ظاهره غير طبيــعيه !!!!

نفضة قلب 29-11-2008 37 رد 3,107 مشاهدة
ن
السـلام عليكم و رحمة الله و بركاته ... :Y_hi_3:


شحــالكم و شخباركم .. ؟

حبيت أناقـش قضية البنات الـي يتظاهرون أو يتفشخروون عالفـاضي ... :no:
مثل ماتشـوف حبايبي نحن ف المنتـدى نعرف بعض بـس فالمنتدى يعني بس نعرف النك نيـم لكل وحده و الســلاام ^_^

لاحظت فالفتره الاخيـره في وايد نـاس قامو يتظاهرون بالثراء و انه عندهم و عندهم و كل ماخذت شي بس ماركه يت حطته فالمنتدى مع انه هو مش لهااا اصـلاا عادي يكون لـ اختهاا او بنت خالتها او بنت عمهااأو إلخ ([COLOR=darkorange]و طبعا مانجمع كل البنات :bigsmile: )
مادري ليش هالظاهره منتشـره واااااااااااايد مع انه احس الغنى مش بالفلوس و يوم نشتري الماركات ... ولا الناس بتحبني عسب انه عند فلوس و ابوي فـلان الفـلاني

انا ادرس فالجامعه و عندناا طبقات متفاوته الفقير و الغني و المتوسط
في بنات ويااي عيال شيوخ ماشالله عليهم والله لا يخقون ولا شي بالعكس متواضعين عيال نعمه و شايفين خير ... بس تعالو شوفو بنات الفقر عافان الله من تاخذ لهاا ساعه يت لبستهاا فوق العباه و اخر شي تطلع مال تايلنـد :ss: ابيييه ليش وصلنا لـ هالدرجه

و اذكر مره في وحده معانا كانت دايما تتكلم عندنا و عندنا و ابوي و ابوي مدير ومادري شو و انا مالبس تقليد اخر شي طلع ابوهاا يشتغل فالرسبشن يعني الحيين هالبنت ماتعترف بأبوهاا !!!!!!!!!!!!!!!!! ترا ابوج يشتغل بالحـلال عسب يصرف عليكم و الشغل مش عييب سواء كان شو ... حراام والله :(
و الام الي تتسلف بس عسب ترضـي بنتهااا و تخليهااا كشخه بين اربيعاتهااا هاي البنت ماتستحي من عمرهاا !!! (يقولكم ادين و تزيــن )
ولا تييينا الجامعه وحده كااااااااااشخه و سامته و كل يوم عباه و شنط ماركه و ساعه و ترمس بالماركات و البنات يشاورونهاا ف سوالف الماركات و المولات ابوي عنده و اخر شي نكتشف انه ماعندهاا ولا شي و كل اغراضهاا تتسلفها من عند حد من اهلها ...
والله واااااااااااايد سوالف فالجامعه بس شو بقـول

يقولووون مد ريولك ع قد لحــافك ... سبحان الله النـاس الي شايفه خيـر تنعرف والي مش شايفه خير بعد تنعرف ...
الواحد الي شايف خير و شبعان هالــشي عادي عنده ولا بيرمس انه عندنا و عندنا و سرنا باريس و لندن و مناك هي مب سايره مكان ولا حدها حدها شرق آسيا ...

من فتره كنت أسمع الخليـجيه إذاعتي المفضله كانو يتكلمون عن خقة البنات و الشبــاب حتى كانو يقولون عن الميك أب و العبي و سوالف البنات و كيـفية المبـالغه فـ هالسوالف .. مثلا وحده راتبهاا 20000تفصل عباه بـ 10000 لو تعلقت العباه ف باب و انطرت !!!!!!!! :eek: شو بيستوي راحت الـ 10000 و طار نص الراتب ع شي تافهه !!! جي كانو يتكلمون بشكل صريح مع انه كانت في مذيعه بس بعد كانت تنتقد هالسـوالف ...

