ابي اي وحده تدخل وتقرا حالتي من المتزوجات وتعطيني رايها..!

غــــــــــــلا 05-12-2008 70 رد 3,084 مشاهدة
w
اختي حاولي تقعدين معاه وتكلمينه بكل صراحه وقوليله يا فلان ترا اسلوبك معاي مرررررررررره مو حلو وانا ترا اللي قاعده اسويه عشان اسعدك وارضيك و ما اخلي شي بخاطرك بس انت تحبطني وحاولي تقردنينه والله يسعدج
غ
تسلموووون ياعسولات ......................

والله يريح بالي وبالكم

ويسخرلكم ازواجكم....
.
لالالالالالالالالالالالا

لا تسمعي اللي يقولون لك عطيه العين الحمرا ومدري شو..

صدقيني هذي اكبر غلطة اي بنت تسويها لان الرجال يحب البنت تكون اضعف منه مو هي الرجال و هو الحرمة!!!

اصبري عليه و سوي اللي قالت عنه الأخت موني كلامها حلو...اتفاهمي بالهداوة وان شاء الله امورك تنحل بس نصيحة مني لا تتحديه بأي شي خليكي الحرمة وهو الرجال يعني لا تسترجلي عليه ولا رح يحطمك اكثر و يقوللك كلام ما تحبي تسمعيه
ماني متزوجة و اكيد المتزوجات عندهم خبرة اكبر بس انا مخطوبة من 6 سنوات يعني من لما كنت 15 سنة و خطيبي علمني كل شي علمني كيف يحب اني اتعامل معه و اش الصح من الغلط و اعرف اش الرياييل يحبون

و عاد شوفي ردود الخوات و شوفي اش الصح و سويه براحتك
غ
والله يابنات اني من جد ضايق صدري منه

اليوم زعلان ولا يكلمني ...

وانا بصراحه خلاص مافيني اتحمل اكثر من كذا

يقول دلعتك بزياده
*
حسسيه ان هالشي يضايقج

او اذا استهبل عليج مثل على الاكل وقالج اكلج ماشي حاله قوليله اي والله احسن من ولا شي


احس ان هو مب قاصد يزعلج بس هاي اختلاف في التفكير
هو يمكن تفكيرة ناضج بزياده

انتي لاتزعلين ولاتشيلين هم

واذا لبستي وكشختي وماقالج شي قوليلة حبيبي شرايك فيني ولا شرايك بملابسي

حاولي تاخذين رايه في كل شي
و تحسسينه انه مهم في حياتج ومع الايام بيتعود على هالشي
ع
ربي يفرج عليك وعلينا أجمعين هذا كل اللي أقدر أقوله الحمد لله
ر
ياعزيزتي كل وحده فينا في بداية زواجها تمر بالمرحله هذي والرجاجيل مايفكرون الا بانفسهم

انا زوجي مثل زوجك ويمكن اكثر مع العلك انه يمووووووووت فيني ومايقدر يستغني عني بس اذا عصب مايعرف وش يقول يجرح فيني ولا يحس توصل فيه حتى انه يقولي (بقره) واذا كنا نتناقش بموضوع فتحناه من قبل واقوله انت قلت كذا وكذا يقولي انتي كذابه مت عرفتش وانتي كذابه ... وش رايك

وفي نفس اللحظه يحس بغلطته ويحاول يتحرش ولا كانه قال شي تحسيه ندمان

انا في بداية زواجي كنت مصدومه من تصرفاته وكنت طيبه وعلى نياتي مارد عليه سلاحي كانت دموعي ماكنت اتحمل

تعود يشوفني ابكي وسكوتي له خلاه يتمادى وقهري يزيد لدرجة ان نفسيتي تكووووون مررررره زفت

اما الحين لا مااسكتله اردله الصاع صاعين اذا قالي شي اقوله انت اللي كذا وكذا لان الطيب ماينفع مع الاشكال هذي بعض الرجاجيل يتلذذون بمهانة الزوجه يفكرونه رجوله

والحين صار لي 4 سنين زواج ولا تغير فيه شي لاالطيب نفع معاه ولا العين الحمرا نفعت معاه

انا اللي خلاني ماتخذ قرار حاسم بحياتي لان من اول شهر زواجي حملت وقلت اتحمل عشان هالولد مابيه يكون ضحية خلافاتنا

