اسعار القاعات بمصر بالتفصيل- جديد

manyaa;8418028:
أيييييوة يا رييييييييييييييييييييت تحكيليييييي حتى لو على الخاص الفرح كان عامل ازاي بالضبط من اول الزفة لحد ما روحوا ... و عايزةأعرف ايه الأغاني اللي شغلوها بليييييييييييييييييييييييييييز ارجووووكي انا عايزة اعمل فرحي كدا بس كل اللي حوالي بيقولولي مش حيطلع حلو و حيكون ممل...

انا اسفه والله يا manyaa لانى مشوفتش طلبك غير دلوقتى :(

بصي ياستى
اول حاجه كانت الزفه بس انا مش عارفه هيا بدءت ازاى لانى كنت بركن العربيه بره :( وملحقتش وهيا نازله
بس الزفه لطيفه بياخدوكى من تحت لحد ما تطلعى على السلم
تطلعى .. العريس والعروسه بيختفوا كالعاده واحنا دخلنا لوحدنا وبعد كده هما دخلو
هيا كانت مشغله اغنيه عجيبه لماجده الرومى انا مش عارفه اسمها بس كانت بتقول كلام حلو ... هيا عن ام بتوصى بنتها بفرحها والحاجات دى ونصايح حاجات كده بس اغنيه اموره ممكن ابقى اجبلك اسمها بس عجبت الناس كلها
وبعد كده قعدنا كلنا والنور اطفى
وهما قاموا رقصوا سلو بس رقصه واحده فقطط
وبس
وبعد كده قعدنا نتصور معاهم وكان الدى جى شغال مع نفسه بس محدش بيرقص خالص
وقامو بعد كده يتصوروا مع الناس على الطرابيزات ويتعرفوا علينا وكده .. يعنى العريس يعرف عروسته على اهله كلهم والعروسه كذلك
وبعد كده حركه الصور بتاعتهم وهما صغيرين دى لحد كتب الكتاب
وبعد كده كان البوفيه
قامو افتتحوا البوفيه وقطعو التورته ... اجمل حاجه كانت تقطيع التورته كانت مميزه اوى وكانت حلوه بصراحه اوى ماشاءالله ورمت بعد كده البوكيه :D انا اللى اخدته :D:D مع انى مخطوبه بس زقونى علشان اقف قولتلهم بلاش قالولى اقفى بس .. بس ده العادى عندنا كل بنت بتتجوز بترمى الورد دايما بتاخده البنت المخطوبه بعدها .. وبتتجوز بعدها .. بس والله من غير اتفاق بس قعدنا نفتكر لاقيناها كده ...
ماعلينا

بس بعد كده كان البوفيه
وكان على ناحيتين
وكان بجد الاكل واو ... اول مره فى حياتى اكل فى بوفيه زى ما اكلت يوم الفرح ده
بجد ماشاءالله الاكل طعمه حلو .. تحبى كده تاكليه .. وكانت الحلويات برده حلوه اوى
هوا كان اوبن بوفيه

وبعد كده هما طلعو بره شويه مع نفسهم طلعنا وراهم وقعدنا بقى نهزر معاهم وكده ونكتبلهم فى الويندج بوك بتاعهم وكده
وبس
دخلنا بقى
راحو شدين العريس وقعدو يرقصوه شويه ... ولاد مع بعضهم .. وشالوه وحدفوووووو للسقف ... :D كان شكله يفطس من الضحك .. كان خايف ياعينى

بس بعد كده اتصورنا كلنا صوره واحده .. كل اللى فى الفرح حوالين العريس والعروسه وطلعت صوره (y)
وبعد كده الدى جى مشى بقى وقفل والفيديو كمان
بس احنا فضلنا قاعدين معاهم لحد ما الناس مشيت واخدناهم ووصلناهم لحد الاسانسير وسبناهم بقى ومشينا
:D معرفش بعد كده ايه اللى حصل :D

لو عايزه تفاصيل تانيه قوليلى يا جميله
بس والله مش فاكره اغانى ايه اللى اشتغلت لانى اصلا مش بسمع اغانى ومش بحفظ اوى

ربنا يعطيك العافية...