الله المستعااان المظاهر قامت تطغي على كل شي و أصبح الناس تقيـمك من جذبك أو كثرة كلامك عن ممتلكاتك ....


أخيـرا بعد ماقلت كل هالكلام أعتبر الوحده الي تبالـغ أو ترسم صورة عن حياتها الشخصيه غير عن الصوره الحقيقه هاي فيها نقـص كبيييييييييييييييير فحياتهاا او وايد طموحه تطلع لـ الهاي أو الطبقه المخملـيه ... :sad:



و السـموحه ...
[/COLOR]
ا
كلااااااااااااااااااامج صحيح 100%


ومشكووووووووووره ع الكلام الناقد الصحيح





تقبلي مروري
ن
هلا حبيبتي إماراتيه عيناويه ...

العفووووو هذا واجبنا يمكن ينتبهون لـ نفسهم أو انهم يتحرون هالشي طبيعي
.
السلام عليكم

صراحه مب بس اللي ما شايفين خير يتصرفون هالتصرف في بنات ماشاء الله بنات عز وعندهم بلاين مب ملايين بس بعد يتخققون

الله يهديهم إن شاء الله

صراحه أنا ما أحب أرابع وحده بتحترمني عشان بيزاتي ولا عشان شو من الماركات ألبس وجي

أنا أحب أرابع البنات اللي يحترموني عشاني عشان شخصيتي وبسسسس

وتسلميييييين
ن
...( هنوده )...

صح كلامج في بعد بنـات من هالطبقه يخقون ...


مشكوره الغاليه ...
م
تعرفي ..

أن اللي يحرص على المبالغة في الظهور يكون عنده شعور فظيع بالنقص .. و يحاول يعوضه بالحلي و الثياب و يلفت أنظار الجميع إليه

هو في قرارة نفسه يحتقرها .. و لا يشعر بالرضا عنها .. و يظن أن كل الناس تنظر اليه كذلك .. فيلجأ الى التمويه و الزيف لاخفاء وجهه الحقيقي الذي يكرهه

هو شخص مسكين في الحقيقة و يستحق الشفقة و الرثاء ..
s
كلامك 100 بالمئه صح اختي

الله يهديهم بس
ع

والله صدقتي بكــــل كلمه قلتيهاااااا
الحين كل الناس تحب المظااهر...الخ!!!
بس ان شاء الله يسمعووون و ياخذوون من الكلاااام اللي قلتيه
جزاج الله خير ...كلااااااامج عدل 100%
الله يعطيج العاااافيه عالمجهووود
لا عدمناااج
ننطر المزيد من مواااضيعج المفيده ...
تحياتي يا حياتي

ع
يا حياتي

اللي عندها وعندها وعندهااا ما تتكلم فيه طول الوقت خلااص لأنه عندها

بس اللي ما عندها شي ... الله يعين

لو ما عندها ستين عقدة نقص ما بتفاخر بشي مو لها

شكرا لك على موضوعك
A
مشكورة حبيبتي

كلامك صحيح 100%

يعني سبحان انا لو ابويا بيتعب ويعاني ويشتغل عشان يجيبلي احتياجاتي يبقى جزاؤه النكران والاحساس بالعار منه

حتى حرام

ربنا يهدي الجميع
&
والله هذا واقعنا ... كل شي ماشي بالمظاهر هالايام .. والسبب .. برأيي نقص في شخصية الشخص

مثل البالون تشوفيه شكله حلو ومنفوخ عشان تنسي او ما تلاحظي ان اللي داخله مجرد هواء...

مهما سوا الانسان عشان يغطي واقعه وحياته مصيره ينكشف اذا ما كشف نفسه .. وغالبا ما يلقى نفسه وحيد

مشكوره عزيزتي عالموضوع
ن
مريـم نور ... :21_86:

مشكووووره الغالـيه ع الاضافه الرائـعه و المميزه ....