لكن انتي توك صغيره لاتكونين ضعيفه حاولي تحسسيهان مو انتي المره اللي تسكت على مذلتها حاولي معه واذا مانفع لازم تكلمين احد تخليه يتفاهم وياه

والله يوفقك ويتعدل وياك لاني قسمااااااااااااااا بالله حاسه فيك
ا
حبيبتي انت زوجك يحط ويحبط ويحقر من قدر اللي يتعامل معاه والشخص الذي يعمد الى هذا الاسلوب يتعامل معك بصوره معينه بهدف أشعارك بضعف قدراتك و قلة شأنك مما هو عليه ،، بس أنتي لا تعطينه هذا المجال حبيبتي لأنه راح ينعكس عليك،،



الحــــــل


أولا/ ابدااااااااااااااا لا تاخذي كلامه مقياس لذاتك ولا تدعيه ياثر ف شخصيتك
ثانيا/ امتدحيه واشعريه بانه حبك وانك لن تنظري لاحد غيره ولا تذكري ابدااا ان فلانه خطبتك او ان هناك من ينظر لك بحب او باعجاب فهذا يثير غيرة الرجل وهذا حقه لكن اسلوبه خطاء



لكن اياك والبكاء لانه يكرهه و يكره الحديث معك وانتي تبكين تقبلي ان زوجك شخصية مختلفه عنك انتي تجاهليه لفتره و تجاهلي افعاله سيبحث عنك ربما تجدين حلي غريب لكن جريه فهناك انفس وشخصيات غريبه والتعامل معها يكون غريبا ولا تجعلي كلماته مقياس لثقتك بنفسك واهم شيء تجنبي الصراع معه لانه سيخرج سيل من الكلمات القذره ليرميها في وجهك وهو غاضب


فتجنبي ذلك قدر استطاعتك




بعض النصائح المهمه للتعامل مع التحقير من الشأن بالقول :-(الأستاذه/موزه خلفان )





1-ابدا لا تتركي ساحة المعركه ولا تنطوي على نفسك عندما يوجه اليك اي انتقاد ان هذه احد الاساليب اللتي يجب ان تفعليها لتوقفي الانتقاد






مثال ذلك





زوجك ينتقد طريقة لبسك ترتيبك للمنزل الغسيل .......الخ



ردت فعلك تشعرين بالغضب والعجز قد تبدئين في البكاء او تثورين وتبدئين شجار لا قيمة له




الصحيح




قولي له انا راضيه عن نفسي وان لم يعجبك فهي مشكلتك ولكن بهدوء






2- انتبهي لمشاعرك فاذا شعرت بان احدهم قد نال منك فهذا معناه انه قد حصل حاولي ان لا تاثر كلماتهم في نفسك





3-حاولي ان لا تأخذي الامر على محمل شخصي








4-اعترفي بمشاعر المحقر من شأنك فقد يكون متضايق منك لسبب معين وبما انه شخص لا توجد لديه وسيله اخرى للتعبير غير التحقير فهو يستخدمها اطلبي منه ان يعبر عن مشاعره باسلوب مختلف فانتي تستطيعين التفهم والتسامح والادراك






5-اذا خرجت الامور عن السيطره فمن الافضل ارجاء المحادثه لوقت لاحق فهو افضل لك





6-تعاملي مع الرجل بصوره عقلانيه فهو عقلاني اكثر منك فاذا تحدثت مع زوجك بصوره عقلانيه ستجذبينه للحديث والاستجابه لك اكثر من لو تحدثتي معه وخلطي المشاعر بالموضوع عندها قد تفقدينه لانه سيصعب عليه الفصل بين العبارات العاطفيه والاخرى العقلانيه اهم ما سيقوم به هو عدم سماعك فاذا بدا شجار بينك وبين زوجك وبدا بتحقيرك قول له بكل عقلانيه واعيديها عليه ليفهم ما السبب من كل كلماتك هل تريد حل المشكله ام تريد جرحي فقط ؟؟؟