ورحت شوفت نادى 6اكتوبر اللى كتبت اسعارو هنا
هو كويس والاسعار رخيصه اوى فعلا بس القاعات كانت مفروشه بس الفرش من نضيف اتسرعت صراحه الراجل قال هى كده دلواتى عشان مش فيها فرح وقت الفرح كلو بيتغير وبيتنضف
وشوفت فيهم قاعة الياسمين بتاخد 180فرد وتعمل كلو بالاكل عباره عن 2جاتوه و2ساندوتش واحد فراخ بانيه وتانى جبنه رومى وبيبسى 4650ج

بس للاسف مش صورتها لانو كنا مستعجليين

شوفتوا انا اللى بدور لاختى والناس افتكرتنى انا العروسه والهانم اعده فى البيت ومش راضيه تنزل هههههههههههههههههه

بنات لو سمحتم سؤال ضروري ...البوفيه ف قاعات الاسلحة والذخيرة والامداد والتموين
ايه نظامه؟؟؟ ايه رايكم فيه حلو ولا لا

بجد انتو هايلين انا مش عارفة من غيركوا كنت عملت اية بس ادعولى اخويا ينزل من السعودية عشان احجز معاد الفرح

لو سمحتم ياقمرات كنت عاوزة أسأل لو عاوزة اكتب كتابي في قاعة للنساء والرجال يكونوا في جنينة تبع القاعة عشان انا منقبة بس القاعة متكونش كبيرة قوي هل ده ممكن يتوفر في مسجد يعني يلحق بيه قاعة حلوة وجنينة ولو في مكان غير المسجد ممكن اعمل الفرح ده فين ويكون حلو وسعره معقول

taky21;8776873:
لو سمحتم ياقمرات كنت عاوزة أسأل لو عاوزة اكتب كتابي في قاعة للنساء والرجال يكونوا في جنينة تبع القاعة عشان انا منقبة بس القاعة متكونش كبيرة قوي هل ده ممكن يتوفر في مسجد يعني يلحق بيه قاعة حلوة وجنينة ولو في مكان غير المسجد ممكن اعمل الفرح ده فين ويكون حلو وسعره معقول

انا مش فاهمة انتى قصدك ايه انا هقولك على اللى فهمتة و معلش لو كنت فهمتك غلط
انتى منقبة طب مالى هيكتب الكتاب مأذون راجل ولا انتى قصدك انك متحضريش كتب الكتاب اصلا و تقعدى انتى فى القاعة و هما يكتبوا الكتاب فى الجنينة فلو ده قصدك انا مشفتش حاجة كدة

بس انتى ممكن تروحى مشيخة الازهر فى قاعات صغيرة فى مبنى و حوليه فى مكان فاضى بس مش جنينة زى باركينج للعربيات بس الناس بتقف فيه عادى و اصلا كتب الكتاب مش بيقعد كتير حوالى ساعة و اقل كمان صاحبتى كانت حاجزة القاعة ساعة الا ربع
فلو انتى قصدك ان بعد كتب الكتاب تخرجوا الرجالة عشان تقعدى مع البنات ممكن يقفوا برة بس مش هتلحقوا تقعدوا كتير لان الحجز بيبقى ساعة تقريبا

و فيه مسجد فى مدينة نصر ابن عمى كتب كتابة فية بس مش فاكرة اسمه كان الرجالة تحت و البنات فى الدور اللى فوق و شايفين الرجالة من فوق يعنى المسجد دورين بس مفيش جنينة انا مش عارفة اوصفلك بس لو ده قصدك قوليلى وانا اسألة اسم المسجد دة ايه

شكرا على ردك أختي keTTey
انا اقصد يوجد بعض المساجد يلحق بها قاعات مناسبات ويسمحوا بها بالاناشيد الاسلامية بيكون فيها النساء والعروسة بتكون معاهم من أول القعدة ومبتروحش عند الرجال خالص هم بيجيبولها القسيمة لحد عندها عشان تبصم يعني أو تمضي وبالنسبة للرجال بيكتبوا الكتاب في المسجد ويأما يروحوا على قاعة تانية ملحقة بالمسجد او بيكون في جنينة حول المسجد بيحطوا فيها كراسي وتربيزات ولو عاوزين يشغلوا اناشيد برضوا عادي وبس فأنا بسأل حد يعرف مسجد ملحق بيه جنينة كبيرة تنفع للموضوع ده عشان موضوع الجنينة ده داخل دماغي وجزاكم الله خيرا

taky21;8780160:

شكرا على ردك أختي keTTey
انا اقصد يوجد بعض المساجد يلحق بها قاعات مناسبات ويسمحوا بها بالاناشيد الاسلامية بيكون فيها النساء والعروسة بتكون معاهم من أول القعدة ومبتروحش عند الرجال خالص هم بيجيبولها القسيمة لحد عندها عشان تبصم يعني أو تمضي وبالنسبة للرجال بيكتبوا الكتاب في المسجد ويأما يروحوا على قاعة تانية ملحقة بالمسجد او بيكون في جنينة حول المسجد بيحطوا فيها كراسي وتربيزات ولو عاوزين يشغلوا اناشيد برضوا عادي وبس فأنا بسأل حد يعرف مسجد ملحق بيه جنينة كبيرة تنفع للموضوع ده عشان موضوع الجنينة ده داخل دماغي وجزاكم الله خيرا

شكرا على ايه احنا اخوات
بس انا معرفش حاجة كدة واول مرة اسمع الموضوع دة
و انشاء الله حد من البنات يكون عارف و يرد عليكى وربنا ييسرهالك و تلاقى اللى انتى عايزاه

taky21;8780160:

شكرا على ردك أختي keTTey
انا اقصد يوجد بعض المساجد يلحق بها قاعات مناسبات ويسمحوا بها بالاناشيد الاسلامية بيكون فيها النساء والعروسة بتكون معاهم من أول القعدة ومبتروحش عند الرجال خالص هم بيجيبولها القسيمة لحد عندها عشان تبصم يعني أو تمضي وبالنسبة للرجال بيكتبوا الكتاب في المسجد ويأما يروحوا على قاعة تانية ملحقة بالمسجد او بيكون في جنينة حول المسجد بيحطوا فيها كراسي وتربيزات ولو عاوزين يشغلوا اناشيد برضوا عادي وبس فأنا بسأل حد يعرف مسجد ملحق بيه جنينة كبيرة تنفع للموضوع ده عشان موضوع الجنينة ده داخل دماغي وجزاكم الله خيرا

اولا بجد جزاكم الله خيرا على الفكره دى (y)
ثانيا
بصى انا اعرف ان فى مسجد فى ارض الجولف فيه الموضوع ده بس مش عارفه اسمه الصراحه
وكمان ابو بكر الصديق فى شيراتون
وعندك كمان اللى انا متاكده انه ملحق بيه جنينه وممكن تتفتح لحاجه زى كده مسجد اسمه بلال فى مدينه نصر
عند وندر لاند -- فى قدامها مكتب مصر للطيران والشارع ده اسمه شارع الدكتور محمد احمد ابراهيم
حتلاقى الجنينه اسمها نجيب محفوظ وحتلاقى المسجد بلال جنبها بالظبط
وحتى فى رمضان بيبقى فى صلاة فى الجنينه لانها لازقه فى المسجد

واللى اعرف برده انه بيتعمل فيه كده مسجد السلام اللى فى ذاكر حسين فى مدينه نصر

بصى يا بنوته انا اعرفهم كلهم بس معرفش تفاصيل عنهم
ولو عرفتى تفاصيل ياريت تفيدينا بيها
(f)

تاكى
انا نسيت اقولك صحيح
فى مسجد اسمه عمر الشربينى فى نفس الشارع بتاع مصر للطيران ده
هوا فعلا كده زى ما كيتى قالت
الرجاله تحت والستات فوق وكمان فى ميزه
ممكن تحت فى ساحه كده
بيقفلوها بالقماش داير داير
وممكن بيقفوا فيها او بيزفوا العروسه فيها وكده
بصى بنات المسجد ده نفسه بيعملو ايه
بيكتبوا الكتاب وينزلو تحت فى الخيمه دى
بياخدو العروسه والبتاعه دى بتبقى مقفوله عليهم
وبيقعدوا بقى يغنوا وبيبقى فى دف وحاجات جمييييييله جدااااااااااااااااااااااااااااااااااااااااااااااااا
انا حضرت هناك كذا كتب كتاب وبسم الله ماشاءالله البنات هناك ملتزمين موت وبيبقوا فرحانين لبعض اوىىىىىىىىىىىىىىىى
بس الحااجات دى كلها بنات المسجد بيعملوها لبعض بس انتى لو معاكى اصحابك وكده ممكن يعملوهالك
انتى عارفه كمان بيزقولها السلم اللى بتتطلع عليها بالزينه والبلالين وحاجات كده جميله