و العافيـهم يارب و انا اعرف ناس شخصيا ف هالمنتـدى يسووون نفس هالحركـات بس مادري شو اقولهم ... ماقدر اقوول غير اني صدق أشفق عليـهم ...
ن

sarah_uk


ان شــالله حبيبتي
و مشكوره الغاليه ع المرور الرائع ...
ن


NN1


مشكوووره الغاليه أتمنى ياخذون بكـلامي عاااد ....

و تسلمين ع المرور
ن
fatafeat

صدقتي الغاليـه لانهم شبعانييين من هالسـوالف ...

العفو الغلا و مشكوووره ع الزياره الحلوه ....
ن

sabreen2000

صدقتي والله عاااد كله و الاهـل .... هذي المصيبه الكبييره انهم يشاركون اهلهم فالسالفه ...

مشكوره حبيبتي ^_^
ن


بنوتة مسقط


تسلمييين الغلا ع الاضافه الحلوه ... و لازم بينكشفون الجذب حبله قصييير ^_^
غ
كلامك صحيح ياحلوه الحياه البسيطه بدل النفخه الكذابه مشكلتنا في اللي تغتني بعد فقر ابعدي عنها ,,,,,,,,,يسلموا
ن
غزالــه ...

صدقتــي ... هذيـل نسميهم حديـثات نعمــه ...


مشكوره ع المرور ...
p


قبل لا اعلق على الموضوع
هذي لج


:clap:

عجبتنييييييي شجاعتج

..

انا بعد لاحظت والله مابقولـ بهالمنتدى بمنتديات ثانيه ..

..

اي والله مادري على شنو هالمفوشر !!
شدعووه عااد تره الفلوس وصخ دنيـاا
وهاي كلهاا اشيااء مردها بتروووووووح

..

تصدقين انا مب قاصرني شي وابوي مو مخلي شي في خاطري والحمدلله رب العالمين
بس عمري مافصلت عباه تطق 300 ريال او درهم .. !!
و لا قط شريت بدي او جينز بـ 100 درهم او اكثر !!

والله هااااااااي اشيااء ماتسوه الصراحه انا اشوفهاا
يعني اشيه عاديه بتنلبس و مردج بتقطينهااا
شعليه الخساااير تره والله حرااااااااام

تصدقين يوم الخميس انا رحت مع اختي الموول على قولتكم :tongue:
ودخلت محل شريت 3 قطع من ارووع الملابس والله و كلها اوروبيه
صار علي كاملـ بـ 160 درهم ..

ودخلت محل ثاني شفت بدي عاااااااادي كلش بـ 240 درهم !!
اقولـ والله يعني احس هاي ناس تافهه اللي تشتري بهالاسعاار
لأن صج تعتبر خساير والله مايرضه بالاسرررااف ناس ماعندها تاكل واحناا لعب
تره بيي يوم بيستوي قحط بالدنيـاا وهذي من علامات اخر الزمـاان ..

واصلاً حته لو وحده تشتري ماركات وجي ماله داعي تقولين سعره
حته لو كنتي حاطه موضوع يخص اغراضج بمنتدى ..
بتقولـ، هذي ساعه ديوور و هاي شنطه قوجي و هاي عطري ... إلخ
و كل واحد حاطه تحته خذته بـ 500 درهم و هاي بـ 620 ..
ليش انزين من طلب منج السعر ؟!

انا الصراحه حته لو احط صووري لأغراضي ماتكون ماركات بس عادي عندي احطها
لأن انا ماتهمني الماركه يهمني الشكلـ ..

وتره كل شي ذووق
يعني ساعات اشيااء ماركه وتلوع الجبد
وساعات اشيااء عاديه وكيووووووت تشوفينهاا حلووه

آآسفه اطلت الحديث
بس صج انا انقهر على هالناس
لأني اعتبره تخلف مع احترامي للجميع
:21_140:

..


عساج على القوه
وربي يعطيج الف الف عافيه
وتستاهلين التقييم على هالموضوع الحلوو

(f)
X