واذا لم يستجب انتظري لليوم الاخر واعيديها عليه بطريقه مختلفه مثل ان تقولي امس كنت اريد احل المشكله بطريقه عقلانيه بس انت كل همك كان جرح مشاعري لدرجه صرت احس اني غبيه واذا استمر في التحقير اخبريه بان ما فعلتيه كان لتسويه الموقف بتعقل واثبتي على موقفك واخبريه بانك اخبرتيه بنيتك في اصلاح الامر لكنه مستمر في جرح مشاعرك وانه لن يستطيع اقناعك بالعدول عن رايك








حتى ولو استخدم القوه والانتقاد والتحقير ومن الممكن ان تستخدمي نفس اسلوبه في الانتقاد



مثال



ذلكل و كان ينتقدك بسبب التاخير او بسبب النظافه اذا تاخر ابدئي في انتقاده بنفس الاسلوب ليشعر بما يفعله بك او اذا رايتي انه يرمي الاوساخ في الصاله انتقديه بنفس الاسلوب




وفي الاخير لا يوجد حل نموذجي للمحقر لان الشخصيات



مختلفه ومتنوعه والمواقف مختلفه ومتنوعه





فالمهم اذا هو ثقتك انتي في نفسك وفي حكمك على الموقف


الله يوفقك حبيبتي وطبعا نقلت لك كلام أخصائيه ،،
w
الله يهديه لج يارب ويسعدج معاه
غ
الحمدلله والشكر لك يارب

انك رزقتني باخوات يساعدوني في مشاكلي


الله ييسر دربكم ويسعدكم وين ماكنتم ويسخرلكم ازواجكم


اللهم امين


من جد نصائح غاليه والله علي
ر
حبيبتي ,, زوجك غلطان ,,
الحياة الزوجية رحمة ومحبة وماهو من الأدب
على الرايحة والجاية يهينك ويحطمكم
اذا الواحدة ماوقف معها زوجها من يوقف معها؟؟
وانت توك ببداية حياتك لازم تعلمينها على الاشياء
الي تحبينها ومايرضى عليك الزعلة لأنك عروسة
بكرة لا صار فيها اطفال ماتقدرين تربينهم زين
ولا رح يسمعون كلامك طالما ابوهم هالشكل ,,


تخصصك رائع جداً ليش يهينك ؟ هل عنده نقص من هالناحية ؟
حاولي تخففين من الحديث عن الوظيفة والتخصص ,, خلي
كل شيء بوقته حلو ,,


ادعي دوم ان الله يسخره لك ويهديه ويحن قلبه عليك ,,

لا تخلينه يتكلم عليك على الرايحة والجاية ,,
وخليك واثقة من نفسك لما تطبخين طبخة كلي منها
وانت مبسوطة وواثقة ولا تنتظرين رايه او تاخذين رايه

وخففي من الليالي الرومانسية لأنك توك بالسنة الاولى
يعني مايحتاج تسوينها توك عروسة ,,


الله يسخره لك يارب
ر
الله يعينك
حاولي تتناقشي معاه باسلوب حلو
وقولي له انو يحطمك في اشياء كثيره انتي ماسويتها الا لترضيه
ولا تدققي كثير
لازم كذا اول سنه زواج
والله يسعدكم
ل
الله ايعينج ويسخره لج

عليج بالدعاء والاستغفار


والله ماعندي حل لكن ماحبيت اطلع بدون مادعي لج
*
في بعض الرجال جذي طبعهم..
هو ما يجذب عليج إذا قال لج انه اهو يحبج بس هو طبعه جذي...
خصوصا انج قلتي يوم قمتي تبكين قعد يضحك عليج لأنه هو حاط في باله انه كلامه ما يزعل وشي عادي..
حبيبتي انتي ما عليج من هالأمور والله في بنات عندهم مشاكل كبيرة في حياتهم مع أزواجهم لكن متحملين وعايشين...
حاولي انج تتأقلمين مع طبعه لا تتوقعين انه الشخص الي راح تاخذينه راح يكون مثلج بالضبط..
انتي عشتي مع عائلة غير العائلة اللي هو عاش معاها يعني انتي في بيئة وهو في بيئة شي طبيعي بتكون أطباعه مختلفه عن أطباعج..
حبيبتي انتي الحين كلميه وقولي له انته ليش تسوي جذي...!!!
إذا الشي مو عاجبك لا تهيني بس قول مو عاجبك بطريقة حلوة أنا كل شي أسويه عشانك وحاولي انج تفهمينه وجهة نظرج بس بدون ما تسببين مشاكل بينج وبينه...
ولا تعطينه فرصة انه يهينج لأنه إذا عودتيه راح يهينج كل يوم...
وصلي له وجهة نظرج والشي اللي تبيه بدون مشاكل..

