ماهو افضل حليب صناعي متابعه مع الطبيعي

مرحباا اختي الغاليه,,,

انا ما سمعت عن الحليب الي قلتي عنه..وان شاء الله الي مجربه تفيدج,,,

انا كنت استخدم لبنتي سيميلاك بس سبب لها غازات وانتفاخ بالبطن بس كانت تستقبله وماترجع,,,

يس لما رحت للطبيب قالي غيري لها الحليب احسن مش زين لها سيميلاك لانه يسبب لها غازات,,,

رغم ان ولدي الاول كنت اعطيه سيميلاك وماشاء الله ما سبب له شي من الي قاله الدكتور،،،

هذا معناه ان الطفل يختلف من الاخر,,,

ووصاني الطبيب اخذ لها نوفيلاك لحالات المغص والغازات والحمد لله تمام واستقبلته بنتي,,,

والله يوفقج بالاختياار حبوبه,,,

انا استخدم اس 26 بس يسبب غازات لبنتي
افكر اني اغيره

مشكورين حبيباتي

الله يحرمني منكم

لرفع

انا استخدم لولد نان AR مضاد للترجيع ومدعم بالحديد

والحمدالله متقبلنه

والدكتور قال لي بعد ما يكمل سنة اغيره الى نان 1 او نان 2 حسب العمر ما ادري

كنت أستخدم نان لولدي
والحمد لله وزنه حلوو
وسمعت انه تذويب البسكويت الأصابع في زجاجة الحليب يسمن
يعني بسكويته وحده تخلينا مع الحليب وتخلينا تذوب عدل
وبعدين تخلين ولدج يشرب الحليب عادي ,, بس أهم شي يذوب عدل
الصراحه ما جربتها ,, بس وحده من ربعي قالت لي ان حماتها تسوي جذي لأولادها عشان يسمنون
والله أعلم

السلام عليكم .. اني استخدم الى ولدي نانا 1 المدعم بالحديد ...

توني منتبه الى مكان الصنع مكتوب في جمهوريه ايران ,,,,

من عطيت ولدي هالحليب احس زاد الغازات .. وبطنه ما يمشى .. عدل .. وانه اقول يمكن
من أكلي .. اللى اكله يسبب له غازات

وين اقدر احصل نانا1 مصنوع في سويسرا ؟؟

انا من خلال تجربتي احسن حليب صناعي استخدمته لبنتي وولدي وماكان وراء مشاكل مثل الغازات والامساك كان حليب سيميلاك ادفانس.

نور الدنيا;7965511:
حبيت أنقل لكم هالموضوع عن حليب نان ... ويمكن اتعرفونه بعد ... بس حبيت أفيدكم ...





السلام عليكم ورحمه الله وبركاته ..

أخواني وأخواتي الكرام ..

رزقني الله بمولود وكسائر المواليد فهو يأخذ الحليب من صدر امه بنسبة 75% ويأخذ الحليب الصناعي المباع في الصيدليات بنسبه 25% كداعم للحليب الطبيعي

بعد بلوغ طفلي شهره الأول اوصاني طبيب الأطفال بأاخذ حليب اسمه نان1 وهو تابع لشركه نستله العالميه وكنت آخذه من صيدليه قريبه من منزلي واستمر هذا الحال لمده وكان وضع الطفل ولله الحمد طبيعيآ

وانتهى الحليب فأوصت (زوجتي) بجلب الحليب فكنت في مكان بعيد عن بيتي اي بعيد عن الصيدليه اللتي اشتريت منهاا الحليب للمره الأولى وهي صيدليه اطلس وهي صيدليه معروفه وصاحبه فروع كثيره في الرياض .. واشتريت نفس الحليب (نان1) وبنفس السعر وأخذته الى ( زوجتي) واستخدمته لطفلي وإذا بهذا الحليب مختلف .... كيف !!

