هل هذا طبيعي ؟؟ ولا لا ؟؟ خبروووني الله يخليكم

فطومة الحبوبة 02-12-2008 9 رد 533 مشاهدة
ف
السلام عليكم .. اشحالكم بنات عروس

يمكن من زمان ما كتبت في المنتدى ..

مشكلتي حبيباتي إني أتذكر

إنه لما يخطبني شاب وأعرف فيه صفة أو شي ما يعجبني أتضايق و أبكي بكاء .. وشكلي يكون مكتئب .. حتى أهلي يستغربون مني ليش أبكي .. يقولون لي البنت بشكل طبيعي تفرح وتطير من الفرحة لما تنخطب وما اتفكر بالعيوب إللي فيه .. ويقولون لي البنات يوافقون على أي شاب .. يعني أكون متوترة وايد وخايفة إنه صدق يكون من نصيبي .. وما أكون قادرة أقول ما ابغيه أو إني مش موافقة لأني أخاف إني أوفت على نفسي الفرصة .. يعني لا أوافق ولا أرفض بس أبكي و أبكي وأهلي يتعبون معاي من النصايح .. وأقلب البيت بكاء وحزن لاني مش عاجبني الولد .. وأبكي لأنه مش هذا إللي أتمناه أو هذا إللي كنت أنتظره .. أمي ما اتصدقني ولا تفهمني إن هذا هو شعوري (( إني بس عشان عيوبه الولد أبكي )) بس هي الله يسامحها على بالها إني خايفة من الزواج ... صدق أحس محد يفهمني ولا حد يحس فيني .. هل أنا فعلا خايفة بتصرفي هذا ؟؟؟ أم هذا شي طبيعي ؟؟؟ والله مب عارفة نفسي .. ليش أبكي لما أسمع إن فيه شي مش عاجبني ؟؟ ليش ؟؟ يعني ما افكر بالحياة معاها أو إن حياتي بتتغير معاه لا أفكر بصفاته .. وأبكي ..

ولكن لما الموضوع ينتهي أرجع عادية .. بس أندم وأقول ليش يا فطومة تبكين ؟؟ ليش تتصرفين بها الشكل ؟؟


الله يخليكم خبروني .. ليش أنا جذي ؟؟؟ ليش أبكي ؟؟؟
@
بصراحة انا مش عارفة انتى لية بتعيطي

لكن انا من راى انك تفكرى بعقلانية بدل البكاء ,, بمعنى شوفى عيوبة وفكرى فيها ,, ياترى هتقدرى تعيشي معاة على عيوبة ,,, ولا عيوبة هتتعبك وتضايقك

وعلى اساس التفكير والقرار اللى هتوصلية تقدرى تقررى ازا كنتى هتكملى معاة ولا لا

لان البكاء لا هيقدم ولا هياخر ومش هيفيد

والاحسن من كل دا انك تتجهى لربنا وتصلى استخارة ,, وتقرى قرآن كتير واللى ربنا كاتبهولك هتشوفية

ربنا يكتبلك كل خير
م
دخلت هنا عشان أسلم عليك فطومة لما شفت اسمك .. و أسأل الله لك التوفيق
ا
نصيحه مني الحياة معاك مستحيل تستمر مايصير ياحبيبتي ننظر للعيوب
مستحيل تعيشين بهطريقه ماراح تتغير حيااااااااتك لازم نصير قويات الحياه مو سهله
وانا تزوجت زوجي وانا ادري انه عصبييييييييييييي حده ولكل قالي هالشي وامي بعد وابوي
لكن تتوقعين ايش لما اخذته؟

طلع يجنن ومستحييييييل يصرخ علي لي من تزوجت سنتين ونص وحياتي ولا اروع وياه حياة سعيده ولكل يقولي حتى الي يسافرون معنا يسألونا شلون انت مبسوطين شذي شتاكلون! شنو هالسحر الي سحركم الحمدلله الجمدلله

عشان اكون منصفه لعصب مارد عليه ابد بس للضروره اذا حسيت لازم ارد وبس


انا ضربت لك مثال نفسي
وجربي لازم تقدرين تتقبلين خطبيك بعيوبه وتتحملين الحياه احنا نسهله ونصعبه على انفسنا
ف
مريــم نور;7953047:
دخلت هنا عشان أسلم عليك فطومة لما شفت اسمك .. و أسأل الله لك التوفيق



والله مشتاقة لتعليقج .. وردج يا مريم .. حتى لو رايج ضد رايي أنا بتقبل عادي .. بس أبغي رايج .. والله مستاقه لتعليقج إللي يغلب عليه طابع الصراحة ...
ف
اميرة الثلوج;7953928:
نصيحه مني الحياة معاك مستحيل تستمر مايصير ياحبيبتي ننظر للعيوب
مستحيل تعيشين بهطريقه ماراح تتغير حيااااااااتك لازم نصير قويات الحياه مو سهله
وانا تزوجت زوجي وانا ادري انه عصبييييييييييييي حده ولكل قالي هالشي وامي بعد وابوي
لكن تتوقعين ايش لما اخذته؟

طلع يجنن ومستحييييييل يصرخ علي لي من تزوجت سنتين ونص وحياتي ولا اروع وياه حياة سعيده ولكل يقولي حتى الي يسافرون معنا يسألونا شلون انت مبسوطين شذي شتاكلون! شنو هالسحر الي سحركم الحمدلله الجمدلله

عشان اكون منصفه لعصب مارد عليه ابد بس للضروره اذا حسيت لازم ارد وبس


انا ضربت لك مثال نفسي
وجربي لازم تقدرين تتقبلين خطبيك بعيوبه وتتحملين الحياه احنا نسهله ونصعبه على انفسنا



لا إنت ما فهمتيني .. ما في خطيب ولا شي .. يا ريت كان في خطيب أو معرس .. يالله فال خير منج الغالية ..