الله يصلح حالج ويسخر لج زوجج..
n
أختى المفروض انكم فى بدايت الزواج كله حب ورومنسيه اذا لم يكن الان كيف با تكون حياتكم بعد كذا؟؟


والظاهر انك من اول يوم سمحتى له انه يغلط عليكى وهذا غلط كبير ان اى واحدة تسكت على الغلط

لانه بعد كذا يتطاول عليها حاولى تكونى تستخدمى معه اسلوب التطنيش ولا حتى تردى على كلامه

الله يفرج همك
1
حبيبتي زوجك من النوع الشحيح الرومنسيه
بس باذن الله يتغير
يمكن ينبسط اكثر معاكي لو اكثرتم من التمشيات والطلعات
او مثلا جهزتي له سهرة بسيطة ومشاهدة فلم اكشن (ترا الرجال يحبون هالشي )
وكمان يحبون المراة اللي تطرح موضوع مهم وتقعد تتفلسف فيه وتثبت رايها
ويحبون المراة الاجتماعية واذا شاف هذا الشي بيعجب فيك وتتذلل الصعاب باذن الله
اما بالنسبه للطبخ خليكي واثقه من نفسك وقولي له اهم حاجه يعجبني انا وذكريه بان الرسول لم يحقر طعاما قط-وجيبي اكلات جديدة من المنتدى ولا تنتظرين رايه ولا تسأليه
ب
ختي لاتسمعين كلام بعض البنات الله يهديهم اللي يقولون وريه العين الحمراولا تعطينه ويه ووقفيه عند حده هذا مب اسلوب عموما انا مع الاخت بنوتة مسقط ودنيتي بنتي في كل اللي قالوه وصدقيني ترا كل اللي قلتي عادي وعلى فكرة وضعي مشابه لوضعج واخذ الأمور بروح رياضية
غ
انتي قلتي انه يحبج صح !!!!!!!!

هذي شكلها طريقه تعبيره عن حبه ^___^


امممم .. انا احب اخواتي و احياناً يسوون اشياء حلوه ..
لكن رده فعلي ( اتمصخر او اضحك او اعلق ) هالشي يخليهم شوي يبتعدون عني .. طبعاً هذا كآن بالبدايه ..



عقب فتره .. فهموا انه يوم اعلق عليهم و لا اتمصخر .. اني فعلاً حابه الشي اللي يسوونه ..
لكن رده فعلي غلط...

مره عن مره كانوا يحرجوني .. يقولون نعرف انج تحبين هالشي او عجبج هذا الشي .. فمآ لازم تكآبرين و تسوين نفسج مب مهتمه ^___^

صدقيني من ذاك اليوم وانا متغيره معآهم .. لأنهم عرفوا و اكتشفوا طريقتي في اخفاء مشاعري حزني او فرحي .. استغرابي او دهشتي ..




اصبري عليه ..
بعدكم .. توكم معاريس جداد ^__^

يوم عن يوم هو بيفهمج .. و يوم عن يوم انتي بتفهمينه !!!




الصراحه مدري ليش كتبت موضوعي مع خواتي <------ مدري لأنه فيني نوم و لا لأنه من صج موضوعج و سالفتي متشابهات ^__^

ب
الله يكون في عونك عليه اول شي
تاني شي اعطيه العين الحمرة وما تخليه يكسر دايما في خاطرك
ما انتي من بشر ودم حرام عليه ما تسكتيله بكرة لما تنجبي اولاد راح يهينك
قدام اولاد فانتي من اولها اكسري الحاجز الي بنك وبينه
ديري بالك على حالك منه
m
حبيتي انا نفس حالتج بس زوجي اكبر مني ب 3 سنين وزود هو دوم يحبطني وكنت نفسج انقهر واتظايق بس خلاص ماصرت اسمع .. وكل مره اجرب شي معاه وانوع له في الحلول .. وابعد عن الانتقادات وامشي حالي
X