احس اني غبيه!!

تفاحة حمراء 02-12-2008 23 رد 1,814 مشاهدة
ت
السلام..

بدخل في الموضوع على طول لا يطير من راسي من الغباء

انا كنت طول عمري الطالبه المثاليه الشاطره ودائما الاولى على المدرسه .. لما خلصت ثانويه ظليت سنتين في البيت وبعدين بدأت الجامعه ومعها بدأ الغباء..

اول شي صار عندي ملل من الدراسه بشكل مو طبيعي ولا اطيق افتح كتاب وكان عندي ثقه مو طبيعيه بنفسي اني اقدر اذاكر الكتاب كله في ليله وحده (مثل ايام الثانوي) وما حطيت في بالي ان الدراسه بالانجلش والوضع يختلف.. وظليت على ثقتي بنفسي الزايده لحد ما اخذت ازفت الدرجات والمصيبه اني اخذت D في ماده من المواده ما قدرت اتحمل هالشي .. انا اللي طول عمري المدرسات يتكلمون عن ذكائي اوصل الى هذه المرحله ..

للاسف ظل هالموضوع حره في قلبي وحسيت اني غبيه و لما بدأ السمستر اللي بعده جاولت اتغير شوي وصرت اذاكر على الاقل ايام الاختبارات( وكنت اذاكر بذمه لمده ساعات ) بس الدرجات بعدها زفته وزاد شعوري بالغباء وتأكدت اني غبيه فعلا
وهذا الشي هز ثقتي بنفسي كثيييييييييير وصرت احس بعض الاوقات اني اكره نفسي من شده الغباء اللي انا فيه

بلببببز بنات ساعدوني اتخلص من هالشعور وارجع لطبيعتي وارجع ثقتي بنفسي .. بلييييز قولوا لي اي شي بدون مجاملات على الاطلاق .. يمكن اصحى

تحياتي..
ب
محشومة أختي من الغباء

طبعاً اللي حصل لك عادي جداً لأن البعض يظن إن الجامعه نفس المدرسة طبعا ً( لا) هي أصعب
ويمكن صابتك عين أو محسودة
لاسمح الله ..

ذكري الله ولا تفكري بالشي هذا واعرفي انك تقدري تتخطي هالمرحلة وراح تتخرجي بإمتياز بس لازم تهتمي بدروسك ..

ربي يوفقك ويسعدك ..
ب
انتي مو غبيه بس صادج كسل من القعده بالبيت وبعدها ابتدت الدراسه وكنتي تفكرين الجامعه مثل المدرسه

بس انتي ذكيه ماشاء الله عليج .. اقرئي المعوذات يوميا وابتدي حطي على روحج في الدراسه زين ما زين وقولي ابي اصير مثل قبل ومع المحاوله بتصيرين احسن من الثانويه بوااايد

بس اهم شي العزيمه موجوده

وتوكلي على الله في كل امورج وبتلاقين كل شي سهل

مو بس تذاكرين للاختبارات المفروض تكونين مراجعه الدروس اول باول

والله يوفقج
ك
لا لا يا تفاحة لا تفكرين بهالطريقة
شوفي الغبي.. ممكن يتطور ويصير ذكي...
بس الذكي عمره ما يصير غبي يا حياتي .. صدقيني

هذا إسمه تغيير مرحلة يعني نظام جديد ويحتاج وقت للتأقلم معاه.. في ناس ما شا الله بسرعة تتأقلم وتتكيف وتحسن طريقة دراستها مع ما يناسب النظام الجديد.. وفي ناس تحتاج شوية وقت... هذا كل الموضوع.

يعني الغباء ماله دخل بالسالفة نهائي ؛)

بقولج قصة وحدة أعرفها وأنا عشت معاها هالفترة.. أول كورسين بالجامعة درجات نازلة ونفسيتها تعبت وصارت تشك بفهمها وبنفسها وزعلت وايد على هالشي... بعدها توكلت على رب العالمين وكثفت جهدها للدراسة والتلخيص والمراجعة.. وتخرجت الحمدلله بامتياز ومرتبة شرف مع القلائل من أشطر وأذكى البنات في دفعتها..

والله أنا كتبت لك عشان تتشجعين وتعرفين أن كل شي يصير إذا توكلنا على الله وما استسلمنا وبذلنا كل جهدنا....

