ولدي غريب؟؟؟؟

طايره في السماء 03-12-2008 9 رد 1,155 مشاهدة
ط

خواتي الغاليات

أنا عندي ولد عمره الحين

تقريبا

سنتين وخمس شهور

الله يحفظه ويطول بعمره

المهم

وزنه ماشاء الله حلو


على الرغم من انه ماياكل

الا في ما ندر

وهذا اللي متعبني

عايش على الحليب فديت عمره

انا الحين ابيه يتعود ياكل

بس مادري شلون

ارجوكم ساعدوني


وخاصة اللي مرت بتجربتي
يمكن تفيدني

وش الأكلات اللي تناسبه

مع العلم انه عنيد

وما يسوي الا اللي براسه

مجنني


ح
خخخ العنوان يشد ويخلينا ندخل غصب بعدين تقولي ولدي مايأكل ...

شوفي اختي لاتغصبيه على اي شيء لان لما تغصبيه وتلحقيه بالاكل راح يعاند للفت انتباهك ..الطفل راح يجوع اكيد اذا قال مابي اكل خلي الاكل على جنب لليل راح يجوع ويفتح الثلاجة ويأكل وحاولي تنوعي في الاكل فاكهة قطعي له حبات فراولة ومانجو واعملي له رز وروب وبقوليات ومكرونة هالاكل الاطفال يحبونه.
ط
حب وحزن

والله شايفته غريب

هههههه

وشكرا على النصحية بشوف

بكره بحاول اجرب
b
حبيبتي حاولي تقللين عنه الحليب عشان في المقابل ياكل في البداية صعب بس بعدين بيتعود ولد ماشالله كبر انا بنتي سنتين والدكتور زفني عالحليب قال قطعيه فورا
ا
يمكن اعتماده على الحليب هو اللي امخلينه كذا أنا بنتي في عمره تشرب الحليب الصباح مع الفطور و مثلج كانت بنتي وما زالت قليلة أكل لكن متى ما جاعت تاكل مو تغصبين ولدج على الأكل...
وعلى فكرة بنتي عمرها 3 سنوات و وزنها 12 كيلو بس يعني نحيفة لكن اتبعت اياها أسلوب ونفع وصارت تاكل
1- شراء أغراض الأكل بشخصيات وألوان طفولية :
روحي واشتري له صحون وملاعق وشوك..الخ للأطفال يعني بشخصيات كارتونية, أنا رحت مع بنتي سنتر بوينت واختارت لها مجموعة طعام لتليتابيس و سبايدر مان و فلة وكم كوب طفولي وملون بألوان حلوة ..
2- إتفنني في طريقة تقديم الطعام
يعني حطي لها فاكهه مقصصه بشكل وردة تنعمل في التفاح والكمثرى أو عجلات تنعمل في البرتقال أو حلقات صغيرة في الموز..الخ.., في طريقة وضع الرز مع السمك ..الخ
3- التحفيز
اعملي مسابقات بينكم على الغذاء أو العشاء مين اخلص صحنه قبل .. أهو لو أبوه :) وتعطين نجمة لو بوسة لو هدية للي يخلص طعامة قبل ..
4- أخذ رأيه..
تاخذين رأيه في شنهو اللي يبي ياكله اليوم ..لكن مو دايماً:wink: علشان لا يتعود ويأذيج ..
5- خففي أكله للحلويات والشبسات
احتمال ياكل هالأشياء وبعدين يشبع وما يرضى ياكل غير هالأشياء..
.
.
والله هالطرق خلت بنتي تاكل واللحين ما أغصبها لأنها متى ما جاعت أكلت ..
ط
تسلمون على المعلومات

شكرا الفاطمية ان شاء الله بجرب
&
حبيبتي فديتج انا بنتي تقريبا بنفس عمر ولدج وحاسه بمعاناتج

تأذيت وياها لما كانت تشرب الحليب كان اعتماده ع الحليب فقط ومن النوادر لما تاكل

بس من فطمتها بدت تاكل وصار في تحسن عن اول

يعني كانت المشكله الأساسيه من الحليب

الحين يجيها ايام ما تحب تاكل ويكون اكلها خفيف بس احسن من اول

واختي الفاطميه كفت ووفت وانا اتبع مع بنتي مثل الأساليب تقريبا

وعن الأكلات الي يحبونها اليهاااال

اكثر شي المعكرونه_ الروب والزبادي والكستر _ الهريس _ الشوربه

وهاي اشياء كلها مغذيه

نسيت الصالونه بناتي عشقهم الصالونه مع الرز

وبس
أ
ولدي اغرب
عمره 3سنوات و2شهرين وعايش ع حليب المراعي بالفراوله
يعني الحال من بعضه
المشكله وزنه زين وماياكل الا ماندر
أ
سالفة الحليب مع أطفالناا ساالفة

هذي المشكلة المعهودة و المعروفة عند كل طفل قليل الأكل

وهي شرب الحليب

للعلم ياا أمهاات فأن الحليب يسد شهية الطفل للأكل و بالذات الحليب المنكه لو يشرب الطفل منه مقدار بسيط سيعمل على سد شهيته

حطوا في باالكم هالشي و لا اتخلونهم يشربون الحليب قبل الوجباات و ان شااء الله بتنفتح شهيتهم للأكل وماا رااح يعذبوكم

و دمتم برعاااية الله و حفظه ..
أ
الفاطميه;7963832:
يمكن اعتماده على الحليب هو اللي امخلينه كذا أنا بنتي في عمره تشرب الحليب الصباح مع الفطور و مثلج كانت بنتي وما زالت قليلة أكل لكن متى ما جاعت تاكل مو تغصبين ولدج على الأكل...
وعلى فكرة بنتي عمرها 3 سنوات و وزنها 12 كيلو بس يعني نحيفة لكن اتبعت اياها أسلوب ونفع وصارت تاكل
1- شراء أغراض الأكل بشخصيات وألوان طفولية :
روحي واشتري له صحون وملاعق وشوك..الخ للأطفال يعني بشخصيات كارتونية, أنا رحت مع بنتي سنتر بوينت واختارت لها مجموعة طعام لتليتابيس و سبايدر مان و فلة وكم كوب طفولي وملون بألوان حلوة ..
2- إتفنني في طريقة تقديم الطعام
يعني حطي لها فاكهه مقصصه بشكل وردة تنعمل في التفاح والكمثرى أو عجلات تنعمل في البرتقال أو حلقات صغيرة في الموز..الخ.., في طريقة وضع الرز مع السمك ..الخ
3- التحفيز
اعملي مسابقات بينكم على الغذاء أو العشاء مين اخلص صحنه قبل .. أهو لو أبوه :) وتعطين نجمة لو بوسة لو هدية للي يخلص طعامة قبل ..
4- أخذ رأيه..
تاخذين رأيه في شنهو اللي يبي ياكله اليوم ..لكن مو دايماً:wink: علشان لا يتعود ويأذيج ..
5- خففي أكله للحلويات والشبسات
احتمال ياكل هالأشياء وبعدين يشبع وما يرضى ياكل غير هالأشياء..
.
.
والله هالطرق خلت بنتي تاكل واللحين ما أغصبها لأنها متى ما جاعت أكلت ..



الله يعينك

الأخت الفاطميه ماقصرت

وحتى انا بسوي مثلها لبنتي لان ماتاكل عدل
X