنا بالاحسان نطلع بالاحسان


السبب اني فكرت فيها يا خواتي ان رديتله برد لنفس الموال وللاسف ما يكلمني باسلوب حلو مثلا اليوم قالي ابي اشوف البنت قلتله انا رايحة الصيدليه وراده اجيبلها دواء لانها مريضيه قالي ليش ما حد خبرني قلتله انت ما ا تسأل عنها ابدا تي تشوفها من الباب وتردها من الباب قالي من كثير ماتحوطي وانتي وانتي قلت هذا ما بيتغير الطلاق صعب بس انا انجرحت منه كثير ماكرهته بس ما اظن اقدر اعيش معاه

بصراحه انا رايي من راي البنات مع تناقض الآراء وانت يا حبيبتي ادرى بزوجج وطبعه ولا تستعجلي
واستخري واستشيري وفكري واتخذي القرار الصح اللي في مصلحتج وراحة بالج ومصلحة بنتج
والله يهنيج ويوفقك ياربويهدي سركم ويستر عليكم

وييييييي مغرووور معتبرررنج كانج ولا شي ويبي يمسسح كرامتج وهيببتج سمعي اختي عندج حليين انج ترجعيين وبدللع وتهديين الامووور وكانج عروس يديدة ..او انج تحافضيين على كراامتج وتقعدين اب بييتج ولا تقطيين نفسسج عليه اسلوووبه مال واااحد يبي يستهزء فيج

انا عكس البنات يااخواتي احنا بس سمعنا المشكله من طرف واحد واكيد اذا هو دخل

وكتب المشكله بتقولوا لا هي الغلطانه لان كل انسان يكتب المشكله باسلوب غير

اسمعيني اختي اعطيه فرصه ثانيه امكن يتغير روحي بيتك مافي احد يدوم لي احد

روحي بيتك وتجهزي له وهدئي الجو حاليا الين مايهدء تناقشي معه بهدوء

وباادب وفهميه ان لايذكر امك مهما حصل لان هو ماراح يرضى على امه

وعن سالفه امه يااختي انتي باايدك تقدري تكسبي زوجك لصفك وتخليه

مايسمع كلام امه واحترميها دائما واشكري امه قدامه عشان اذا جت وتكلمت عنك

بيوم يدافع عنك ويعرف انه نيتك حسنه اتجاهها ومايصدق كلامها عليك

وكوني قولي له امي اليوم مدحتك امي قالت زوجك طيب حاولي تقربي بينه وبين امك

وربنا يوفقك للي خير لك يارب ومن المسج تبعه لك شكله يحبك ومشتاق لك

وحاسس انه زعلك بس يريدك مثل ماطلعتي تردي بروحك وتتعلمي درس ان ماتطلعي

ثاني مهما حصل من بيتك

وطمنينا عنك اختي وربنا يسعدكم مع بعض ياااارب

وعلى فكره هو الان معصب منك لانك طلعتي واكيد امه زيدت كلام وعبته وكذا

فتقبلي الكلام الان لانه حاليا راح يكون كثير متغير منك زي مااانتي تشوفي روحك

مجروحه هو اكيد يشوف نفسه مجروح منك

وعفوا اذا طولت عليك

الله يعينك
استخيري اولا
ثانيا بنتك مصيرها تكبر وتتزوج او ياخذها يعني لاترجعين عشانها
ثالثا هذي حياتك وسعادتك انتبهي تضغطين على نفسك ترى محد تعبان غييييرك

فكري في بنتك شلون بتعيش لما تتطلقين !! وفكري في حياتك انت بعد

حرام هالبنت تكون مشتته

فكري فيها لما تكبر !!

فكري بالمستقبل كمان

لما تشوف كل صديقاتها عندهم ام وأب واهي شلون بتكون حياتها

ارجعي لكن بشكل جديد وبشخصية اقوى وحلي المشكلة بهدوء وبعقليه أكثر اسمعي لرأي رجل في عائلتك رأي الرجل عقلاني جدا احنا البنات نفكر عاطفياً اكثر وهذا مايحل المشاكل بالعكس يكبرها اكثر

استعيني بشحص " رجل " في عائلتك وخليه يعطيك الحلول والدك او اخوك لانهم يحبوك ويخافون على مصلحتك وصدقيني كل شي يقولونه يكون في مصحلتك

حافظي على عائلتك وبيتك من الإنهيار

في رأي الرجل مايخسر شي في كثير بنات بهالدنيا !! لكن انت صيري العاقله وحاولي ترجعي وتخليه يحبك اكثر ومع مرور الايام راح يفهم ان كل كلام والدته خطأ بحقك

حطي لك خطة وهدف ابدأي من جديد

صدقيني ماراح يخسر او يكسب غيرك انت

انت اللي تعرفين مصلحتك وين ؟؟ لاتهتمي لكلام ام زوجك ولااحد بهالدنيا اهم شي مايخترب بيتك حاولي بكل السبل تحافظي عليها

اممم
يعني يسب امج ويبيج ترجعين

هو يرضى انتي تسبين امه ؟؟؟؟؟؟؟

سؤال يطرح نفسه

انا لو مكانج ما ارجع الا بكرامتي مب بمسج

وعن سالفه البنت .. انتي شرايج بنت وحده ولا تجيبين اربعه ولا سته وتتبهدلين معاه

فكري عدل .. يعني البنت بتعيش مهب ميته الله يخليها لج يعني فكري بحياتج انتي مع هالشخص

(( هل هو يستحقج )) ولا بس فالح يتأمر ويستهزء


الله يفرج همج ان شالله