ياريت تعملى حاجه كده والله فعلا ماشاءالله كانت جميله اوى
ده كان كتب كتاب صحبتى وكان ماشاءالله جمييييييييل اوى وبسيط وحلو اوى

totano;7949726:
مرسي يا روزي وربنا يجعلوة في ميزان حسناتك
بس انا نفسي الاقي مكان اعمل في الفرح وعدد الافراد 20 بس بس انا مش حكون محجبه يعني مش عايزة مكان اكون باينه منوة ممكن تقوليلي علي فكرة اعملها وممكن الفندق الي انا حنزل فيه يعملي مكان كده لوحدي انا والعيلتين

:clap::clap::clap::clap::clap:
تسلمووووووووووووووووو يا بنات على المجهوود الرائع
:Za_thanx:

فتافيت السكر;8808162:

السلام عليكم

بجد موضوع جنان تسلم ايديكوا يابنات
حد حضر فرح في دار الضيافه اللي تبع البنك الاهلي المصري؟
ياريت تقولولي رأيكم يابنات

بصي ياقمر

انا لقيت نادي تبع القوات المسلحه في الزمالك علي النيل في ابو الفدا القاعه معقوله بتشيل لحد 150 تقريبا او اقل حاجه بسيطه هيه ايجار القاعه 550 جنيه بس وممكن تجيبي اللي انتي عاوزاه من بره و بيوافقوا انك تعملي كمان حفله بنات بس هما متفهمين قوي ممكن تروحي تتفرجي

flower20009;8727175:

انا رحت النهارده دار الضيافه

اللى فى العباسيه
جمب مستشفى عين شمس التخصصى
وشوفت قاعة حورس كانت بتتوضب لفرح النهارده

القاعه حلوة ونضيفه ومتوضبه كويس اوى
هى بتتاخد لحد 200فرد
كوشةوفيديوميكسروكسوة كراسىوليزر ودخان وتصوير زفاف وفيلم 36صورة ودى جى وسى دى وزفه 13فرد ب 4250
تورته 3ادوار 325
5ادوار ب 575

بوفيهات هاى تى فى ب
13
13ونص
14ونص
16ونص
17.25
20ج

وفيه عشا وفى اوبن بوفيه

و فى حديقة اللوتس الحد الاقصى للتعاقد 120فرد

كوشه وفيديو دى جى وسى دى 1500ج
حديقة البانسيه 300فرد
كوشه وفيديو ميكسر ودى جى وسى دى 2000ج
حديقة الياسمين 300فرد كوشه وفيديو ميكسر ودى جى وسى دى 2000ج
اضافات
فيلم 36صورة 145ج
تصوير زفاف 200ج
زفة دمياطى 320ج

البوفيها فى هاى تى ب 13و13ونص و14ونص و16ونص و17وربع و20ج

وعشاء من 30.80 ج و40.30ج و43.55ج و45.05ج و48.55جو 66.80ج

ومعايا القاعات المغلقه كلها بالاسعار لكن صور بس لحورس
اللى عاوز اى حاجه يقولى وهتكبهالو ان شاء الله
لانو التفاصيل كتيرة اووى
دى صور القاعه

دا وانتوا داخلين القاعه

دى الكوشه من بعيد

ودا ركن فى القاعه

ودى من زاويه تانيه

ودى من زاويه تانيهه

ودا الدى جى والسوند

ودا السقف
مش خليت حاجه ههههههههههههه

ودا شكل القاعه الكراسى بالسقف

وخلاص على كده

اللى تعجبوا المشاركه تقيمنىىىىىىىى

بنات انا عاوزه فرح فى حدود 6 او 7

لانو اختى هتسافر ان شاء الله بعد الفرح ياريت لو تعرفوا اماكن فى الحدود دى ياريت تقولولى

فتافيت السكر;8844660:

هيه دي دار ضيافه الشرطه ياقمر مكانها فين بالظبط ولو معاكي تليفون ياريت تبعتيهولي

لا يا قمر دة دار ضيافة جامعة عين شمس

بنات عايزة اعرف تفاصيل دار الاشارة انتو مش بتتكلموا عليها خالص هى اتلغت ولا اية ههههههههههههه

besannnn;8854142:
بنات عايزة اعرف تفاصيل دار الاشارة انتو مش بتتكلموا عليها خالص هى اتلغت ولا اية ههههههههههههه

ياجمااااااااااعه بليز الي راح الامداد والتموين او الاسلحة واذخيرة يحكيلي نظام البوفيه ايه وكويس ولا لا
ضرووووووووووري