.. بس أنا أبغي أعرف هل هذا طبيعي .. إني أبكي كثير لما أعرف إن فيه شي مب عاجبني في الشاب إللي متقدم لي !!!! .. ليش أبكي ؟؟؟ حتى لدرجة إن شكلي يكون مكتئب وايد .. ليش .. أبغي حد يخبرني هل هذا طبيعي ؟؟؟؟
و
حبيبتي طبييييعي وفوق الطبييعي كمان
انا كنت مثلك قبل لا انخطب سبحان الله
انتي تحسين بضغط اهلك ونظراتهم وحيرتهم عليج
تحسين بضغط الخوف من المجهول
اسبابك نفسية يعني ماله داعي القلق والخوف و وضعج طبيعي لانك انسانه حساسه
حطي في بالك ان كل وحده ما تاخذ غير نصيبها .. اللي كاتبلها اياه ربها
يعني لفيتي ولا درتي ولا صحتي ولااا هربتي لازم تواجهين هذي الحقيقة المطمئنه وتتذكريها دوم
انا بنت تأخر نصيبها بالنسبة لبنات جيلها مع اني مو كبيرة لكن كل قريباتي وصديقاتي ملكو وانا تميت اخر وحده .... وكنت ارفضهم كلهم وكان عندي نفس خوفك وعشت ايام انضغطت فيها نفسيا ... الي تقدملي يعجب اهلي بس ما يدخل مخي ... واعاندهم رغم كل شي ويتم البيت كله نكد يومين واحيانا اسبوع ... لكن الحمدلله صبرت صبرت واستعنت بسورة البقرة وفي الاخر نلت.. خطيبي الحين انسان يخاف الله فيني ورجل بكل معنى الكلمة وبشهادة الكل ماشالله اللهم صلي على سيدنا محمد ... وعلى نيتك بتلاقين حبيبتي في الاخر صدقيني وهذا كله بينتهي وبتضحكين عليه في المستقبل ... الله يهداك ويسر امرك وامر البنات كلهم ....
u
الغاليه ..

يمكن البنات ماشاء الله تبارك الله يساعدونج بالنصايح بس للامانه اختي

اكثر شخص يساعدج هو 2 الاخصائيه الاجتماعيه .. وحاليا متواجده معانا وعندج .. تشوفين دكتور نفسي مناسب او دكتوره نفسيه يكون افضل ويفضل يكون اخصائي استشاري في ماقبل الزواج هو ابخص بحالتك ويقدر يفسرها لك عدل ..

بالنسبه لي ماقدر ارجح حالتك النفسيه الي تصيدك يمكن انتي تحسينها شي لكن عقلك الباطن خايف من شي ثاني او متوتر من شي ثاني يمكن حياه والدتك الزوجيه ماعجبتك فكأثر نفسي لاشعوري انتي تبكي لانك يمكن تشوفين عيوب ابوك في خطيب المستقبل كل الي اقوله مجرد تخمينات .. لا اقل ولا اكثر ولا استطيع ان افتي في حالتك ..

لكن اسأل الله ان يهديك ويطمن قلبك .. ,لا تنسي كل شي قسمه نصيب يعني لو يجك اجلح املح احول وترتاحين له .. راح تاخذيه :) امزح بس

ام جنى
ف
Noor1979;7954082:
الغاليه ..

يمكن البنات ماشاء الله تبارك الله يساعدونج بالنصايح بس للامانه اختي

اكثر شخص يساعدج هو 2 الاخصائيه الاجتماعيه .. وحاليا متواجده معانا وعندج .. تشوفين دكتور نفسي مناسب او دكتوره نفسيه يكون افضل ويفضل يكون اخصائي استشاري في ماقبل الزواج هو ابخص بحالتك ويقدر يفسرها لك عدل ..

بالنسبه لي ماقدر ارجح حالتك النفسيه الي تصيدك يمكن انتي تحسينها شي لكن عقلك الباطن خايف من شي ثاني او متوتر من شي ثاني يمكن حياه والدتك الزوجيه ماعجبتك فكأثر نفسي لاشعوري انتي تبكي لانك يمكن تشوفين عيوب ابوك في خطيب المستقبل كل الي اقوله مجرد تخمينات .. لا اقل ولا اكثر ولا استطيع ان افتي في حالتك ..

لكن اسأل الله ان يهديك ويطمن قلبك .. ,لا تنسي كل شي قسمه نصيب يعني لو يجك اجلح املح احول وترتاحين له .. راح تاخذيه :) امزح بس

ام جنى



خبريني منو الاخصائية الاجتماعية إللي متواجده معانا ؟؟؟ عشان أرسل لها مشكلتي ... انا صدق بحاجه لها .. بحاجه لمن يحلل إللي أمر فيه لما أسمع بخطيب على أطول أبكي لاني أكون خايفة من صفات ما تعجبني وأهلي يعجبهم وما أقدر أقول لا ولا أقدر أقول نعم ...
ر
اختي فطومه الله يكتبلك اللي فيه الخير
حبيبتي انصحك بقراءة سورة البقره كل ليله وحصني نفسك بالاذكار واكثري من الاستغفار وان شاء الله ربي يوفقك ويرزقك بالزوج الصالح
تقبلي مروري
دمتي بود..
X