طفلي اعزكم الله .. لم يتبز لمده اسبوع كأمل وكثرت غازات بطنه وكثر استفراغه يعني :: يوجد مشكله ::

فذهبت بطفلي الى طبيب اطفال فقال لي : هل غيرت نوع الحليب الذي وصيتك به فقلت : لأ فقال : اوقف الحليب الصناعي .. ربما جسم طفلك لايتقبل هذا النوع او اي نوع فقلت له كان في السابق جيد مالذي تغير !! اهوو الجو ..؟ ام ماذا ...؟ فصمت ..

رجعت الى الصيدليه القريبه من منزلي التي شريت منها نفس الحليب وهي صيدليه المسند فأخذت عبوه من الحليب نان1 وأتيت بها الى منزلي فجلست أقارن بين العبوه الأولى من صيدليه أطلس .. والعبوه الثانيه من صيدليه المسند .. وكأنت المقارنه كالآتي :

الإسم : نفس الإسم (نان1 )
الشركه : نفس الشركه (نستله )
العبوه : نفس العبوه
الغطاء : نفس اللون

فاالتبس علي الأمر ..!! فذقت الحليب بإصبعي فإذا بعبوه طعمها كحليب (نيدو) والعبوه الأخرى طعمها مختلف ولون الحليب في العبوتين مختلف وملمسهما مختلف

فتصورت ان هناك غش وصل حتى حليب الأطفأل واذا بالموضوع والله اكبر .. العبوه الأصليه في نان1 مصنوعه في هولندا والعبوه ايضآ الأصليه الاخرى مصنوعه في ايران .. والوكيل نفسه نستله سويسريه فخاطبت وكيل نستله في السعوديه فقلت لهم :الموضوع ...كذا و كذا ... فقألوا لي : جميع انواع الحليب نان1 الموجود في السعوديه هو من صنع هولندا .. فكيف أتيت ب نان1 ومشترى من السوق السعودي مصنوع في ايران ..!! فقالوا : تأتينا يوم الإثنين 24 ديسمبر /2007 فإلى ذلك الموعد ..

فرجائي ان تتأكد من أن نان1 بجميع انواعه :: مصنوع في هولندا ::
والسلأم عليكم .. ورحمه الله وبركأأته ..

وهذي صورتهم اليمين هو اللي في هولندا حجمه اكبر شوي








ملاحظه اخرى .. انبهوو على اطفالكم الرضع . من مياة الصحه .. يجب ان تكون جيدة لانها والله تسبب امراض للأطفال .

زهور الأمل;10153972:
السلام عليكم .. اني استخدم الى ولدي نانا 1 المدعم بالحديد ...

توني منتبه الى مكان الصنع مكتوب في جمهوريه ايران ,,,,

من عطيت ولدي هالحليب احس زاد الغازات .. وبطنه ما يمشى .. عدل .. وانه اقول يمكن
من أكلي .. اللى اكله يسبب له غازات

وين اقدر احصل نانا1 مصنوع في سويسرا ؟؟

كل مره أشتري لولدي نان ومكتوب عليه صنع في ايران ,,,
ما اشتكى ولدي من شي بالعكس ,, ما كان يرجع وكنت مرتاحه منه وايد

واللي اشتريه مكتوب عليه
انتاج شركة نستله ايران , قزوين , الجمهوية الاسلامية الايرانيه
شركة منتجات نستله , ش.م.فيفي سويسرا , اصحاب العلامه التجاريه
علامة تجاريه مسجله لشركة منتجات نستله ش.م. سويسرا

يعني الصناعه سويسريه ,, بس التعبئه في ايران
مو ايران هي اللي تصنعه !!