بعد عمري ضحكتيني ألحييين فجأة صرتي غبية؟؟؟!!!! شو هالحكي ؟؟؟ لا تقولين عن نفسك هالكلام مرة ثانية... أنا ما أرضى؛)
.
حبيبتي لا تنسين انك قعدتي سنتين في البيت ,,

بعدين اذا انتي تقولين عن نفسك غبيه اش تبغين يقولون عنك الناس ؟؟؟؟

اذا انتي ما قدرتي نفسك وقدراتك " مو ثقه زائده مجرد تقدير " وحاولتي تحسنين مستواك وتقللين من الثقه الزائده بالنفس راح تحصلين نتيجه باذن الله ,,,

ولا تقولين عن نفسك غبيه مره ثانيه احد عاقل يحط من مستواه كذا ؟؟؟؟؟


ل
حبيبتي إنتي عارفة إنك إنتي مش غبية بس يمكن الفرع اللي إنتي تدرسيه مو عاجبك حاولي إنك تغيري التخصص وتدري حاجة تحبينها
الله يوفقك
ج
شوفي تفاحه انتي مو غبيه واتمنى هالشي يكون ببالك طيب فكري وقولي بنفسك لو اني غبيه كيف طلعت من الاوائل بالمدرسه انتي اللي ينقصك الحين شوية ثقه بنفسك انا انصحك بشي انا مجربته لاني مثلك كنت بالمدرسه حيل شاطره ومن دخلت الجامعه طلع علي 5 مواد شوفي الصدمه كيف وش اللي سويته صرت اخذ شهاداتي ايام الثانوي اشوف نسبتي كم وكم الدرجات اللي اخذتها واحس اني شاطره ويجين دافع اني ابي ارجع لايام اول ويوم جات االختبارات صرت قبل لاابدا اذاكر الماده اقرا من القران صفحتين او ثلاث اي سوره بس ابداي من الاول منها تختمين القران وابداي ذاكري وربي انه راح تتغير طريقه مذاكرتك وحياتك وتقولين جادور قالت ووقفي من المذاكره وقت ماتحسين انك خلاص ماتستوعبين شي خذي بريك بس لايتعدى الخمس دقايق لانك لو طولتي عن كذا راح تتكسلين ومالك نفس تذاكرين وبالتوفيق ياقلبي واسفه على الاطاله
@
بقعة ضوء;7951167:
محشومة أختي من الغباء

طبعاً اللي حصل لك عادي جداً لأن البعض يظن إن الجامعه نفس المدرسة طبعا ً( لا) هي أصعب
ويمكن صابتك عين أو محسودة
لاسمح الله ..

ذكري الله ولا تفكري بالشي هذا واعرفي انك تقدري تتخطي هالمرحلة وراح تتخرجي بإمتياز بس لازم تهتمي بدروسك ..

ربي يوفقك ويسعدك ..



(y)(y)

ربنا يوفقك وينجحك
ا
[GRADE="00008B FF1493 008000 4B0082"]
حبيبتي انتي مو غبيه واكبر دليل نجاحك بالثانويه الغبي عمر ما كان صقوطه غبى لا
يمكن نفسيتك تعبانه اثرت على دراستك ولئنك اوهمتي نفسك انك غبيه اكيد بتهيا لك انك غبيه
وتصيري مومركزه بالكتاب كل تركيزك على ليش انا غبيه وانا غبيه وش صار فيني والى الخ.....
حاولي قدر المستطاع انك تشجعين نفسك على نفسك واتمنى لك النجاح بالدارين
[/GRADE]
ت
عزيزاتي .. ما تصدقون اش كثر اثر فيني كلامكم وتشجيكم ...
ان شالله راح احاول على قد ما اقدر اطبق نصايحكم و ربنا يقدم اللي فيه الخير
مشكوره على مشاركتكم لي همي .. وتدرون ما حسيت ان كلمه غبيه كبيره الا من ردودكم ..
ان شالله تنمسح من قاموسي خخخ .. شكرا شكرا شكرا
N
ما تخاطبي نفسك بطريقه سلبيه صدقينى بعدين فعلا رح تتأثري فيها وينزل مستوى اكثر فأكثر خاطبي نفسك بطريقه ايجابيه واتحديها وربنا يوفقك
*
انا مع اختي دموع الكوثر
انتي مو غبيه بس قعدة البيت هي اللي سوت فيج جيه ..
تعوذي من ابليس وحطي في بالج انج ذكيه .. وان انتي تقدرين تحطمين كل الدرجات اللي مو حلوه اللي جبتيها

الله يوفقج يارب(f)
دموع الكوثر;7951202:
انتي مو غبيه بس صادج كسل من القعده بالبيت وبعدها ابتدت الدراسه وكنتي تفكرين الجامعه مثل المدرسه

