تسنين الأطفال ...استفسار مهم

i wish 01-12-2008 16 رد 1,959 مشاهدة
i
صباح الخير

وكل عام وانتم بخير بمناسبة العيد الله يعيده علينا كل سنة

والف مبروك بمناسبة العيد الوطني بالامارات ..الله يبارك فيكم
انا عندي استفسار مهم :

ولدي عمره 8 شهور تقريبا ولحد الحين ما طلعت له اسنان ..انا مستغربة من هاالشي

اخاف ما تطلعله اسنان :ss::ss: ياريت اطمنوني وتقولولي متى الأسنان تبدا تظهر مع العلم انه يحبي الحين اذا فيه علاقة

ودمتم بخير
B
عادي عزيزتي مش تقلقي ان شاء اله حتطلعله .. ابن خالي طلعلوا علي الشهر التاسع أو العاشر كمان
r
حبيبتي مستعجله عالأذيه ليش ؟؟ هههه
لا تخافي مو كل الأطفال تطلع أسنانهم في عمر 6 شهور
بعضهم يتأخر للسنة أو حتى بعد السنة
ما عليه الا العافيه
ا
عاادي انا ابني قريب يدخل العاشر وبعده وابن اختي سنة وشهرين طلعوا له يفرق من طفل لاخر لاتستعجلي عليهم ترى في البداية يتعبوا شوي
ش
عادي حبيبتي ... ولد أخوي طلعله بعد السنه ...
لا تحاتين ..
ع
شي عـــادي جدا حبيبتي... بس بقولج ويش كنت اسوي مع ولدي
تعرفي زيت الزيتون المخفف للاطفــال كنت اجيب شوي واخلطه مع ماي
شوي وانوم ولدي على بطنـــه وادهن اللثـــة واسنانه طلعوا بسرعـة
بس طبعـا يختلف من طفل الى آخر...
انتي لا تستعجلي على ولدج وما عليه الا العافيـــة....
ف
انا بنتي توها داشة السابع ومافيها ولا سن

عروس جنان اي زيت زيتون دليني عليه اللي غطاه احمر والغرشة ضعيفة والا لا
م
اني كمان ما طلعود اسنان لولدي ترى شيء عادي لا تحاتي شيء طبيعي يختلف من طفل لاخر
ن
امر عادي في اطفال يبو في المشى قبل الاسنان ماتخافي
s
لا تخافين
باذن الله بتطلع له

الاطفال يختلفون بمراحل النمو مب كلهم واحد
ع
فلونة فلونة;7940966:
انا بنتي توها داشة السابع ومافيها ولا سن

عروس جنان اي زيت زيتون دليني عليه اللي غطاه احمر والغرشة ضعيفة والا لا



ايـــوا حبيبتي هو .. زيت زيتون مخفف زين للاطفال...
ف
مشكورة عروس جنان اليوم بسويلها بعون الله
i
الله يريحكن ريحتوني ...

بس اللي مستغرب ة منه انه لثته تالمه من شهرين تقريبا ودايما اقول بتطلعله اسنان بس ما تطلع !!

وعنده اسهال بعد فقلت اكيد بتطلع له اسنان بس ما طلعت لحد ا لحين

بصبر عليه والله كريم

شكرا عرايس
U
i wish;7937413:
صباح الخير

وكل عام وانتم بخير بمناسبة العيد الله يعيده علينا كل سنة

والف مبروك بمناسبة العيد الوطني بالامارات ..الله يبارك فيكم
انا عندي استفسار مهم :

ولدي عمره 8 شهور تقريبا ولحد الحين ما طلعت له اسنان ..انا مستغربة من هاالشي

اخاف ما تطلعله اسنان :ss::ss: ياريت اطمنوني وتقولولي متى الأسنان تبدا تظهر مع العلم انه يحبي الحين اذا فيه علاقة

ودمتم بخير


بنتي طلع لها أسنان وهي بنت عشرة أشهر ونصف وألحين كملت سنه فيها اربع أسنان أو فيه أطفال يكملون سنة والأسنان ما طلعت يعني عادي
ا
مستعجلة على عالعض


لاحقة ان شاء الله
أ
نفس حااااااااالة ولدي بالضبط
نشوف مين يسبق؟؟؟
ا
لاتخافي انا بنتي كملت السنه في عيد الفطر ودوبها تسنن وانا حسب مااعرف واشوف انه الطفل الي يمشي بدري يسنن بعد السنه
X