مثل البيبسي بالضبط ,, يجي من الشركه الأم ,, وكل دوله تعبية في مصانعها
ويكتبون عليه ,, يعني اللي يعبئ في السعوديه غير واللي يعبئ في البحرين غير

أريج المحرق;7967472:
هلا أختي وتتربى في عزك إن شاء الله، والحليب ما ءلك إلا أس 26 الصراحة أحسن حليب ومغذي جداً وعندنا في البحرين في المستشفيات يستخدمونه ، وعن تجربتي بنتي وايد كانت ضعيفة ونموها ضعيف وفي الشهر السادس قالت لي الدكتورة أستخدميه والصراحة شفت الفرق بعد فضل الله طبعاً وألحين ولدي ما يحبه وأعطيه نان وايد خفيف بس الحمد لله .
ملاحظة أس 26 صج أنه مغذي بس ما يطيح على كل الأطفال لأنه ثقيل ويسوي غازات .

صحيح الكل يمدح اس 26 وهو معروف البيبي يطلع مربرب وحلو.. بس للاسف انا ما ناسب بنتي قامت تستفرغ وناسبها بيبيلاك.. لكن الحين بعد ما صارت سنة جربت بيبيلاك 3 وما ناسبها..

كل طفل يختلف عن غيره اللي يناسب الاول يمكن ما يناسب الثاني وهذا ما يعني في مشكلة بالحليب مجرد ان الطفل ما تقبلته معدته.. استشارة الطبيب افضل

اني استخدم لبنتي بلميل ابلس وكلها غازات وتصيح حتى ماتستقر في النوم
وبعدين رحت معاها لدكتور وغير لها الى رونالاك والحين اوكي

والله انا حق بناتي قبل 4 سنين كنت استخدم نان 1 وكان ممتاز اما الحين فاستخدم لولدي ابتاميل وايد ممتاز ما حبيت استخدم له نان لان غيرو الشركه والناس تقول حتى الطعم تغير

سلام .. اليوم شريت الى ولدي حليب نوفالاك 1 .. وبجربه وان شاء الله اوكي

انا استخدم لبنتي نان .. واااااايد اوكي

الساهره ندى;7967605:
مشكوره ياقلبي وياهلا في اهل البحرين كلهم

بس حبيت اسالكم في احد سمع عن حليب بليميل بلس

يقولون مره ممتاز يخلي خدود لطفل ويخليه متخت

بس حبيت اعرف اذااحد استخدمه واستفاد من الاخوات

لاااااااااااااا لااااااااااا لااااااااا <<< متحمسه لكن من جد مايسمن ابد ابد .. انا من عمر بنتي شهر الى 6 اشهر وانا استخدمه .. لأنها تعبت من الغازات وهي صغيرونه :confused: .. فأخترته لأنه خفيف جدا" جدا" ومايتعبهم ..

ندمت اني استمريت عليه وتمنيت لو وقفت واستخدمت شي ثاني مثل سيميلاك او اس جولد او بروجرس ..من بعد الشهر الثالث ..:(

لاتستخدمينه الا اذا طفلك ممغوص دايم او عنده امساك بس ...:wink:

انا بديت استخدم بيبيلاك 1 .. ما اقدر افيدج كثير لآني توني باديه اعطي بنتي منه و مره وحد في اليوم لو ما كفى حليبي اللي اطلعه لها لما اروح الدوام.. المهم ما اشوفه سبب لها اي مشاكل و صار لي اسبوع و شي اعطيها هالحليب..

ليش ان الدكتوره نصحتني اني اقلل من الصناعي قدر الإمكان و اظل على الطبيعي..
هو مو ضروري البيبي يكون مخدخد معناته يكون بصحه..
أعرف وحده بنها ما شاء الله عليها كانت دبدوووبه و مخدخده و طلع عندها فقر دم..
الله يحفظ عيالنا..

حبيبتي حاول قدر الإمكان تزيدي من أوقات الرضاعه الطبيعيه

أنا أعطي بنتي سيميلاك وناسبها ويقولو26 يسمن وشوفي شنو يناسبة واعطية

لحد الحين ماعطيت ولدي حليب صناعي بس ودي اعطيه واحترت كل وحده لها تجربه في نوع من انواع الحليب انا مجربه نان كان اوكي بس اشوفهم يمدحون انواع ثانيه محتاره