بس انتي ذكيه ماشاء الله عليج .. اقرئي المعوذات يوميا وابتدي حطي على روحج في الدراسه زين ما زين وقولي ابي اصير مثل قبل ومع المحاوله بتصيرين احسن من الثانويه بوااايد

بس اهم شي العزيمه موجوده

وتوكلي على الله في كل امورج وبتلاقين كل شي سهل

مو بس تذاكرين للاختبارات المفروض تكونين مراجعه الدروس اول باول

والله يوفقج
أ
كلها مسأله وقت
وبعدين لا تنسين
انج يلستي بالبيت
سنتين

والله يوفقج
أ
أختي الذكي عمره ما بيتحول لغبي

انتي مش غبية ... انتي كسولة :)

الجامعة مهما كانت سهلة بتحتاج ساعات مذاكرة أكتر من المدرسة بكتير ... وبتحتاج مذاكرة من بداية السنة مش فقط أيام الاختبارات

أعتقد الموضوع مش هيكون صعب عليكي لأنك متعودة على التفوق ابتدي بوقفة مع النفس وابتدي ذاكري كويس وإن شاء الله مش تشوفي غير النتائج اللي تبسطك وترفع راسك :)
R
البنات ماااقصروو بردووودهن وربي يباارك فييهم
حاولي لاتربطين الثنويه بالجامعه اتبعي اسلوب اخر بالمذكره يعني مو مثل الثانويه تلتزمين بالكتاب الي عندج وبس لااااا حاولي تتحررين اذا ماعرفتي من كتاب المقرر الجاي الى المصدر او اي كتب اخرى وربي يوفقج الجامعه مرحله مستقله عن باقي المراحل الساااابقه بطريقة المذاكره وطريقة الوصول للنجاح
موفقه اختي
ش
الله يسر امورج ويوفقج
ب
اختي انا مثل حالك بالضبط لكن الفرق اني مواصل دراستي ما جلست بالبيت سنتين
بس اتوقع انة قلة العزيمة عدم الاهتمام ولا مبالا تاثر
انصحك تنظيم جدول للدراسة و تستفيدين من افكار و خبرات الاعضاء في قسم منتدى عروس
P
نفس حالتي!!اجلت سنة ونص دارسه ودخلت على الفاونديشن وكانت اموري تمااام..بس مجرررررررررررررررررررد مادخلت التخصص مافهم شي!! ولله احس عمري غبيه .. ودايماً اقول عن نفسي اني شاطرة بالحياة العامة لاكن مافي الدراسة .!! واحس مو عيب الغبي بالدراسة وناسة هههههه .. المهم النجاح ..it`s from my opinion
ع
أستعيني بالله

يمكن كنتي تستعيني بالله بإخلاص وضمير أيام المدرسه أكثر

أتوكلي على الله وادعي كتييير قبل الدراسه وبعد الدراسه وقبل الاختبارات

والله يوفقك ياعسل

أنا والله اقولك عن تجربه

اول سنه في الجامعه نزل مستوايا كثييير

بعدين انتبهت على نفسي اني فعلا اعتمادي على الله قل

ودعائي قل

ويقيني فيه انه هو وحده اللي يوفقني ويساعدني ويعطيني الدرجات قل

:(


من بعد ما اكتشفت استغفرت ربي

وصرت احاول انه يكون كل أملي فيه

وأبذل الأسباب بضمييييير

وأدعي بإخلاص وتذلل


والحمد لله يااااااااااااارب الحمد لله


السنه هذي كرموني مع المتفوقات


:)


يااااااااااااااارب يوفقك ويساعدك ويعينك ويجعلك من الأوائل ياعسوله
د
بقولك مثل مدرستنا مدرسة التربية الاسلامية قالته مرة بسبب طالبتين

وحدة تقول للثانية انتي غبية وماتعرفين شي

الثانية زعلت
ردت هنا المدرسة: فلانه زميلتج لو كانت غبية ما وصلت لثالث ثنوي
عاد شوفي انتي يالي في الجامعة ودخلتيها بمجموووعج الحالي حسب درجاتج بالثانوية هل نقدر نقول عليج غبية؟؟
اكيد لا
انما انتي ابتعدتي فترة عن الدراسة الشي الي طلعج عن الروتين الدراسي هاي سبب كافي انج تكسلين او ما تتأقلمين مع الجامعة خصوصا ان الجامعة مب مثل المدرسة
اختي عليكي بالصبر وان شاء الله بتشوفين هال D بتصير A
وباجر بتقولين عاشقة قالتلي لووووول
اهم شي الصبر وقراءة المعوذات قبل اي امتحاان او مذاكرة كتاب

تقبلي حبيبتي مرووووري
X